විශ්මකර්මයෙකු සඳහා ඇබෑර්තුවක් තිබේ

 

"ඔය රුපියල දැන් නැග්ගට ආනයන සීමා අයින් කරාම ඕක බහිනවා "
"ණය ගෙවන්න පටන් ගත්තාම රුපියල හෝ ගාල බහිනව"
"ණය ගෙවන්නේ නැතිව ඉන්නකොට රුපියල නගිනවා තමයි "
රනිල් ඇවිල්ල දැන් අවුරුද්දකට කිට්ටුයි කරපු දෙයක් නැහැ "
'අපිට දෙන්න.අපි අවුරුදු 5න් කරලා පෙන්නවා "


මෙසේ කියන්නේ මෙහෙම කියපු අය

"ජාත්‍යන්තර මුල්‍ය අරමුදල ලංකාවට ණය දෙන්නේ නැහැ "
"ජාත්‍යන්තර මුල්‍ය අරමුදල දෙවෙනි වාරිකය දෙන්නේ නැහැ "
" GSP+ සහනය ලංකාවට ලැබෙන්නේ නැහැ "
"මැයි ජුනි වෙනකොට ඩොලර් එකක් රුපියල් 600 ට නගිනවා "

ආර්ථික වශයෙන් වලපල්ලට ගිය රටක් මාස කීපයකින් ගොඩ ගත හැකි නම් ඔහු හෝ ඇය විශ්ව කරමයෙකු වෙනු ඇත|

සිම්බාබ්වේ ,වෙනිසියුලාව , ආර්ජන්ටිනාව ලෙබනනය ග්‍රීසිය
අප මෙන්ම බන්කොලොත්වූ රටවල්ය ඒවා ගොඩ ගන්නට කොපමණ කල ගත වීද ?

1980 දශකයේ සිට ආර්ථික අර්බුදයන්ට මුහුණ දුන් ආර්ජන්ටිනාව දැවැන්ත ආර්ථික කඩාවැටීමකට මුහුණ දුන්නේ 2001 දෙසැම්බරයේ සිටය තවමත් එය ඉවරයක් නැත මේ වන වුඉට එරට වාර්ෂික උද්ධමානය 90%කි

සිම්බාබ්වේ ආර්ථික අර්බුදය ඇරඹුණේ 2000 වසරේ සිටය මේ වන විට ආර්ථිකය මුලුමනින්ම පාහේ කඩා වැටි අවසන්ය එරට විරැකියාව 90%කි. ගිය මාසයේ උද්ධමනය 86%කි

එරට ආර්ථික 2008 වසරේදී අර්බුදය කොපමණ උග්‍ර වීද යත් සිම්බාබ්වේ ඩොලර් ට්‍රිලියන 100 මුදල් නෝට්ටුවක් අච්චු ගැසීමට පවා සිදුවිය

 

වෙනිසියුලාව යනු ලෝකයේ වැඩිම තෙල් නිධි තිබෙන රටයි එහි ආර්ථික අර්බුදය ඇරඹුණේ 2008 වසරේදීය වාම මාවතක් අරඹමින් ඇමරිකන් තෙල් සමාගම් ජනසතු කිරීමත් ඒ තෙල් සල්ලි මහජන සුබ සාධනයට යෙදවීමත් සමග ආර්ථික අර්බුදය ඇරඹුනේය මිනිසුන් ඇති බහුතරය හිඟන්නන් බවට පත්වීම නිසා 70 ලක්ෂයක් ජනයා රැකියා සොයා වටපිට රටවලට පා ගමනින් ගියහ

එරට ආර්ථිකය දැන් ගොඩ එමින් තිබේ එය ඇරඹුණේ ගිය වසරේය ඒ තෙල්වලට පින්සිද්ධ වෙන්නටය කෙසේ වෙතත් එරට වැසියන්ට අවුරුදු 14ක් හිඟා කන්නට සිදුවිය .

ග්‍රීසියේ ආර්ථික අර්බුදය ඇරඹුණේ 2009 සිටය එය ගොඩ ගැනීමට ජාත්‍යන්තර මුල්‍ය අරමුදල සහ යුරෝපා සංගමය යුරෝ බිලියන 289ක ණය දෙනු ලැබිය

ග්‍රීසිය දැන් ගොඩ එම අරඹා තිබේ ඒ සඳහා අවුරුදු 13ක් දුක් විඳීමට එරට වැසියනට සිදුවිය

ලෙබනනයද බංකොලොත් වී ඇති රටකි එරට ආර්ථිකය කඩ වැටීම ඇරඹුණේ 2019 දීය අවුරුදු 4ක් ගතවී ඇතත් තවමත් එරට සිටින්නේ ආර්ථික වලකය 65 ලක්ෂයක ජනගහනයක් සිටින එරට වැසියන්ගෙන 80%ක් දුප්පතුන් බවට පත්ව තිබේ

2021 දී ආර්ථික වලට වැටුණු අපේ රට ඉහත රටවල ඉරණම ට පත්වීම වලක්වා ගැනීමට හැකිවී තිබේ මිලියනයේ බිලියනයේ ට්‍රිලියනයේ මුදල් නෝට්ටු අච්චු ගසන්නට අපට සිදුවී නැත අපේ ඉහලම මුදල් නෝට්ටුව 2019 ට පෙර අච්චු ගැසූ රුපියල් 5000 ය

මේ අර්බුදයෙන් ගොඩ ඒමට සමාජවාදය අනුගමනය කල යුතු බව ජවිපෙ සහ පෙරටුගාමී සහෝදරවරු අපට කියති. එහෙත් අවුරුදු 64ක් තිස්සේ සමාජවාදී පාලනයක් ගෙනියන කියුබාවේ දිනකට පැය 12ක් විදුලිය නැත ආහර පෝලිම් ඇත බෙහෙත් පෝලිම් ඇත .ඉන්ධන පෝලිම් ඇත
එහෙත් ඒගැන කතා කිරීමට එරට වැසියනට නිදහස නැත