Skip to main content

Posts

Showing posts from 2016

විජේවීරට අභියෝග කළ මස්සිනා

රෝහණ විජේවීර  මහතා , සිරිමා +එන්.එම්+පීටර් කේනමන් ආණ්ඩුවෙ  පැවැත්මට  1971 දී අභියෝග කිරීම නඩු අසා හිරේට  යැවූ  පසු ඔහු  නිදහස්  කර  ගැනීම සඳහා උද්ඝෝෂණය  කළ සංවිධාන  අතර  ලංකා  ගුරු  සංගමයද විය. එහි  නායකයෙකු වූ එච්. එන්. ප්‍රනාන්දුද ජවිපෙ  හා සම්බන්ධව  සිටීම  හේතු  කොට  ගෙන  සිරගත  කළ අතර ඔප්පු  කළ  හැකි  චෝදනාවක්  නොවුයෙන් 1973 දී  නිදහස්  කරනු  ලැබීය. ඔහු  සංගමයේ   සභාපති  තනතුරට  තෝරා   පත් කරගනු  ලැබුයේ ඔහු  හිරගෙදර සිටියදීය. 1972-77 සමයේ  හොර  රහසේ  ක්‍රියාත්මක වූ  ජවිපෙ  තම  කටයුතු සඳහා  යොදාගත් කොළඹ මධ්‍යස්ථානය  වුයේ  ලංකා  ගුරු සංගමයේ ප්‍රධාන  කාර්යාලය යි. එවක එය  පැවතුනේ කොල්ලුපිටියේ ෆේවරිට් ගොඩනැගිල්ලේය. රෝහණ විජේවීර 1977 දී  නිදහස්  කරනු  ලැබීමෙන්  පසු පැවැත්වූ පළමු  ජවිපෙ  රැළියේදී   තම  කතාවේ  මුල්  කොටස වෙන්  කළේ ජවිපෙ  සිරකරුවන්  නිදහස්  කරගැනීම  සඳහා උද්ඝෝෂණය  කළ සංව්ධාන වලට ස්තුති  කිරීමටය. ඔහු  ස්තුති  කළ සංවිධාන අතරට  ලංකා  ගුරු සංගමය  මෙන්ම  ලෝක  පරිමාණයේ  NGO සංවිධානයක් වන ජාත්‍යන්තර  ක්ෂමා සංවිධානයද  විය. 1971 සිරගත කළ සිටි ජවිපෙ කැරලිකරුවන්ගේ සැප දුක

මෛත්‍රී +රනිල්+ මහින්ද එකගෙයි කෑම

කලකට  පෙර  උඩරට  නිලමෙලා , මැණිකෙලා , බණ්ඩාරලා එක ගෙයි  කෑහ. අනාදිමත්  කාලයක  සිට  මෑතක් වන  තුරුම පැවති මේ සිරිතට අනුව පවුලක  සිටින සියලු සහෝදරයන්  වෙනුවෙන්  කැන්දාගෙන ආවේ  එකම අඹුවකි.  එක්  සහෝදරයෙකු ඇයගේ සයනය  කොතරම්  සුව  පහසුදැයි  පරීක්ෂා කර   බැලීමට යන්නේ  ඔහුගේ අමුඩ ලේන්සුව ඇගේ  කුටියේ දොරෙහි එල්ලා  බව  කියති . එම සංඥාව දකින අනිත් සහෝදරයෝ  තමන්ගේ වැඩක්  බලාගන්නවා  මිස ඒ අහලකටවත්  යන්නේ  නැත. ඔවුන් එහි  ඇතුළුවන්නේ අමුද  ලේන්සුවක්  නැති වෙලාවක්  බලාය. උඩරට  ඇත්තෝ එම  සිරිත   පවත්වාගෙන ආවේ පවුලේ දේපොළ බෙදී  යාම අඩුකරගන්නටය. මේ  සිරිත  තවමත් ඇතැම් උඩරට  නෝනා  මහත්වරු අනුගමනය  කරන්නේ  දැයි දැනගන්නට  නැත. එසේයැයි වාර්තා  තිබෙතොත්  දන්නා  පාඨකයෝ කොමෙන්ටු ලෙස  ලියත්වා . මෙය සවුත්තු සිරිතක්  ලෙස  ඇතැමෙකුට  පෙනී  යා   හැක . එසේ  සිතෙන්නේ  අවුරුදු  500කටත් වැඩි  කාලයක සිට  පෘතුගීසින්, ලන්දේසින් සහ ඉංග්‍රීසි  ජාතිකයන්  යටතේ  ජීවත්වූ අපි , එක් මිනිහෙකු එක්  ගැහැනියක්  සමග  පමණක් පවුල් කැ  යුතුයයි  ඔවුහු අපට  දේශනා කොට නීති පොතේ ලිව්ව  නිසාය.   එහෙත් එය සි

රෝහණ විජේවීර බුද්ධිමතෙක්ද

 රෝහණ විජේවීර මහතා  ඝාතනය  කොට අදට අවුරුදු 27ක්  පිරේ. ඔහු  පිළිබඳව ලියවී  ඇති ග්‍රන්ථ සංඛ්‍යාව  සිය  ගණනක්  බවට  සැකයක්  නැත. ඔහු  පිළිබඳව  ලියවී  ඇති  ලිපි සංඛ්‍යාව  දස  දහස්  ගණනක්  බවටද  කිසිදු  සැකයක්  නැත. ලංකා දේශපාලන වේදිකාවේ  රඟ  පෑ දේශපාලකයන්  අතරින්  වැඩිම සාකච්චාවට  භාජනය වූ පුද්ගලයන් අතර  රෝහණ  විජේවීර ද එක්  අයෙකු  බවට  සැකයක්  නැත. රෝහණ  විජේවීර  සුවිශේෂ  පුද්ගයෙකු  බව  අමුතුවෙන්  කිව  යුතු  නැත.  ජවිපෙ  සිටි  හොඳම  සංවිධායකයා  මෙන්ම හොඳම  කථිකයාද වුයේ    ඔහුය. බොහෝ  දේශපාලන  පක්ෂවල නායකයනට  එම දක්ෂතා   දෙකම  පිහිටා  තිබුනේ  නැත. පොත  පත  වෙනුවට   යුක්තිය  වෙනුවෙන් තුවක්කුව  අතට  ගැනීමට කුමන හෝ  පීඩනයකට පත්ව  සිටි  බොහෝ  තරුණයන් සුදානම්  කිරීමට  විජේවීරට  හැකි වීම  සුළු  පටු  දක්ෂතාවයක්  නොවේ. රෝහණ  විජේවීර සිය දැක්ම  වෙනුවෙන්  ඉතා  අවංකව කටයතු  කළේය. ස්ටාලින්  පන්නයේ සමාජවාදී  රාජ්‍යයක් බිහිකිරීම ඔහුගේ අරමුණ වූ  බව  ඔහු  අධ්‍යයන  කිරීමෙන් එළඹ  හැකි  නිගමනයයි . ඒ  සඳහා  ඔහුගේ  කැප  කිරීම  ලංකාවේ  අනෙකුත්  වමේ  පක්ෂ  වල  නායකයන්  හා  සැසඳීමේදී  ඉහලින්ම

දොස්තර සංගමයට ස්කෝතුයි.

    දවස්  දහයක් දොළහක් තිස්සේ  GMOA හෙවත් දොස්තර  සංගමයේ  ලොකු මහත්තරු  අම්ම  මුත්තා  කාලේ වත්  නොකාපු හොඳ පරිප්පුවක් කමින් සිටින  නිසා  බඩ  සෑහෙන්න අප්සැට් එකේ සිටින බැවින්   ඔවුන්ට  ඉස්කොතුවක් දී  ගොඩ වෙදකමක්   කරන්නටයි   මා  කල්පනා  කළේ. මා එසේ  ඉස්කෝතුවක් දෙන්නේ  වෙන  කිසිවක්  නිසා  නොව   පාසල්වලට  ළමුන් ඇතුලත්  කිරීම  පිළිබඳව ලොකු  මොළ, පුංචි  මොළ, බුරු මොළ  සහ  කුණු  මොළ  තියන කාගේත් ඔලු  කට්ට  අස්සට   හිතන්න  උගන්වන   සංවාදයක්   GMOA   ලොකු මහත්තුරු ඇති  කළ නිසයි.     අධ්‍යාපනය ගැන  කැක්කුමක් තියෙන අපි වගේ අයගේ  ලේ  කෝප කරන සිද්ධියක්  තෙවරප්පෙරුම  මන්ත්‍රීවරයා මීට  මාස  කීපයකට   පෙර   ඇති  කළා. තෙවරප්පෙරුම උන්නැහැ උපවාසයක්  හා දිවි නසා  ගැනීමේ විගඩමක්  රඟ  පෑවේ  චක්‍රලේඛ  ඉරා දමා  ප්‍රදේශයේ ජනප්‍රිය  පාසලකට  ළමුන්  ඇතුලත්  කරන්න  කියමිනුයි.. ඒ වෙලාවේ  බොහෝ  අය  ඔහු වීරයෙක්  කොට සැලකුවේ. ඔහු වැරදි  බව  කියමින්  මා  ෆේස් බුකියේ  සහ  'සුදුකුකුලා ' හී  ලිව්  විට ලොකු  මොළ , පුංචි  මොළ , කුණු  මොළ  සහ හිස්  කබල අස්සේ   බුරු  මොළ තිබෙන සියල්ලෝම වාගේ මට කුණුහරුප ,උ

පාද යාත්‍රාවෙන් පසු මහින්දගේ සහ රනිල්ගේ පස්ස

    පාද  යාත්‍රාව අවසන්ය.  සංවිධායකයනට අනුව එය අති සාර්ථකය.  පාද  යාත්‍රාවේ  ප්‍රධාන සංවිධායක  මහින්දානන්ද අලුත්ගමගෙට  අනුව  සහභාගී වූ සංඛ්‍යාව ලක්ෂ  විස්සකි. ගීතා කුමාරසිංහට අනුව කෝටි දෙකකි. එහෙත් ඩිලාන්  පෙරේරාට සහ මහින්ද අමරවීරට   අනුව  50 දහසකට අඩුය. පාද  යාත්‍රා  සංවිධායකයන්  මුලින්  කියා  සිටියේ  ලක්ෂ  දහයක් සමග  කොළඹට  පැමිණ ආණ්ඩුව  පෙරලන  බවය.  නායකත්වය  ගත්තේ බැසිල්  රාජපක්ෂය. එය සාර්ථක  කර  ගැනීම  සඳහා ඉහල මට්ටමේ  සාකච්චා දුසිම්  ගණනක්ද ප්‍රාදේශීය  මටටමේ  පාක්ෂික සාකච්චා සිය  ගණනක්ද  පවත්වනු ලැබිණ.. එහෙත් බැසිල්ට පළමුවෙන් රිමාන්ඩ් හිර  ගෙදරටත් දොස්තර  මහත්තුරුන්ගේ  උදව්වෙන්  දෙවනුව මහා රෝහලේ  ගෙවන වාට්ටුවටත්  යාමට සිදුවීම  නිසා එය සංවිධානය කිරීමේ වගකීම අන් අයට  පැවරිණ.   එකාබද්ධ විපක්ෂයේ  මුළු  බර  යොදා පා ගමන සංවිධානය  කළද පළමු දිනයේ  එයට සහභාගී වුයේ දස  දහසක් වැනි  පිරිසක්  පමණි .අවසන් දිනයේ  සහභාගිත්වය  15  දහස  ඉක්මවුයේ  නැත. මෙසේ  වුයේ  ඇයි? මහින්දට වර්ග දෙකක   මිනිස්සු සිටිති. එක් වර්ගයක් වන්නේ සිංහල  බවුද්ධයන්ට  පමණක් මේ රට  අයිතිය  යන මතය දරන්නන්ය . අ

පිරිමි කවුරුද වරදෙ නොබැඳෙන

           සිරි ලංකාවේ  මිනිස්සු අනුන්  විවේචනය කරන්නට   ඉතා දක්ෂය.කැමතිය.  විශේෂයෙන්ම  ගැහැනුන්  විවේචනය  කිරීමට  පිරිමින්ද ,  තමන්ගේම  වර්ගයා විවේචනය  කරන්නට  ගැහැණුන්ද  ඉතා  කැමතිය. දඟකාර  කෙල්ලෙක්  හෝ  කාන්තාවක්  ගමක හෝ  නගරයක සිටී  නම් ගැහැනුන් ඇය  විවේචනය  කරන්නේ  " ඕකිට  මදන විසේ  ඔලුවට ගහල "   " ඕකිට  මිනිස්සු  ඉසේ  කෙස්  ගානට ." ආදී  ලෙස හෙලා  දකිමිනි.  පිරිමින්  එවැනි  තරුණියක් හෝ  කාන්තාවක් විවේචනය කරන්නේ " ඕකි සේල් බඩුවක් " යනාදී  ලෙස  පරිභව  කරමිනි.     විශේෂයෙන්ම  කාන්තාවන් හෙලා දැකීම  අනාදිමත්  කාලයක    සිට  පැවතෙන හෙල සිරිතක් බව තොටගමුවේ ශ්‍රී රාහුල ස්වාමින් වහන්සේ ලිව්  කාව්‍යසේකරයේ   "පිරිමිනිදු පතන  අවසර  කල රහස්  තැන  මිස  නොලැබෙන  බැවින  ගැහැණු  කවුරුද වරදේ නොබැඳෙන." යන පද  හතර  කියවූ විට සිතේ. උන්වහන්සේ    ගැහැනුන්ට එසේ    තඩි බෑවේ උන්වහන්සේ  පවුද්ගලිකව  ලැබූ අත් දැකීම්  නිසාද,   නැතහොත් එකල  සමාජයේ  ගැහැණු ඉඩක් , වෙලාවක් ,රහසිගත  තැනක් ලැබුණු සැනින් තවත්  පිරිමින් සමග රමණයේ යෙදීම  සුලබව  සිදු වී  නිසා

කළු ජුලියේ ගිනි දැල් සහ යාපනයේ සිසු ගැටුම .

    ඉස්සර  අධ්යාපන  අමාත්‍යංශය  තිබුනේ  කොළඹ කොම්පඥඥවීදියේය.හරියටම  කියතොත් එහි  මැලේ වීදියේය. 1983  ජුලි 25 වනදා  පාන්දරින්ම මා  නිවසින්  පිටවුණේ රස්සාව  යලි  ලැබෙන  බවට ලැබුණු ආරන්ච්චියක්  නිසාය. 1980  ජුලි මහා වැඩවර්ජනයට  මහරගම  ගුරු විදුහලේදී  නායකත්වය  දීම  හේතුවෙන් JR  ජයවර්දන  ආණ්ඩුව මා  ගෙදර  යැවූ අතර රැකියා විරහිත  කාලය  අවුරුදු  තුන  පසු  කරමින් තිබිණ . මහරගම ගුරු විදුහලේදී අපි වර්ජනය  ආරම්භ  කළේ  හරියටම අද වැනි දිනක හෙවත් 1980 ජුලි 17 වනදාය.  අවුරුදු 3  කුත් දවස්  ගණනක්  ජීවත් වුයේ ගෙදර  තිබු   කව්තුක  භාණ්ඩ ද , ගෙවත්තේ  තිබු  ගස් ද   විකිණීමෙන්  සහ ස්ථිර  නොවන රැකියාවන් දෙක  තුනක් කිරීමෙනි. මා  වැඩ  වර්ජකයෙකු වීම  නිසා  මගේ බිරිඳට  රැකියාවක්  ලැබීමද  සහනයක්  විය.  රැකියාව  දුන්නේ සමාජ විද්‍යාඥයන්ගේ සංගමයයි. එසේ  නොවී  නම්  කුමන ඉරණමක් අත්වේදැයි සිතා   ගැනීමට  නොහැක. වැඩ වර්ජකයන් 50කට  අධික සංක්‍යාවක් මේ වන  විට දිවි නසා ගෙන තිබුණේ තම දු දරුවන්  , බිරිඳ , දෙමාපියන් කුසගින්නේ  සිටීම ,ගොඩ  ගැසුණු ණය තුරුස් ගෙවා  ගැනීමට නොහැකි වීම , සමාජය විසින්  නොසලකා  හැරීම ආදී  හේතු 

යහපාලනයේ හොරු ගස් බඳීව් !

      මිනිස්සු  එක්සත්  ජාතික  පක්ෂය  නැවත  බලයට පත් කර ගත්තේ ඔවුන් බොධිසත්තයන් නිසා නොවේ. රාජපක්ෂලාගේ සහ ඔවුන්ගේ ආවතේව කරුවන්ගේ දුෂ්ට පාලනයෙන් හෙබ්බත්  උන  නිසාය.  1977-94 කාලයේ එක්සත්  ජාතික  පක්ෂ ආණ්ඩුව කළ  හරිය ඇසුවොත් බල්ලන් බත්  කන්නේ  නැත. 77 බලය  ගත්  විගස  යු එන් පි. කාරයෝ  විරුද්ධවාදීන්ගේ ගෙවල් දස  දහස්  ගණනකට  පහර දී අලාභ  හානි කළහ. 'ඕන  තරම්  ගහපියව් ' කියා  JR සතියක් දෙකක්ම ඇස්  පියාගෙන  සිටියේය. 77-80 අතර ඇතිවූ  කම්කරු විරෝධතා ව්‍යාපාර වලට පහර දීමට මැරයන් එව්වේ බයිසිකල් චේන්, යකඩ පොලු  ආදියෙන් සන්නද්ධ  කොටය. එකල ඔවුනට නායකත්වය දුන්නේ දැන් මහින්ද  සමග බුදියන  ගාමිණී ලොකුගේය. දවසක වැටුප රු.10 කින් වැඩි  කරන ලෙස ඉල්ලා  1980 වැඩ වර්ජනය  කළ රජයේ සේවකයන් 40000ක්  ගෙදර යැව්වේ JRගේ  ආණ්ඩුවය. 1983 දෙමල මිනිසුන් දහස්  ගණනක් මරා  ඔවුන්ගේ  කෝටි දහස්  ගණනක දේපොළ  ගිනි තිබ්බේද , මංකොල්ල කැවේද  unp ආණ්ඩුවේ  නායකයන් විසින් මෙහෙයවූ මැරයන්ය. යාපනයේ පුස්තකාලය  ගිනි  තිබ්බේ  UNP  නායකයන් කීප දෙනෙකුගේ  මෙහෙයවීමෙනි. කොටින්ම 1983 වන විට  60  ගණනක් පමණක් සිටි කොටි සංවිධානය දහස්