බිත්තර සහ බෝම්බ

        

දේශපාලකයනට කුණු බිත්තර හෝ කුණු තක්කාලි වලින් ගැසීම මහජනයා විසින් අහිංසක ආකාරයෙන් ඔවුන්ට විරෝධය දැක්වීමක් ලෙස සැලකේ .

පසුගිය දිනක අවුරුදු 17 ගැටයෙකු ඕස්ට්‍රේලියාවේ ස්වාධින සෙනෙට් සභිකයෙකු වන Frasar Anning ළඟටම ගොස් ඔහු ගේ තට්ටයට බිත්තරයකින් ගැසුවේය .

සෙනෙට් සභිකයා ගැටයාගේ මුහුනට අත මිට මොලොව පහර දුන්නේය

පොලිසිය ගැටයා අල්ලා උසාවි දැම්මේය උසාවියෙන් ඇප දුන්නේය

මේ නිසා ගැටයා වටා ඕස්ට්‍රේලියානු ජනතාව එකතු විය සෙනෙට් සභිකයාට එරෙහිව නිතිය අඩුවකින් තොරව ක්‍රියාත්මක විය යුතු බව ඔස්ට්‍රේලියානු අගමැති කීය

ගැටයාගේ නඩුවට වියදම් කිරීම සඳහා සහ තව බිත්තර මිලදී ගැනීම සඳහා අරමුදලක් ආරම්භ කරන ලදී මේ වන විට 3000 කට අධික පිරිසක් ඕස්ට්‍රේලියානු ඩොලර් 63000 කට වඩා මෙම අරමුදලට ප්‍රදානය කර තිබේ .

පසුව බ්‍රිතාන්‍ය අගමැතිවූ ඩේවිඩ් කැමරන් ට 2010 අප්‍රියෙල් මාසයේදී ශිෂ්‍යයෙකු විසින් බිත්තරයකින් පහර දුන්නේය පොලිසිය ඔහුව ටික වෙලාවකට අත් අඩංගුවට ගත් නමුත් උසාවියට ඉදිරිපත් කලේ නැත .

බ්‍රිතාන්‍ය දේශපාලකයෙකුවූ Ed Milibandට එක වරකට වඩා බිත්තර ප්‍රහාර වලට මුහුණ දීමට සිදුවූ අතර බ්‍රිතාන්‍යයේ දේශපාලන පක්ෂයක්වන (UKIP) නායක Nigel Farageට 2014 දී බිත්තර ප්‍රහාරයක් එල්ල විය .

බ්‍රිතාන්යයේ කම්කරු පක්ෂයේ 2015-20 සමයේ නායකයාවූ Jeremy Corbyn ට වරක් ලන්ඩනයේදී බිත්තර ප්‍රහාරයකට මුහුණ දීමට සිදුවිය .

1997 - 2007 සමයේ එක්සත් රාජධානියේ නියෝජ්‍ය අගමැතිවූ John Prescott ට ද වරක් බිත්තර ප්‍රහාරයක් එල්ල විය ඒ 2001 වසරේදී මැතිවරණ ව්‍යාපාරයේ යෙදෙමින් සිටින අතර තුරය .

ජර්මනියේ හිටපු චාන්සලර් වරයෙකු වූ Helmut Kohl ට 1991 දී තිස් දෙනෙකු විසින් බිත්තර ප්‍රහාරයක් එල්ල කළහ .

වත්මන් ප්‍රංශ ජනාධිපති Emmanuel Macron ට 2016දි කොමියුනිස්ට් පක්ෂයේ සාමාජිකයෝ 100 කට අධික පිරිසක් බිත්තර සහ තක්කලිවලින් 2016 දී ප්‍රහාරයක් එල්ල කළහ .එකල ඔහු ආර්ථික කටයුතු භාර ඇමතිවරයා විය .

ඇමරිකාවේ හිටපු ජනාධිපතිවරයෙකුවූ Richard Nixon ට අවස්ථා ගණනකදී බිත්තර ප්‍රහාරවලට මුහුණ දීමට සිදුවිය ඒ ඇමරිකාවේදී පමණක් නොව විදේශ රටවලදීද ඔහුට බිත්තරවලින් පහර දෙනු ලැබිණ 1960 දී මිචිගන්හිදී දෙවරක්ද 1970 දී අයර්ලන්තයේ දීද ඔහුට බිත්තර ප්‍රහාර එල්ල විය .

බිත්තර ප්‍රහාර එල්ල කිරීමේ ඉතිහාසය එතනින් අවසන් නැත සියලු විස්තර ලියන්නට ගියොත් විජේවීර ලියු 'ඊලාම් අරගලයට විසඳුම කුමක්ද ? ' යන පොත තරම් ලොකු පොතක් ලියන්නට සිදුවේ .

ලංකාවේ දේශපාලන ඉතිහාසය විමසා බැලුවිට දේශපාලකයන් වෙත බිත්තර ගැසූ අවස්ථා දැනගන්නට නැත ගසා ඇත්තේ එක්කෝ ගල් ය නැතහොත් වෙඩි උණ්ඩය . නැතහොත් බෝම්බය .

1994 ජනාධිපතිවරණයේදී එක්සත් ජාතික පක්ෂ අපේක්ෂකයා වූ ගාමිණි දිසානායකගේ තොටලඟ රැස්වීමට කොටි සංවිධානය බෝම්බ ප්‍රහාරයක් එල්ල කිරීම නිසා ගාමිණී දිසානායක සහ තවත් පිරිසක් වේදිකාවේදීම මියගියහ .

1988 -1989 සමයේ මහජන පක්ෂය විසින් කඩවත පැවැත්වූ රැස්වීමකට ජවිපෙ විසින් බෝම්බ ප්‍රහාරයක් එල්ල කිරීම නිසා මහජන පක්ෂයේ නායකයෙකු වූ දේව බණ්ඩාර සේනාරත්න එහිදී මරණයට පත්වූ අතර තවත් කීප දෙනෙකු බරපතල තුවාල ලැබුහ .