බල්ලට ගිය ෆේස් බුහ් ! බුහ් !!

ෆේස් බුක් අඩවිය ගිණුම් හිමියාගේ ජීවිතයේ  විවිධ අවස්ථාවල  පින්තුර  පළ කිරීමටද  ,  ආගිය අතක් නැති තමන්ගේ  පැරණි මිතුරන්  යලි  සොයාගැනීමටද  , නව මිතුරන් අඳුනා  ගැනීමටද හැකි කදිම මෙවලමක් වීම නිසා එය ලොව පුරා  ජනප්‍රිය විය  යන්න  මගේ  අදහසයි. ඇතැම් විටෙක ඒ හරහා පෙම් සබඳතා ඇති  කරගත් අතර විවාහයන් දක්වා ඒවා දික්වන්නටද ඇත.

ෆේස්බුක් දේශපාලනය සඳහා

    පසුකාලීනව  ලොව පුරා තරුණ  තරුණියන්  දේශපාලන උවමනාවන් වෙනුවෙන්  ෆේස්බුක් හෙවත් බුකිය  යොදාගැනීම  ආරම්භ  කළහ.  ඒකාධිපති  පාලකයන් බලයෙන් පහ කිරීම  සඳහා  එය යොදා ගත අවස්ථා  ගණනාවක් තිබේ. උදාහරණයක් හැටියට ඊජිප්තුවේ පාලකය වූ හොස්නි මුබාරක් එලව දැමීම සඳහා ඊජිප්තු තරුණ තරුණියන් ෆේස්බුක් අඩවිය බහුල වශයෙන් භාවිත  කිරීම දැක්විය  හැක. මහින්දව  එලවා දැමීමටද මේ රටේ ෆේස්බුක් හිමියන් සැලකිය යුතු ලෙස  සම්මාදම් වුහ. එමෙන්ම  මහින්දව යලි බලයට  පත් කරවා  ගැනීම  සඳහා ද යොදා ගැනින. දේශපාලකයන් විසින් තමන් කරන සේවය  ප්‍රසිද්ධ  කිරීමට මෙන්ම මහජනයා අතර  ජනප්‍රිය වීමටද අපේ රටේ  ඇතැම් දේශපාලකයන් මුහුණු පොත  යොදාගැනීමද  දැකිය හැක.

මඩ ගැසීම 

යහපත් දේ වෙනුවෙන් යොදාගැනීම වෙනුවට ෆෙස්බුකිය අනුන්ට  මඩ ගැසීම සඳහා යොදා ගැනීම කණගාටුවට  කරුණකි.  දේශපාලකයන්ගේ  චරිත  ඝාතනය  සඳහා බහුල ලෙස  අපේ රටේ  ඇතැමෙකු  ෆේස් බුකිය  යොදා  ගනීති.   , විශේෂයෙන්ම තරුණියන්ගේ  චරිත ඝාතනය කිරීම සඳහා සමහරුන්  ෆේස් බුකිය  භාවිතා කිරීම හෙලා දැකිය  යුතුය.

තිත්ත  කුණුහරුප ලිවීම

අනුන්ගේ  මත  ඉවසිය  නොහැකි ඇතැම් 'සිංහල බවුද්ධයන් ' අමු තිත්ත  කුණුහරුප ලියා විරුද්ධ මත  දරන්නන්ට අවලාද  කිරීම ෆේස් බුකිය පුරා  දැකිය  හැක. තමං ලියන කුණුහරුප සියලු දෙනා   දකින බවවත් සිතා   ගැනීමට මේ මැට්ටන්ට  නොහැකිද? එසේත් නැත්තම් සියලු දෙනා   තමන්ගේ  කුණුහරුප දකින බව දැන දැන එය වීර කමක් සේ  ඔවුන් සිතනවාද? 

නිදහස්  මාධ්‍යයක් වන ෆේස් බුකියේ  කුණුහරුප ලියන්නන් පාලනය කිරීමට ෆෙස්බුකිය භාවිතා  කරන්නන් කටයුතු  කළ යුතුය යන්න  මගේ අදහසයි. ලැබුණු නිදහස   වගකීමෙන් යුතුව භුක්ති විඳීමට මේ වඳුරන්  දන්නේ  නැත. බොහෝ විට මෙසේ  කුණුහරුප වක්කරන්නේ  හොර  ගිණුම් හදාගෙනය. එවැනි හොර  ගිණුම් හදාගෙන  කුණුහරුප වපුරන්නන් පිළිබඳව ෆේස්බුක් අඩවිය  කරන්නන්ට  දැන්වීම ( report කිරීම ) ඔබේ වගකීමකි.

කුණුහරුප ලියන්නේ  කවුද?

අනුන්ගේ  මත ඉවසිය  නොහැකිව , ඇහෙත් නැත්තම් තර්ක නොමැතිවීම නිසා කුණුහරුප ලියා   අනුන්ට අපහාස කිරීම කරන්නේ රස්තියාදු  කාරයන් බව ඇතැමෙකුගේ  අදහසයි. බොහෝ විට මොවුන්ට ෆේස්බුක් ගිණුමක් වත් හදා ගැනීමට දැනුමක් නොමැත.   මොවුන්ට  face book ගිණුම සාදා දෙන්නේ වෙනත් කෙනෙකි.    ඇතැම් ජංගම දුර කතන වෙළෙන්දන්ද  මෙවැනි අයට ෆේස්බුක් ගිණුමක් සාදා දීමට  පිහිට වෙති.

දැලි පිහි අතට ගත මේ වඳුරන්  පාලනය  කිරීම අත්‍යවශ්‍යය. ඒ සඳහා නීති රීති පැනවිය යුතුය  යන්න මගේ  අදහසයි. ජනධිපතිට  පවා තිත්ත  කුණුහරුප කියා වීඩියෝ පට  පවා පලකරන්නේ  නීති  නැති නිසාය.