කාලකන්නි යුක්රේන යුද්ධය

    

යුද්ධය යනු යුක්රේනයේ සිද්ධ උනත් ලංකාවේ සිද්ධ උනත් කාලකන්නි වැඩකි ලංකාවේ යුද්ධයට මානුෂික මෙහෙයුම කියා දේශපාලන නමක් දැම්මේ රටේ මිනිස්සුත් ලෝකේ මිනිස්සුත් ගොනාට ඇන්දවීමටය මානුෂික යුද්ධ කොහෙවත් නැත තිබෙන්නේ ඉදිරියේ මොකා හිටියත් වෙඩි තබන යුද්ධය .පහල මොකා හිටියත් බෝම්බ දමන යුද්ධය

දින තුනකින් යුක්රේනය අල්ල ගැනීමේ අපේක්ෂාවෙන් රුසියාව යුක්රේනය ආක්‍රමණය කොට අදට දින 470 වකි මේ වන විට සිදුවී ඇති විනාශය අති විශාලය

යුද්ධයේ අලුත් තත්වය වන්නේ රුසියාව විසින් අල්ලාගෙන තිබෙන ප්‍රදේශයක ද්නීපර් ගඟේ තිබෙන Nova Kakhovka වේල්ල පුපුරවා හැරිම නිසා බරපතල විනාශයක් වී තිබේ . මෙම වේල්ල පිහිටා තිබෙන්නේ ඛර්සන් පළාතේ නොවා ඛකොව්කා නගරයේය .

 වේල්ල පුපුරුවා හරිම ගැන රුසියාව යුක්රේනයට චෝදනා කරන අතර යුක්රේනය කියන්නේ එය රුසියව විසින් පුපුරවා හැරිය බවය .

යුක්රේනයේ උතුරේ සිට කළු මුහුද දක්වා ගලන නීපර් ගඟ හරස්කොට බැඳ තිබෙන වේලි හයකින් එකක් වන නොවා ඛාකොව්කා වේල්ල මගින් විශාල ජලාශයක් ඉදිකොට තිබෙන  අතර එහි ජලය විදුලිය නිපදවීමටද වගාවන් සහ බීම සඳහා භාවිතා කරනු ලැබිණ

 
නීපර් ගඟේ මේ වේල්ල තිබෙන ප්‍රදේශයේ  උතුර යුක්රේන හමුදා පාලනය යටතේ තිබෙන අතර දකුණු ඉවුර රුසියන් හමුදා පාලනය යටතේ තිබේ

 යුද්ධය නිසා සොල්දාදුවන් විශාල පිරිසක් දෙපැත්තෙන්ම මිය ගොස් තිබෙන අතර සිවිල් වැසියන් විශාල පිරිසක්ද මිය ගොස් ඇත .

ඇමරිකාව කියන හැටියට සිවිල් වැසියන් 42000ක් මේ වන විට මියගොස් තිබෙන අතර යුක්රේන හමුදා භටයන් 20000 ක්ද රුසියන් හමුදා භටයන් 50000ක් ද මියගොස් තිබේ .

ලෝක බැංකුව නිකුත් කළ වාර්තාවකට අනුව යුක්රේනය යලි ගොඩගැනීමට ඩොලර් බිලියන 411ක් ඉදිරි අවුරුදු 10 තුල වැය කිරීමට සිදුවේ

විනාශවූ නගරවල තිබෙන සුන්බුන් ඉවත් කිරීමට පමණක් ඩොලර් බිලියන 5ක් වැය කිරීමට සිදුවනු ඇත

 

 යුද්ධයේ විනාශය එම දෙරටට පමණක් නොවේ. සමස්ත ලෝකයටම මේ යුද්ධයේ වැය දර ගැනීමට සිදුවී තිබේ රුසියාව ලෝකයේ විශාලතම තෙල් අපනයන කරන්නා වන අතර ලෝකයට බොර තෙල් වැඩියෙන්ම සපයන දෙවැන්නාද  වෙයි 

 එමෙන්ම රුසියාව ලෝකයට වැඩියෙන්ම තිරිඟු අපනයනය කරන රටවන අතර යුක්රේනය ලෝකයට තිරිඟු අපනයනය රටවල් අතරින් 5 වෙනි ස්ථානයේ සිටි රටයි .

 යුද්ධය නිසා බටහිර රටවල් රුසියාවට සම්බාධක දැමීම නිසා වැඩියෙන් මුදල් ගෙවා තෙල් සහ තිරිඟු ලබා ගැනීමට ලෝකයේ සියලුම රටවලට පාහේ සිදුවේ තිබේ

 
( සමාජවාදය තිබුණු කාලයේ රුසියාව සහ යුක්රේනය එකම රටක් වූ අතර රටට අවශ්‍ය තිරිඟු ප්‍රමාණයවත් නිපදවා ගැනීමට නොහැකි වූ බැවින් ඇමරිකාවෙන් වාර්ෂිකව තිරිඟු ආනයනය කිරීමට සෝවියට් දේශයට සිදුවිය )

යුද්ධය ඇරඹුන කාලයේ අපි දොස් කිව්වේ යුක්රේන ජනාධිපති සෙලෙන්ස්කිටය . අසල්වැසි රට තම රටට වඩා  බලවත් වන විට එම රට කෝප නොකරවා තබාගැනීම බුද්ධිමත් පාලකයන්ගේ සිරිතය එහෙත් සෙලෙන්ස්කි රුසියාවට විරුද්ධව බටහිර රටවල් වල කරට අත දමා ගැනීම නිසා යුක්රේනය ආක්‍රමණය කිරීමට රුසියව පෙළඹුණේය 

 .

දැන් සිදුවී තිබෙන්නේ දෙවෙනි ලෝක යුද්ධයේදී සෝවියට් දේශයට පහරදුන් ජර්මන් හමුදාවට සිදුවූ ඉරණම රුසියන් හමුදාවටද සිදුවීමයි යුක්රේනයේ සැලකිය යුතු ප්‍රදේශයක් රුසියාව විසින් අල්ලාගෙන තිබුනද කෙළවරක් දැකිය නොහැකි යුද්ධයකට දැන් පුටින් පැටලී සිටි

යුද්ධයේ ඇත්ත ජයග්‍රාහකයෝ වෙනු ඇත්තේ ඇමරිකාව ප්‍රමුඛ බටහිර රටවල්ය

ඔවුහු යුක්රේනයට අවි ආයුධ යුධ ගුවන් යානා , යුධ ටැංකි විකුණා ඩොලර් ට්‍රිලියන් ගණනක් උපයා ගැනීමට පාර කපා ගෙන තිබේ .

මේ යුද්ධය පවතින තුරු අපේ රටේ ආර්ථිකය ගොඩ ගැනීමද අතිශය දුෂ්කරය .සජිත් ආවත් අනුර ආවත් යුද්ධය අවසන් නොවෙන තුරු අපට බරපතල ආර්ථික දුෂ්කරතාවයනට මුහුණ දීමට සිදුවෙනු ඒකාන්තය