Skip to main content

පීරිස් සහ ජෝන් ඇනගැනීම




පීරිස් සීයාගේ බේගල් කතන්දර

රහස් පොලීසියට ගෙන්වා ප්‍රසන කිරීම සන්බන්ධයෙන් ජී එල් .පීරිස් මහතාට  යකා නැග තිබේ.රට  රටවල්වල නායකයන් සමග භෝජන සංග්‍රහ වලට සහභාගී වූ ඔහුව රහස් පොලීසියට කැඳවා ප්‍රසන කිරීම ඔහුට කරන ලද  මදි පුංචි කමක් ලෙස ඔහු හිතනවා විය හැක. 

ජී එල් .පීරිස් මහතා දැන් සීයා කෙනෙකි. ඇත්තෙන්ම ඔහු දේශපාලනයෙන් විශ්‍රා ම ගත  යුහුව තිබුනේ ගිය  චන්දයෙන් පසු පාර්ලිමේන්තු අසුනක් අහිමිවීමත් සමගය. එහෙත් මෛත්‍රී  ජනාධිපතිවරයා ඔහුට  ජාතික ලැයිස්තුවෙන් අසුනක් නොදී  පොල්කුඩු ගානට සැලකීම  නිසා ඔහු සිටින්නේ  කේන්තියෙන් පුපුරමින් විය යුතුය. 

චාවකච්චේරියේදී අසුවූ මරාගෙන  මැරෙන ඇඳුම් කට්ටලය ,උණ්ඩ  සහ අනෙක් පුපුරන ද්‍රව්‍ය වැල්ලවත්තට ගෙන ඒමට සැලසුමක් තිබුණු බවට  ඔහු මාධ්‍ය සමග කීම  නිසා එතරම් හොඳින් එම විස්තර දන්නේ  කෙසේදැයි රහස් පොලීසිය විසින් ඔහුගෙන් ඇසීම වැරද්දක් ලෙස  මට  නම් පෙනෙන්නේ  නැත. කළ යුතුව තිබුනේ කැඳවීමට පෙරම දන්නා දෙයක් තිබේ නම් පොලීසියට කීමය.

පීරිස් රහස් පොලීසියට කීවේ  කුමක්ද?

අද( අප්‍රේල් 4 ) Daily News හී පලවී ඇති වාර්තාවකට  අනුව ඔහු CIDට  කියා ඇත්තේ  වෙනත් කතාවකි. අදාළ සිද්ධිය සම්බන්ධයෙන් ඔහු කිසිවක් නොදන්නා  බවත්  චාවකච්චේරියෙදී අසුවූ දේ  ගැන තමනට  තොරතුරු ලැබ දුන්නේ   දිනේෂ් ගුනවර්දන  බවත්  මාධ්‍ය සාකච්චාවේදී  කරුණු දැක්වීමට  සිටියේ  දිනේෂ් බවත් අවසාන මොහොතේ එම වගකීම තමනට පැවරු බවත්ය. වීරවන්සද  එවැනිම  කරුණු  ප්‍රකාශ  කල බවත් ඔහු රහස් පොලීසියට  කියා  තිබේ.

පීරිස් මහතා  කියන්නේ  ඇත්තදැයි සොයා  ගැනීමට වීරවංස  සහ  දිනේෂ්ව CID කැඳවීමට දැන් තීරණයක් ගෙන තිබේ.

ඇත්තෙන්ම මෙය  හොඳ තත්වයකි.  පීරිස්  මහතා  කිසිදු පදනමක් නොමැතිව   කටට  ආ දෙයක් කියා  තිබෙන බව  මේ  ප්‍රසන කිරීම නිසා හෙළිවිය. 

ලංකාවේ  දේශපාලනඥයෝ  බොහොමයක් බොරු කියා  මහජනයා  නොමග  යවන අතර ඔවුන් කියන්නේ  ඇත්තදැයි  දැයි රජයේ  ආයතන හෝ මාධ්‍ය  විමසන්නේ  නැති බැවින් මෙතෙක් කලක් ඔවුහු  එය දිගටම නිදහසේ  කරගෙන  ආහ. මහජනයා නොමග  යවන දේශපාලුවන් ගෙන්   ආරක්ෂක අංශ මෙසේ ඉදිරියටත්  ප්‍රසන  කරන්නේ  නම් ඔවුන් ප්‍රකාශයක් කිරීමට පෙර දෙවරක් හිතනු ඇත.

ජෝන් ගෙදර යැවිය යුතුද?

 ජෝන් අමරතුංගට  යහපාලනයට  හැඩ ගැහීමට බැරි මැර ඇමති කෙනෙකු බව  ජනවාරි 8  න් පසු දෙවරක් ඔප්පු වී තිබේ. පළමු සිද්ධිය වුයේ  මෛත්‍රීපාල සිරිසේන මහතා  ජනාධිපති ලෙස තේරී පත්වූ අලුතය. පොලීසිය භාර ඇමති ලෙස පත්වූ  අමරතුංග මහතා වත්තල ප්‍රාදේශීය සභාවට  ගොස් එහි UNP මන්ත්‍රී වරු හමුවූ අතර  ශ්‍රී ලංකා නිදහස් පක්ෂයේ  මන්ත්‍රීවරුන් කරන අසාධාරනකම් ගැන ඔහුට  පැමිණිලි  කල අතර "කැමති දෙයක් කරන්න' යැයි කියා ජෝන් පිටවී ගිය   විගසම යුඑන්පී කාරයෝ ශ්‍රී ලංකා නිදහs පක්ෂයේ  ප්‍රාදේශීය සභා  සභාපතිට සහ තවත් මන්ත්‍රීවරුන් කීප දෙනෙකුට පහර දුන්නාහ.

එම පහරදීම සිදු වුයේ ජෝන්ගේ ධයිරයමත් කිරීම නිසා බවට සැකයක් නැත.

දුවන මලුව විනාශ කිරීම 

වත්තල කළු  ඇල  දුවන  මලුව මහා රැ හොරෙන් කඩ දැමීමට   ජෝන් අනුමැතිය දුන් බව ඔහු  කියා තිබේ. එය කැඩුවේ  පාරක් හැදීමට බව ඔහු කීවත් ඇත්ත  වෙන එකකි. එම ඉඩම අයිති සමාගම හදන  නිවාස  ව්‍යාපෘතියට දුවන මලුව  බාධාවක්  වීම නිසා එම  සමාගමේ  ඉල්ලීම අනුව එය  කර ඇති බවට  අපට සිතා  ගැනීමට  අපහසු නැත.

 මහින්දගේ   කාලයේ ලක්ෂ 80 ක් වැය කොට එම මලුව  සාදා තිබෙන්නේ  ඉඩම  අයිති සමාගමෙන් අවසර නොගෙන බවත්  එය  කඩා  බිඳ දම  තිබෙන්නේද ඔවුන්ගේ  අවසරයක්  නොමැති බවත් එබැවින් ජෝන්ට විරුද්ධව  අපරාධ චෝදනාවක්  එල්ල කල නොහැකි බවත් කියමින්  එම සමාගමේ නීතිඥයෝ ඊයේ  ජෝන් වෙනුවෙන් නිදහසට  කරුණු  අනියමින්   කිහ.

වෙනත් අයෙකු මේ අපරාධය කලේ  නම් මෙලහකට  රිමාන්ඩ් එකේය. එහෙත් ජෝන් නම් වෙනද මෙන්ම   සුවසේ පසුවේ.. විමල් වීරවංසට  ජෝන්ට නීතිය  ක්‍රියාත්මක වන්නේ  නැත්තේ මන්ද?

මේක යහපාලන ආණ්ඩුවක් නම් ජෝන්ව වහාම අත් අඩංගුවට  ගත යුතු  පමණක් නොව අලාභයද  අය  කර ගත  යුතුය. යහපාලන  ආණ්ඩුවක ඇමති කමක් දැරීමට ඔහු නොසුදුසු බව  ඔහු දැන් දෙවරක් ඔප්පු  කර තිබේ.

මොහුට විරුද්ධව  රනිල් පියවර  ගන්නේ  දැයි අපි බලා සිටිමු.



 











Comments

Lalith said…
ජි ඇල් පප්පා චන්දිරිකා සමග එකතුවී 3.50ට අපිට පාන්දුන්නා මතකද???
ලංකාවේ මහාචාර්යවරු අමු හරක් කියලා ඔප්පු කරන්න තවත් උදාහරණ අවශ්‍යද... මූ උපදෙස් ගන්නේ වීරවංශගෙන්.. නෙද්දකින් මූසලයා....

Popular posts from this blog

රණසිංහ ප්‍රේමදාස ට බියවී පැනගිය ප්‍රේමදාස උඩුගම්පොල

           The Indian Express පුවත් පතේ  ප්‍රධාන  කර්තෘවරයා වූ ෂෙකර් ගුප්ත ජවිපෙ  කැරැල්ල  උග්‍රව තිබු 1989  දිනක ප්‍රේමදාස උඩුගම්පොල  හමුවීමට මහනුවරට ගියේය. එකල ඔහු මධ්‍යම  පළාතේ නියෝජ්‍ය  පොලිස්පති වරයා විය . ඔහුගේ කාර්යාලය ෂෙකර් ගුප්තා   විස්තර  කළේ මෙසේය . ' ඔහුගේ මේසයේ  ලාච්චුවක් බාගෙට ඇර තිබිණ එහි විවිධ වර්ගයේ අත් බෝම්බ කීපයක්ද ,ජිනීවා සම්මුතියෙන් තහනම් කරන  ලද ඩම් ඩම් උණ්ඩ ද තිබිණ.(එම උණ්ඩ වැදුණු විට ශරීරයේ ඇතිවෙන තුවාලය විශාලය ) උඩුගම්පොලගේ ප්‍රියතම ආයුධයවූ බ්‍රවුනින් 38 පිස්තෝලයට එම උණ්ඩ  දැමීමට ඔහු වැඩි කැමැත්තක් දැක්වීය .ඔහුගේ දකුණු පසින් Uzi වර්ගයේ සබ්මැෂින් තුවක්කුවක් තිබිණ . ඒ අතර  ඔහුගේ පුටුව අසලින් සැහැල්ලු මැෂින් තුවක්කුවක් තිබෙනු මා දුටිමි  .එයට අමතරව ඔහුගේ  ලිපි ගොනුවකට  යටින්  කොමාන්ඩෝ පිහියක් ද විය  .'                     ( බ්‍රවුනින් 38 වර්ගයේ පිස්තෝලයක් )  "ඔබ  ඔපමණ කෘර ඇයි? " ෂෙකර් ගුප්ත උඩුගම්පොලගෙන් ඇසීය . " මම කොහොමද 1988 ජුලි 28 අමතක කරන්නේ? " උඩුගම්පොල  ඇසීය .   ෂෙකර් ට අනුව ,  එම දිනයේ   උඩුගම්පොලගේ අ

පිරිමි කවුරුද වරදෙ නොබැඳෙන

           සිරි ලංකාවේ  මිනිස්සු අනුන්  විවේචනය කරන්නට   ඉතා දක්ෂය.කැමතිය.  විශේෂයෙන්ම  ගැහැනුන්  විවේචනය  කිරීමට  පිරිමින්ද ,  තමන්ගේම  වර්ගයා විවේචනය  කරන්නට  ගැහැණුන්ද  ඉතා  කැමතිය. දඟකාර  කෙල්ලෙක්  හෝ  කාන්තාවක්  ගමක හෝ  නගරයක සිටී  නම් ගැහැනුන් ඇය  විවේචනය  කරන්නේ  " ඕකිට  මදන විසේ  ඔලුවට ගහල "   " ඕකිට  මිනිස්සු  ඉසේ  කෙස්  ගානට ." ආදී  ලෙස හෙලා  දකිමිනි.  පිරිමින්  එවැනි  තරුණියක් හෝ  කාන්තාවක් විවේචනය කරන්නේ " ඕකි සේල් බඩුවක් " යනාදී  ලෙස  පරිභව  කරමිනි.     විශේෂයෙන්ම  කාන්තාවන් හෙලා දැකීම  අනාදිමත්  කාලයක    සිට  පැවතෙන හෙල සිරිතක් බව තොටගමුවේ ශ්‍රී රාහුල ස්වාමින් වහන්සේ ලිව්  කාව්‍යසේකරයේ   "පිරිමිනිදු පතන  අවසර  කල රහස්  තැන  මිස  නොලැබෙන  බැවින  ගැහැණු  කවුරුද වරදේ නොබැඳෙන." යන පද  හතර  කියවූ විට සිතේ. උන්වහන්සේ    ගැහැනුන්ට එසේ    තඩි බෑවේ උන්වහන්සේ  පවුද්ගලිකව  ලැබූ අත් දැකීම්  නිසාද,   නැතහොත් එකල  සමාජයේ  ගැහැණු ඉඩක් , වෙලාවක් ,රහසිගත  තැනක් ලැබුණු සැනින් තවත්  පිරිමින් සමග රමණයේ යෙදීම  සුලබව  සිදු වී  නිසා

කොටි සොයා යාපනේ ගියෙමි

 "කොටි  නැගිටිනෝ ! "  "කොටි නැගිටිනෝ ! " කියමින් දකුණේ ඇතැමුන්  මොර  දීම නිසා  එය සත්‍යයක් දැයි සොයා  බැලීමටත් , ආණ්ඩුව  පිළිබඳව  යාපනේ  ජනයා දරන  මතය  කුමක්දැයි දැන  ගැනීමටත්  , යාපනයේ සිටින  මගේ  පැරණි මිතුරන්  හමුවී සතුටක්  ලැබීමටත්  යාපනය අර්ධද්වීපයේ  සහ නාගද්වීපයේ  සංචාරය  කිරීමටත් ඉකුත් අප්‍රියෙල්  14 වනදා  හැන්දෑවේ  යාපනය බලා  පිටත් වුයෙමි .  සංචාරයක් සඳහා  දකුණේ  සිට  යාපනය අර්ධද්වීපයට ගොඩබිමින්  යාමට ඔබ අපේක්ෂා  කරන්නේ  නම් ඒ සඳහා තෝරා  ගැනීමට  තිබෙන  හොඳම ප්‍රවාහන විධික්‍රමය වන්නේ දුම්රියයි . හන්දී අතපය රුදාවකින් තොරව ගමනාන්තය  තෙක්  යාමට  නම් දුම්රියේ පළමු  හෝ දෙවන  පන්තියේ  බලපත්‍රයක් ලබා  ගත  යුතුය කොළඹ  කොටුවෙ  සිට  දුම්රිය  4ක් දිනපතා  උතුර  බලා යයි. උදේ  5.45 ට අන්තර්  නගර ( intercity) දුම්රියක්ද , උදේ  6. 17 ට යාල් දෙවි දුම්රියද , පෙ.ව. 11.50 ට උත්තර දේවි අන්තර් නගර දුම්රියද රාත්‍රී 8.30 ට night mail නමින් ප්‍රසිද්ධ  රාත්‍රී තැපැල් දුම්රියද  එසේ  උතුර  බලා  යන දුම්රිය වේ . කල් ඇතිව  ආසන වෙන්කරවා  ගෙන  යන්නේ  නම් අඩ හෝරාවකට