සකර්බර්ග්ට පිස්සු

මම හිතන්නේ සකර්බර්ග්ට පිස්සු කියාය .  ඒ මනුස්සයාට පිස්සු නැත්තම්  FACE BOOK ආයතනයේ වැඩ කරන එවුන්ට පිස්සුය  .

මේ පිස්සෝ අද උදේ මට තහනමක් දැම්මෝය  පැය 24ක් යනතුරු මුහුනුපොතේ ලිවිම මේ ඔල්මාද රංචුව මට තහනම් කළහ 

හේතුව මා ලිව් කොමෙටුවකි  කොමෙන්ටුව ලියා පැය බාගයක් ගතවන විට  තහනම මා වෙත දැන්වුහ 

ජර්මනියේදී යුදෙව් ජාතිකයෙකුට  පහර දී ඇති බවත් කිසිවෙකු ඔහුගේ පිහිටට නොපැමිණි බවත් මගේ මිත්‍රයෙකු  පොස්ටුවක් ලියා තිබුනේය  මම ඒ පොස්ටුව යටින්  උපහාසාත්ම බසින් පහත වගන්තිය ලිව්වෙමි 

"  ලංකාවේ නම් ඔහොම නැහැ හම්බයෝ කියල මුස්ලිම් අයට කවුරුවත් බනිනවා ඇහිලා තියෙනවද ? මුස්ලිම් මිනිස්සුන්ගේ ගෙවල් ,කඩ කඩල එහෙම නැහැ නේද ?"

ඉහත කොමෙන්ටුව මගින්  FACE BOOK ආයතනයේ  විධි විධාන මා විසින් උල්ලංඝනය කර ඇති බව ඔවුහු කියති 

 

    මේ තීරණය ට මා එකඟ නොවෙන බව මවිසින්  ඔවුන්ට දැන්වුවද ඔවුන්ගේ  කැකිල්ලේ තීන්දුවේ  වෙනසක් නැත .