උනුත් එකයි මුනුත් එකයි

 

මේ මැතිවරණ පාඨය අයිති කාරයා ජනතා විමුක්ති පෙරමුණය

උනුත් හොරු මුනුත් හොරු බිහිවුවේ ජේ.ආර්/ප්‍රේමදාස බලයට පැමිණි පසු හඳුන්වා දුන් අනුපාත චන්ද ක්‍රමය යටතේය ඊට පෙර මිනිස්සු දේශපාලනය කලේ තමන්ගේ ධනය වියදම් කොටය

ඉඳහිට දුෂිත වැඩ කළ අය හිටියත් ඔවුන්ට එරෙහිව උසාවි ගිය විට නඩු අසා ඔවුන්ගේ මන්ත්‍රී ධුර අහිමි කරනු ලැබිණ .

මේ අනුපාත චන්දය තිබෙන තුරු මෙන්ම මහජන චන්දයෙන් ජනාධිපති තෝරාගන්නා ක්‍රමය තිබෙන තුරු දුෂණ, හොරකම් නැති කළ නොහැක මන්ද සල්ලි කන්දරාවක් නැතිව චන්දය දිනිය නොහැකි නිසාය

දිනු දවසේ සිට සල්ලි හොයන්නට බොහෝ අය හොරකම් කරති

මේ වන විට ජවිපෙ දෙසට පෙරට වඩා ජන ආකර්ශනයක් තිබෙන බව පෙනේ ඒ ජවිපෙ /ජා.ජ.බ ආණ්ඩුවක් යටතේ හොරකම් නොකරනු ඇති පිරිසක් විශ්වාස කරන නිසාය

ජවිපෙ සමාජවාදී මත දරන පක්ෂයකි ඔවුන්ගේ පාට රතු වෙන්නෙත් මැයි දිනවලදී මාර්ක්ස් එංගල්ස් ලෙනින් විජේවීර යන අයගේ පින්තුර ඉදිරියෙන් ගෙනියන්නෙත් ඒ නිසාය

එසේ නම් සමාජවාදී රටවල හොරකම් දුෂණ අවම හෝ නැත්තටම නැති විය යුතුය

Transparency International ආයතනය ලෝකයේ රටවල පවතින දුෂණය පිළිබඳව වාර්ෂික වාර්තාවක් ප්‍රසිද්ධ කරයි එම වාර්තාව අනුව ලකුණු 0 හිමි වන්නේ අන්තිම දුෂිත රටට වන අතර ලකුණු 100ක් හිමිවන්නේ දුෂණයෙන් තොර රටවලටය

හැබැයි ලකුණු 90 ට වැඩිය ගත් එකම රටක් වත් නැත

2021 සහ 2022 යන වසරවලදී සමාජවාදී රටවල් අතලොස්ස ලබා ගෙන තිබෙන ලකුණු පරණ මෙසේය

කියුබාව ලකුණු 46 (2021)

ලකුණු 45 (2022)

චීනය ලකුණු 45 (2021)

ලකුණු 45 (2022 )

වියට්නාමය ලකුණු 39 (2021)

ලකුණු 42 (2022)

ලාවෝසය ලකුණු 30 (2021)

ලකුණු 31 (2022)

ලංකාව ට හිමි ලකුණු ප්‍රමාණයද මෙහි දක්වමි

ලංකාව ලකුණු 37 (2021)

ලකුණු 36 (2022)

දුශණය අඩුම රටවල් 10 මෙසේය

ඩෙන්මාර්ක් ලකුණු 88 (2021)

ලකුණු 90 (2022)

ෆින්ලන්තය ලකුණු 88 (2021)

ලකුණු 87 (2022 )

නවසීලන්තය ලකුණු 88 (2021)

ලකුණු 87(2021)

නොර්වේ ලකුණු 85( 2021)

ලකුණු 84 (2022)

සිංප්පුරුව ලකුණු 85(2021)

ලකුණු 83( 2022)

ඒ රටවල එසේ වුවත් ජනතා විමුක්ති පෙරමුණේ සිටින්නේ ඉතා අවංක අය බැවින් ඔවුන්ගේ පාලනයක් යටතේ කිසිදු වංචාවක්, හොරකමක් නොවනු ඇත යන්න ඊට පක්ෂපාත අයගේ විශ්වාසයයි

ලයනල් බෝපගේ 1977 සිට 1984 දක්වා ජනතා විමුක්ති පෙරමුණේ ප්‍රධාන ලේකම් වරයාය ජාතික ප්‍රශ්නය සම්බන්ධයෙන් ජවිපෙ දැරූ මතය ( දෙමල ජනයාට ස්වයං තීරණ අයිතිය ඇත ) උඩු යටිකුරු වීමෙන් පසු ඔහු පක්ෂයෙන් ඉල්ලා අස්විය ඔහු විසින් ලියවන ලද 'ඉතිහාසය හමුවේ ලයනල් බෝපගේ ' නමැති කෘතියේ 421 වන පිටුවේ මෙසේ සඳහන් වේ

" ඇතැම් මධ්‍යම කමිටු සාමාජිකයන් පක්ෂයෙන් නෙරපා දැමීම සඳහා විනයානුකුල ක්‍රියාමාර්ග ගතයුතු යයි බෝපගේ නිර්දේශ කළේය . ඊට හේතු වුයේ ඔව්න් පක්ශයේ මුදල් එහි කටයුතු සඳහා යොදවනු වෙනුවට තම පෞද්ගලික කටයුතු සඳහා වැය කිරීමය .මෙය සිදුවුයේ දේශපාලන මණ්ඩලයේ වගකිවයුතු තනතුරු ඉසිලීමට තරම් සුදුසු පුද්ගලයන් නැතිකම නිසා සහ විවධ සංවිධාන ඒකක තුල පුර්නකාලිකයන්ට සමාන ලෙස සැලකීමක් සිදු නොවීම නිසාය . රෝහණ විජේවීර මෙබඳු ඇතැම් පුද්ගලයන් සමග සමීප සම්බන්ධකම් පවත්වාගෙන ගියේය "