සිරිමා කෑ පරිප්පුව

කාටත් පාහේ දැන් පරිප්පු කන්නට සිදුවී ඇත

ඉස්සරහටත් පරිප්පු කන්නට සිදුවේද ?.

පෙනෙනෙන හැටියට පරිප්පු කෑම සුඛෝපභෝගී කෑමක් වන්නට යන්නේය එ නිසා ඉදිරි කාලයේදී පරිප්පු කන්නට ලැබේදැයි සැකය .

ඒ සැකය ඇති උනේ මේ නිසාය .

ඊයේ කඩේකට ගොස් කප් පරිප්පු නමින් හඳුන්වන ලොකු ඇට පරිප්පු කිලෝවක් ඉල්ලීමි ඒ සමගම මිලද ඇසීමි පරිප්පු කිරන්නට සිටියේ හීන්දැරී තරුණියකි .

"කිලෝවක් සුපියල් 298 යි "ඇය කීවාය

"නැහැ . අලුත් තොගේ රු 320 යි " මුදලාලි පිටිපස සිට කෑගසමින් ඉදිරියට ආවේය .

"මේ විකුණන්නේ පරණ තොගේ නේ ?" මම කීමි .

"නැහැ මහත්තය අලුත් ඒවා . කිලෝවක් මටම වෙලා තියෙනවා රු 314 ක් "මුදලාලි කීය .

"මිනිස්සුන්ට පරිප්පු ටිකක්වත් කන්නට බැරිවෙනවා ඉස්සරහට " මුදලාලි තව දුරටත් කීවේය.

පරිප්පු කිලෝව මිලදී ගෙන එන විට මට මතක් වුයේ ඇසු පරණ කතාවකි.

කතාව මෙසේය .

චන්ද්‍රිකා බණ්ඩාරනායක මහත්මිය බස්නාහිර පළාතේ මහා ඇමති සමයේ මතුගම අධ්යාපන කලාපයේ පාසලක් වන කඹුරාවල මහා විද්‍යාලයේ විවෘත කිරීමකට ඇයට ආරාධනා කර තිබුණි .උදේ වරුවේ හොරණ පැත්තේ විවෘත කිරීම් කීපයක්ද යොදා තිබුන බැවින් ඇයට දිවා භෝජන සංග්‍රහයක් කඹුරාවල පාසැල විසින් සුදානම් කර තිබුනේය .

ඇය පාසලට ආවේ ප්‍රමාද වීය විවෘත කිරීමේ උත්සවය අවසන් වන විට සවස හතරට පමණ වී තිබුණි ඉන්පසුව දිවා භෝජනයට ඇයව විදුහල්පතිනිය විසින් කැඳවා ගෙනයනු ලැබුවාය.

දිව භෝජනයට පරිප්පු ව්‍යංජනයක්ද තිබුණි.

භෝජනය ගන්නා අතරතුර කීපවාරයක් පරිප්පු බෙදා ගත් චන්ද්‍රිකා මෙසේ කීවාය.

"අපේ අම්ම 77 පැරදුනෙත් පරිප්පු නිසා තමා "

කතාව මට කීවේ එවක එම පාසලේ විදුහල්පතිණිය විසිනි.

(සිරිමා බණ්ඩාරනායක 1970 සිට -77 දක්වා අගමැති වූ අතර 1972-75 අතර කාලයේ පරිප්පු ආනයනය නවත්වා තිබුණු බැවින් පරිප්පු ඇටයක් වත් දකින්නට තිබුනේ නැත .එකල පරිප්පු අද පරිප්පු වලට වඩා රසවත් විය එබැවින් දවසට වරක් හෝ පරිප්පු හොද්දක් හදාගෙන කෑම කාගේත් පුරුද්දක් වී තිබුණි එබැවින් පරිප්පු නැතිවීම මිනිස්සුන්ට මරු නගින කාරණාවක් විය.

1976 සිට පරිප්පු ඇතුළු ආහාර ආනයනය නැවත ඇරඹීම නිසා ආහාර හිඟය අවසන් උනත් 1977 මැතිවරණයෙන් සිරිමා බණ්ඩාරනායක ගේ ශ්‍රීලංකා නිදහස් පක්ෂයට හිමිවුයේ මන්ත්‍රි ධුර 8 ක් පමණි විපක්ෂ නායකත්වය වත් ලැබුනේ නැත එය දෙමල එක්සත් විමුක්ති පෙරමුණේ නායක අමිර්තලිංගම්ට හිමිවිය ජේ ආර් ජයවර්ධන නායකත්වය දරු එජාපයට මන්ත්රි ධුර 140 ක් හෙවත් 5/6 ක බලයක් හිමිවිය )