විමුක්ති කොටි සංවිධානය 2009 වසරේදී යුද්ධයෙන් පරාජය වුයේ එහි නායිකාවක් වූ ( කර්නල් ) තමිලිනි හෙවත් සුබ්රමනියම් සිවගමි, විසින් ලියන ලද ග්රන්ථය මගින් දක්වන කරුණු නිසා පමණක්ද?
ඇගේ ග්රන්ථය තවමත් ඉංග්රීසියට හෝ සිංහලට පරිවර්තනය කර නැති අතර පුවත්පත් වල පලවූ කරුණු මා මගේ අදහස් දැක්වීම පදනම් කර ගත බව පළමුවෙන් සඳහන් කළ යුතුය. මේ සම්බන්ධයෙන් මේ දක්වා මාධ්ය වල පළවූ විස්තර අනුව LTTE සංවිධානයේ පරාජයට හේතු ලෙස තමිලිනි දක්වන්නේ පහත කරුණුය.
1 දීර්ඝ කාලයක් යුද්ධය ඇදී යාම නිසා සාමාජිකයන් තුල ඇතිවූ යුධ වෙහෙස හෙවත් එපා වීම
2 නායකයන් වයසට යාම.
3 ප්රභාකරන් අවි අත් හැරීමට අකැමති වීම.
4 ආණ්ඩුවේ ඔත්තු සේවා LTTE සංවිධානය තුලට රිංගා තිබීම.
එහෙත් යුධ පරාජයට බලපෑ ඇතැම් ප්රබල කරුණු ඇය සඳහන් කර නොමැත. එයට හේතුව එම කරුණු ගැන ඇය නොදැන සිටීමද? නැතහොත් තවමත් ජීවත්වන පරණ සගයන්ගේ වයිරයට ලක්වීමට ඉඩ තිබෙන බැවින් ඒවා සඳහන් නොකර සිටියාද?
ඇත්ත වශයෙන්ම කොටි සංවිධානයේ පරාජයට ප්රධානතම හේතුව ඉන්දියානු අගමැති රජිව් ගාන්ධි මරා දැමීමය. එම හේතුව නිසා ඉන්දිය ආණ්ඩුවේ පමණක් නොව සමස්ත ඉන්දියානු ජනතාවගේම වයිරයට LTTE ය භාජනය විය . LTTE යේ පරාජය ඇරඹුණේ රජිව් මරා දැමු දින සිටය. එතැන් පටන් ඉන්දියාවේ බලයට පත් සැම ආණ්ඩුවක්ම කොටි සංවිධානය පරාජය කිරීම සඳහා කළ හැකි සියල්ල කළහ. ලංකාවේ ආණ්ඩුවලට ඒ සඳහා දිය හැකි සියලුම ආධාර රහසිගතව දුන්හ. ඉන්දියානු සහය LTTE ට තිබුනේ නම් LTTE මුළුමනින්ම විනාශ කිරීමට 2009 දී ලංකාවේ ආණ්ඩුවට හැකි වන්නේ නැත.
කොටි සංවිධානයේ පරාජයට බලපෑ තවත් ප්රධාන හේතුවක් වුයේ 2002 වසරේදී රනිල් වික්රමසිංහ ආණ්ඩුව සහ කොටි සංවිධානය අතර ඇති කරගනු ලැබූ සටන් විරාමයයි. සටන් විරාමයෙන් පසු පැවති සාම සාකච්චා සඳහා කරුණා සහභාගී වූ අතර නැගෙනහිර පළාතේ කොටි සංවිධානය විසුරුවා හැරීමට ඔහු තීරණය කළේ සටන් විරාමය නව මාවතකට එළඹීමට ඔහු පෙළඹවීම නිසාය. . කරුණා LTTE සංවිධානයෙන් ඉවත් වීම කොටි සංවිධානය බරපතල ලෙස දුර්වල කළේය.
LTTE පරාජයට බලපෑ තවත් ප්රධාන හේතුවක් වුයේ එය ත්රස්ත සංවිධානයක් ලෙස නම් කොට යුරෝපයේ සහ ඇමරිකාවේද තවත් රටවලද තහනම් කිරීම සහ කොන් කිරීමය. ඉස්රායල් යුධ ආධාර මෙන්ම යුරෝපය සහ ඇමරිකාව ලංකාවට දුන් තාක්ෂණික ආධාරද LTTEයේ පරාජයට බලපෑවේය.
පරාජයට බලපැ ප්රධානතම හේතුවක් නම් දෙමල ජනයාගේ සහය එයට ක්රමානුකුලව අහිමි වී යාමය. දෙමල නායකයන් මරා දැමීම , වෙනත් අවි ගත් දෙමල සංවිධාන සාමාජිකයන් ඉවක් බවක් නැතිව ඝාතනය කිරීම , දීර්ඝ කාලීන යුද්ධය නිසා දෙමල ජනයා අසීමිත ලෙස වද වේදනා විඳීම , LTTE ප්රදේශවල පවත්වාගෙන යනු ලැබූ ෆැසිස්ට් පාලනයෙන් ජනයා පීඩාවට පත්වීම ආදී හේතු කොටගෙන දෙමල ජනයාගේ සහය LTTE විසින් අහිමි කර ගනු ලැබීය.
චන්ද්රිකා බණ්ඩාරනායක ජනධිපති වශයෙන් කටයුතු කල සමයේ යාපනය අර්ධද්වීපයෙන් LTTE සංවිධානය පන්නා දැමීමද LTTE සංවිධානයේ අවසන් පරාජයට බලපෑ තවත් ප්රබල හේතුවකි.
LTTE සංවිධානය පරාජය වීමට බලපැ තවත් හේතුවක් වුයේ ප්රභාකරන් යුධ භුමියේ අති දක්ෂයෙකු වවද දේශපාලන උපක්රම පිලිබඳ ඔහුහේ දැනුම බිංදුව වීමය.
LTTE විසින් බෝම්බයක් පුපුරවා යුධ හමුදාපති සරත් ෆොන්සේකා මහතා විනාශ කිරීමට කල උත්සාහයද ප්රභාකරන්ගේ පරාජයට බලපෑවේය.මරාගෙන මැරෙන බෝමබ්යෙන් බරපතල තුවාල ලැබූ ඔහු රෝහලෙන් පිටව ගියේ " LTTE කෙසේ හෝ පරාජය කරමි." යන දැඩි අධිෂ්ටානයෙන් බව කියනු ලැබේ.
මහින්ද රාජපක්ෂ මහතාට 2009 දී යුද්ධය ජය ගැනීමට හැකිවුයේ එවැනි වාසි සහගත කාරණාවල් රැසක් තිබීම නිසාය. ඔහු විසින් ත්රිවිධ හමුදා විසින් ඉල්ලා සිටි සියලු ආධාර නොපැකිලව ලබා දීමත් , අතරමගදී යුද්ධය නවත්වන ලෙස කරන ලද බලපෑම් වලට යටත් නොවීම නිසාත් අවසාන වශයෙන් යුද්ධය ජය ගැනීමට ඔහුට හැකි විය.
තමිලිනී එම කරුණු ඇගේ ග්රන්ථයේ සඳහන් නොකරන ලද්දේ ඇයට එම කරුණු ගැන අවබෝධයක් නොතිබුණ නිසා විය හැකිය යන්න මගේ විශ්වාසයයි. උතුරට කොටුවී සිටි ඇයට LTTEන් පිටත ලෝකයේ සිදුවූ දේවල් සම්බන්ධයෙන් විමර්ශනාත්මකව කරුණු හැදෑරීමට ඉඩකඩක් නොලැබීම එයට හේතුව විය හැක.
Comments
koti alimankada allagena yapanayata enakota Indiawa ahaka bala gatta. Pakistanaya thama e welwe support kare. Anurudda ratwatee sanga wuna weerayek. Eya thama yapanaya watenna node allagena inna kiyala order dunne chandrika hamudwa Colombo walta genna hadana kota.