මාක්ස්වාදියෙකු චිලියේ ජනාධිපති පුටුව අල්ලයි

 

  

  ඊයේ, දෙසැම්බර් 19 දින  පැවතී චිලියේ ජනාධිපතිවරණයෙන් යන්තම් අවුරුදු 35 සම්පුර්ණවූ ගේබ්‍රියෙල් බෝරිට් ෆොන්ට්   අති විශාල වැඩි චන්ද සංඛ්‍යාවක් ලබා මී ළඟ  ජනාධිපති ලෙස තේරී පත්විය 

මේ ලිපිය ලියන විට ගණන් කර තිබු චන්ද සංඛ්‍යාව 99%කි  ගණින ලද චන්ද සංඛ්යාවෙන් 55.86%ක් ඔහුට ලැබී තිබුණ අතර අන්ත දක්ශිනාන්ෂිකයෙකු වන    ඔහුගේ ප්‍රතිවාදි ජොසේ ඇන්ටෝනියෝ කාස්ට්  ට  ලැබී තිබුනේ 44.14%කි 

ගේබ්‍රියෙල් ලැබූ චන්ද සංඛ්‍යාව චිලියේ  ජනාධිපති අපේක්ෂකයෙකු ලැබූ වැඩිම චන්ද සංඛ්‍යාවයි 

චිලි ජනාධිපතිවරණයේ පළමු වටයේදී ගේබ්‍රියෙල්  චන්ද   25.82%ක්  ලබා  දෙවෙනියා බවට පත්වීම නිසා ඔහුගේ වාමාංශික කතාවල සැර බාල කරන්නට සිදුවිය මධ්‍යස්ත මත ධාරීන්ගේ චන්දය නොමැතිව චන්දය දිනන්නට බැරි බව ඔහු වටහා ගත්තේය .

 

    පළමු වටයෙදී 27.98% ලබා ඉදිරියෙන් සිටි දක්ෂිනාන්ෂික අපේක්ෂකයා දෙවෙනි වටයේදී ජයගනු ඇතැයි ජාත්‍යන්තර මාධ්‍ය විශ්වාස කළහ එහෙත් වාමාංශික අපේක්ෂකයා විප්ලවීය කතා අත හැර දමා මධ්‍යස්ත ලෙස අදහස් පලකිරීම නිසා දෙවෙනි වටයේදී ඔහුට විශිෂ්ට ජයග්‍රහණයක් ලැබීමට හේතුවූ බව පෙනේ  

මොහු විශේෂ පුද්ගලයෙකි  NGO සංවිධානයක අධ්‍යක්ෂ , ලෙස කටයුතු කළ ඔහු චිලියේ විශ්ව විද්යාල ශිෂ්‍ය  ෆෙඩරේෂණයේ නායකයා ද විය  2013 මහා මැතිවරණයෙන් ඔහු මන්ත්‍රීවරයෙකු ලෙස පත්වූ බැවින් නීති ශිෂ්‍යයෙකු වූ ඔහුට උපාධිය සම්පුර්ණ කර ගැනීමට නොහැකි විය 

2011  වසරේදී චිලිය අඩපන කළ දීර්ඝ  ශිෂ්‍ය   අරගලවලදී  ඊට  නායකයා බවට ගෙබ්‍රියේල් පත්විය  

චිලියේ  වත්මන් ජනාධිපති වරයා එන වසරේ මාර්තු 10 දින දක්වා බලයේ සිටින අතර නව ජනාධිපතිවරයා  ජනාධිපති පුටුවේ වාඩිවෙන්නේ  මාර්තු  11 වනදාය. 

"නව ලිබරල් වාදයේ උපත සිදුවුයේ චිලියෙයි අපි එය චිලියේම  වලලලා දානව " ගේබ්‍රියෙල් මැතිවරණ වේදිකාවේදී කෑගසා  කිවේය .

මේ දිනවල චිලිය සඳහා නව ව්‍යවස්ථාවක් එහි නියෝජිත මන්ත්රි මන්ඩලය විසින්  සකස් කරමින් සිටි .දැනට ක්‍රියාත්මක වන්නේ චිලියේ හිටපු හමුදා පාලකයා විසින් පනවන ලද ව්‍යවස්ථාවයි 

චිලියේ බලය විමධ්‍ය ගත  කරන බවත් සුභ සාධන රාජ්‍යයක් පවත්වා ගෙන යන බවත් මහජන සුභ සාධනය සඳහා වැඩියෙන් මුදල් යොදවන බවත් රාජ්‍ය පාලනය  සඳහා වැඩියෙන් කාන්තාවන්  ස්වදේශිකයන් (ආදිවාසින් ) අලිංගිකයන් සහභාගී කර ගන්නා බවත් ඔහු කියා තිබේ 

ඔහුගේ ප්‍රධාන පොරොන්දුව වන්නේ හිටපු හමුදා පාලකයාවූ පිනෝචේ ඇතිකර තිබෙන සියලු බන්ධන වලින් රට සහ සමාජය මුදාගැනීමයි  

ගේබ්‍රියෙල් නව මාක්ස්වාදියෙකි ඔහු විශ්වාසහ කරන්නේ ස්වයං පාලන බලාධිකාරි මාක්ස්වාදී(autonomist Marxism) මතවාදයයි දැඩි පාලනයක් සහිත දේශපාලන පක්ෂයක් විසින් සියල්ල මෙහෙයවීම , බලපෑම් කිරීම     එම මතවාදය විසින්  ප්‍රතික්ෂේප කරයි .   

බර්ටි රණවීරගේ 

                          පරාජිත අපේක්ෂක ජොසේ ඇන්ටෝනියෝ කාස්ට්