මරණ දඬුවම වෙනුවට විකල්පය කුමක්ද?

මරණ දඬුවම ක්‍රියාත්මක කිරීම සම්බන්ධයෙන් ජනමත විචාරණයක් තැබුවහොත් එයට බහුතර ජනයා කැමැත්ත ප්‍රකාශ කරන බවට සැකයක් නැත .

ජනාධිපතිට අනුව සිර ගෙවල්වල සිටින 24000 න් 15000 ක්ම මත්කුඩු නිසා දඬුවම් ලැබූ අය වේ

එහෙත් මරණ දඬුවම ක්‍රියාත්මක කිරීමට එරෙහිව සැලකිය යුතු පිරිසක්ද සිටිති

කුඩු ව්‍යාපාරිකයන්ද ඔවුන්ගේ ඥාතින්ද විරුද්ධය

මිනීමරුවන් සහ ඔවුන්ගේ ඥාතීන් විරුද්ධය

මානව අයිතීන් ගැන කැපවී සිටින අයද එයට විරුද්ධය,
ඇතැම් රටවල් විරුද්ධය

කුඩු විකුණා මරණ දඬුවමට නියම වූ අය හිර ගෙදර සිට යලි කුඩු ව්‍යාපාරය මෙහෙයවන බව කියනු ලැබේ

මිනි මරා මරණ දඬුවම නියමවූ දුමින්ද සිල්වා වැන්නෝ හිරගෙදර සිට තම ව්‍යාපාර මෙහෙයවන බව කියනු ලැබේ .
හිරගෙදර යනු මුදල් ඇත්නම් ඔනෑම හිරකාරයෙකුට ඔනෑම දෙයක් ලබා ගත හැකි ස්ථානයකි .ඕනෑම දෙයක් යනු ඕනෑම දෙයකි .පන නැති භාණ්ඩ මෙන්ම පන ඇති භාණ්ඩද ලබා ගත හැක

       

එය මොහොතකට අමතක කරමු ප්‍රධාන මාතෘකාවට යමු .

බිහිසුණු අපරාධ කරුවන් එල්ලා මැරීමට විරුද්ධ අය වෙනත් බරපතල දඬුවමක් ඒ වෙනුවට යෝජනා කරන්නේ ද නැත

නවසීලන්තයේ මුස්ලිම් පල්ලි දෙකකදී මුස්ලිම් බැතිමතුන් 50 කට අධික සංඛ්‍යාවක් මරා දැමු සුදු අපරාධ කාරයා එල්ලා මරන්නේ නැත. ඒ එහි මරණ දඬුවම අහෝසි කර තිබීම නිසාය

ඒ වෙනුවට ඔහු ජීවිතාන්තය දක්වා හුදෙකලා සිර මැදිරියක රඳවා තබනු ලැබේ

කිසිවෙකු සමග එකද වචනයක් හෝ කතා කිරීමට කිසිදිනක අවස්ථාවක් නොලැබෙන පරිදි ජීවිතාන්තය දක්වා සිරගත කිරීම (SOLITARY CONFINEMENT) මරණ දඬුවම වෙනුවට කල හැකි ආදේශයකි .

එබැවින් මරණ දඬුවම වෙනුවට ඉහත සඳහන් පරිදි දඬුවම් දීමට නීති සම්පාදනය කිරීම සඳහා ආණ්ඩුවට කාලය පැමිණ තිබේ