ජනමතවිචාරණ ආරංචියට පොහොට්ටුවට හීන්දාඩිය

ගලේ පැහැරු බළලෙක් බවට පත්වී සිටින සිරිසේන මහතාට ජනාධිපතිවරණයට පෙර මහා මැතිවරණයක් පැවැත්වීමට උවමනා වී තිබේ. එහෙත් ඊට නීති ප්‍රතිපාදන නැති බැවින් ජනමත විචාරණයක් මගින් ඊට මහජන අනුමැතිය ලබා ගත හැකි දැයි ඔහු විසින් නීති පතිගෙන් විමසා ඇතැයි පෙරේදා වාර්තා විය.

මෙය දැනගත් පොහොට්ටුව හොඳටම හොල්මන් වී තිබෙන බවද පෙනේ. ජනමත විචාර 10 ක් තබා අනුමැතිය ලබාගත්තත් මහමැතිවරණයක් කලින් තැබීමට නීති නැති බව ජි.එල් පිරිස් ලොක්කා වහාම පුවත් පත් සාකච්චාවක් පවත්වා කියා සිටියේය.

බළලා නොදැනුවත්වම පැන්නේ පඩිපෙලේ නීතිඥයාගේ කටින්ය . යූඑන්පියට වාසි, අපිට අවාසි ජනමත විචාරණයක් පවත්වන්නේ මන්දැයි ගම්මන්පිල මහතා ඊයේ අසා සිටියේය.

ජනමත විචාරණයකදී මුළු රටම එකම චන්ද කොට්ඨාශයකි .එවැනි චන්දයකින් පොහොට්ටුවට ජයග්‍රහණය කල නොහැකි බව ගම්මන්පිළ වටහා ගෙන තිබේ . ජි එල් පිරිස් ඇතුළු පොහොට්ටුවද එය වටහාගෙන තිබෙන බවට විශ්වාස කල හැක .ඊට හේතුව වන්නේ සිංහල මිනිස්සු බහුතරයක් පොහොට්ටුව සමග සිටියත් රටේ චන්ද දායකයන් බහුතරය පොහොට්ටුවට චන්දය නොදෙන නිසාය .විශේෂයෙන්ම මුස්ලිම් සහ දෙමල ජනයාගේ චන්දය කිසිසේත් පොහොට්ටුවට ලැබෙන්නේ නැත .

එසේ නම් මුළු රටම එකම චන්ද කොට්ඨාශයක් බවට පත්වන ජනාධිපතිවරණයකින් පොහොට්ටුව ජයග්‍රහණය කරන්නේ කෙසේද ?

සිරිසේන මහතාට මහමැතිවරණයක් කලින් පැවත්වීමට උවමන වී තිබෙන්නේද ජනාධිපතිවරණයකදී රනිල් ජනාධිපති වෙනු ඇතැයි යන බිය නිසාය. එසේ වුවහොත් සැනසිල්ලේ තමන්ට විශ්‍රාම සුවයෙන් ගෙදර සිටීමට නොහැකි වෙනු ඇතැයි ඔහු බියවී සිටින බව පෙනේ. ආණ්ඩුක්‍රම ව්‍යවස්ථාව කීප වරක්ම ඔහු උල්ලංඝනය කර ඇති බැවින් එහි විපාක ඔහු පසු පස ඒමට ඉඩ තිබෙන බව ඔහු දනී .

එහෙත් සජිත් ජනාධිපති වුවහොත් තමන්ට කිසිදු කරදරයක් නොවෙන බව ඔහුට දැඩි විශ්වාසයක් තිබේ. සජිත් ඉදිරියට ගැනීමට පසුගිය අවුරුදු දෙකක් කාලයක් සිරිසේන මහතා උත්සාහ කලේ ඒ නිසා විය යුතුය .

තරුණ නායකයෙකු එජාපයෙන් ජනාධිපතිවරණයට ඉදිරිපත් කරන්නේ නම් තමන්ගේ සහයද ඔහුට දෙන බවට සිරිසේන මහතා පසු ගියදා කියා සිටියේ ඒ නිසා බව අමුතුවෙන් කිව යුතුද ?

වඳ කන්දර හරහාද , බදුර්දීන් විරෝධය හරහාද ,ජාතිවාදය අවුස්සා පොහොට්ටුවට වාසි ලබා ගැනීමට පොහොට්ටු නායකයෝද, දිවයින පත්තරයද ,රතන හිමිද , දොස්තර සංගමයද දැවැන්ත කුමන්ත්‍රණයක් ඉකුත් මාස දෙක තුල  දියත් කළද ඒ සියල්ල  තමන්ටම  පාරා වළල්ලක් බවට  දැන්  පත්වෙමින්  තිබේ