කිතුල් රා බිව් අයෙකු නැවත එය බිමට ප්රිය කරයි..පොල් රා මෙන් නොවේ පොල් රා බිව් කෙනෙකු යලිත් පොල් රා බොන්නට එතරම් උනන්දු වන්නේ නැත
බඹර පදමට වදින්නට නම් මුදුන් මලේ රා පානය කළ යුතුය ඉස්සර දවසක (එකල මට අවුරුදු 20ක් පමණ වන්නට ඇත ) මගේ මිත්රයෙකු මෙන්ම පාසල් ගුරුවරයෙකු වූ වැඩිමහල්ලෙකු සමග කිරිඇල්ලේ සිටි ඔහුගේ සහෝදරියකගේ නිවසේ තිබු පිරිත් ගෙදරක ගියෙමු උදේ .පිරිත අවසන් වීමෙන් පසු එහි පැමිණි සිටි අයෙකුගෙන් රා තිබ්වේදැයි මගේ මිත්ර ගුරුවරයා ඇසුවේය ,එක රා බෝතලයක් පමණක් දිය හැකියි ඔහු කීය .මගේ මිත්රයා රා බෝතලයෙන් වැඩි ප්රමාණයක් බිව් අතර මට දුන්නේ පිරිසි කෝප්පයකින් එකක් පමණකි අදත් එය අමතක නොවන්නේ එය බී විනාඩියක් දෙකක් ගතවන විට මගේ මුහුණ රත්වී ගෙන ඇවිත් තරමකට වෙරි වූ නිසාය
එතරම් සැර රා බොන්නට ලැබෙන්නේ කලාතුරකිනි මුදුන් මලේ රාවලටත් වඩා එම රා සැර වුයේ සීතල ප්රදේශයක වැවුණු කිතුල් ගසක රා නිසා විය හැක.
කිතුල් රා ප්රණිතය. නැවත නැවත බොන්නට මිනිසුන් ප්රිය කරන්නේ ඒ නිසාය
දැන් අපේ ගමේ තබා අල්ලපු ගමක වත් කිතුල් රා නැත්තටම නැති තරම්ය කිතුල් ගස්ද බෙහෙවින් අඩුය . හේතුව මිනිසුන් ඒවා කපා දමන නිසාය අනිත් කාරණාව වන්නේ කිතුල් මල් මැදීමට දන්නා අය නැති වීමය කිතුල් ගස හොඳ ආදායම් මාර්ගයක් බවට පත් කරගත හැකිය කිතුල් මලෙන් ගන්නා තෙලිජ්ජ උණු කර නිපදවන, (සීනි කවලම් නැති) පැණි මෙන්ම හකුරු ද ඉතා රසවත්වන අතර හොඳ මිලකට විකිණිය හැකිය. අද වෙළඳ පොලේ තිබෙන පැණි මෙන්ම හකුරුද බොහොමයක් කිතුල් පැණි මෙන් තුන් හතර ගුණයක් සීනි කවලම් කර හදන ලද ඒවා වෙති.
ආචාර්ය එන් එම් පෙරේරා මුදල් ඇමති කාලයේ කිතුල් ගස් දෙකක් මැදගෙන රා, පැණි, හකුරු නිෂ්පාදනයට අවසර දුන්නේය මේ නිසා රට විනාශ වන බව කියමින් භික්ෂු කණ්ඩායමක් ඊට විරුද්ධ ව්පාායරයක් එකල ගෙන ගියහ .ඒ කාලයේ ජනප්රිය පුවත්පතක් වූ 'දවස' එන් එම් ගේ නම ලිව්වේ 'පෙරේ රා' යනුවෙන් නැවත නැවත ලියමින් ඊට විරුද්ධව දිගින් දිගටම කටයුතු කළේය .
මගේ හොඳ මිත්රයෙකු වූ මතුගම නීතිඥ විමල් ගුණතිලක (දැන් ජිවතුන් අතර නැත ) කිතුල් ගැන පර්යේෂණයක් කර කිතුල් සංවර්ධන මණ්ඩලයක් පිහිටුවාගැනීම සඳහා උත්සාහයක් එකල දැරුවේය තල් සංවර්ධන මණ්ඩලයක් සහ පොල් සංවර්ධන මණ්ඩලයක් තිබේනම් කිතුල් සංවර්ධන මණ්ඩලයක් පිහිටුවන්නේ නැත්තේ මන්දැයි ඔහු ප්රශ්න කළේය ඔහුගේ පර්යේෂණයට අනුව සත පහක්වත් ආයෝජනයක් නොකර කිතුල් මලක් මැදීමෙන් රු 25000ක් ආදායමක් ලබා ගත හැකිය.
රා නිපදවීම නීති විරෝධී කටයුත්තක් කරමින් සුද්දන් නීති පැනවුයේ අරක්කු රේන්ද මගින් ආණ්ඩුවට මුදල් ගරා ගැනීමට විමල් එකල නිතර නිතර කී කාරණාවකි .
අදත් ආණ්ඩු වසරින් වසර මත් පැන්වලට බදු වැඩි කරමින් විශාල ආදායමක් ලබති .
එහෙත් ඔහුගේ වෑයම අපතේ ගියේය .
කිතුල් රා සරුවට නිපදවන්නේ නම් කසිප්පු උවදුර විශාලවශයෙන් අඩුවී යන බවට කිසිදු සැකයක් නැත කසිප්පු බී මියයන සංඛ්යාවද අඩුවෙනු ඇත හොඳ කිතුල් රා, කිතුල් පැණි, කිතුල් හකුරු නිෂ්පාදනය කොට ඒවා අපනයනය කොට ඩොලර් උපද්දවන්නටද පුළුවන එසේම කිතුල් බඩ තලා නිපදවන කිතුල් පිටි කදිම ආහාරයක් මෙන්ම ඖෂධයක්ද වන්නේය කිතුල් ලීය ශක්තිමත් ලීයක් වන අතර එමගින් රීප්ප පරල පමණක්නොව ජනෙල් උළුවහු සහ ගෘහ භාණ්ඩද නිපදවිය හැකිය.
Comments
රසවත් ලිපියක්.:)
ප්රා ජේ නිකං කර අරින්න එපා! දැන් ඔයා අපිට බෝපිටියේ එන්න කියල; දැන් කියන්න එපා කවලං ඒවා තියෙන්නේ කියලා!?