චීනය ගොඩ ගෙන ආර්ථික බලවතෙක් කළ නාකියා

 

 ඔහු ඩෙන් ශියාවෝපිං ය

දීර්ඝ කාලින සන්නද්ධ අරගලයකින් පසු 1949 දී චීනයේ බලය ලබා ගත්තේ චීන කොමියුනිස්ට් පක්ෂයේ නායක මාවෝ සේතුං විසිනි. ඩෙන් ශියාවෝපිං මාවෝ සමග තුවක්කු ගෙන සටන් කළ නායකයෙකි කොමියුනිස්ට් පක්ෂයේ ඉහල මට්ටමේ සාමාජිකයෙකි

එහෙත් මාවෝ ට චීනයේ ආර්ථිකය නැංවීමට නොහැකි විය

මාවෝ විසින් ගනු ලැබූ මොට්ට තීරණ නිසා වී ඇතුළු ආහාර නිෂ්පාදනය බිඳ වැටි මහා සාගතයක් ඇතිවී 1959-61 අතර මිලියන 30 ක් චීන වැසියන් කෑමට කිසිවක් නැතිකමින් මරණයට පත්වුහ .

ඉහත සාගතය සහ මරණ සිදු වුයේ ' පක්ෂය දියත් කළ මහා ඉදිරිපිම්ම ' නමැති වැඩ සටහන නිසා බව 1981 පැවැත්වූ චීන කොමියුනිස්ට් පක්ෂයේ සම්මේලනයේදී පිළිගන්නා ලදී.

1976 මාවෝගේ මරණයෙන් පසු හැල හැප්පිලි ගණනාවක් සිදුවීමෙන් පසු ඩෙන් ශියාවෝපිං 1978 දී චීනයේ නායකයා බවට පත්විය.

ඒ වන විට ඔහුගේ වයස අවුරුදු 74කි

.

සමාජවාදී මාවත අසාර්ථක බව ඔහු හොඳින් දැනසිටියේය එබැවින් කොමියුනිස්ට් පක්ෂය රට පාලනය කරන අතර ධනවාදී ආර්ථික ක්‍රමය මගින් ආර්ථිකය නැංවීම ඔහුගේ වැඩසටහන විය.

"බලලා මීයන් අල්ලනවානම් ඌ සුදු වුවත් කළු වුවත් කමක් නැත"

යනුවෙන් ඔහු කීය

එහි අර්ථය වුයේ රට ගොඩගත හැකි නම් ධනවාදී ක්‍රමය වුවත් කමක් නැත යන්නය

ඔහු ධනපතිරටවලට චීනයේ ආයෝජනය කරන ලෙස ආරාධනා කළේය ඒවා ජනසතු නොකරන බවත් කම්කරු අයිතීන් සම්බන්ධයෙන් චීන ආණ්ඩුව ඇඟිලි නොගසන බවත් නව නායකයා ආයෝජයනට කීවේය

(අමරිකාවේ සංචාරකයා ගිය ඩෙන්ශියාවෝ ඇමරිකන් ජනාධිපති කාටර් සහ හිටපු ජනාධිපති නික්සන් සමග )

දස දහස් ගණනින් ආයෝජකයෝ චීනයට පැමිණියහ

ව්‍යාපාර කිරීමට චීන වැසියන්ටද අවසර දුන්නේය

ව්‍යාපාරිකයන්ට චීන කොමියුනිස්ට් පක්ෂයේ දොර ඇර සාමාජිකත්වය දුන්නේය

ඔහු කළ තවත් වැදගත් ප්‍රතිසංස්කරණයක් වුයේ රතු හමුදාව දස ලක්ෂයකින් අඩු කිරීමයි

එමගින් විශාල මුදලක් ඔහු ආණ්ඩුවට ඉතිරි කරගෙන එම මුදල සංවර්ධන වැඩට යෙදෙව්වේය

ඩෙන් ශියාවෝපිං බ්‍රිතාන්‍ය අගමැතිවරයෙකු වූ මාගරට් තැචර් සමග

වයසක මිනිසෙකු වූ ඩෙන් ශියාවෝපින් චීනය ආර්ථික සමුර්ධිය ගෙනාවේ එසේය

1997 දී ඔහු මියගිය නමුත් ඔහු හඳුන්වා දුන් මාවතම ඉන්පසු බලයට ආ චීන නායකයෝ අනුගමනය කළහ

අද ඇමරිකාවට අභියෝග කිරීමට තරමට චීනය ඉදිරියට පැමිණ ඇත ඊට අත්තිවාරම දැම්මේ ඩෙන් ශියාවෝපිං නාකියා විසිනි

ඩෙන් ශියාවෝපිංගේ ප්‍රතිමාව ට ආචාරය පුදකරන වත්මන් චීන නායක ක්ෂින් පිං