Wednesday, January 23, 2019

ඥානසරට සමාව දීම හෙවත් බෙල්ල කපා ගැනීම

Image result for gnasara address people

      එන පෙබරවාරි 4 වෙනිදට යෙදෙන ජාතික නිදහස් දිනයේදී ඥානසාරට නිදහස දෙන්නට  යන  බව ට ආරංචි  පැතිරෙමින් පවතී .මේ වන විට අස්ගිරි මල්වතු ඇතුළු සෑම නිකායකම නායක උන්නාන්සේලා  එවැනි ඉල්ලීමක් කර ඇති බව  කියවේ .එයට අමතරව  ආණ්ඩුවේ බුද්ධ සාසන ඇමති ද එම ඉල්ලීමම කළ බව දැනගන්නට ඇත  .


   ඥානසාර  හිරේ ගියේ අවුරුදු හයකටය. චෝදනා  හතරකට වැරදි කරු කරමින් අවුරුදු 19 ක  බරපතල වැඩ සහිත හිර දඬුවම් නියම කළ අතර එම දඬුවම අවුරුදු හයකින් ගෙවී  යන ලෙස  2018 අගෝස්තුවේදී අභියාචනාධිකරණය ඒකමතික තීන්දුවක් දුන්නේය .


 දඬුවම් කිරීමට හේතු වුයේ  හෝමාගම මහේස්ත්‍රාත්  උසාවියේදී මහේස්ත්‍රාත්වරයාට විරුද්ධව  කෑගසමින් උසාවියට අපහස  කළ බවට අභියාචනාධිකරණය නිගමනය  කළ නිසාය  . ඥානසාර  2016 දිනක විනිසුරුවරයාට විරුද්ධව  උසාවිය තුලදී කෑගැසුවේ  ප්‍රගීත් එක්නැලිගොඩ අතුරුදහන් කලබවට චෝදනා  ලැබූ හමුදා  නිලධාරීන්ට ඇප දීමට  මහේස්ත්‍රාත්වරයා ප්‍රතික්ෂේප කිරීම නිසාය .


Sandhya and Sanjaya Eknaligoda hold pictures of Prageeth Eknaligoda during a recent demonstration




 ඉහත නඩු  තීන්දුව  දීමට  මාස දෙකකට  පෙර එනම් 2018 ජුනි මාසයේදී  හෝමාගම අධිකරණය  ඥානසාරට  මාස  හයක බරපතල සිරදඬුවමක් නියම කළේය .එයට හේතුව වුයේ ප්‍රගීත් එක්නැලිගොඩ ගේ බිරිඳවන සන්ධ්‍යා එක්නැලිගොඩ මහත්මියට හෝමාගම අධිකරණ භුමිය තුළදී තර්ජනය  කිරීමය . එම තීන්දුවට එරෙහිව අභියාචයක් ඉදිරිපත්  කළ අතර එය තවමත්  විභාග  කර නැත . 


අවුරුදු හයකට හිරේ ගිය ඥානසාරට නිදහස්  කරන්නට සුදානම් වන්නේ මාස  හයක් වත් හිර දඩුවම විද නැති අවස්ථාවකය  .


ඥානසාරට සමාව දී  නිදහස්  කිරීමේ බලය ඇත්තේ  ජනාධිපතිට  පමණය. එය  ඔහු  කරන්නේ  නම් ඒ දේශපාලන වාසියක් බලාගෙන බව අපට නම් හිතේ  . ඔහු නිදහස්  කළ විට   හාමුදුරුවරු  සහ බෞද්ධයන්  පෝලිමේ ඇවිත් ඔහු යලිත් ජනාධිපති  කරනු ඇතැයි ඔහු සිතාගෙන සිටිනවා විය හැක  .


නමුත් ඥානසාරගේ බොදු බලය දියවී ඇති සංවිධානයකි . හුදු කල්ලියක් පමණක් වන මෙම සංවිධානය උස්සන්නට දගලන්නේ සිවුරු දාගත්  තුන් හතර දෙනෙකු පමණි .


ඥානසාර වීරයෙක් ලෙස  පෙනෙන අයගේ  චන්දය  ලැබෙන්නේ සිරිසේන මහතාට නොව  රාජපක්ෂ පවුලේ අයෙකුටය. සිරිසේන ජනාධිපතිවරණයට ඉදිරිපත් වූ විට  මහින්ද ඔහුට සහය දෙන  බවට ආරංචියක් පැතිරීම නිසා දැනටමත් පොහොට්ටුවේ ප්‍රමුඛයන් එයට විරුද්ධත්වය  ප්‍රකාශ  කර තිබෙන අතර පොහොට්ටු අපේක්ෂකයෙකු ජනාධිපතිවරණයට  ඉදිරිපත් කළ යුතු බවට ඔවුන් කියා තිබේ . එවැනි පසුබිමක් තුළ පොහොට්ටුවෙන් අපේක්ෂකයෙකු ඉදිරිපත් කිරීමට තිබෙන ඉඩ  කඩ වැඩිය .


2014 ජුනි මාසයේදී අලුත්ගම, බේරුවල සහ දර්ගා   ටවුමේ  ඇතිකළ ගැටුමේදී  මුස්ලිම් මිනිසුන් කීප දෙනෙකු මරා දැමු අතර 80 ක් පමණ තුවාල ලැබුහ .  ඔවුන්ගේ  කඩ සාප්පු සහ නිවෙස් වලට  පහර දුන් අතර  ඔවුන්ගේ දේපොළ  කොල්ල  කනු ලැබිණ . එම භීෂණයෙන් අනාථවූ සංඛ්‍යව 8000 කි .එම  කෝලාහලය ඇරඹුණේ ඥානසාර විසින්  ජුනි 15 වනදා අලුත්ගම  රැස්වීමක් පවත්වා මුස්ලිම් විරෝධී කතාවක් පැවැත්වීමෙන් පසුවය ඉන්පසු බොදුබල සේනාවට සම්බන්ධ පිරිස් දර්ගාටවුම හරහා  මුස්ලිම් විරෝධී සටන් පාඨ  කියමින් පෙළපාලි ගිය අතර  පසුව එය දෙපාර්ශවය  අතර සටනක් ඇතිවිය  කිසියම් පිරිසක් වෙඩි තැබීම නිසා මුස්ලිම් ජාතිකයන් තිදෙනෙකු මිය ගියහ. මංකොල්ල කෑම් කරන  ලද්දේ  විශේෂ  කාර්ය  සාධන  පොලිසිය  බලා සිටියදීය .



Related image



එකළ ආරක්ෂක ලේකම් වූ ගෝටාභය ඥානසාරගේ ගජයෙකු විය .ගින්න ඇවිලිමේ  ප්‍රධානියවූ  ඥානසාර හෝ ඔහුගේ සගයන් කිසිවෙකු රාජපක්ෂ ආණ්ඩුව අත්අඩංගුවට ගත්තේ නැත .රාජපක්ෂ ආණ්ඩුව ජුනි 20 දින  ජිනීවා මානව  අයිතීන් සභාවේදී  කියා සිටියේ එම ගැටුමට වග කිව යුත්තේ මුස්ලිම් ජාතිකයන් බවය .චම්පික රණවක ඇතුළු ජාතික හෙළ උරුමය වරද  පැටවුවේ ඇමරිකාවටය .


එකළ ඥානසාර කියාසිටියේ තමන් මේ රටේ පොලිසිය බවය ඔහුට එම හය්ය දුන්නේ  ගෝටාභය  බවට කිසිදු සැකයක් නැත .



Image result for GNANASARA WITH GOTABAYA


ජුනි 21  වනදා පානදුරේ NO LIMIT රෙදිපිළි වෙළද සලට ගිනි තැබීම නිසා රු මිලියන  400  අලාභයක් එයට සිදුවිය .එම ආයතනය  මුස්ලිම් ජාතිකයනට අයත් විය . එම වෙළද ආයතනයට පෙට්‍රල් බෝම්බ  ගසනු කිහිප දෙනෙකු දැක තිබිණ.  එහෙත් අත් අඩංගුවට  ගත් කෙනෙක් නැත . ඉන් පසුවද  තැන තැන ඥානසාර ත්‍රස්ත  කල්ලිය මුස්ලිම් විරෝධී ක්‍රියා  කළහ .


Image result for No Limit shop fire in Panadura



එහෙත් රාජපක්ෂ ආණ්ඩුව ඔවුන් ආරක්ෂා කරනු ලැබිණ .එයට හේතුව වුයේ ජාතිවාදය ඇවිස්සීම තුලින් සින්හල චන්ද ගෝනි ගණනින්  ලබාගෙන 2015 යලිත් බලයට  පත්වීමටය 


රාජපක්ෂ 2015 දී පරාජය වීමට  මෙම සිද්ධි ප්‍රබල ලෙස  බලපෑවේය මුස්ලිම් ජනයාගේ අතිබහුතරය මේ නිසා රාජපක්ෂට චන්දය දුන්නේ  නැත .


ඉකුත් ඔක්තෝම්බර් 26 වෙනි දින කුමන්ත්‍රණයක් හරහා රාජපක්ෂ අගමැති කළද  ඔහුට සහය දෙන්නට  මුස්ලිම් සහ දෙමල ප්‍රජාවගේ දේශපාලන  පක්ෂ ඉදිරිපත් නොවුයේ මුස්ලිම් සහ දෙමල විරෝධී බලවේග  බොහොමයක් සිටින්නේ රාජපක්ෂවරු සමග බව ඔවුන් දන්නා නිසාය 


සිරිසේන ජනාධිපතිවරයා  ඥානසාර නිදහස්  කරනු ලැබුවහොත් මුස්ලිම් මිනිසුන්ගේ  පිළිකුල  ඔහු වෙත එල්ල වනු ඇත . එමෙන්ම දෙමල ජනයාද එය වැරදි ක්‍රියාවක් ලෙස  දැකීමට බෙහෙවින් ඉඩ තිබේ. මධ්‍යස්ත සිංහල මිනිසුන්ද  එයට  කිසිසේත් එකඟ නොවනු ඇත .


පොහොට්ටු  පාක්ෂිකයන්ගේත් , එක්සත් ජාතික  පාක්ෂිකයන්ගේත්  කිසිදු සහයක්    නොමැති කළ ,  2015 දී  සහය දුන්  ප්‍රබුද්ධ ජනයාගේ සහයද නොමැති කළ සිරිසේනට යලි චන්දයකින් ජනාධිපති වීම දවල් හීනයක් හැර වෙනත් කුමක්ද ?    ඥානසාර නිදහස්  කර සිංහල බෞද්ධ චන්ද ආකර්ෂණය කර ගැනීමට හැකිවේ යයි  සිරිසේන සිතිම  අංක එකේ මෝඩකමක් බව අමුතුවෙන් කිව යුතුද?


සිරිසේන යනු අංක එකේ මෝඩයෙක්ද කියා  පෙබරවාරි 4 අපට බලාගත හැකිවෙනු ඇත .









Sunday, January 20, 2019

සේනා දළඹුවන් ඇරඹු තුන්වන ලෝක යුද්ධය





Related image


    

      පළමු ලෝක යුද්ධය එක් කෝටි හැට ලක්ෂයක් මරා දැම්මේය. දෙවන ලෝක යුද්ධය  මරා  දැමු සංඛ්‍යාව  හරි හැටි දන්නා  කෙනක් නැත. කෝටි හතත් - අටහමාරක් අතර  මිනිසුන් සංඛ්‍යාවක්  දෙවන ලෝක යුද්ධය විසින්  මරා  දැමු බවට ගණන් හිලව්  හදා  තිබේ. තුන්වැනි  ලෝක යුද්ධයක් මිනිසුන් විසින් ඇරඹුවහොත්  එය අවසන් වනු ඇත්තේ  ලෝකයේ මිනිසුන්  කෝටි හැට හැත්තෑවක් ඝාතනය වීමෙන් බවට අනුමාන කිරීම සාධාරණය. න්‍යෂ්ටික අවි භාවිතා  කිරීම නිසා එවැනි විනාශයක්  සිදුවීම  කිසිවෙකුට වැළක්විය නොහැක .  මේ සම්බන්ධයෙන් ඇල්බර්ට්  අයින්ස්ටයින්ගේ  තක්සේරුව මෙසේය.


' තුන්වන ලෝක යුද්ධයේදී භාවිතා  කරන  අවි මොනවාදැයි මට  කිව නොහැක .එහෙත් හතරවෙනි ලෝක යුද්ධයේදී නම් භාවිතා  කරනු ඇත්තේ   ගල් කැටය.'


ලෝකය එක වරක් නොව  කීප වාරයක් විනාශ  කිරීමට සමත් අවි අද ලෝක බලවතුන් අත තිබේ. එබැවින් ඔවුහු තුන්වන ලෝක යුද්ධය ඇරඹීමට  මෙතෙක්  පසු බැස සිටින්නේ  ඒ නිසාය . එහෙත් තුන්වන ලෝක යුද්ධය ඇරඹෙන්නේ නැති බවට කිසිදු සහතිකයක්ද නැත . ඉතා සුළු සිද්ධියක් තෙවන ලෝක යුද්ධය දක්වා පුපුරා  යා හැක . 


එහෙත්  කිසිවෙකු බලාපොරොත්තු නොවූ  ලෙස තුන්වන ලෝක යුද්ධය මහා බලවතෙකු නොව  සේනා  දළඹුවා  විසින් අරඹා තිබේ. එහි විනාශකාරී බව අප ඇතුළු ලෝක ප්‍රජාවෙන් බහුතරය තවමත් දන්නේ  නැත .




Image result for spraying pesticide against fall armyworm


                                සේනා දළඹුවා (හිසේ ඇති v හැඩය හඳුනා ගන්න )



සේනා දළඹුවා  විසින් මිනිස් වර්ගයාට එරෙහිව  අරඹා තිබෙන යුද්ධය බිහිසුණු වන්නේ ඔවුන්  අක්කර සිය දහස්  ගණනක වගාව දිනකින් දෙකකින් විනාශ කර දමන නිසා  පමණක්  නොවේ . ඔවුන් දිනකට  සැතපුම් සියයක් දුරකට  පැතිරිය හැකි නිසා  පමණක් නොවේ .සේනා දළඹුවා  මුළුමනින්ම විනාශ කර දැමීමට  මගක්  තවමත් ලෝකයා  විසින් සොයා ගෙන නැති නිසාය.  මෙම දළඹු ආක්‍රමණය හේතුවෙන් අප්‍රිකාවේ සහ ආසියාවේ  පමණක් නොව ලෝකයේම  බරපතල ආහාර අහේනියක් ඇති විය හැක 


Related image

                                                     සේනා දළඹයා

 ලෝකයේ රටවල් අඩකට ආසන්න  ප්‍රමාණයක්  මෙම කෘමි හමුදාව විසින් ආක්‍රමණය  කර භව බෝග  ටොන් කෝටි  ගනින් කා ඇතත්  සේනා  දළඹුවා පිළිබඳව පළමු වරට  ලාංකිකයා ඇසුවේ ගිය දෙසැම්බරයේ අග භාගයේදීය.  ඒ අපේ රටේ බඩ ඉරිගු වගාවට  කරන ලද විනාශය පිළිබඳව මාධ්‍ය විසින්  කරන ලද වාර්තා   සමගය . අපේ රටට මෙම දළඹුවා පැමිණ ඇත්තේ ගිය වසරේ නොවැම්බර් මාසයේ බවට විශ්වාස කළ හැක  .


ලෝකයේ රටවල් 84 කට  සේනා දළඹුවා  පැතිරී තිබෙන අතර එම රටවල  ආණ්ඩුවලටද  ලෝක සංවිධානවල ආධාරයෙන්ද පවා  සේනා  දළඹු වසංගතය  පාලනය  කරගත  නොහැකි වී  තිබෙන බැවින් අපේ රටේ ආණ්ඩුවට  තනිවම මෙය  පාලනය  කළ නොහැකි බව අමුතුවෙන්  කිව යුතු නැත . මෙය යම් දුරකටවත් පාලනය  කිරීමට නම් සමස්ත  ලාංකිකයන්ගේ සක්‍රිය දායකත්වය අවශ්‍ය වන්නේය .


 එවැනි දායකත්වයක්  ලබා  ගත හැක්කේ එහි බිහිසුණු බව  මිනිසුන්ගේ මොළවලට  කා වැද්දුවොත්  පමණි . මා මෙය ලියන්නේද  මට හැකි අල්පය කරන්නටය . ඔබ මෙවැනි ලිපි  ලාංකිකයන් අතර බෙදා හැරීමෙන් ඔබටද මෙයට දායක විය හැකිය.


පසු ගිය වසරේ මැද භාගය වන විට අප්‍රිකාවේ රටවල් 42 කට අයත්  වර්ග කිලෝ මීටර් මිලියන 22  ක භුමි ප්‍රදේශයක ඉරිඟු සහ සෝගම් වගාවන්ට,    Spodoptera frugiperda  යන විද්‍යාත්මක  නාමයෙන්ද, Fall armyworm යනුවෙන් ඉංග්‍රීසියෙන්ද හඳුන්වන  සේනා දළඹුවා ආක්‍රමණය කොට  තිබුණි .  සේනා දළඹුවා අප්‍රිකානු මහාද්වීපයේ පළමුවරට හමුවුයේ 2016 දී නයිජීරියාවේදිය. එක වසරක් තුලදී අප්‍රිකාවේ රටවල් 42 ක් පුරා ආක්‍රමණය  කරන්නට  තරම් බලවත්වූ මෙම දළඹුවා මොන තරම් බිහිසුණු සතුරෙක්ද යන්න ඔබට  වැටහෙනු ඇත. අප්‍රිකාවෙන් ඉන්දියාවට 2018 දී  ආක්‍රමණය කළ සේනා දළඹුවා  මාස කීපයකින් එහි ප්‍රාන්ත ගණනවක  බඩ ඉරිඟු  වගාවන්  කා දැම්මේය   


 සේනා දළඹුවාගේ ආරම්භය කොහේද?


මෙම කෘමියාගේ  නිජ බිම දකුණු ඇමරිකාවය  දකුණු ඇමරිකාවේ සහ කැරිබියන් ප්‍රදේශයේ රටවල් 28 ක  මෙම වසංගතය   පැතිරී තිබෙන අතර එය ඇමරිකා එක්සත් ජනපදයේ  ප්‍රාන්ත රාජ්‍යයන් 42 ක ද මෙම දළඹුවෝ  වසති . කැනඩාව දක්වා  පැතිර ගොස් ඇතත් උතුරු  ඇමරිකානු මහාද්වීපයේ මෙම වසංගතය බොහෝ දුරට  පාලනය  කරගෙන තිබෙන බව පෙනේ .මෙය විනාශයක් බවට  පත්වුයේ 2016 දී අප්‍රිකානු  මහද්වීපයට සේනා දළඹුවා ආක්‍රමණය කිරීමත් සමගය . අලුත්ම සංඛ්‍යා ලේඛන අනුව අද   වන විට අප්‍රිකාවේ රටවල් 48 කට දරුණු අන්දමින් දළඹුවා පැතිරගොස් තිබෙන අතර එයට හේතුව දකුණු අප්‍රිකාවේ ප්‍රධාන ආහාරයක් වන බඩ ඉරිඟු කෑමට සේනා දළඹුවා  දැඩි රුචියක් දැක්වීම නිසාය .


2018 මැද භාගය වන විට ඉන්දියාවේ ප්‍රාන්ත වන ආන්ද්‍ර ප්‍රදේශ් , කර්ණාටක මහා රාෂ්ට්‍ර තෙලෙන්ගනා, බටහිර බෙංගාලය  සහ  තමිල්නාඩුවට මෙම දළඹුවා ආක්‍රමණය  කර තිබිණ. මෙය සැලකිල්ලට ගත් එක්සත් ජාතීන්ගේ සංවිධානයේ ආහාර සහ  කෘෂිකර්ම සංවිධානය ආසියාවේ අනෙකුත් රටවලට  මෙන්ම චීනයටද  මෙම වසංගතය  පැතිරිය හැකි බවට ගිය අවුරුද්දේ අගෝස්තුවේදී  අනතුරු ඇඟවීය .


මේ වන විට එය සත්‍යයක් බවට  පත් කරමින් තායිලන්තයටද ,මියන්මරයටද සහ අප රටටද   සේනා දළඹුවා  පැමිණ තිබේ .




            ලංකාවේ  බඩ ඉරිඟු වගාවට  පමණක් තවමත් මෙය බහුල ලෙස  බලපා තිබෙන බැවින් සමස්ත ගොවි ජනතාව , සේනා දළඹු ප්‍රහාරයේ  බිහිසුණු බව වටහා ගෙන නොමැත ,මෙය  බඩ ඉරිඟු වලට  පමණක් නොව තවත් වගාවන් 80-100 අතර සංඛ්‍යාවක් කා දමන  බව විශේෂඥයෝ ප්‍රකාශ කර තිබේ මෙය ධාන්‍ය වලට  පමණක් නොව  ඇතැම් පලතුරු වලටද ඇතැම් එලවලු වලටද , මල් වර්ග  කීපයකටද  සේනා    දළඹුවා  විනාශය  ගෙන එයි .


අපේ රටේ වවන පහත සදහන් වගාවන් මෙම දළඹුවා කා දමයි .


ඉරිඟු , වී ,සෝගම්, රටකජු.සෝයා, කව්පි , කපු , උක්, රබර් ,ඉඟුරු, දුම්කොළ ,සුරිය මල් .


අර්තාපල් , ලුණු ,තක්කාලි, වට්ටක්කා ,බණ්ඩක්කා ගෝවා , පිපිඥඥා, බතල ,බෝංචි, රාබු ,නිවිති, සලාද ගෝවා මිරිස් ,ගම්මිරිස්, මල් ගෝවා.

 

පේර ,මිදී, ගස්ලබු , අඹ , කෙසෙල් ,ලෙමන් දෙහි ,ස්ට්‍රොබෙරි , පැෂන් මල්  , කොමඩු 


ඩේලියා, කානේෂන් ක්රෝටන් සහ  රෝස

 

Related image

                                                 සේනා දළඹුවාගේ ජීවන චක්‍රය 

මෙම දළඹුවා වේගයෙන් බෝවන්නේ මු  සලඹුවෙක් වූ පසු බිත්තර තොග ගණනින් දමන  නිසාය. බිත්තර,  සළඹයෙක් බවට පත් වීමට සති හතරක් හෝ  පහක් ගතවේ  සළඹයා උපරිම වශයෙන් දින 21 ක් ජීවත්වන අතර එම කාලය තුලදී බිත්තර 100 සිට 2000 දක්වා දමයි .බිත්තර දින දෙක තුනකින් මෝරා දළඹුවන් උපදින අතර  ඔවුන් වගාවන් කා දමමින් උපරිම වශයෙන්  දින 22 ක් ගත  කරයි .ඉන්පසු සති දෙක තුනකින් සළඹයෙක් බවට  පත්ව වෙනත් වගාවෙන් වෙත  පියාඹා ගොස් බිත්තර දමයි . සලඹයන් එක්  දිනකදී කිලෝමීටර් 100 ක් දක්වා දුර පියඹා  යා හැකි බැවින් දළඹු ආක්‍රමණය ඉතා වේගයෙන් විශාල ප්‍රදේශයක ට  පැතිරී යයි . සිය  කෙටි ජීවිත  කාලය තුළ  පරම්පරා  කීපයක් ජනිත කිරීමට සලඹයාට  හැකියාව තිබේ  . මෙම කෘමියාගේ ජිවිත  කාලය  තීරණය වන්නේ පරිසරයේ පවතිත උෂ්ණත්වය  මතය  . නිවර්තන කලාපිය දේශගුණය සහිත රටවල  ජනිතවන මෙම දළඹුවාට  හිම මිදෙන  සීතල දරා  ගත නොහැක  ලෝකයේ උතුර අර්ධ  ගෝලය  පැත්තට වන්නට මෙම කෘමි උවදුර දකින්නට නැත්තේ ඒ නිසාය .



                                  

මෙම උවදුර ට  එරෙහිව    එක්සත් ජාතීන්ගේ සංවිධානයේ ආහර සහ කෘෂිකර්ම සංවිධානය, ආහාර පිලිබඳ ලෝක සංවිධාන,  මෙම උවදුරට මුහුණ දුන් අප්‍රිකානු රටවල සමග එක්ව විද්‍යාඥයින් සිය ගණනක් සමග   පර්යේෂණ කරමින්ද විශාල ලෙස මුදල් වැය කරමින්ද කටයුතු කර ඇතත් සාර්ථක විසඳුමක් සොයා ගැනීමට අසමත්ව තිබේ .




කෘමි නාශක සහ පලිබෝධ නාශක නිපදවා  ඇතත් ඒවා සියයට සියයක් සාර්ථක  ප්‍රතිඵල ලබා දීමට අසමත්ව තිබේ  කුහුඹින් මෙම දළඹු බිත්තර  කා දමන බව සොයා ගෙන තිබේ. එබැවින් වගාවන් අතර කුහුඹින් පැතිරවීමෙන්  යම් දුරකට  පාලනය  කළ හැක  එමෙන්ම පිරිමි බිත්තර  පමණක් නිපදවීමට සමත් සලඹයන් නිපදවා  පරිසරයට මුදා  හැර තිබෙන අතර එය සාර්ථක  ප්‍රතිඵල පෙන්වා තිබේ .දළඹු මර්දනය  සදහා අප්‍රිකාවේ  ගොවියන් මිලියන් ගණනක් එක්සත්  ජාතීන්ගේ සංවිධානය විසින් පුහුණු කර තිබෙන අතර දළඹුවන් අතින් ඉවත් කර පොඩි කර මරා  දැමීම එක විසදුමක් ලෙස හඳුනාගෙන තිබේ . එමෙන්ම දේශීය විසඳුම් වෙත  යොමුවෙන ලෙස ද විද්‍යාඥයින් ගොවියන්ගෙන් ඉල්ලා තිබේ. අළු ගැසීම යම් දුරකට සාර්ථක බව  ලංකාවේ ඇතැමුන්  සොයා ගෙන තිබෙන  බවට වාර්තා  පළවී ඇත  .



මෙම උවදුර   අපේ රටේ පාලනය  කිරීමට නම් ගොවියන් සහ වෙනත් අය  ලක්ෂ ගණනින් මෙහෙයවීමේ වැඩ පිළිවෙලකට ආණ්ඩුව  වහා අවතීර්ණ විය යුතුමය . වෙනත් වචන වලින් කියතොත්  සේනා දළඹුවාට එරෙහිව ලක්ෂ ගණනක් මිනිස් සේනාවක් යෙදවිය යුතුය. ඉකුත් වසර දෙකක   කාලයේ ඩෙංගු මර්දනය කිරීම සදහා ආණ්ඩුව  අනුගමනය  කළ දැවැන්ත වැඩ සටහන මෙන් දැවැන්ත දළඹු මර්ධන ව්‍යාපාරයක් වහ වහා දියත් කළහොත් මෙම උවදුර බොහෝ දුරට  පාලනය  කර ගැනීමට අපට හැකිවෙනු ඇත . නැතහොත් සිදුවන්නේ  අප රටට දරා ගත නොහැකි විනාශයකි .


( මෙම  ලිපිය උපුටා ගෙන  මුහුණු පොතේ පළකිරීමෙන් මෙම විනාශය පිළිබඳව මහජනයා දැනුවත් කිරීමට  ඔබට දායක විය හැක. )  





Thursday, January 17, 2019

සිරිසේනගේ ඉංග්‍රීසි ,අපේ ඉංග්‍රීසි සහ රනිල්ගේ ඉංග්‍රීසි

Image result for SRI LANKA PRESIDENT SIRISENA  IN PHILIPPINES

      ජනාධිපති සිරිසේන මහතාට  ලියා දුන් ඉංග්‍රීසි  කතාව පිලිපින ජනධිපති වරයා ඉදිරියේ හරියට  කියවා  ගන්නට බැරිවීම ගැන දැන් විවිධ විවේචන එල්ල වෙමින් තිබේ .වෙනත් ජාත්‍යන්තර  සම්මන්ත්‍රණ වලදී සිංහලෙන් කතාකරන සිරිසේන මහතා මෙවර ඉංග්‍රීසියෙන් කතා  කරන්නට ගියේ මන්දැයි අපි දන්නේ නැත .


සිරිසේන මහතා දක්ෂ  කථිකයෙකි .මව් බසින් කතා  පවත්වන්නට  ඔහුට වඩා දක්ෂ දේශපාලනඥයින් සිටින්නේ අතලොස්සකි . අනුර කුමාර එවැන්නෙකි . රනිල්ගේ සිංහල කතා නම් එහෙමට  රසයක් නැත    . මහින්ද රාජපක්ෂගේ සිංහල කතාද එසේමය .


 සිරිසේන මහතාට  ඉංග්‍රීසි බස පිළිබඳව අඩු දැනුමක් තිබීම ඇත්තෙම්ම රාජ්‍යපාලනයේදී ඔහුටත් අවාසි දායකය. රටටත් අවාසි දායකය . රනිල්ගේ සංස්කෘතිය ඔහුට අප්පිරිය වීමට එක හේතුවක් වුයේ  ඉංග්‍රීසි බව  කියනු  ලැබේ . සිරිසේන  මහතා රනිල් පන්නා දමා දින 52 ක් නැටු නැටිල්ලෙන් රටට සිදුවූ පාඩුව කොතරම් විශාලදැයි දන්නෝ දනිති. එය සිදුවුයේ ඔහුගේ ඉංග්‍රීසි බසේ දුප්පත් කමත් එක හේතුවක් වූ නිසා නොවේද?

සිරිසේන මහතාට  පමණක් නොව මන්ත්‍රීවරු සැලකිය යුතු පිරිසකටද , රටේ බහුතරයකට ද  ප්‍රමාණවත්   ඉංග්‍රීසි  දැනුමක් නැත . ප්‍රමාණවත් ඉංග්‍රීසි දැනුමක් නැති වූ විට ලෝකයෙන් උකහා ගහ  හැකි දැනුමද අල්පය. එහි පාඩුව රටටමය. දෙමළා සමග  කතා කරන්නටත්  නැගෙනහිර පළාතේ මුස්ලිම් මිනිසුන් සමග කතා  කරන්නට සිංහලුන් නොදන්නා බැවින් අදත් ඔවුන් සහ සිංහලයන් අතර තිබෙන අනවබෝධය අති විශාලය .    


මා  මේ ලිපියෙන්  කතාකරන්නට  යන්නේ ජනාධිපතිවරයාට මෙන්ම  ලාංකිකයන් බහුතරයකට  ඉංග්‍රීසි බසින් ලියන්නට,  කියවන්නට අවබෝධ කරගන්නට සහ කතා  කරන්නට  බැරි වීමට  බලපෑ  හේතු කීපයක් පිලිබඳවය.


පළමුවෙන් අපට හමුවෙන්නේ S.W.R.D. බණ්ඩාරනායක මහතා සහ ඔහුගේ ශ්‍රී ලංකා නිදහස්  පක්ෂයයි . එකළ ඉංග්‍රීසිය විසින් බලවත් පීඩනයක් සිංහලයන් මත පටවා තිබීම නිසා සිංහල භාෂාව පමණක්  රාජ්‍ය භාෂාවක් කිරීම නිසා   ග්‍රාමීය සිංහලයා  ඉංග්‍රීසි ඉගනීම ඇත හැර දැමු අතර  එය දෙමළා පාගා  දැමීමට තරම් දුර ගෙන ගියේය. එබැවින් බණ්ඩාරනායක සහ ශ්‍රීලනිපය කරන ලද්දේ  සමාව දිය නොහැකි අපරාධයකි .


ඉන්පසු බලයට පැමිණි ආණ්ඩු මෙන්ම අධ්‍යාපන අමාත්‍යාංශයද රටේ බහුතරයකට ඉංග්‍රීසි හෝ වෙනත්  ජාත්‍යන්තර  භාෂාවක්  ඉගනීමට ළමුන්  සහ වැඩිහිටියන් පොළඹවන ප්‍රමාණවත්  පියවර ගත්තේ නැත . එම ආණ්ඩු සහ අධ්‍යාපන අමාත්යංශය ඉංග්‍රීසි ඉගැන්වීමට කිසිත් නොකළේ යයි  මා කියන්නේ නැත  . නමුත් ඉංග්‍රීසි ඉගනීමට පෙළඹ  වීමට  ගත් පියවර කිසිසේත් ප්‍රමාණවත් නැත .


වසර 20  කට අධික  කාලයක් පාසල්වල ඉංග්‍රීසි විෂය ඉගැන්වීමෙන්ද ,අවුරුදු අටක් අධ්‍යාපන කලාපයක ඉංග්‍රීසි ඉගැන්වීම පිළිබඳව වගකීම භාරව සිටීමෙන්ද මේ සම්බන්ධයෙන් මා තුළ ප්‍රමාණවත් අවබෝධයක් තිබේ.


පෙළපොත නොමිල් දුන්නද , අවශ්‍ය තරම් ඉංග්‍රීසි ගුරුවරු සිටියද සතියකට  කාල පරිච්චේද පහක් ඉංග්‍රීසි  ඉගැන්වුවද ළමුන් ඉංග්‍රීසි  ඉගනගන්නේ  නැත . ඒ සදහා  ළමුන් තුළ  උවමනාවක් ඇති කළ යුතුය .  ඉගනීමට උවමනාවක් නැතිවූ විට ශක්‍රයාටවත්  බලහත්කාරයෙන් ඉගැන්විය නොහැක .  ළමුන් ජීවත්වන  පරිසරය ඉංග්‍රීසි ඉගැනුමට  පොළඹවන්නේ නැති බැවින් ඔවුන් ඒ සදහා පෙළඹවීමට අවශ්‍ය  පියවර  ගැනීම ප්‍රධාන වශයෙන් අධ්‍යාපන  අමාත්‍යවරයාගේත් අධ්‍යාපන අමාත්‍යාංශයේත් වගකීම වන්නේය .


පෙළඹවීම කළහැකි හොදම මග එම විෂය සමත් වීම අනිවාර්ය  කිරීමය 


අ.පො.ස. උසස් පෙළ විභාගයට පෙනීසිටීම සදහා සාමාන්‍ය පෙළ ඉංග්‍රීසි විෂය සමත්වීම අනිවාර්ය කරන්නේ නම්  , විශ්ව විද්යාල , අධ්‍යාපන විද්‍යා පීඨ වලට ඇතුලත් වීම සදහා උසස් පෙළ GENERAL ENGLISH විෂයට සාමාන්‍ය සාමාර්ථයක් තිබීම අනිවාර්ය කරන්නේ නම්  , සරසවි උපාධි සහතිකය නිකුත් කිරීමට  එහි පවත්වන  ඉංග්‍රීසි විභාගයකින් සමත් වීම අනිවාර්ය  කරන්නේ නම්  සියලුම  පාසල්  සිසුන් සරසවි සිසුන්   ඉංග්‍රීසි ඉගනීමට   අනිවාර්යයෙන්  පෙළඹෙනු නිසැකය .


Image result for UNEMPLOYED GRADUATES IN SRI LANKA

එහෙත් එවැනි තීරණ අධ්‍යාපන අමාත්‍යංශයේ නිලධාරීන්ට  පමණක් ගැනීමට තරමක් අපහසු කරුණකි .ඒ සදහා ආණ්ඩුවේ එකගත්වය සහ සහය අවශ්‍යය.

ආණ්ඩුවේ සහය ලබා  ගැනීම පහසු නැත. දේශපාලකයන් බදු පැනවීමේදී සහ භාණ්ඩ මිල ඉහල දැමීමේදී කැත්තට පොල්ල සේ සිටියද මෙවැනි කරුණු වලදී කෙලින් තීරණ ගන්නේ නැත .එයට හේතුව තමනට ලැබෙන චන්ද ප්‍රමාණය අඩුවෙනු  ඇතැයි යන බියය . මේ සදහා උදාහරණයක් මා දක්වන්නට කැමතිය .


මහින්ද රාජපක්ෂ මහතා ජනධිපති වී සිටි සමයේ එස්. බී දිසානායක  මහතා උසස් අධ්‍යාපන ඇමතිවරයා ලෙස  කටයුතු කරද්දී උසස් පෙළ විභාගයේ GENERAL ENGLISH විෂයට සියලු සිසුන් පෙනී සිටීම (සමත් වීම නොවේ ) අනිවාර්ය කිරීම සඳහා  යෝජනාවක් ඇමති මණ්ඩලයට ගෙනාවේය . එහෙත් එයට ඇමති මණ්ඩලයේ අනුමැතිය  ලැබුනේ නැත. එයට ප්‍රධාන හේතුව වුයේ  මහින්ද රාජපක්ෂ මහතා විරුද්ධ වීමය . ඔහු එයට හේතුව  ලෙස දැක්වුයේ ප්‍රමාණවත් තරම් ඉංග්‍රීසි ගුරුවරු  පාසල්වල නැත  යන්නය .



එවක රටේ  ලොක්කා  වූ රාජපක්ෂගේ වගකීම වන්නේ  පාසැල්වලට අවශ්‍ය ගුරුවරු ලබා දෙමින් එස් බී ගේ යෝජනාව ක්‍රියාත්මක කිරීම නොවේද? එහෙත් රාජපක්ෂ කල්පනා කළේ මෙවැනි යෝජනාවක් ක්‍රියාත්මක කිරීමෙන් තමන්ට ලැබෙන චන්ද අඩුවෙනු ඇත  යන්න මිස වෙන කුමක්ද ?


 අති බහුතරයක්  පාසල් වලින්  පිටවන සිසුන්ගෙන් 90%කට මෙන්ම     සරසවි වලින් පිටවෙන 90% කගේ ඉංග්‍රීසි දැනුම බෙහෙවින් දුර්වල වී තිබෙන්නේ  මේ නිසාය . සිරිසේන ජනාධිපතිවරයාත් ඔවුන්ගෙන් එක අයෙකු පමණි  .


Image result for ENGLISH  TEACHING IN SCHOOLS IN SRI LANKA

කෙසේ වෙතත් සිරිසේන මහතා ඇමතිවරයෙකු ලෙස  බොහෝ කලක් සේවය  කළ අතර ඉංග්‍රීසි වල වැදගත් කම එසේ සේවය  කරද්දී අනිවාර්යයෙන් ඔහුට  වැටහෙන්නට ඇත . ඕනෑ කම තිබුනේ නම් බ්‍රිතාන්‍ය කවුන්සලයෙන් ගුරුවරයෙක් ගෙදරටම  ගෙන්වා  ගෙන  ඉංග්‍රීසි ඉගනගන්නට තිබුණි.  නැතහොත් සුද්දෙක්  හෝ හෝ සුද්දියක් තම නිවසේ වසර දෙක තුනක් නතර  කරගෙන ඔහු හෝ ඇය සමග   බැරි බැරි ගායෙන් හෝ අවුරුදු  තුන හතරක් ඉංග්‍රීසියෙන්  කතා  කලේනම් මේ වෙන විට   චතුර ලෙස ඉංග්‍රීසි කතා  කරන ශුරයෙක් වීමට සිරිසේන මහතාට  පුළුවන් කම තිබුණි .


ඉංග්‍රීසි බස හොදින් ඉගනගන්නට  මන්ත්‍රීවරයෙක් ලෙස සිටියදීත්   ඇමතිවරයෙක් ලෙස සිටියදීත්  ජනාධිපති තනතුරට පත්වූ විටදීත්  සිරිසේන මහතාට හිතුනේ  නැත්තම් පෙළපොත නොමිලේ දුන්නද ඇතිපදම් ඉංග්‍රීසි ගුරුවරු දුන්නද ,  සපත්තු දුන්නද, නිල ඇදුම්  දුන්නද ඉංග්‍රීසි ඉගනීමට ගමේ  කොල්ලන් කෙල්ලන් උනන්දු වේද යන්න අප  කලපනා  කල යුතුය . විභාගවලට ඉංග්‍රීසි විෂය සමත් විම අනිවාර්ය  කල යුතුය  කියා  මා කියන්නේ ඒ නිසාය .



Tuesday, January 15, 2019

වීරවංශ උසාවියට ගැරහිල්ල නීතිඥ සංගමය තදින් හෙලා දකී



Image result for weerawansa remanded
     

    "  ශ්‍රේෂ්ඨාධිකරණය එක්තරා ආගමික කල්ලියක  ගුහාවක්"  යැයි  විමල් වීරවංශ   ඉකුත් 10 වනදා පාර්ලිමේන්තුවේදී  කළ ප්‍රකාශය ශ්‍රී ලංකා  නීතිඥ සංගමය හෙලා දකිමින් ප්‍රකාශයක් නිකුත් කර තිබේ .


 පාර්ලිමේන්තුව තුලදී කරන ප්‍රකාශවලට විරුද්ධව  නඩු පැවරිය නොහැක .


  ශ්‍රී ලංකා  නීතිඥ සංගමය  නිකුත්  කළ ප්‍රකාශය මෙසේය .


මෑතකදී ශ්‍රේෂ්ඨාධිකරණයේ නව පත්වීම් පිළිබඳව පාර්ලිමේන්තු මන්ත්‍රී විමල් වීරවංශ මහතා විසින් කරන ලද ප්‍රකාශය ශ්‍රී ලංකා නීතිඥ සංගමය හෙළා දකී.

2019.01.10 වන දින පාර්ලිමේන්තු සැසිවාරයකදී පාර්ලිමේන්තු මන්ත්‍රී විමල් වීරවංශ මන්ත්‍රීතුමා විසින් ශ්‍රේෂ්ඨාධිකරණය සම්බන්ධව කර ඇති ප්‍රකාශය, ශ්‍රී ලංකා නීතිඥ සංගමය තරයේ හෙළා දකියි.

පාර්ලිමේන්තු විවාදයක් අතරතුර දී වීරවංශ මන්ත්‍රීවරයා විසින් “ශ්‍රේෂ්ඨාධිකරණය එක්තරා ආගමික කල්ලියක ගුහාවක්“ බව ප්‍රකාශ කර ඇත. තවදුරටත් ඔහු පවසා ඇත්තේ ව්‍යවස්ථාදායක සභාව අනුමත කර ඇත්තේ ද එක්තරා ආගමික කල්ලියකට අයත් පුද්ගලයන්ගේ නම් බවය. නමුත් පසුගිය වසර ගණනාවක ශ්‍රේෂ්ඨාධිකරණයේ පත්වීම් පිළිබඳව සලකා බැලීමේදී එම ප්‍රකාශය සත්‍යයෙන් තොර බව පැහැදිලිය.

වීරවංශ මන්ත්‍රීතුමා විසින් කරන ලද ඉහත ප්‍රකාශය හේතු කොට ගෙන අධිකරණයේ මුදුන් මල්කඩ වන ශ්‍රේෂ්ඨාධිකරණයේ ස්වාධීනත්වය විවේචනය කිරීම හරහා අධිකරණයෙහි ස්වාධීනත්වය කෙරෙහි දැඩි බලපෑමක් එල්ල වී ඇත. අධිකරණ විනිසුරුතුමන්ලාගේ ආගම හෝ ජාතිය පිළිබඳව විවේචනය කිරීම ශ්‍රේෂ්ඨාධිකරණයට කෙරෙන අසාධාරණ පහරදීමක් බව ශ්‍රී ලංකා නීතිඥ සංගමය තරයේ ප්‍රකාශ කර සිටිමු. මහජන නියෝජිතයන් සහ දේශපාලඥයන් හට අධිකරණය විවේචනය කිරීමේ සාධාරණ අයිතියක් ඇති නමුත් දැඩි ලෙස අපහාස වන අයුරින් ප්‍රකාශ නිකුත් කිරීම අධිකරණයේ ස්වෛරීභාවය සහ නීතියේ ආධිපත්‍යය කෙරෙහි දැඩි බලපෑමක් වේ.

පාර්ලිමේන්තු මන්ත්‍රී වීරවංශ මන්ත්‍රීවරයා විසින් පාර්ලිමේන්තුව තුලදී, පාර්ලිමේන්තු වරප්‍රසාද භාවිත කරමින් මෙම ප්‍රකාශය සිදුකර ඇති නිසා ඔහුට විරුද්ධව අධිකරණයට අපහාස කිරීම සම්බන්ධයෙන් නීතිමය ක්‍රියාමාර්ග ගත නොහැකි වුවද, මන්ත්‍රීවරයා විසින් පාර්ලිමේන්තුවෙන් පිටතදී මෙම ප්‍රකාශය සිදුකරන ලද්දේ නම් ශ්‍රී ලංකා නීතිඥ සංගමය ඔහුට විරුද්ධව නීතිමය ක්‍රියාමාර්ග ගැනීමට නොපැකිළෙන බව ද ප්‍රකාශ කර සිටියි.


කැනඩාවට පැන ආ සවුදි තරුණිය පළමු වරට තොරතුරු රැසක් හෙළි කරයි



Image result for rahaf mohammed



     කුවේටයේ සිට  කැනඩාවට  පැන  ගිය සවුදි තරුණිය ,රහාෆ්  මොහමඩ් ඊයේ ( 14 ) පළමු වරට මාධ්‍ය සාකච්චාවක්  පවත්වමින්  කරුණු රැසක් හෙළි  කළාය.

අවුරුදු 16 සිට තම පවුලේ අය තමන්ට කායික සහ මානසික හිරිහැර කළ බවත් ජීවිතය පරදුවට තබා පැනයාමට තීරණය කළේ ඒ නිසා බවත් ඇය මාධ්ය වේදීන්ට කිව් බව කැනඩාවේ CBC  පුවත්සේවය උපුටමින් අල්ජසීරා පුවත්සේවය වාර්තා කර තිබේ.



සවුදියේ සිටින තුරු පැන යාමට ඉඩක් නැති බැවින් කුවේට් සංචාරය අතර තුර පැනයාමට තමන් සැලසුම් කර සිටි බව ඇය කියා තිබුණි .


පවුලේ අය නින්දට ගිය විට තමා හෝටලයෙන් පැන අවුත් ගුවන් ටිකට් පතක් මිලදීගෙන තායිලන්තයට පැමිණි බවත් තමා අල්ලාගන්නට පිය සහ සහෝදරයෙකු තායිලන්තයට ආවිට දිවි නසා ගන්නට තීරණය කළ බවත් ඒ බව තමන්ගේ මිතුරියනට ලිපි මගින් දැනුම් දුන් බවත් ඇය කියා සිටි ඇය   " මම අතුරුදහන් වුවහොත් ඒම ලිපි ලෝකයාට දැනගැනීමට ප්රසිද්ධ කිරීමට තම මිතුරියන් සුදානමින් සිටි බව " ත් ඇය මාධ්යට හෙළි කළාය.


.Image result for rahaf mohammed


Image result for rahaf mohammed



 " එක්සත් ජාතීන්ගේ නිලධාරීන් හෝටල් කාමරය අසලට ආවිට මන් හිතුව ඒ ගොල්ලෝ සවුදි සහ කුවේට් නිලධාරීන් කියල ඒ නිසා මම දොර ඇරියේ නැහැ . ඒගොල්ලෝ හැඳුනුම් පත් පෙන්නුවමයි මම දොර ඇරියේ "

Image result for rahaf mohammed

මට සිදුවූ කරදර සහ සෞදි කාන්තාවනට සිදුවන දේවල් ලෝකයට කියන්නට ඇයට උවමනා වූ බව ඇය ප්‍රකාශ කොට තිබුණි  .


පවුලේ අය තමන්ව අත් හැර දැමු බව පණිවිඩයක්  ලැබුණු බව කියමින් මාධ්ය සාකච්චාව අතර තුර ඇය හැඩු ඇය ඒ නිසා පවුලේ නම වන අල් ඛුනින් තම නමින් අත්හැර දැමීමට  තීරණය කළබව කියා තිබේ .

යාඥා නොකිරීම නිසා ඇයට පවුලේ අය පහර දුන් බවත් කොණ්ඩය කැපීම නිසා හයමසක් කාමරය දමා සිරකර තැබූ බවත් කි ඇය

" අපිට සලකන්නේ භාණ්ඩයක් ලෙස .එහෙමත් නැත්තම් වහලියන් ලෙස .අපිට ඕන දේවල් ගැන තීරණයක් ගන්න අපිට ඉඩ දෙන්නේ නැහැ " ඇය වැඩිදුරටත් කීවාය .

"මම දැන් ඉන්නේ හරි සතුටෙන් . මට දැනෙන්නේ මම ආයිත් ඉපදුනා වගෙයි "

"මම පාසලකට ඇතුලුවෙන්නත් ඉංග්රීසි ඉගන ගන්නත් රැකියාවක් කරන්නත් බලාපොරොත්තු වෙනවා


" තව තවත් සවුදි කතුන් නිදහස සොයා සවුදියෙන් පැන යන ඇතැයි මා සිතනවා "


මාධ්ය සාකච්චාව අවසන් කරමින් රහාෆ් මොහමඩ් කීවාය


Image result for rahaf mohammed




Image result for rahaf mohammed




Image result for rahaf mohammed



Image result for rahaf mohammed



Image result for rahaf mohammed


Sunday, January 13, 2019

ජනාධිපති තුමා වෙත කණගාටුවෙන් ලියමි



Image result for maithripala sirisena

    

ඔබ තුමා  ගැන  මා  සිත  තුල ඇත්ත  බලවත් කණගාටුවකි . ඔබ තුමාට මෙවැනි ඉරණමක් ඇති වෙතැයි ඔබ තුමා  පමණක් නොව  මමද නොසිතුවෙමි.


2015 ජනවාරි මාසයේ ශ්‍රීලංකා නිදහස්  පක්ෂයේ සභාපති කම  භාර ගන්නා විට එය බලවත් පක්ෂයකි .  එහෙත්  හෙට   මහා මැතිවරණයක්   පැවැත්වුවහොත්  එකම  ආසනයක්වත්, අඩු වශයෙන් පොලොන්නරුව  වත් ශ්‍රීලනිපයට ලැබෙන්නේ නැති බව බොහෝ දෙනෙකුගේ  විශ්වාසයයි අනුපාත චන්ද  ක්‍රමයට  පින්සිදුවෙන්නට  උපරිම වශයෙන්  මන්ත්‍රී ධුර දහයකට දොළහකට වඩා   ගන්නට ශ්‍රීලනිපයට නොහැකිවෙනු ඇත   

මේ වසරේ අග පැවැත්වෙන  ජනාධිපතිවරණයට ඔබ ඉදිරිපත් වීමට අපේක්ෂා  කරන බවත් ඒ සදහා එක්සත් ජාතික  පක්ෂයේ සහය දෙන්නේ  දැයි ගිය සැප්තැම්බරයේ  ඔබ විමසු විට බැහැ කියා  ඔවුන් ඔබට  පස්ස  හැරවීම කොතරම් අභාග්‍යයක්ද ?

ඉන් පසුඔබ තුමා  රාත්‍රී  ජාමයේ මහින්ද රාජපක්ෂ  මහතා  කැදවා රනිල්ගේ අගමැති පුටුව ඔහුට දුන්නේ පොහොට්ටුවේ සහයෝගය ජනාධිපතිවරණයේදී ඔබට දෙනු ඇතැයි යන බලවත් විශ්වාසයෙන් බව අපි දනිමු.

එහෙත් දැන් නම් එන පොට හොද නැත. උන් ඔබට සහය දෙන්නට සුදානම් නැති බව වරින් වර  කරන  ප්‍රකාශ වලින් පෙනේ .  පොහොට්ටුව මිසක් වෙන සන්ධාන එපා  යැයි ඊයෙත් මහින්දගේ චක් ගෝලයෙක් මාධ්‍ය සාකච්චාවක්  කැදවා  කිවේ නිකම් නොවේ .පිටිපස්සේ සිට ඔවුන්ගේ  කටින් ඒවා  කියවන්නේ රාජපක්ෂ පවුලේ  අය  බව දේශපාලනයේ තිබෙන යටිකුට්ටු වැඩ  ගැන  හොද අවබෝධයක් තිබෙන  ඔබ තුමා දන්නවා ඇත. පොහොට්ටු කාරයන්  දැන් සුදානම් වන්නේ  ඔබව බේරේ වැවට විසිකොට රාජපක්ෂ කෙනෙකුට  ජනාධිපති අපේක්ෂකත්වය දෙන්නටය . කොයි රාජපක්ෂද  කියා  තීරණය  කරන්නේ  මහින්දත් ඔහුගේ හාමිනේත් පුත්තු තුන්දෙනාත් බැවින් ඉල්ලන්නේ ගෝටාද , බැසිල්ද, කියා  තවම ෂුවර් එකටම කිව  නොහැකිය . ගෝටා ඉල්ලුවොත්  පරදින එකනම් ඉරහද සේ විශ්වාසය . ඒ නිසා ඔහු එන්නේ  නම්  මාත් කැමතිය .


ඔබ තුමා ඔය මල ඉලව් පක්ෂය භාර නොගෙන ස්වාධීනව සිටිමින් ජනවාරි 8  දුන් පොරොන්දු ඉටු  කළේ නම් ඔබේ නම ඉතිහාස  පොතේ ලියවෙන්නේ රන් අකුරෙන් බව අමුතුවෙන් කිව  යුතු නැත . එහෙත් ඔබ තුමා සමග යුඑන්පි කාරයොත් පොහොට්ටු කාරයොත් ශ්‍රීලංකා කාරයොත් ජේවීපී  කාරයොත් ටී එන් ඒ කාරයොත්  සිවිල් සංවිධාන  කාරයොත් බලවත් ලෙස කේන්තියෙන් සිටින බැවින් යලිත්  ජනාධිපතිවරණයට  ඉල්ලුවොත් ඇපත් කැන්සල් වෙන බව මා  ලියන්නේ බලවත් දුකෙනි .


' අත්තෙන් අත්තට පනින කුරුල්ලා තෙමි නහි ' යන කියමන ඔබට මතක් කර දෙන්නට ඔබගේ එකම උපදේශකයෙකුටවත් මතක් නොවුයේ  ගොන් රැළක් උපදේශකයන් ලෙස  ඔබ  පත් කර ගත් නිසා නොවේද?


දැන් ඔබට  ඉතිරි වී  ඇති එකම තෝරාගැනීම වන්නේ දුන් පොරොන්දු ඉටු කිරීමට මෙතැන් සිටවත් කටයුතු කොට  ලබන ජනවාරියේ ගෞරවාන්විත  ලෙස විශ්‍රාම  යාමය . එසේ  නොකොට තව  තවත් ගොන් කම් කලොත්  සියලුදෙනාම කාලයක් යනතුරු  ඔබතුමාගේ මව් තුමිය සිහි කරනවාට සැක නැත .


  මේ වගට 

සුදුකුකුලා 

Saturday, January 12, 2019

මුස්ලිම් සමාජයට අභියෝග කළ සවුදි කෙල්ල

                                              රහාෆ් මොහමඩ් අල්ඛනුන් 

    

ඇගේ නම රහෆ් මොහමඩ් අල්ඛනුන්  ය. වයස අවුරුදු 18 කි.ඇයට සහෝදර සහෝදරයන් 9 දෙනෙකි .උපන්නේ සවුදි අරාබියේය. සවුදියේ  කාන්තාවන්ට  නිදහසක් නොමැතිවුයෙන් එයින් මිදී වෙනත් රටකට  පැනගොස් නිදහසේ ජීවත් වීමට ඇයට අවශ්‍ය විය . එහෙත් එසේ  පැනයාමට මෙයට පෙර උත්සහ  කළ තරුණියන්ට සවුදි ගුවන්තොටුපොලකින්  පිටවීමට ඉඩ ලැබුනේ නැත .  එයට හේතුව  සවුදි කාන්තාවන්ට තනියෙන් ගමන් යාමට  එහි ඉඩ නැති නිසාය .


පසු ගිය දිනක  ඔහුගේ  පවුලේ අය ඇයත්  සමග  කුවේටයේ සංචාරය  කළහ. තම සැලැස්ම  ක්‍රියාත්මක කිරීමට තීරණය  කළ ඇය ඔස්ට්‍රේලියාවට  පැනයාමට ගුවන් ටිකට්  පතක් රහසිගතව  මිලදී  ගත අතර  වහාම ගුවන් තොටුපොළට ගිය ඇය බැංකොක්  හරහා ඔස්ට්‍රේලියාවට යාමට  ගුවන්  යානයකට ගොඩ වුවාය  . ජනවාරි 5 ඇය බැංකොක් ගුවන් තොටුපලට  පැමිණි නමුත්  එහි සවුදි තානාපතිවරයා ඇගේ  ගමන් බලපත්‍රය  බලහත්කාරයෙන් ගත් බැවින් ඇයට  ඉන් ඉදිරියට  ගමන් කිරීමට  නොහැකි විය .

  තායි බලධාරීන් ඇය තොටුපොළේ  හෝටල් කාමරයකැ  රැඳවු පසු  ඇතුලෙන් අගුලු දාගත් ඇය දොර  බලෙන්  විවුර්ත   කිරීම වැලක්වීමට  කාමරයේ තිබු ඇදන් සහ අනෙකුත් ගෘහ භාන්ඩ දොරට  හිර කොට , සමාජ මාධ්‍ය  මගින් තමන් ට  පවුලේ අය  කරන හිරිහැර ගැනත්, බලහත්කාරයෙන් ඇය ආපසු යවනු ලැබුවහොත් පවුලේ අය ඇය  මරා දමනු ඇති  බවත්   කියා සිටියාය. එබැවින් ඕස්ට්‍රේලියාවේ  හෝ වෙනත්  බටහිර රටක රැකවරණය  ලබා දෙන   ලෙස ඉල්ලා  සිටියාය.



Image result for rahaf mohammed al qanun

                    කාමරය  තුලට වී twitter  මගින්  ලෝකයේ  පිහිට ඉල්ලන අයුරු 

ඇය ආපසු යැවීමට  බැංකොක් බලධාරීන් සුදානමින් සිටියත් එක්සත් ජාතීන්ගේ සරණාගත සංවිධානයත්, අන්තර්ජාතික මානව හිමිකම් සංවිධානයක් වන  Human Rights Watch  සංවිධානය ඇයට පිහිට වීමට  ඉදිරිපත් වීම නිසා  ඇය ආපසු නොයැවීමට තායිලන්තය  තීරණය  කළේය  .



Image result for rahaf mohammed al qanun

    එක්සත් ජාතීන්ගේ සරණාගත ආයතනයේ නියෝජිතයා සහ තායි බලධාරීන් සමග 

 

ඉන්පසු එක්සත් ජාතීන්ගේ  සරණාගත සංවිධානය ඇයට බැංකොක් නගරයේ තවකාලික නවාතැන් සැපයු අතර ඇය පවුලේ අය අත් හැර  යාමට  හේතු විමසුහ.

 

ඇය තම  කොණ්ඩය  කොටට  කැපීම නිසා  පවුලේ සාමාජිකයන් ඇය  කාමරයකට දමා  මාස  හයක් හිරකර තැබූ බවත් එම  කාලය තුල ඇයට  කායිකව සහ මානසිකව  හිරිහැර  කළ බවත් ඉතා  සුළු දෙයටත්  තමා  මරා  දමන  බවට  තම  පවුලේ අය  තර්ජනය  කරන බවත්  කියා සිටියාය . තම පවුලේ අය සවුදි අරාබියේ  බලවත් පවුලක් බව ඇය  කි නමුත් ඔවුන් කවුදැයි ඇය මාධ්‍යවලට  හෙළි කොට   නැත . ආපසු ගියහොත් නොවරදවාම  ඔවුන් ඇයව  මරා  දමනු ඇතැයි ඇය තව දුරටත්   කියා සිටියාය  .


ඇය  කොහේ ගියත්  ඇයව පැහැරගෙන  ආපසු ගෙනියන බවට සවුදි බලධාරීන් සහ කුවේට් ගුවන් සේවයේ නිලධාරීන් දැනටමත්  තර්ජනය  කර ඇති බව  වැඩි දුරටත් අල් ඛනුන් කියා තිබේ .


මේ අතර ඇය රැගෙන  යාමට  ඇගේ  පියා  බැංකොක් නගරයට  පැමිණියත් ඇය  මුණගැසීමට තායි බලධාරීන් ඔහුට  ඉඩ දුන්නේ  නැත .


 ඇගේ  ඉල්ලීම  අනුව ඔස්ට්‍රේලියාව ඇයට සරණාගත තත්වය  දිය යුතුද නැද්ද  කියා එහි ආණ්ඩුව  සාකච්චා  කරමින් සිටින අතර  තුර  කැනඩාව ඇය  භාරගැනීමට කැමැත්ත  ප්‍රකාශ  කළේය.  එය  භාරගැනීමට අල් ඛනුන්   වහාම කැමැත්ත  ප්‍රකාශ  කළාය .


Image result for rahaf mohammed al qanun

                                                   කැනඩාවට පැමිණ  


ඒ අනුව  ඇය සිකුරාදා   (11 ) රාත්‍රී කැනඩාව  බලා  යාමට ගුවන් යානයකට ගොඩ වුවාය . ඇය ගුවන් තොටුපොල වෙත  කැඳවාගෙන ගියේ  තායිලන්තයේ කැනඩා තානාපතිවරයා විසිනි .  බුර්කාව විසි කොට තායිලන්තයට  පැමිණි ඇය, කොට සායක් හැඳ කැනඩාවේ ටොරොන්ටෝහි පියර්සන් ජාත්‍යන්තර ගුවන් තොටුපොළට  ඇය ගොඩ බට  විට  කැනඩාවේ විදේශ ඇමතිනි ක්‍රිස්ටියා ෆ්රීලන්ඩ්  මල්  දී  ඇය සාදරයෙන් පිළිගනු ලැබුවාය 

Image result for costi in caNADA

                                     

                               කැනඩා විදේශ ඇමතිනිය ඇය පිළිගනිමින් 


කැනඩාවේ දී   කරන  පළමු කාර්යය  ඉංග්‍රීසි ඉගැනීම බව  ඇය  කිවාය. ඇයට දැනටමත් සැලකිය යුතු  ඉංග්‍රීසි දැනුමක් තිබේ .

  Image result for costi in caNADA


කැනඩාවේ සරණ ලබා දීමට එහි ආණ්ඩුව  තීරණය  කළ බැවින් වසරක් යනතුරු ඇයට ආණ්ඩුවේ  උදව් උපකාර ලබා ගත  හැක .ඒ අතර COSTI    නැමති රාජ්‍ය නොවන  සංවිධානයක් විසින් ඇයට අවශ්‍ය අනෙකුත් උපකාර  ලබා දීමට ඉදිරිපත්ව සිටි .දැනට ආරක්‍ෂිත ස්ථානයක නවාතැන් ගෙන  සිටින ඇයට ස්ථිර  නවාතැනක් සොයා දීමට ඔවුන් කටයුතු කරන බව  කියා තිබේ.




        

Wednesday, January 9, 2019

ඇත්ත වීරයන් හමුවෙන Zookeeper's wife චිත්‍රපටිය



                              Zookeeper's wife චිත්‍රපටයේ අවස්ථාවක් 


             යුද්ධයකදී තම  පාර්ශවය  වැඩියෙන්  මිනීමැරීම  වීර ක්‍රියාවක්  ලෙස සැලකේ. මැරූ සංඛ්‍යාව වැඩිවූ තරමට ඔහුට ලැබෙන පදක්කම් සංඛ්‍යාවද වැඩිය . සැබවින්ම ඔවුහු  වීරයෝද?


      Zookeeper's wife චිත්‍රපටිය ඔබ  නැරඹුව හොත් සැබෑ වීරයන් කවුදැයි  ඔබට සොයා  ගත  හැකිය. 


මෙම චිත්‍රපටිය පළමු වරට  ප්‍රදර්ශනය  කරනු ලැබුවේ 2017 වසරේ  මුල් භාගයේදීය .එහෙත් එය නරඹන්නට  මට  හැකි වුයේ ඉතා  මෑතකදීය  . සමස්ත චිත්‍රපටියම  පාදක වී  තිබෙන්නේ සැබෑ කතාවක්  පදනම්  කොට ගෙනය .


1939 දී හිට්ලර්  හමුදාව  පෝලන්තයේ අගනුවර වන  වෝර්සෝ නගරය  ඇතුළුව රටින් අඩකට ආසන්න  ප්‍රමාණයක්   අල්ලා    ගැනීමෙන් පසු එහි සිටි යුදෙව් ජාතිකයන් ලක්ෂ 4 කට  අධික  ප්‍රමාණයක් ' වර්සෝ ගෙටෝ'  නම්න් හදුන්වන වර්ග කිලෝමීටර් 3.4 ප්‍රමාණයක ප්‍රදේශයක   ගාල් කරනු ලබු අතර එයින් පිටතට  යාම වෙඩි කෑමට හේතු විය.දිනකට  එක අයෙකු ගත හැකි ආහාර  ප්‍රමාණය  කැලරි 187 කට  සීමා කරන  ලද  බැවින් සියල්ලෝම සිටියේ  කුසගින්නේය .ආහාර සොයාගැනීමට රහසිගතව  පිටතට  ගිය  අය  ජර්මන්  භටයන් විසින් වෙඩි තමා  මරනු ලැබිය . පසුව  මෙම  යුදෙව්වන්ගෙන් වැඩි දෙනෙකු  ( අත දරුවාගේ  සිට  මහල්ලා දක්වා ) වරින් වර වෙනත්  කදවුරුවලට ගෙන ගොස් වධ දී හෝ වෙඩි තබා  හෝ ගෑස්  කාමරවලට  යවා  හෝ මරා  දමන  ලදී . හිට්ලර් විසින් අල්ලාගත් රටවල  සහ ජර්මනියේ සිටි  යුදෙව්වන් 60 ලක්ෂයකට අධික සංඛ්‍යවක්  හිට්ලර් පාලනය විසින් මරා දමනු ලැබිය  .



Image result for zookeepers wife

                    ගෑස් කාමර වලට යැවීමට දුම්රියකට දරුවන් නංවන අවස්ථාවක් 


මෙම  චිත්‍රපටිය  පාදක වී  තිබෙන්නේ   පෝලන්තයේ ජරමන් පාලන  ප්‍රදේශයේ  ජීවත්වූ  යුදෙව්වන් 300 ක් මරණයෙන් ගලවා  ගැනීම සදහා පෝලන්ත වැසියෙකු සහ ඔහුගේ  බිරිඳ කරන ලද  සාර්ථක  වෑයම  පිලිබඳවය . 

එය වීර  ක්‍රියාවක් වන්නේ  එසේ  ජීවිත  බේරා  ගැනීම  නිසා  පමණක් නොවේ . අසුවුවහොත්  තමන්ටද  නියත ලෙසම  ජර්මන් හමුදාව අතින් මරණයට  පත්වීමට සිදුවෙන බව  දැන  දැනම  කළ බැවිනි .යුදෙව්වන්ට   පලායාමට  උදව්  කරන අය මරා දමන  බවට ඒ වන විට  ජර්මන් හමුදාව ප්‍රසිද්ධියට  පත් කර  තිබුණි . ඇතැම් පෝලන්ත වැසියන්  ජර්මන් හමුදාවට යුදෙව්වන්  අල්ලා දුන් බැවින් කිසිවෙකුට නොදැනෙන  ලෙස  යුදෙව් මිනිසුන්ට ආරක්ෂාව  ලබා දීම ඉතා දුෂ්කර විය.



    යුදෙව්වන්ට  උදව් කරන්නන්ට මරණ දඩුවම දෙන බවට  ජර්මන් හමුදාව  ප්‍රසිද්ධ කළ  දැන්වීමකි 



 Zookeeper's wife චිත්‍රපටියේ පෙළගස්සන  සත්‍ය කථාව මෙසේය .

ආචාර්ය  ජෑන් සබින්ස්කි වෝර්සෝ නගරයේ සත්ව  උද්‍යානයේ ප්‍රධානියාය. ඔහු විද්‍යාඥයෙකි ඔහුගේ බිරිඳ අන්ටෝනිනා සබින්ස්කි හැඩවැඩ කාන්තාවකි .ඔවුන්ට අවුරුදු දහයක පුතෙකුද සිටි 


ජර්මන් හමුදාව 1939 සැප්තැම්බර් පළමුදා වෝසෝ නගරයට බෝම්බ දැමු අතර බෝම්බ සත්ව උද්‍යානයට ද වැටීම නිසා බොහෝ සතුන් මිය ගිය අතර ඇතැම් සතුන් පැන ගියහ. .ඉතිරිවුයේ අල්පයකි . ජර්මන් හමුදා  පෝලන්තය ආක්‍රමණය කොට ඉන් 48% ක් අල්ලා  ගත් අතර සෝවියට් දේශය ජර්මනිය සමග අත්සන් කළ  ගිවිසුමක් යටතේ සෝවියට් දේශය  පෝලන්තයේ  ඉතුරු  කොටස අල්ලා  ගත්තේය . 


            ඉන්පසු දිනක  ජර්මනියේ බර්ලින් සත්ව උද්‍යානයේ  ප්‍රධානියවූ ආචාර්ය ලුට්ස් හෙක්,  වෝසෝ සත්ව උද්‍යානය පරික්ශා කිරීමට  පැමිණේ . ඔහු සහ වෝසෝ සත්ව උද්‍යානයේ ප්‍රධානියවූ  ආචාර්ය ජෑන් සබින්ස්කි ඊට  පෙර  ජාත්‍යන්තර සමුළුවලදී  මුණගැසී තිබුණි .ඔහු ඉතිරිවී සිටි අලියෙක් ඇතුළු සතුන් කීප දෙනෙකු  බර්ලින් සත්ව උද්‍යානයට යවයි . දිනක් ඔහු  එහි බීමත්ව  පැමිණ ඉතිරිවී සිටි සතුන් කීප දෙනෙකුටද වෙඩි තබා  මරා දමයි . කෙසේ වෙතත් ජෑන් හමුවීමට ලුට්ස් වරින් වර පැමිණේ .එයට හේතුවුයේ ජෑන් ගේ බිරිඳ වූ අන්ටෝනිනා කෙරෙහි ඔහුගේ සිත ඇදී යාම නිසාය .දිනක් ලුට්ස් හමුවූ ජෑන් තම සත්ව උද්‍යානයේ ඌරන් ඇති කොට  ජර්මන් හමුදාවේ ආහාර  පිණිස  ලබා  දීමට කැමැත්ත  ප්‍රකාශ  කරයි .කවලම් නොවූ සතුන් ජනනය කිරීමට  උනන්දුවක් දක්වමින් සිටි ලුට්ස් වෝසෝ සත්ව උද්‍යානයේ ඌරන් ඇති කිරීමට  අවසර දෙයි .ලුට්ස් විසින් වදවී  ගිය බයිසන් ගවයෙකු ජනනය  කිරීම සදහා  සත්වෝද්‍යානය යොදා  ගනී .



Image result for zookeepers wife

                              

                               ලුට්ස්  හෙක් සහ අන්ටෝනිනෝ (චිත්‍රපටියේ )


මේ වන විට හැකි පමණ   යුදෙව්වන් මරණයෙන් ගලවා  ගැනීම සදහා රහසිගත වැඩ සටහනක් ද  වෝර්සෝ යුදෙව් ප්‍රධානින් සහ පෝලන්ත ගරිල්ලා ව්‍යාපාරය    ක්‍රියාත්මක කරමින්  කරමින් සිටියහ  .ඌරන්ට කෑමට දීම සදහා ඉවත  දමන ආහාර  වෝසෝ ගෙටෝවේ කුණු බක්කි වලින් රැගෙන යාමට ජෑන්ට ලුට්ස් විසින් අවසර දී  තිබු බැවින් ඔහු සිය කුණු එකතු කිරීමේ  ලොරියෙන් එහි ගොස් ඒවා එකතු කළ අතර වරින් වර යුදෙව්වන් කුණු යට  සගවා ගෙන  පැමිණ සිය සත්ව  උද්‍යානයේ කුඩු වලද  පොලොව යට  තිබු උමං තුළද සැගවුවේය.


Related image

                                        

                                          ජෑන් සබින්ස්කිගේ නිවස  



ජෑන් ගේ බිරිද මුලදී මෙයට අකමැති වුවත් මරණයෙන් බියට  පත්ව සිටි  තම මිතුරන් සහ  ඔවුන්ගේ දරුවන්ගේ  මුහුණු දැකීමෙන් පසු ඇය තම  මරණ බිය  යටපත් කොට ගෙන තම ස්වාමි පුරුෂයාට  යුදෙව්වන් බේරා  ගැනීම සදහා  උපරිම අයුරෙන් සහය දුන්නාය . ඇතැම් යුදෙව් පවුල් වලට  සිය නිවසේ උඩුමහලේ  නවාතැන්   දුන්නාය . ජර්මන් යුද්ධ භටයන් හෝ ලුට්ස් තම  නිවසට එන බව ආරංචි වූ විගස   ඇය වහා පියානෝව වෙත  ගොස් කිසියම් සංගීත ඛණ්ඩයක් වාදනය  කළ අතර එය ඇසුණු විගස  සියල්ලෝම වහා සැඟවුනහ . අනතුර  පහවූ පසු ඇය වෙනත් සංගීත වාදනයක්  කළාය.එවිට සැගවුණු තැනින්  පිටතට පැමිණියහ .


Related image

    

       ජාන් සබින්ස්කි යුදෙව්වෙකු බේරා  ගෙන යන අවස්ථාවක් චිත්‍රපටියේ දැක්වෙන අයුරු 


          ජර්මන් හමුදා  පැමිණ  තමන් අල්ලා  ගනු ඇතැයි  යනුවෙන් ඔවුන් තුල ඇතිවූ   බිය කවරේද කියා  ඔබට හරියාකාරව  වටහා  ගත  හැක්කේ  ඔබ ඒ සමාන අත් දැකීමක්  ලබා  ඇත්තේ නම් පමණි . සිංහල ප්‍රදේශවල විසු මිනිසුන් 1987-89 සමයේ ඒ හා සමාන බියකින් වසර දෙකකට අධික  කාලයක් ගත කළහ .එකළ  ඇතැම් මිනිසුන්  රාත්‍රී කාලයේ සිටියේ  කැලෑවලය .නිවසේ  සිටියහොත් එක්කෝ ජවිපෙ තුවක්කු කරුවන් නැතහොත්  හමුදා විසින් මරා දමනු ඇතැයි දකුණේ විසු පුරවැසියන්ගෙන් බහුතරය බියට පත්ව සිටියහ  .  උතුරේ සහ නැගෙනහිර  ජනයාද  එවැනිම බියකින්  යුද සමයේ අවුරුදු 27 ක්  ගත  කළහ . රාත්‍රිය  උදා නොවේවා කියා   එකල ප්‍රාර්ථනා නොකළ කෙනෙක් නැති තරම්ය .


යුදෙවන් ගලවා  ගැනීමේ ව්‍යාපාරය විසින්,  පෝලන්තයේ විවිධ ස්ථානවල  සඟවා සිටි යුදෙව්වන් , ආර්ය ජනවර්ගයකට අයත් වන බව සදහන් කරන ලද  හොර  හැඳිනුම්  පත් රහසිගතව  මුද්‍රණය  කොට ඔවුන් අතට  පත් කොට ජර්මන් පාලන ප්‍රදේශයෙන්  පිටතට    යවනු ලැබිය .



Image result for zookeepers wife


ලුට්ස් සමග තම බිරිද අනියම් සම්බන්ධතාවයක් පවත්වන්නේ  යැයි ජෑන් සැක කිරීම නිසා දෙදෙනා අතර අමනාප කම් ද හටගනී  එහෙත් එවැන්නක් නැතැයි අන්ටෝනිනා  කියන අතර ජෑන් එය පසුව  පිළිගනී.  මේ අතර තුර ඇය ගැහැණු  දරුවෙක්ද බිහිකරයි  


1943 දී වෝසෝ ගෙටෝවේ සිටි යුදෙව්වන් එයින් ඉවත්කොට මරා දැමීම සදහා  කදවුරු වලට  යැවීමට  පටන් ගත් විට යුදෙව්වන් විසින් කැරැල්ලක් ගැසූ අතර එය මාසයක්  පමණ  කාලයක් පැවතුණි .ඒම කැරැල්ලට ජෑන් ද සහභාගිවූ අතර ඔහු ජර්මන් හමුදාව විසින් අත් අඩංගුවට ගෙන කදවුරකට  යවනු ලබයි .


             මේ අතර සෝවියට්  හමුදා ආසන්නයට  පැමිණීම නිසා ජර්මන් හමුදා පොලනතයෙන් ඉවත්වීම අරඹන අතර ලුට්ස් හමුවීමට   යන අන්ටෝනිනෝ තම ස්වාමි පුරුෂයාට  සිදුවුයේ  කුමක්දැයි අසයි . එහිදී ඇයට බලහත්කාරකම් කරන ඔහු  පෝලන්ත කැරලිකාර ව්‍යාපාරයට ඇය සම්බන්ධ බවට  ඇයට  චෝදනා කරයි .වහා නිවසට එන ඇය ඇගේ නිවසේ සහ සත්වෝද්‍යානයේ සැගවී සිටින  අය  සත්වෝද්‍යානයේ උමං  මගක් දිගේ පිටත් කර  යවයි.


 ලුට්ස් හමුදා භටයන් සමග  එහි පැමිණෙන විට ඔවුන් පිටත් කොට අවසන්ය. ඇගේ කුඩා දරුවාද වෙනත් කාන්තාවක් අත  යැවූ නමුත්  වැඩි මහල් පිරිමි දරුවා මව තනිකොට  යාම  ප්‍රතික්ෂේප  කරයි . දරුවා  මරා දැමීමට ලුට්ස් සුදානම් වන  නමුත් අවසානයේ  ඔහුටත් මවටත් හානියක් නොකර ලුට්ස් ආපසු යන්නට  යයි . අන්ටෝනිනෝ තම දරුවා ත් රැගෙන වෝසෝ නගරයෙන් පිටවී  යයි.



Image result for zookeepers wife



සෝවියට් හමුදා වෝසෝ නගරය අල්ලාගැනීමෙන් මාස 4 කට පසු ඇය ආපසු සිය දරුවන් සමග පැමිණ යලිත් ජීවිතය අරඹයි .  හිරෙන් නිදහස් වූ ඇගේ ස්වාමි පුරුෂයාද එහි පැමිණ ඔවුන් හා එකතුවෙයි  .


ඔවුන් දෙදෙනා විසින් බේරා  ගත් යුදෙවන්ගේ සංඛ්‍යාව 300 කි .ඔවුන්ගෙන් දෙදෙනෙකු හැර අන් සියල්ලෝම යුද්ධය අවසන් වන විට  ජීවත්ව  සිටියහ . දැනගන්නට  තිබෙන ආකාරයට  එසේ දිවි ගලවාගත් අයගෙන්  මේ වන විට ජීවත් වන්නේ එක අයෙකු පමණි ඒ දැන් කැනඩාවේ ජීවත්වන ස්ටෙෆානියා සිට්බෝන්ය .ඇය අන්ටෝනිනාගේ නිවසට මව සමග  පැමිණෙන විට ඇගේ    වයස මාස 4 ක් පමණි . යුද්ධයෙන් පසු ඔවුන් පෝලන්තයට  යලි පැමිණි නමුත් පියා  මියයාම නිසා මව  සිය දරුවන් සමග ඊශ්‍රයලයට  ගිය අතර  ස්ටෙෆානියා  පසුව  කැනඩාවේ  පදිංචි වුවාය .


Image result for zookeeper's wife survivors

                               

                          පණ බේරා ගත් ඇත්ත   ස්ටෙෆානියා  සිට්බෝන් 

 

  යුදෙව්වන්ගේ ජීවිත  බේරා  ගැනීම සදහා කළ  කැපවීම අගය  කරමින්  ඊශ්‍රායල් රජය 1968 දී සබින්ස්කි යුවලට  Righteous among the Nations  යන  ගරු නාමය  ප්‍රදානය කළේය 


       ආචාර්ය ජෑන් සබින්ස්කි 1974 දී පෝලන්තයේදී මියගිය අතර ඔහුගේ බිරිඳ 1971 දී මිය ගියාය .අද ඔවුන් විසු නිවස  කෞතුකාගාරයකි .



ඇය විසින් ලියන  ලද  දිනපොත් සටහන් සහ වෙනත් සටහන් පදනම් කොට ගෙන ඩයාන් ඇකර්මන් විසින් ග්‍රන්ථයක් ලියා  ප්‍රසිද්ධ  කරන ලද අතර එය  පදනම් කොට ගෙන Zookeeper's wife චිත්‍රපටිය  නිෂ්පාදනය  කර තිබේ 



Diane Ackerman Zookeepers Wife Book



             මෙම චිත්‍රපටයේ අන්ටෝනිනාගේ ලෙස  ජෙසිකා  චැස්ටේන් රඟපෑ අතර ජෑන් සබින්ස්කිගේ චරිතයට  පන දුන්නේ ජොහාන් හෙල්ඩන්බර්ග් විසිනි. ලුට්ස් හෙක් ලෙස රගපාන්නේ ඩැනියල් බ්රුයිල් විසිනි .චිත්‍රපටිය අධ්‍යක්ෂණය  කළේ නිකි කේරෝ විසිනි 



Antonina Zabinski and Jessica Chastain

                                             සැබෑ අන්ටෝනිනෝ වම්පස 




  Jan Zabinski and Johan Heldenberghජයේ 

                                             ආචාර්ය ජෑන් සබින්ස්කි වම්පස 

         

Lutz Heck and Daniel Brühl

                                           ඇත්ත ලුට්ස් හෙක් , වම්පස 


     Antonina Zabinski and Jan Zabinski Feeding a Bird

     සබින්කි යුවල සිටින වම්පස චායාරුපය යුද්ධයෙන් බොහෝ කලකට පසු  ගන්න  ලද්දකි 

           

'අප  ලිවිය යුත්තේ තම  ජීවිතය උදුරා  ගැනීමට මාරයා දත් මිටි කමින් සිටියදී එය නොසලකා අනුන්ගේ ජීවිත  බේරාගැනීමට අප්‍රතිහත ධයිර්යයෙන් ක්‍රියා  කරන අය ගැන  මිස මිනිසුන් මරා  තම ජීවිතය  බේරා  ගැනීමට තුවක්කු  පත්තු  කරන අය  ගැන නොවේ' නොවේද? 



Friday, January 4, 2019

රණසිංහ ප්‍රේමදාස ට බියවී පැනගිය ප්‍රේමදාස උඩුගම්පොල






           The Indian Express පුවත් පතේ  ප්‍රධාන  කර්තෘවරයා වූ ෂෙකර් ගුප්ත ජවිපෙ  කැරැල්ල  උග්‍රව තිබු 1989  දිනක ප්‍රේමදාස උඩුගම්පොල  හමුවීමට මහනුවරට ගියේය. එකල ඔහු මධ්‍යම  පළාතේ නියෝජ්‍ය  පොලිස්පති වරයා විය . ඔහුගේ කාර්යාලය ෂෙකර් ගුප්තා   විස්තර  කළේ මෙසේය .


' ඔහුගේ මේසයේ  ලාච්චුවක් බාගෙට ඇර තිබිණ එහි විවිධ වර්ගයේ අත් බෝම්බ කීපයක්ද ,ජිනීවා සම්මුතියෙන් තහනම් කරන  ලද ඩම් ඩම් උණ්ඩ ද තිබිණ.(එම උණ්ඩ වැදුණු විට ශරීරයේ ඇතිවෙන තුවාලය විශාලය ) උඩුගම්පොලගේ ප්‍රියතම ආයුධයවූ බ්‍රවුනින් 38 පිස්තෝලයට එම උණ්ඩ  දැමීමට ඔහු වැඩි කැමැත්තක් දැක්වීය .ඔහුගේ දකුණු පසින් Uzi වර්ගයේ සබ්මැෂින් තුවක්කුවක් තිබිණ . ඒ අතර  ඔහුගේ පුටුව අසලින් සැහැල්ලු මැෂින් තුවක්කුවක් තිබෙනු මා දුටිමි  .එයට අමතරව ඔහුගේ  ලිපි ගොනුවකට  යටින්  කොමාන්ඩෝ පිහියක් ද විය  .'


         


          ( බ්‍රවුනින් 38 වර්ගයේ පිස්තෝලයක් )



 "ඔබ  ඔපමණ කෘර ඇයි? " ෂෙකර් ගුප්ත උඩුගම්පොලගෙන් ඇසීය .

" මම කොහොමද 1988 ජුලි 28 අමතක කරන්නේ? " උඩුගම්පොල  ඇසීය . 

 ෂෙකර් ට අනුව ,  එම දිනයේ   උඩුගම්පොලගේ අවුරුදු 78 ක් වූ මවද ,සහෝදරයාද  සහෝදරයාගේ බිරිදද ඔවුන්ගේ   දරුවන් දෙදෙනාද ගාල්ලේ නිවසේදී ජවිපෙ මරා දමා තිබිණ.ජවිපෙ එය  කරන  ලද්දේ  උඩුගම්පොල මරා දැමීමට    උත්සාහ  කොට  අසාර්ථකවූ විටය . එම සමුහ ඝාතනයට හවුල්වූ සියලු දෙනාම අල්ලාගන්නට තමා  සමත්වූ  බව  කිව්  උඩුගම්පොල  ඔවුන්  එකිනෙකා  මරා දමන අයුරු ඔහු  අධීක්ෂණය  කළේය .


"ඔවුන් මට කිසි අනුකම්පාවක් දැක්වුවේ නැහැ.මම ඔවුන්ට කිසි අනුකම්පාවක් දැක්වුවේ නැහැ " උඩුගම්පොල හැඟී හොරා  නැතිවම  ගුප්තාට  කිවේය


වත්මන්  ජවිපෙ සාමාජිකයනට අනුව නම් උඩුගම්පොලගේ මව ඇතුළු ඥාතීන්  මැරුවේ ජවිපෙ නොව ආණ්ඩුවේම  කල්ලියක් විසිනි .


හමුදා  පවුල් මැරීමට  ජවිපෙ ගත් තීරණය  ජවිපෙ ජවිපෙ විනාශයට හේතුවූ බව ජවිපෙ කැරැල්ල  ගැන දීර්ඝ පර්යේෂණයක්  කළ ධර්මන් වික්‍රමරත්න මාධ්‍යවේදියා කියා  තිබේ . ඔහුට අනුව ජවිපෙ  දේශපාලන මණ්ඩලය  ඒම තීරණය ගෙන තිබෙන්නේ 1989 ජුනි දෙවන සතියේය . ඒ අනුව නිවේදනයක් නිකුත් කළ එම සංවිධානය 1989 ජුලි 15 වන දා  නිවේදනයක් නිකුත් කරමින්  1989 අගෝස්තු 20 ට පෙර  ඉල්ලා අස්වන  ලෙස  පෝස්ටර්  මගින් හා ජවිපෙ ගුවන්  විදුලි සේවය  වූ 'රණහඩ' මගින් සන්නද්ධ හමුදාවනට දැනුම් දුන්නේය .එසේ අස් නොවුයෙනම් ඔවුන්ගේ පවුල්වල සාමාජිකයන්ට  දඩුවම්  කරන  බව  කියා සිටියේය . ඇතැම් අයට  ලිපි මගින්ද  දැනුම් දෙනු ලැබිණ 

   

  1999 ජවිපෙ  ජනාධිපති අපේක්ෂයා වූ  නන්දන ගුණතිලක මා සමග  කළ සාකච්චාවකදී එවැනි නියෝගයක්  ජවිපෙ සන්නද්ධ අංශය  කළ  බව පිළිගත්තේය . එකළ සන්නද්ධ  නායකයෙකු වූ ඔහුට  එම නියෝගය   ලැබුනත්  තමන් එය ක්‍රියාත්මක නොකළ  බව  ඔහු  කිවේය .


ජවිපෙ  නියෝගයට 99% ක්  හමුදා භටයන් අවනත නොවූ බැවින් ජවිපෙ දේශප්‍රේමී ව්‍යාපාරය නියෝගය ක්‍රියාත්මක කිරීම ආරම්භ  කළේය අගෝස්තු 22 න්  පසු එක සතියක් තුල  ස්ථාන 25 කදී   හමුදා  පවුල් ජවිපෙ විසින් ඝාතනය  කළ  බව ධර්මන් වික්‍රමරතන මහතා  කියයි .


කෙසේ වෙතත් එක කාරණාවක් පැහැදිලිය .ප්‍රේමදාස උඩුගම්පොලගේ  ගාල්ලේ  බද්දේගම නිවසට  ගිනි තබා  ඔහුගේ මව සහ ඥාතින්  මරා දැමුවේ 1988  බැවින්  එය ජවිපෙ දේශපාලන  මණ්ඩලය ගත්  තීන්දුවක් අනුව කරන ලද්දක් නොව ජවිපෙ ප්‍රාදේශීය  නායකත්වය  ගත් තීන්දුවක් අනුව  ඒම ඝාතන කළා විය යුතුය. ජවිපෙ දේශපාලන මණ්ඩලය එම තීන්දුව ගත්තේ 1989 ජුනි මාසේය .ඔහු  නුවරට  එන්නට පෙර දකුණු පළාතේ  සේවය කළ බැවින් එහිදී ඔහු ජවිපෙ මර්දනය කිරීමට කරන  ලද  අනුකමපා විරහිත ක්‍රියා නිසා ප්‍රාදේශීය නායකත්වය මෙම  පලි ගැනීම  කරන්නට තීරණය  කරන්නට ඇතැයි සිතීම සාධාරණය .


The Sunday Times පුවත්පතට ආරක්ෂක  තොරතුරු පිළිබඳව වසර  ගණනක් ලිපි ලිවූ ඉක්බාල් අතාස් UPI පුවත් සේවයට ලියන  ලද  ලිපියකට අනුව ඔහුට දුරකතනයෙන් කතා  කළ  උඩුගම්පොල , පේරාදෙණිය විශ්ව විද්‍යාලයේ රෙජිස්ටාර් වරයාවූ T.E. නාගහවත්ත මහතා දිවා  ආහාරයට  නිවසට  යාමට මෝටර් රථයට  නගින විට    ජවිපෙ විසින් ඔහුට  වෙඩි තබා  මරා දැමීමෙන් පසු  එහි කඩා වැදුණු කණ්ඩායමක්  එහි සේවකයන් 14 දෙනෙකු අල්ලාගෙන   ඔවුන්ගෙන්  6 දෙනෙකුගේ බෙලිකපා සරසවි භුමියේ  කුඩා  පොකුණක් වටා තබා  තිබෙන බවත් අනෙක් 8 දෙනාට වෙඩි තබා  මරා දමා  තිබෙන බවත් කියා   තිබේ. 'කන්ද උඩරට  උකුස්සෝ ' නැමති සංවිධානයක්  විසින්  රෙජිස්ටාර්වරයා මර දැමීමට  පලිගැනීමක් ලෙස   එය  කර ඇති බව  උඩුගම්පොල වැඩි දුරටත් ඉක්බාල් අතාස් ට  කියා  තිබේ  . ඒම ඝාතන උඩුගම්පොලගේ නියෝගයකින් හෝ  ආශිර්වාදයෙන්  කෙරුණු බවට සිතීම සාධාරණය 


 ජවිපෙ විනාශ කිරීම  තම එකම රාජකාරිය  කර  ගත් අය අතර උඩුගම්පොල ප්‍රමුඛයෙක් විය. නීති රීති  බල්ලට දමා  ජවිපෙ  කරන ආකාරයෙන්ම  මිනිසුන් ඝාතනය  කරන ලෙස  ආණ්ඩුවට  යෝජනාකරන ලද්දේ ඔහු බව  කියනු ලැබේ.


හමුදා  පවුල් තුනක් ඝාතනය  කිරීමට  පලි ගැනීමක් ලෙස  උඩුගම්පොලගේ රාජකාරී ප්‍රදේශයට අයත්  මැණික්හින්නේ  මිනිසුන් 150 ක් එක දිනකදී  මරා දමනු ලැබිණ .


 විජේවීර අල්ලා ගෙන ගිය  බව ආරංචි වූ පසු උඩුගම්පොල  ඒම ස්ථානයට පැමිණි  බව කියනු ලැබේ .එහෙත් ඔහුගේ බිරිඳ සහ දරුවන් ඒ වන විටත් නිවස අතහැර  ගොස් තිබුණු බැවින් ඔවුන්ගේ ජිවිත අනුනමයෙන් ගැලවුණු බවට අනුමාන කළ හැකිය  .


1992 දී  ප්‍රේමදාස උඩුගම්පොල සේවයෙන්  විශ්‍රාම ගිය අතර ඔහුගේ  බිරිද  1995 ඇමරිකා එක්සත් ජනපදයේ රැකවරණය ඉල්ලා එහි  පදිංචි වූවාය.  ඇගේ දරුවන්  හතර දෙනාද එහි ගියහ . උඩුගම්පොල බිරිඳට 2012 සිට ඇමරිකානු පුරවැසි භාවය  ලැබිණ.


 ප්‍රේමදාස  උඩුගම්පොලද සරණාගත  පදනම මත ඇමරිකාවට වීසා  ඉල්ලු නමුත් ඔහුගේ  ඝාතන අතීතය හේතු කොට ගෙන  තානාපති කාර්යාලය විසා දීම  ප්‍රතික්ෂේප කළේය  . ඔහුගේ බ්රින්ද සහ දුවක් වූ  බියන්කා ඇමරිකාවේ අධිකරණයට  ගොස් අධිකරණ නියෝගයක්  මගින්  විසා  ගැනීමට දෙවරක්  උත්සහ  කළද උසාවිය  දෙවාරයේම ඔහුට විසා  දෙන  ලෙස  නියෝග  කිරීම  ප්‍රතික්ෂේප  කළේය. එයට හේතුව ලෙස උසාවිය කියා සිටියේ   ඔහු ත්‍රස්තවාදී  ක්‍රියාවන්ට සම්බන්ධ  බවය .


 විශ්‍රාම යාමෙන් පසු එක්සත් ජාතික පක්ෂයට සම්බන්ධ වූ අතර  ඔහු ප්‍රේමදාසගේ  ගජයෙක් බවට  පත්විය . ප්‍රේමදාසට එරෙහිව  ලලිත් ඇතුලත්මුදලි සහ ගාමිණී දිසානායක නායකත්වය දුන් අවස්ථාවේදී   උඩුගම්පොලද එයට එක් වීම නිසා ප්‍රේමදාස ඔහුගෙන් පලි ගැනීමට  සුදානම් විය.  මෙය දැනගත් උඩුගම්පොල ඉන්දියාවට  පැන ගිය අතර  යලි  ඔහු ලංකාවට  පැමිණියේ  ප්‍රේමදාස  මහතා  කොටි බෝම්බයෙන්1993 දී මිය යාමෙන් පසුවය .



        ඉන්දියාවට  පැනගිය  උඩුගම්පොල ආපසු එනවිට කටුනායක ගුවන් තොටුපොලේදී 


එක්සත්  ජාතික  පක්ෂය සමග  යලිත් දේශපාලනය  කළ  ඔහු 2010 ජනාධිපතිවරණයේදී සරත්  ෆොන්සේකා  දිනවීමට වෙහෙස  මහන්සිවී  කටයුතු කළේය . ජවිපෙද සරත් ෆොන්සේකා දිනවීමට මුලිකත්වය ගෙන  තිබු  බැවින්  පරම සතුරන් දෙදෙනෙකු එක අරමුණක් වෙනුවෙන් එකතු වීම    88-89  මියගිය අයට කරන  ලද සරදමක් ලෙස ඇතැමෙකු දකිනු ඇත .   


2011  සැප්තැම්බර් මුලදී  ඔහු එක්සත්  ජාතික  පක්ෂය අතහැර  තවත්  පිරිසක්  සමග  ශ්‍රී ලංකා  නිදහස්  පක්ෂයට එකතුවිය . ඒ  පළාත් පාලන චන්දයක්ක්  පැවතී වකවානුවකි  එක්සත්  ජාතික  පක්ෂය   කල්ලි කණ්ඩායම් වලට  බෙදීම  නිසා ඒ ගැන  කලකිරී එයින් ඉවත්වූ බව උඩුගම්පොල  The Island පුවත්පතට කියා තිබුණි .එම පුවත් පතට  තව දුරටත් කරුණු කියමින් ජවිපෙ විනාශ කිරීම සදහා  තමා  නායකත්වය දුන් බවත් තමන් ඒ ගැන ආඩම්බර වෙන බවත් තමන්ගේ සේවා වාර්තාවේ  කිසිදු කැළලක්  නැති බවත්  තමන්ට එරෙහිව දුෂණ  චෝදනා  කිසිවක් නැති  බවත් කියා සිටියේය  .


දිට්ට ධම්ම වේදනීය කර්මය සත්‍යයක් නම් ඔහු බොහෝ දුක්විද  මිය යායුතුව  තිබිණි.  නැතහොත් කොටි බෝම්බයකට අසුව මිය  යා යුතුය එහෙත් ඔහු  අවුරුදු 84 ක් ජීවත්වූ  අතර  මිය ගියේ කෙටි කාලයක්  පමණක්  අසනීප වී සිටීමෙන් පසුවය . 


ඔහුගේ අණ යටතේ තොග පිටින් සිංහල  තරුණයන් ඝාතනය  කිරීම නිසා බොහෝ අය ඔහු පිළිකුල් කරමින්  මුහුණු පොතේ බොහෝ දේ  ලියා  තිබුණි. එහෙත් උඩුගම්පොලලා සියගණනක් උතුරු නැගෙනහිරද සිටියහ . සාමාන්‍ය අසරණ දෙමල වැසියන් සහ දරුවන් දහස්  ගණනක් ඔවුන් අතින් මරණයට  පත්වුහ .එයින් එක සිද්ධියක් ලෙස මිරිසුවිල් ඝාතනය දැක්විය හැක .දර  කඩන්නට  ගිය අවුරුදු 13 ළමුන් දෙදෙනෙකුද අවුරුදු 5 ක ළමයෙකුද ඇතුළුව 8 දෙනෙකු  2000  වසරේදී බෙලි කපා මරා වැසිකිලි වලකට දමනු ලැබිණ . එය හෙළි වුයේ එක්සත් ජාතීන්ගේ සංවිධානයට එය වාර්තා වීම නිසා ඒ ගැන  පරීක්ෂණයක් කිරීමට  හමුදාවට සහ  පොලිසියට සිදුවීම  නිසාය . එහි  ඝාතනවලට මුලිකත්වය ගත්  සුනිල් රත්නායක  නැමති ගජබා රෙජිමේන්තුවේ සාජන්ට් වරයා ට වසර  ගණනවක නඩු විභාගයෙන් පසු  මරණ දඩුවම  නියම විය . ඔහු යුධ වීරයෙකු ලෙස කියමින්  ඔහු නිදහස්  කරන  ලෙස  ඉල්ලන  ප්‍රකාශ වරින් වර දැකිය හැකිය .   ඒ  ඔහු  මරා දැම්මේ සිංහලයන් නොව දෙමලු නිසාය.




                       මිරිසුවිල් ඝාතනය  කරන ලද ස්ථානය බැලීමට ගිය විනිසුරුවන් 



ඇමරිකානුවෝ සහ අපේ පොල් බූරුවෝ

මුස්ලිම් අන්තවාදීන් විසින් කරන ලද ලොකුම ත්‍රස්ත ප්‍රහාරය 2001 /9/11 දින ඇමරිකාවේ ලෝක වෙළඳ මධ්‍යස්ථානයට එල්ල කරන ලද ප්‍රහාරයයි එම ප්...