බලු පැටියා උපන්නේ රුසියාවේ නොවොසිබිර්ක්ස් නමැති සයිබීරියානු නගරයේ සුනඛ නිවාසයකය . එය පවත්වාගෙන ගිය අල්ලා මොරෝසොවා නමැති කාන්තාව 'මරු' යනුවෙන් බලු පැටියා නම් කළාය.
බලු පැටියාට හයමාසයක් ගතවන විට ක්රාන්ස්නොයාර්ස්ක් නමැති කිලෝමීටර් 800 ක් දුරින් පිහිටි නගරයක ජෝඩුවක් පැමිණ 'මරු' මිලදී ගත්හ.
ඔවුහු බලු පැටියා තබා ගත්තේ හයමසක් පමණි සතුන් තමනට ඇලර්ජික් වී ඇති බැවින් බලු පැටියා ආපසු භාර ගන්න ලෙස සුනඛ නිවාසයට දන්වා සිටියහ.
කෝච්චියේ දමා බල්ලා ආපසු එවන ලෙස බලු නිවස භාර අල්ලා ඔවුන්ට දැනුම් දුන්නාය.
බලු පැටියා කෝච්චියේ දමා එවනු ලැබිය. ඔහ බලාගැනීමට දුම්රිය සේවකයෙකුට භාර දෙනු ලැබිණ.
කිලෝමීටර් 200 දුර ආ කෝච්චිය අචින්ස්ක් නමැති ප්රදේශයට ආසන්න කුඩා දුම්රිය පොලක නවත්වනු ලැබිණ මේ වන විට රෑ බෝවී තිබුණි බලු පැටියා උඩ පැන දුම්රිය මැදිරියේ දොරගුල ගැලවූ විට දොර ඇරින. 'මරු' වහාම දුම්රියෙන් එලියට පැන්නේය .
ඔහු බලාගැනීමට සිටි දුම්රිය සේවකයා බලු පැටියාට ආපසු එන ලෙස කතා කළ නමුත් ආපසු ආවේ නැත . දුම්රිය යලි ගමන ඇරඹිය.
දුම්රිය සේවකයා අයිතිකරුවන්ට සිද්ධිය දුරකතනයෙන් දැනුම් දුන්නේය.
ඔවුහු බලු නිවසට සිද්ධිය දැනුම් දුන් විට බල්ලා සොයන ලෙස අල්ලා කීවාය. එහෙත් ඔවුහු එය ප්රතික්ෂේප කළහ.
අල්ලා මහත්මිය බල්ලා සොයා දෙන ලෙස සමාජ මාධ්ය මගින් සහ මුද්රිත පත්රිකා මගින් මහජනයාගෙන් ඉල්ලා සිටියාය.
දින දෙක හමාරකට පසු බල්ලා සිටින බව ට පනිවිඩයක් ලැබිණ . ඔහු සමුවුයේ තමා නැවතී සිටි නිවසට තරමක් කිට්ටු ප්රදේශයකදීය . ඔහු තම හාම්පුතුන් සොයමින් මහා සයිබිරියානු දුම්රිය මග දිගේ කිලෝමීටර් 200ක් ආපසු ගොස් තිබිණ.
සයිබීරියාවේ ටයිගා වනාන්තරයේ සිටින වලසුන් සහ වෘකයන් විසින් ඔහු මරා ආහාරයට නොගැනීම පුදුමයක් බව බලු නිවසේ අයිතිකාරිය වන අල්ලා මහත්මිය කියයි .
බල්ලා හමුවන විට උගේ පාද සහ හොම්බ දැඩි ලෙස තුවාල වී තිබුණි.
බලු පැටියා බලු නිවාසය වෙත ආපසු ගෙන ආ අතර එහි සිටින අනෙකුත් බලු සගයන් ගේ සෙනෙහස ලබමින් ඔහු දැන් විනෝදයෙන් කල් ගත කරයි .
Comments