ඔබත් කුලියාපිටියේ කෙනෙක්ද?

කුලියාපිටිය ලංකාවේ  හරස් කඩක්ද?

කුලියාපිටියට ලැබුනේ  පුදුම ප්‍රසිද්ධියකි. ඒ ඒඩ්ස් කතාවක් නිසා පාසලක් නොලැබුණු  පොඩි එකා නිසාය.   එහි මිනිස්සු මොට්ටයන් ලෙස කුලියාපිටියේ  නොවන අය සිතති. එහෙත් මගේ  කල්පනාව  නම් කුලියාපිටියේ  මිනිස්සු  රට පුරා නොඅඩුව  සිටිනා බවයි.ඔබ මෙය අවසානය  දක්වා  කියවුවහොත් ඇතැම් විටෙක  ඔබත් කුලියාපිටියේ කෙනෙකුද  නැද්ද  කියා නිගමනයකට  එළඹිය  හැකිය.

දෙවියන්  සහ  බුදුන් 

දේවාල  යනු  වංචනිකයන්ට  මුදල් හම්බු  කර  ගැනීමට හදා  ගත්  තිප්පලවල් බව පසු ගිය  දිනවල සීනිගම දේවාලයේ සිද්ධීන් පමණක් වුවද තහවුරු  කර පෙන්වයි. එහි  දේවාලයේ භාරකරුගේ  නිවසට  හොරු පැන මුදල් සහ  භාණ්ඩ පැහැරගෙන  යාම සම්බන්ධයෙන් පැමිණිලි කරේ දෙවියනට  නොව මීටියාගොඩ පොලීසියටය. එහෙත් සීනිගම හෝ වෙනත් දේවල වලට  යන අයගේ  අඩුවක් තිබේද? ඔවුන් කුලියාපිටියේ  අය නොවේද?

ලෝකය මැව්වේ  දෙවියන් නොවන  බව විද්‍යාව විසින් ඕනැ  තරම් ඔප්පු  කර  තිබේ. එහෙත් පල්ලි වලට  ගොස් දෙවියන් යදින්නන්ගේ  අඩුවක් තිබේද? මොවුන් කුලියාපිටියේ  අය නොවේද?

බුදුන්  වහන්සේ  ලංකාවට  පැමිණි බවට  කිසිදු  සාක්කියක්  නැත. අනික මිනිස්සුන්  නැති  කන්දක් මුදුනට වඩින්නට  බුදුන් වහන්සේට  ඇති උවමනාව  කුමක්ද? බුදුන් වහන්සේ  ගියේ  මිනිස්සුන්  සිටි තැන්වලටය.එහෙත් වාර්ෂිකව  ලක්ෂ  ගණනින් සිරීපාදේ නගිති.ඒ මදිවාට  බුදුන් එපා  කිව් මුදල් සිරිපතුල  පිහිටෙව්වා කියන ස්ථානයට පුජා කරති. ඒ අයත් කුලියාපිටියේ  අයත් අතර  වෙනසක් තිබෙද?

නබි තුමාට ගුහා වක් තුලදී අල්ලා   හමුවී ධර්මය  කියා  දුන් බවත් කුරානයේ  ලිය  තිබෙන්නේ එසේ  කියා දුන් ධර්මය  බව කෝටි  ගණනින් මුස්ලිම් වරුන් විශ්වාස  කරති. එහෙත් නබි තුමා සහ අල්ලා දෙවියන් මුණ ගැහෙනු දුටු  කෙනෙක් නැත. වෙනත් තැනකදී හෝ  අල්ලා   දෙවියන් දුටු  කෙනෙකුද   නැත.එහෙත් අල්ලා දෙවියන් සිටිතැයි සියලුම  ඉස්ලාම් භක්තිකයන් විශ්වාස  කරති. මේ  ගොල්ලනුත්  කුලියාපිටියේ  අයත් අතර වෙනසක් තිබේ  දැයි ඔබට  කිව  හැකිද?

මහින්ද

මහින්ද  රාජපක්ෂ  පවුල රටේ  දේපොළ  ගසා  කැ  බවට  ඇති  පදම් සාක්කි ඉදිරිපත් වී තිබේ.එහෙත් එම  පවුලේ  අයව  නැවත  බලයට එන  තුරු පුල  පුලා  බල සිටින  ලක්ෂ  ගණනක් දෙනා අපේ  රටේ  සිටිති. ඉතින් ඒ  අයත්  කුලියාපිටියේ  නොවේද?

එට්කා ගිවිසුම

එට්කා  ගිවිසුම  තවම සකස් වී වත්  නැත. ඇත්තේ  මුලික  රාමුවක්  පමණි. එහෙත් එට්කා  නිසා ලංකාවේ  අයගේ  රැකියා  අහිමි වෙතයි කවුරු හෝ  කිව  විට එය  හිස්  මුදුනෙන්  භාර ගෙන නැති  ගිවිසුමකට එරෙහිව පෙළපාලි  යති ෆේස්බුක් පොස්ට්  පළකරති .එයට එරෙහිව   ඝෝෂා  කරන  අයත් කුලියාපිටියේ  අයත් අතර  දැකිය  හැකි වෙනස  කුමක්ද ?

ඔබත් කුලියාපිටියේ  කෙනෙක්දැයි  දැන්  ඔබට තීරණය  කල හැකියි.