ජනාධිපතිවරණයෙන් දිනන්නේ කවුද ?

"දිනන්නේ අපේ පක්ෂයේ අපේක්ෂකයා"යනුවෙන් ප්‍රධාන පක්ෂ තුනේම නායකයෝද, උප නායකයෝද , පුංචි නායකයෝද. පක්ෂ දේශපාලන ලේ  බෙල්ලේ සිට කකුලේ සුලැඟිල්ල තෙක් දුවන සාමාජිකයෝද කියනු මේ දිනවල අපට අසන්නට , කියවන්නට ලැබේ.

පක්ෂ දේශපාලනය අතහැර දමා බොහෝ කාලයක් ගත වන මට ස්ථිරවම කිව හැකි නොවරදින අනාවැකිය වන්නේ හංසයාගෙන් සහ පොහොට්ටුවෙන් ඉල්ලන අපේක්ෂකයන් දෙදෙනා හැර අන් සියල්ලෝම පරදින බවය .

එසේම තවත් අනාවැකියක් කිව හැකිය. එම අනාවැකිය නම් මාලිමාව තුන්වන ස්ථානය දිනාගන්නා බවය.

   

      වැඩිම චන්ද ගන්නේ සජිත්ද පොහොට්ටුවද යන්න කීම තවමත් අසීරුය

ජවිපෙ නායකයෝ මෙන්ම සාමාජිකයෝ සහ අනුගාමිකයෝද දේශපාලන වශයෙන් අවංක පිරිසක් බව මගේ මෙන්ම බොහෝ අයගේ විශ්වාසයයි .එහෙත් මේ රටේ අඩකට ආසන්න චන්ද දායකයන් සංඛ්‍යාවක් ජීවත්වන්නේ ශතවර්ෂ කීපයකට පෙර බැවින් මෙන්ම ජවිපෙ අතීත ක්‍රියාකාරකම් විසින් බහුතරයක් මිනිසුන් තුල ඇති කරන ලද අකමැත්ත ද නිසා ජවිපෙ අපේක්ෂකයා ජනාධිපති කිරීමට ඔවුහු සුදානම් නැත .

ජවිපෙට සැහෙන චන්ද සංඛ්‍යාවක් ලබාගන්නට තිබුණු හැකියාව ජවිපෙ නායකත්වය විසින් උවමනාවෙන්ම අතහැර දමා තිබේ ,. දෙමල සහ මුස්ලිම් ජනයාගේ ප්‍රශ්න, දුක් ගැනවිලි සහ ඉල්ලීම් පිළිබඳව රැඩිකල් විසඳුම් දීමට ජවිපෙ සුදානම් වුයේ නම් ආකර්ශනීය චන්ද සංඛ්‍යාවක් මෙවර ජවිපෙ ලබනවා පමණක් නොව ඊළඟ මහමැතිවරණයේදී වැඩි මන්ත්‍රි වරු පිරිසක් තේරී පත්වන බවටද සැකයක් නැත.

    කෙසේ වෙතත් ජවිපෙ මෙවර ලබන චන්ද ප්‍රතිශතය පෙර මැතිවරණ වලට වඩා ජනාධිපතිවරණයේදී ඉහල යාමට ඉඩ තිබේ .

තවත් වැදගත් කාරණාවක් කිව හැකිය .ජවිපෙ ලබන චන්ද සංඛ්‍යාව ඉහල යන්නට යන්නට වාසි වන්නේ ගෝටාභයටය .

දිනන්නේ කවුදැයි සාර්ථක අනුමානයක් කල හැක්කේ මැතිවරණ දිනය ආසන්න වූ විට පමණි .ඊට පෙර කියන අනාවැකි හුදෙක්ම පට්ටපල් බොරු පමණි .