Sunday, March 31, 2019

විජේවීර චිත්‍රපටියෙන් නොකී කතාව


 
rohana_wijeweera_3

  

 'ගින්නෙන්  උපන් සීතල ' චිත්‍රපටිය  ගැන සැලකිය යුතු පිරිසක් පසු ගිය  මාස දෙක තුන  තුළදී ලිවුහ. පහත දැක්වෙන්නේ එම චිත්‍රපටියේ නොකියන  ලද  කතාව  පිලිබඳ  ගෙන එන ලද විග්‍රහයකි එම විග්‍රහය ලියා තිබෙන්නේ  ජනතා විමුක්ති පෙරමුණේ ප්‍රධාන ලේකම් ලෙස 1983 අගවන තුරු  කටයුතු කළ  ලයනල් බෝපගේය .බෝපගේ 1971 කැරැල්ලේ මහනඩුවේ විත්තිකරුවෙකු විය. හිර දඬුවම් විඳි ඔහු විජේවීර සමග 1977  හිරගෙදරින් නිදහස්ව එතැන් සිට  ජවිපෙ  ප්‍රධාන  ලේකම්  ලෙස පක්ෂයෙන් අස්වී  යන තුරුම  කටයුතු කළේය.


    ඉහත පින්තුරයේ වම පස සිට හතර වැන්නා  ලයනල් බෝපගේ ය . ඔහුගේ ලිපිය පහත දැක්වේ .


 " ජනතා විමුක්ති පෙරමුණේ දේශපාලනය සහ ඔවුන්ගේ දේශපාලන කතිකාවතේ අඩංගු වන ආවේණික සීමාවන් සම්බන්ධව විවිධ මතිමතාන්තර පවතී. විශේෂයෙන්ම රෝහණ විජේවීර සහෝදරයාගේ දේශපාලනය සහ ඔහුව ඝාතනය කිරීම සම්බන්ධයෙන් පවතින බොහෝ මතිමතාන්තරවල එකිනෙකට වෙනස් වෘත්තාන්ත පවතී. එවැනි වාතාවරණයක් තුල ‘ගින්නෙන් උපන් සීතල’ වැනි සිනමා කෘතියක් නිෂ්පාදනය කරන්නට ඉදිරිපත් වීමම පවා ප්‍රශංසාවට සහ අගය කිරීමට ලක් විය යුතු කාරණයක් වෙයි.


ගින්නෙන් උපන් සීතල’ චිත්‍රපටය 2018 ඔස්කාර් සම්මාන උළෙලේ ‘හොඳම චිත්‍රපටය’ ලෙස ද නිර්දේශ වී තිබුණි. ඉදිරියේ දී මෙම චිත්‍රපටය ඔස්ට්‍රේලියාවේ ප්‍රදර්ශනය කරනවා ඇත. එබැවින් චිත්‍රපටය පිළිබඳව මට මෙතෙක් කියවන්නට ලැබී ඇති මූලාශ්‍රවල සඳහන් තොරතුරු මත මේ ලිපිය පදනම් වෙයි. මෙම චිත්‍රපටය හඳුන්වා දී ඇත්තේ “කාලයේ ගින්නෙන් පන්නරය ලැබූ ඒ යකඩ මිනිසුන්ගේ කථාව” යනුවෙනි. මෙම චිත්‍රපටයේ සංකල්පය රචනා කළ ආරියවංශ ධම්මගේ සහ එය අධ්‍යක්ෂණය කළ අනුරුද්ධ ජයසිංහ යන සහෝදරවරු විසින් ඉදිරිපත් කොට ඇති තොරතුරුවලට අනුව මෙම කෘතියේ නිර්මාණය වසර කිහිපයක අත් දැකීම්වල මෙන්ම ඒ අර්බුදකාරී කාල පරිච්ඡේදය පිළිබඳව කරන ලද අධ්‍යයනයක ද ප්‍රතිඵලයක් වේ.


රැඩිකල් ව්‍යාපෘති වෙනුවෙන් පෙනී සිටින නිර්මාණ කරුවන් වැඩි දෙනෙක් විප්ලවකාරී දේශපාලනයේ යෙදෙන අය නොවේ. එසේම විකල්ප දේශපාලනයේ නියැලෙන බොහෝ දෙනෙකුට රැඩිකල් කලා නිර්මාණ සම්බන්ධයෙන් ඇත්තේ අල්ප අවබෝධයකි. පර්යේෂණාත්මක අධ්‍යයනයන් මත පදනම් වෙමින් කලාත්මක නිර්මාණයේ යෙදෙන්නට උත්සාහ කිරීම් දේශපාලනයට සම්බන්ධ වැඩි දෙනෙකුගෙන් බලාපොරොත්තු විය හැකි දෙයක් නොවේ.


ජනතා විමුක්ති පෙරමුණේ ශිෂ්‍ය ව්‍යාපාරය සමඟ සම්බන්ධ වී සිටි අධ්‍යක්ෂකවරයා ‘ඉතාම හොඳින් මෙම නිර්මාණය ඉදිරිපත් කිරීමේ වුවමනාවක්’ පැවති බවට කර ඇති ප්‍රකාශයෙන් පෙනෙන්නේ ඔහු සම්ප්‍රදායයෙන් බැහැර වන බව යි. මේ කලා කෘතිය නිර්මාණය කිරීම සඳහා රෝහණ සහෝදරයා යටි බිම් ගතව සිටි කාලය තුල ඔහු ළඟින් ඇසුරු කළ පුද්ගලයින් ද දේශපාලන සගයන් ද හමු වී සාකච්ඡා කළ බවත් ඔවුන්ගේ සහාය ලැබූ බවත් ඔවුන්ගේ මඟ පෙන්වීම අනුව කටයුතු කළ බවත්, ඔවුන් විසින් “නිවැරැදි කර ගත යුතු තැන් පෙන්වා දෙන” ලද බවත් ඔවුහු පවසා ඇත.


කලා නිර්මාණයකින් යථාර්තය නිරූපනය කරනවාද නැද්ද යන තීරණය රඳා පවතින්නේ නිර්මාණ කරුවන් ඒ නිර්මාණයේ මවා ගත් චරිත සහ රූප රාමු සෞන්දර්යාත්මක ලෙසත්, නිවැරදි ආකාරයටත්, පැහැදිලිවත්, යථාරූපී ලෙසත් නිර්මාණය කර තිබේද යන්න මත යි. අනෙක් අතට, කලා නිර්මාණයක පිලි ගත හැකි හෝ නොහැකි බව හැම විටකම හුදෙක් දේශපාලන සිද්ධාන්ත මත පදනම් වී තීරණය කළ හැක්කක් නොවේ. කලා නිර්මාණයක කලාත්මක ස්වභාවය මැනිය හැක්කේ කලාවට ම අනුරූප වූ සිද්ධාන්ත හා නියාම පදනම් කොට ගෙනයි. කෙසේ වෙතත් මෙම ලිපියේ අරමුණ වන්නේ මෙම නිර්මාණයේ කලාත්මක භාවය පිළිබඳව විචාරයක් කිරීම නොවේ.
නිර්මාණයක දේශපාලන නිවැරැදි බව තීරණය වන්නේ විද්‍යාත්මකවත් තර්කානුකූලවත් කරන විග්‍රහයක් මගිනි. එම නිර්මාණය එක්තරා කාල වකවානුවක දී දෘශ්‍යමාන වන්නේ කවර ස්වරූපයෙන් ද, කවර හේතූන් මත ද යන්න පැහැදිලි කල හැක්කේ දේශපාලන වශයෙන් පමණකි.

 නිර්මාණයකට පවතින සමාජ ආර්ථික හා දේශපාලන වාතාවරණයෙන් වියෝ වී සිටින්නට නොහැකිය. එසේ වියෝ වුනු නිර්මාණයකට පැවැත්මක් හෝ ආරක්ෂාවක් නැත. අපේ යුගයේ කලා නිර්මාණවල ක්‍රියාත්මක ස්වභාවය නිර්ණය වන්නේ එවැනි නිර්මාණ සමාජය වෙනස් කිරීමේ ප්‍රයත්නයන් සමඟ සම්බන්ධ වන තාක් දුරට පමණි.


මේ ලිපියේ සඳහන් කරන කරුණු දැනට පවතින ජනතා විමුක්ති පෙරමුණ හෝ එහි නායකත්වය ඉලක්ක කර ගෙන ඉදිරිපත් කරන ඒවා නොවන බව අවධාරණය කිරීම මෙහිදී වැදගත් වේ.
මෙම ලිපියට ආසන්නතම සන්දර්භය වූයේ තිඹිරියාගම බණ්ඩාර සහෝදරයාගේ ‘දේශපාලනය සහ ජීවිතය නමැති “ගින්නෙන් උපන් සීතල”’ යනුවෙන් පළ කොට ඇති විචාරය යි. එහි මෙසේ සඳහන් වෙයි:


1. “දක්ෂිණාංශික රජය 83 වාර්ගික ගැටුම් දඩ මීමා කර ගනිමින් ජනතා විමුක්ති පෙරමුණ තහනම් කරයි. එහි නායකයන් අත්අඩංගුවට ගැනීමට තැත් කළ විට ඔවුන්ට ආරක්ෂාව පතා යටි බිම් ගත දේශපාලන ජීවිතයක් වෙත යාමට බල කෙරුණි.”
2. “විජේවීර චරිතය අධ්‍යයනය කිරීම සඳහා විවිධ මූලාශ්‍ර ඇසුරු කිරීම හා ඒ බව නාමාවලියෙහි පවා සඳහන් කිරීම අනුරුද්ධගේ යහපත් ලක්ෂණයකි. අපේ ඇතැම් සිනමාකරුවන්ට එබඳු යහගුණ නැත. මිනිසකුට ජීවිතයේ දී බොරු කළ හැක. කලාවේදි බොරු කළ නොහැක.”

jvpfilm2

මා මෙහිදී එක්තරා පැහැදිලි කිරීමක් කළ යුතු වෙයි.


1983 කළු ජූලි විනාශය (pogrom) දියත් කරන ලද්දේ ජූලි 24 වනදා ය. ජූලි 25 දින වැලිකඩ බන්ධනාගාරයේ රඳවා සිටි දෙමළ රැඳවියන් 37 දෙනෙකු ඝාතනය කෙරුණි. ජුලි 26 දින සමස්ත දිවයිනට ම බලපාන පරිද්දෙන් ඇඳිරි නීතිය පනවන ලදි. ජූලි 28 වන දා දෙවන වතාවටත් වැලිකඩ බන්ධනාගාරයේ තවත් සිරකරුවන් 15 දෙනෙකු ඝාතනය කෙරුණි. ජනාධිපති ජනතාව ඇමතූයේ ජූලි 28 දා යි. ජාතිවාදී කෝලාහල මාර්ගයෙන් බලහත්කාරය යොදවා රාජ්‍ය බලය අල්ලා ගැනීමට කුමන්ත්‍රණය කළේය යන චෝදනාව යටතේ අති විශේෂ ගැසට් නිවේදනයක් මගින් ජූලි 31 දා ශ්‍රී ලංකාවේ කොමියුනිස්ට් පක්ෂය, නව සමසමාජ පක්ෂය සහ ජනතා විමුක්ති පෙරමුණ තහනම් කරන ලදී.


ඒ දිනවල මා රැඳී සිටියේ කොළඹ ආමර් වීදියේ පක්ෂ මූලස්ථානයේත් කඩවත මාවරමණ්ඩියේ අප පදිංචිව සිටි නිවසේත් ය. මා පක්ෂ මූලස්ථානයේ රැඳී සිටි නිසා අපේ සාමාජිකයන්ගෙන් කළු ජූලි විනාශය මෙහෙයවූ කණ්ඩායම් පිළිබඳව විස්තර එකතු කර ගත හැකි විය. රහස් පොලිසිය විසින් අපව රඳවා ගනු ලැබූයේ ඊටත් දින දෙකකට පමණ පසුවයි. මා රඳවා ගෙන සිටියදී රජය විසින් ජනතා විමුක්ති පෙරමුණට එරෙහිව නඟා තිබුන අභූත චෝදනාවලට මා එක් රැස් කර ගෙන තිබූ තොරතුරු උපයෝගී කර ගෙන අභියෝග කරන්නටත් මාස කිහිපයකට පසුව චිත්‍රා සහෝදරිය විසින් ගොනු කරන ලද හෙබයාස් කොර්පුස් ආයාචනයක් හේතුවෙන් රඳවා සිටි සියළු දෙනාටම චෝදනා විරහිතව නිදහස ලබන්නටත් හැකි විය.


ජුලි 31 වනදා ජනතා විමුක්ති පෙරමුණ තහනම් කිරීමට පෙර ජාතික ප්‍රශ්නය සම්බන්ධයෙන් පැවති පක්ෂ ප්‍රතිපත්තිය පිළිබඳව සාකච්ඡා කරන්නට කැඳවූ මධ්‍යම කාරක සභාවේ පූර්ණ සැසිය පැවැත්වූයේ ජුලි 21 සිට 23 දක්වා වූ දින තුනේ දී ය. ඒ තංගල්ල විතාරන්දෙණියේ විජිත රණවීර සහෝදරයාගේ නිවසේ පිහිටා තිබූ පක්ෂ පාසලේ දී යි. මෙම සැසි වාරයේදී ජාතික ප්‍රශ්නය සම්බන්ධයෙන් එතෙක් පැවති පක්ෂ ප්‍රතිපත්තිය වෙනස් කරන්නට ගන්නා ලද තීන්දුව සමඟ මම කිසිසේත්ම එකඟ නොවූයෙමි. මා ඒ සැසියෙන් පිටව ආවේ ඒ තීන්දුව නිසාත් ඒ වන විට පක්ෂ නායකත්වය සමඟ වර්ධනය වී තිබුන අමතර මතවාදී වෙනස්කම් නිසාත් පක්ෂයෙන් ඉවත් වෙන්නට තීරණය කර ගෙනය.


මා මෙහි මතු කරන කාරණය වන්නේ රෝහණ සහෝදරයා යටි බිම් ගත වෙන්නට විජිත රණවීර සහෝදරයාගේ නිවස බලා පිටත්ව ගියේ පක්ෂය තහනම් කලාට පසුව නොව, කළු ජූලි විනාශය ආරම්භ කල දිනය වූ ජූලි 25 වන දාම බවයි. ඔහු පිටත්ව ගිය වාහනය පැදවූයේ තවමත් ජනතා විමුක්ති පෙරමුණ සමඟ කටයුතු කරන සේපාල ලියනගේ සහෝදරයා යි. රෝහණ සහෝදරයා එසේ යටි බිම් ගත වෙන්නට තීරණය කර තිබුනේ පක්ෂයේ දේශපාලණ මණ්ඩල සභිකයන්ගෙන් කරන ලද විමසීමකින් හෝ ඔවුන් සමඟ කල සාකච්ඡාවකින් පසුව නොවේ.


සෝමවංශ අමරසිංහ සහෝදරයා ආමර් වීදිය කාර්යාලයට පැමිණ මා මුණ ගැසුනේත්, පක්ෂ තහනම පිළිබඳව අනෙක් පක්ෂ සමඟ, විශේෂයෙන් ලංකා සමසමාජ පක්ෂය සමඟ මා විසින් කරන ලද සාකච්ඡාවකට සහභාගි වූයේත් ජූලි 31 දායින් පසු දිනක යි. ලංකා සමසමාජ පක්ෂයේ අදහස වූයේ අප යටි බිම් ගත විය යුතු බව වුවද, මම ඒ අදහස සමඟ එකඟ නොවූයෙමි. එසේම රෝහණ සහෝදරයා විසින් යටි බිම් ගත වෙන්නට ඒ අවස්ථාවේ තනිවම ගන්නා ලද තීරණය පිළිබඳවද මම කිසිසේත්ම එකඟ නොවීමි.


මේ සම්බන්ධයෙන් මා එදා දැරුවා වූත් අද දරන්නා වූත් මතය වන්නේ රජය පෙරලීමේ කුමන්ත්‍රණයකට කෙසේ වෙතත්, අඩු තරමේ 1983 ජූලි විනාශය සම්බන්ධයෙන් එක සිද්ධියකට හෝ ජනතා විමුක්ති පෙරමුණ හෝ එහි නායකත්වයේ කිසිදු සම්බන්ධයක් නොපැවති හෙයින් ධනේශ්වර රජය නඟමින් තිබූ දේශපාලන හා සාපරාධී චෝදනාවලට අප විවෘත දේශපාලනයේ යෙදෙමින් පිළිතුරු දී ජනතාව තුල ඒ ප්‍රචාරය පරාජය කර දමන්නට කටයුතු කළ යුතුව තිබුණු බව යි. රෝහණ හා ගමනායක සහෝදරවරු වැනි නායකයන් සැඟවී ගත් විට 1983 ජූලි විනාශයට මෙන්ම රජය පෙරලීමේ කුමන්ත්‍රණයකට ද ජනතා විමුක්ති පෙරමුණ ඇත්තෙන්ම සම්බන්ධව සිටින්නට ඇතැයි යන දේශපාලන වශයෙන් සාවද්‍ය මතය සමාජයේ බොහෝ කොටස් අතර තහවුරු වී තිබුණි. කෙසේ වෙතත්, ඒ කාලයේ ජනතා විමුක්ති පෙරමුණ සිය පක්ෂ තහනම ඉවත් කරන්නට ලංකාවේ රජයට බල කරන ලෙස ජාතික සහ ජාත්‍යන්තර තලයේ දිගින් දිගටම නොයෙක් අන්දම් ඉල්ලීම් කලේය.


මා රහස් පොලිසියේ හතරවන තට්ටුවේ රඳවා ගනු ලැබ සිටියදී මෙන්ම 1983 දෙසැම්බරයේ නිදහස් කරනු ලැබූ පසුවත් රෝහණ සහෝදරයා විවෘත තලයට ගෙන එන්නට දැරූ සියළු උත්සාහයන් ව්‍යර්ථ වී ගියේය. රජයට ඔවුන්ගේ මතවාදය කාලයක් තිස්සේ රජ කරවා ලන්නට හැකි වූයේ මේ නිසා යයි මම තවමත් කල්පනා කරමි. පක්ෂ තහනම ඉවත් කරවා ගැනීම සම්බන්ධයෙන් මා ජනාධිපති ජේ ආර් ජයවර්ධන මහතා හමු වූ විට ඔහු පැවසූයේ පළමුව ‘රොහාන්’ පැමිණ කට උත්තරයක් දිය යුතු බවයි. ජනතා විමුක්ති පෙරමුණ සහ රෝහණ සහෝදරයා විවෘත දේශපාලනයට ගෙන එන්නට මා යෝජනා කළ හැම විටම මට ලැබුනු එකම පිළිතුර වූයේ එසේ කළ හොත් ඔහු මරා දමනු ඇති බවයි. එහෙත්, 1983-84 කාලය වන විට දකුණේ එවැනි මරා දැමීම් සිදු වූයේ නැත.


මා දන්නා තොරතුරුවලට අනුව ජනතා විමුක්ති පෙරමුණ සහ රෝහණ සහෝදරයා විවෘත දේශපාලනයට ගෙන එන්නට උත්සාහ කර ඇත්තේ මා පමණක්ම නොවේ. පසුගිය දා අභාවප්‍රාප්ත වූ ප්‍රින්ස් ගුණසේකර සහෝදරයාත්, (රෝහණ සහෝදරයාගේ එක් කුස උපන් සොහොයුරා වූ) ආනන්ද විජේවීර සහෝදරයා සහ (ඔවුන්ගේ සමීපතම මිත්‍රයෙක් සහ ඥාතියෙක් වූ) දෙවිනුවර ආරියදාස සෙල්ලහේවා මහතා මගින් පසුව රෝහණ සහෝදරයා සමඟ සම්බන්ධකම් පැවැත්වූ ‌එකල මුදල් ඇමතිව සිටි රොනී ද මැල් මහතාත් පසු කාලයක දී ඒ ඉල්ලීම ම කර ඇත. රෝහණ සහෝදරයාගේ නීතිඥයා ලෙස ප්‍රින්ස් සහෝදරයාත් ඔවුන්ගේ සුරැකියාවට රොනී ද මැල් මහතාත් රෝහණ සහෝදරයාගේ ආරක්ෂාවට ඉදිරිපත් වෙන්නට කැමැත්තෙන් සිටියදී පවා ජනතා විමුක්ති පෙරමුණට සහ රෝහණ සහෝදරයාට කරන ලද මෙම යෝජනාව ප්‍රතික්ෂේප කරන ලද්දේ මන්දැයි යන්න පැහැදිලි කළ නොහැකිය.


අනෙක් අතට මේ සම්බන්ධයෙන් කෙනෙකුට සාධාරණ දේශපාලන ප්‍රශ්නයක් ද නැඟිය හැකිය. එනම්, ජනතා විමුක්ති පෙරමුණේ නායකයන් විවෘත දේශපාලනයට නොපැමිණිමට තීරණය කරන්නට ඇත්තේ රජය විසින් 1983 ජූලි විනාශය සම්බන්ධයෙන් ජනතා විමුක්ති පෙරමුණට එරෙහිව එල්ල කරන ලද චෝදනා ප්‍රයෝජනයට ගනිමින් දකුණේ සිංහල බහුතරය දිනා ගැනීම සඳහා කටයුතු කිරීමේදී දේශපාලන වාසියක් සලසා ගැනීමට අනියම් උත්සාහයක නිරත වී සිටි නිසාද යන්නයි. එවකට උතුරේ දෙමළ ජාතිකවාදී අරගලයට එරෙහිව සිංහල ජාතිකවාදය කර පින්නා ගෙන දකුණේ සිංහල ජාතිකවාදීන්ට සහ ජාතිවාදීන්ට ප්‍රබල වේදිකාවක් ගොඩ නඟා දෙමින් ඔවුන් සමඟ ඉතා සහයෝගයෙන් කටයුතු කරන්නට ජනතා විමුක්ති පෙරමුණේ එදා සිටි නායකත්වය පසු කාලයේ දී කැපවී කටයුතු කළ ආකාරය අමතක කළ නොහැකිය.


මුලින්ම කොමියුනිස්ට් පක්ෂයේ නායකයෝ පොලිසියට භාර වූහ. පරීක්‍ෂණයකින් ඔවුන් සියළු දෙනාම නිදහස් කරන ලදුව පසුව පක්‍ෂ තහනම ද ඉවත් කරන ලදී. මුලදී සැඟවී සිටි නව සමසමාජ පක්ෂ නායකයෝ විජය කුමාරණතුංග සහෝදරයාගේ මැදිහත් වීමෙන් විවෘත දේශපාලනයට පැමිණි අතර අවසාන‌යේදී ඔවුන්ගේ පක්‍ෂ තහනම ද ඉවත් කරන ලදී. ඒ කාලයේදි රජය පෙරලා දමන්නට කුමන්ත්‍රණ කරන ලදැයි චෝදනා කොට නඩු පවරන ලද්දේ උතුරේ දෙමළ සටන්කාමී සංවිධානයක් සමඟ එක්ව කටයුතු කළ උඩුවරගේ හෙන්රි පෙරේරා සහෝදරයා ඇතුළු කණ්ඩායමකට එරෙහිව පමණි. 1971 අප්‍රේල් නැඟිටීම සම්බන්ධයෙන් අත් අඩංගුවේ සිටි ඔහු නිදහස ලැබීමෙන් පසු බාලා තම්පෝ සහෝදරයාගේ නායකත්වයෙන් පැවති විප්ලවවාදී මාක්ස්වාදී පක්ෂයට එකතු වී කලක් දේශපාලනයේ නිරතව සිටියේය. ලංකා කොමියුනිස්ට් පක්‍ෂයට වත් නව සමසමාජ පක්‍ෂයට වත් ජනතා විමුක්ති පෙරමුණට වත් එරෙහිව කිසිදු චෝදනාවක් ගොනු කොට තිබුනේ නැත.


filmjvp

යටි බිම් ගත දේශපාලනයේ සහ සන්නද්ධ කටයුතුවල නියැලී සිටි රෝහණ සහෝදරයා ඇතුළු ජනතා විමුක්ති පෙරමුණේ නායකයින් සියළු දෙනාම පාහේ 1989 නොවැම්බර් වන විට ඉතා කණගාටුදායක අන්දමින් මරා දමන ලදි. දිගින් දිගටම යටි බිම් ගතව සිටිනවා වෙනුවට ඔවුහු තම නිර්දෝෂීභාවය ජනතාවට ඔප්පු කරමින් පක්ෂ තහනම අභියෝගයට ලක් කළේ නම් ජනතා විමුක්ති පෙරමුණේ නායකත්වයේ දේශපාලන වශයෙන් ස්වයං-කාරක සිය දිවි නසා ගැනීම බොහෝ දුරට සිදු නොවන්නට ඉඩ තිබුනි. හැට දහසක පමණ ජීවිත විනාශය වළක්වා ගත හැකිව තිබිණි.


ගින්නෙන් උපන් සීතල’ චිත්‍රපටයේ චරිත සම්බන්ධයෙන් යම් අදහසක් ලබා ගන්නට මා හා සම්බන්ධ වීමට චිත්‍රපට සම්පාදකයන් මුලින් ගත් උත්සාහය හේතුවෙන් නිර්මාණ කරුවන්ට වඩා නිවැරදි ආකාරයටත් පැහැදිලිවත් යථාරූපී ලෙසත් චරිත මවා ගන්නට සහ රූප රාමු නිර්මාණය කරන්නට තිබූ වුවමනාව පැහැදිලි වෙයි. එහෙත් වැඩි කලක් නොයාම ඒ උත්සාහයන් වළක්වා ලන ලදි. ඒ සම්බන්ධයෙන් නිතැතින් ම පැන නැඟෙන ප්‍රශ්න වන්නේ ඒ කවුරුන් විසින් ද, කවුරුන්ගේ වුවමනාවක් වෙනුවෙන් ද, සහ කවුරුන්ගේ ඵල ප්‍රයෝජන ආරක්ෂා කරන්නටද යන්නයි.


දේශපාලන වශයෙන් බැළු විට, 1972 පමණ සිට 1983 ජුලි දක්වා ජනතා විමුක්ති පෙරමුණේ දේශපාලනයේ පැවති ඉදිරි දැක්ම හා වැඩ පිළිවෙලද, 1983 ජූලි මස පක්ෂය තහනම් කිරීමෙන් පසු, විශේෂයෙන්ම 1986 පමණ සිට 1990 පමණ දක්වා වූ සන්නද්ධ අරගලය දියත් කරන ලද කාලයේ ජනතා විමුක්ති පෙරමුණේ දේශපාලනයේ ඉදිරි දැක්ම හා වැඩ පිළිවෙලද අතර පැවතුන වෙනස පිළිබඳ යථාර්තය කුමක්දැයි ‘ගින්නෙන් උපන් සීතල’ නමැති මෙම කලා කෘතියෙන් ජනතාවට එලි දැක්වූයේ නම් එය ලංකාවේ සමාජ සංවර්ධනයට වැදගත් අත් දැකීමක් ගෙන එනවා මෙන්ම ඒ සඳහා සෑහෙන සාධනීය දායකත්වයක් කරන්නට හැකිව තිබුන බවත් පෙනේ.
1989 සන්නද්ධ අරගලයට පෙර ජනතා විමුක්ති පෙරමුණ තුල ඇති කරන ලද ප්‍රතිසංවිධාන කටයුතු පිළිබඳ අත්දැකීම් මෙන්ම අති දක්ෂිණාංශයේ සිට අති වාමාංශය දක්වා පක්ෂය දෝලනය වීම සඳහා පැවති සමාජ හා දේශපාලන පදනම විග්‍රහ කොට සමාජ සන්තක කර ලීමේ කාර්ය භාරය තවමත් ශේෂ වී තිබේ."


ලිපිය  උපුටා  ගත්තේ 'විවර ' පුවත්පතිනි 

Sunday, March 24, 2019

බුදුන් ප්‍රතික්ෂේප කළ කුල භේදය රකින අස්ගිරි මල්වතු ලොක්කෝ සහ සොක්කෝ





Image may contain: 6 people, people standing and outdoor


   නිර්මල බුදු දහම තිබෙන්නේ  ලංකාවේ  පමණකැයි  භික්ෂුහුද , බුදු දහම විකුණා දේශපාලනය කරන්නන්ද  එක්දහස් එක්වාරයකට වඩා   කියනු  අසන්නට  ලැබී තිබේ . ත්‍රිපිටකය ලෝක උරුමයක්  කරන්න යැයි ඉල්ලමින් ඉකුත් දා  පැවත් රාජ්‍ය  උත්සවයේදී  බුදුන්ගේ දහමට විරුද්ධව  යමින් ජේෂ්ට භික්ෂුන්ට  මිටි ආසන වල වාඩිවීමට සලස්වමින්  උපසම්පදාවෙන් කණිෂ්ට මල්වතු සහ අස්ගිරි නාහිමිවරුන්ට උස ආසන  වල වාඩි වීම සමාජ ජාලවල  තියුණු විවේචනයනට ලක්ව තිබේ . 


පහත දැක්වෙන්නේ ඒ පිළිබඳව මුහුණු පොතේ  පළවූ ලිපියකි එය  ලියා  තිබෙන්නේ ලංකා දීප  පත්තරයේ මාධ්‍යවේදියෙකු වන  තරිඳු ජයවර්ධන විසිනි .


සුදුකුකුලා බ්ලොගය කියවන පාඨකයන් වෙනුවෙන් එම ලිපිය උපුටා  පළකරමි. 


සංඝයා අතර කුල බේදයක් නැද්ද?

------------------------------------

 සාමාන්‍ය සමාජෙට වඩා කුල බේදය වර්තමානයේ ලංකාවේ සංඝයා අතර තිබෙනවා. සාමාන්‍ය සමාජයට වඩා බෙදීම් වර්තමාන ලංකාවේ සංඝයා අතර තිබෙනවා.


නිකාය බේදය ගත්තොත් සියම්, අමරපුර සහ රාමඤ්ඤ කියන ප්‍රධාන නිකාය තුනක් තිබෙනවා. සියම් නිකායේ මේ වන විට පාර්ශ්ව (කොටස්) අටක් පමණ තිබෙනවා. මේ දවස්වල වැඩියෙන් කතා වෙන අස්ගිරි පාර්ශ්වය කියන්නේ සියම් නිකායේ එක පාර්ශ්වයක් පමණයි.


මල්වතු විහාරය, අස්ගිරි විහාරය, ශ්‍රී කල්‍යාණී සාමග්‍රීය ධර්ම මහා සංඝ සභාව, ශ්‍රී ජයවර්ධනපුර කෝට්ටේ ශ්‍රී කල්‍යාණී සාමග්‍රී ධර්ම මහා සංඝ සභාව, රන්ගිරි දඹුළු විහාරය, වනවාසී පාර්ශවය, ශ්‍යාෙමා්පාලි වංශික ශ්‍රී රෝහණ පාර්ශවය සහ ඌවේ ස්යාුමවංශික නිකාය කියන්නේ සියම් නිකායේ කොටස්. මේ සෑම පාර්ශ්වයකටම මහා නායක ස්වාමීන් වහස්නේ නමක් ඉන්නවා. මෙයින් උසස්යැයි සම්මත කරගෙන තිබෙන්නේ මල්වත් සහ අස්ගිරි විහාර පාර්ශ්වයි.


ඊළඟට අමරපුර නිකාය ප්‍රධාන වශයෙන් කොටස් 22කින් පමණ සමන්විතයි. ශ්‍රී කළ්‍යානවංෂ නිකාය, උඩරට අමරපුර නිකාය, උඩුකිඳ අමරපුර නිකාය, ඌව අමරපුර නිකාය, අමරපුර ශ්‍රී සද්ධමිමවංස නිකාය, අමරපුර ශ්‍රී සද්ධමිමවංස නිකායේ රාස්සගල පාර්ශවය, අමරපුර මූලවංශික නිකාය, අමරපුර නිකාය අමරපුර පාර්ශ්වය, අමරපුර නිකාය අඹගහපිටිය පාර්ශ්වය, අමරපුර ශ්‍රී ධර්මරක්ෂිත නිකාය, අමරපුර අරියවංශ සද්ධම්මයුක්තික නිකාය, අමරපුර වජිරවංශ පාර්ශවය ආදී වශයෙන් 22ක් තිබෙනවා. ඒවාට වෙන වෙනම මහා නායක හිමිවරුන් ඉන්නවා. ඒ වගේම උත්තරීරතර මහා නායක හිමිනමකුත් ඉන්නවා.


රාමඤ්ඤ නිකායේ නම් ප්‍රසිද්ධ බෙදීම් මං දන්න තරමින් නෑ. (තිබෙනවා නම් දන්නා කෙනෙක් කමේන්ට් කරන්න.)


ලංකාවේ උපසම්පදාව නැති වෙලා ගියාට පස්සේ වැලිවිට සරණංකර සංඝරාජ හාමුදුරුවො සියම් දේශය නමින් හැඳින්වූ තායිලන්තයේ සිට උපාලි කියන ස්වාමීන් වහන්සේ ගෙන්වනවා. වැලිවිට හාමුදුරුවන්ගේ ආරාධනය අනුව සියමේ ඉඳන් ආපු උපාලි කියන ස්වාමීන් වහන්සේ 1753දී පමණ ලංකාවේ යළි උපසම්පදාව ආරම්භ කරනවා. සියම් දේශයෙන් පැවැතෙන නිසා තමයි සියම් නිකාය කියලා හැදුණේ.
මේ උපසම්පදාව වසර නවයක් දහයක් යද්දී ‘ගොවිගම‘ කියන කුලයට සීමා විය යුතු බව කියමින් ‘ගොවිගම‘ කුලයේ අය පමණක් උපසම්පදා කරන්න ගත්තා. ඒ කියන්නේ සියම් නිකායෙන් උපසම්පදා කළේ ‘ගොවිගම‘ කුලයේ අය පමණයි. වෙනත් කුලවල අය මහණ කළේ නෑ. එක් දහස් හත්සිය හැට ගණන් වල තමයි මෙය පටන් ගත්තේ.


ඒ අනුව ගොවිගම නොවන කුලවල අයට සියම් නිකායේ මහණ උපසම්පදාව නොලැබෙද්දි ඔවුන්ට වෙනත් ක්‍රම අනුගමනය කරන්න උත්සාහ කළත් රාජ්‍ය අනුග්‍රහය ලැබුණේ නෑ. (බොහෝ සංකීර්ණ සිදුවීම් දාමයක් තිබුණත් මෙහි දක්වන්නේ සංක්ෂිප්තවයි)


මේ නිසා 1779දී පමණ අඹගස්පිටියේ ඥාණවිමල කියන ස්වාමීන් වහන්සේ තවත් හාමුදුරුවරුන් ටිකක් එක්ක බුරුම රටට (මියන්මාරයට) ගිහින් උපසම්පදාව ලබනවා. රාජ්‍ය අනුග්‍රහය නැති නිසා වෙනත් ධනවතකුගේ උදව්වෙන් තමයි බුරමෙට ගියේ. උපසම්පදාව ලබා තවත් බුරුම හිමිවරුන් පිරිසක් සමඟ ලංකාවට පැමිණි අඹගස්පිටියේ හාමුදුරුවො 1803 මැයි මාසයේ දී බලපිටියේ මාදු ගඟේ හදපු සීමා මාලකයකදී උපසම්පදා වැඩසටහනක් කරනවා. ඒ තමයි අමරපුර නිකායේ ආරම්භය සහ අමරපුර නිකායේ පළමු වැනි උපසම්පදාව. මියන්මාරයේ (බුරුමයේ) පරණ අගනුවර තමයි අමරපුර කියන්නේ.


බුරුමයේ රාමඤ්ඤ පුරයේ විහාරස්ථානයකින් උපසම්පදා ලබා පැමිණි අඹගහවත්තේ නාහිමියන්ගේ මූලිකත්වයෙන් 1863 වසරේ ජුලි මාසයේදී ගාල්ල මහමෝදර සීමාමාලකයක පැවැත්වූ උපසම්පදා උත්සවයෙන් පසු ශ්‍රී ලංකාවේ රාමඤ්ඤ නිකාය ආරම්භ වුණා.


අමරපුර සහ රාමඤ්ඤ යන නිකායන් ඕනෑම කුලයක කෙනකුට විවෘත්තයි. අමරපුර නිකායේ ඇතැම් පාර්ශ්වවල කුල බේදය බලනවා.


කුල ප්‍රශ්නය තදින්ම තිබේනනේ සියම් නිකායෙයි. සියම් නිකායෙත් මල්වතු සහ අස්ගිරි පාර්ශ්ව වල තදින්ම තිබෙනවා. සියම් නිකායේ ඇතැම් පොඩි පාර්ශව නම් කුල බේදය තකන්නේ නැහැ.


මහනුවර දළදා මාලිගාවේ එහෙම තැන්නම් දන්ත ධාතුන්වහන්සේගේ බාරකරිත්වය පැවරී තිබෙන්නේ සියම් නිකායේ මල්වතු සහ අස්ගිරි පාර්ශ්වයටයි. අන්න ඒ නිසා තමයි ඒ පාර්ශ්ව දෙක ගැන නිතරම කතා බහට ලක් වන්නේ. මේ දන්ත ධාතූන් වහන්සේ බාරකාරිත්වය දරණ මල්වතු සහ අස්ගිරි පාර්ශ්වයම තමයි කුල බේදය වැඩිපුරම තකන්නේ.


කැප්පෙටිපොල නිලමේ ඇතිලු පිරිසක් ද්‍රෝහීන් කළ ගැසට් නිවේදනය අහෝසි කිරීමේ ගැසට් පත්‍රයට අත්සන් තැබීමේ උත්සවය පසුගිය 2017 මාර්තු මාසයෙදි මහනුවර මඟුල් මඩුවෙදි තිබ්බා. හැබැයි රාමඤ්ඤ නිකායේ නායක හාමුදුරුවරුන්ට මගුල් මඩුවේ ආසන තිබ්බේ නෑ. ඒ හාමුදුරුවරුන්ට මඟුල් මඩුවේ ආසන වෙන් කිරීමට සියම් නිකායේ නායක හිමිවරුන් විරුද්ධ වී තිබුණා.


ඒ වගේම ත්‍රිපිටකය ලෝක උරුමයක් බවට පත් කරන්නැයි ඉල්ලන රාජ්‍ය මහෝත්සවයේ අස්ගිරි සහ මල්වතු පාර්ශ්ව දෙකේ මහානායක හිමිවරුන්ට වෙනම උස් ආසන දෙකක්. රාමඤ්ඤ නිකායේ මහා නායක නාපානේ පෙමසිරි නාහිමිට සහ අමරපුර නිකායේ කොටුගොඩ ධම්මාවාස නාහිමි ඇතුළු සෙසු හාමුදුරුවන්ට මිටි ආසන දෙකක්. විනය පිටකයේ හැටියට නම් සඟමහළු පිළිවෙළ එන්නේ උපසම්පදා පිළිවෙළ අනුවයි. උපසම්පදාවෙන් වැඩි හිමියන් ජ්‍යෙෂ්ඨත්වයෙහි ලා සැලකෙනවා. ත්‍රිපිටකය ලෝක උරුමයක් කරන්නැයි ඉල්ලන මහෝත්සවයේ දී 1923 ජනවාරි 20 වැනිදා උපන් 1943 අගෝස්තු හය වැනිදා කටුගස්තොට පිගාඔය උධකුක්ඛේප සීමාමාලකයේ දී උපසම්පදාව ලැබූ නාපානේ පෙමසිරි රාමඤ්ඥ නිකායේ මහා නායක හිමියන් කොහොමද පහළ ආසනයකට ආවේ? අස්‌ගිරි පාර්ශවයේ මහානායක වරකාගොඩ ඤාණරතන හිමියන් ඉපදිලා තියෙන්නෙත් 1942 මාර්තු 18 වැනිදා. 1942 ඉපදුණු ඤණරතන හිමියන් කොහොමද 1943 උපසම්පදාව ලැබූ නාපාන පෙමසිරි හිමියන්ට වඩා ජ්‍යෙෂ්ඨ වෙන්නේ? සඟමහළු පිළිවෙළ කියන්නේ මේකද?


ඛුද්දකනිකායේ සුත්ත නිපාතයේ උරග වර්ගයේ නම් තියෙන්නේ ‘‘න ජච්චා වසලෝ භෝති - න ජච්චා හෝති බ්‍රාහ්මනෝ, කම්මනා වසලෝ භෝති - කම්මනා හෝති බ්‍රාහ්මනෝ‘ කියලයි. යමෙකු වසලයකු වෙන්නේ උපතින් නොව කරන ක්‍රියවෙන් කියලයි බුද්ධ දේශනාවේ නම් තියෙන්නේ. බමුණකු වුණත් මහනකු වුණත් කවරකු වුණත් කාව හරි බොරුවෙන් රවටනවා නම් ඔහු වසලෙයෙක් කියලයි බුද්ධ දේශනාවේ තියෙන්නේ. මසුරුකම් කරන, කෝපයෙන් හැසිරෙන අය වසලයො කියලයි බුද්ධ දේශනාවේ නම් තිබෙන්නේ.


ඒ කියන්නේ ඇත්තටම අඩු කුලේ වෙන්නේ කුල බේදය අනුව උපසම්පදාව තීරණය කරන අයම තමයි. අක්කර ගණන් වතුපිටි මත්තේ නැහෙන්න යන අයම තමයි.


බුදුන්ගේ කාලේ සුනීතලට සහ සෝපාකලට ශාසනය විවෘත වුණත් අද කාලේ සුනීතලට සෝපාකලට සමහර නිකායන්වල දොර වැහිලයි තියෙන්නේ.
මේවා කියද්දී රිදෙන ‘බෞද්ධ‘ යැයි කියා ගන්නා අය ඉන්නවා නම් සූත්‍ර පිටකය කියවන්න කියලා යෝජනා කරනවා.


ඒ වගේම කුල බේදයක් ලංකාවේ සංඝ ශාසනයේ නැතිනම් ‘අඩුයැයි සම්මත කුලයක‘ කෙනෙක් මල්වත්තේ හෝ අස්ගිරියේ පංසලක මහණ කරලා උපසම්පදා කරලා පෙන්වන්න. ඒ වගේම රාමඤ්ඤ නිකායේ උත්සවයක් මහනුවර මගුල් මඩුවේ පැවැත්වීමට අවස්ථාව දෙන්න. සියලු මහා නාහිමිවරුන් සහභාගී වන රාජ්‍ය උත්සවයක මුල් පුටුව රාමඤ්ඤ නිකායේ මහා නායක හාමුදුරුවන්ටත්, දෙවැනි පුටුව අමරපුර නිකායේ පාර්ශ්වයක මහානායක හිමිකමකටත්, තුන් වැනි පුටුව අස්ගිරි මහානායක හාමුදුරුවන්ටත්, හතර වැනි පුටුව අමරපුර උත්තරීතර මහා නායක හාමුදුරුවන්ටත් පස් වැනි පුටුව මල්වත්තේ මහානායක හාමුදුරුවන්ටත් දීලා පෙන්වන්න.



Monday, March 18, 2019

පාසල්වල ඉංග්‍රීසි මාධ්‍යයෙන් ඉගැන්විය යුතුද?







Image result for ATHURALIYE rathana thero

     ජාතික  ලැයිස්තු මන්ත්‍රී අතුරලියේ රතන  හිමි ඉංග්‍රීසියෙන් ඉගැන්වීම පිළිබඳව පාර්ලිමේන්තුවේ  කළ  ප්‍රකාශය පිළිබඳව අධ්‍යාපනය ගැන උනන්දුවක් දක්වන්නන් අතර  සංවාදයක් ඇති වී තිබේ . ඔහු  කියා  සිටියේ ඉංග්‍රීසි  මාධ්‍යයෙන් 1-5 පංතිවල ඉගැන්වීම නවත්වන ලෙසය .


රජයේ පාසල්වල නම් 1-5 පන්තිවලට ඉංග්‍රීසියෙන්  උගන්වන්නේ නැත  .එම  පාසල්වල ප්‍රථමික පංතිවල  ඉගැන්වීමේ මාධ්‍යය එක්කෝ සිංහලය . එක්කෝ දෙමලය. කිසිත් සොයා බලන්නේ නැතිව  රතන හිමියන් පච දේසනා  කරන්නේ මන්ද ? 


රතන හිමියන් තවත් පචයක්  දෙසා බෑවේය  .එනම් ප්‍රාථමික  පන්තිවල ඉංග්‍රීසි මාධ්‍යයෙන්  උගන්වන  එකම රට ලංකාව බවය . සිංගප්පුරුව සහ  පිලිපිනය  පළමු ශ්‍රේණියේ සිටම ඉංග්‍රීසි මාධයෙන් උගන්වන රටවල් දෙකකි.  දකුණු අප්‍රිකාවේ සහ සිම්බාබ්වේ 4 ශ්‍රේණියේ සිට උගන්වන්නේ ඉංග්‍රීසි බසිනි .


ඔක්ස්ෆර්ඩ් විශ්ව විද්‍යාලයය   රටවල් 55 ක් ආවරණය  කරමින්  2013-14  සමයේ  කළ පර්යේෂණයකට අනුව රටවල් 28 ක    රාජ්‍ය අංශයේ පාසල්වල ප්‍රාථමික  පන්තිවල  සිටම ඉංග්‍රීසි  මාධ්‍යයෙන් උගන්වනු ලැබේ. සිංගප්පුරුව සහ  පිලිපීනය එම  පර්යේෂණයට  අදාළ කරගත් රටවල් නොවන බැවින් ඉංග්‍රීසි බස  මව් බස නොවෙන රටවල් 30 ක  ප්‍රාථමික සිසුන්ගේ සිට ඉහලට  ඉංග්‍රීසි මාධ්‍යයෙන් උගන්වන බව  තහවුරු වේ. 


තවත් රටවල් රැසක 5 න් ඉහල පන්තිවල  සහ විශ්ව විද්‍යාලවල  උගන්වනු ලබන්නේ ඉංග්‍රීසි බසින් පමණි . එම රටවල් අතර ඉතියෝපියාව ද සිටි .

 

 ඉංග්‍රීසි මාධ්‍යයෙන්  පළමු ශ්‍රේණියේ සිට උගන්වන්නේ ජාත්‍යන්තර පාසල්  සහ  ජාත්‍යන්තර  පාසල් නමින්  හඳුන්වන/නොහඳුන්වන   පුද්ගලික අංශයේ  පාසල්වලය. රතන හිමියන් කියන්නේ එය  නවත්වන්නට  නම්  එය අංක එකේ  මෝඩ කතාවකි. 


එම පාසල්වල විදේශිකයන්ගේ දරුවන්ද ලාංකිකයන්ගේ දරුවන්ද  උගනිති .තම ජාත්‍යන්තර  පාසලේ රටවල් 40 කට අයත් දරුවන් ඉගෙනගන්නා   බව එක් ජාත්‍යන්තර  පාසලක් සඳහන් කර තිබුණේය .එහි  1-5 ළමුන්ට මව් බසින් උගන්වන්නට  නම් භාෂා  40 කින් උගන්වන්නට සිදුවේ . එය  කරන්නට බැරි මගුලක් බැවින් කාටත්  හරියන,  කවුරුත් කැමති ඉංග්‍රීසි බසින් ප්‍රාථමික  පන්තියේ සිට නොව මොන්ටිසෝරියේ සිටම   උගන්වනු ලැබේ .ඇතැම්  පාසල්වලට අවුරුදු දෙකහමාරේ සිටම  දරුවන් ඇතුලත් කරගන්නා  බව ජාත්‍යන්තර  පාසල් පිළිබඳව කරන ලද සොයා  බැලීමෙන් පසු අනාවරණය විය .


ජාත්‍යන්තර  පාසල් වර්ග දෙකක් ලංකාවේ තිබේ .ඉහල මට්ටමේ ජාත්‍යන්තර   පාසල් 25 ක් තිබෙන අතර  TISSL යන ස්වෙච්චා  සංවිධානය  යටතේ  තිබෙන්නේ එම පාසල්ය. මෙරට වසන විදේශිකයන්ගේ දරුවන් යවන්නේ එම පාසල්වලටය ඊට අමතරව දේශපාලනඥයන්ගේ ද ,ඇති හැකි අයගේද   ළමුන් එම පාසල්වල  උගනිති .


   එම පාසල් 25 ට අමතරව ඉංග්‍රීසි බසින්  මුල සිට උගන්වන    පුද්ගලික  පාසල් දෙතුන් සියයක්ද  ලංකාවේ  තිබේ. රතන හිමියන්ට  උවමනා  වී තිබෙන්නේ ඒවායේ  ඉගනගන්නා  ලාංකික දරුවන්ට තම තමන්ගේ මව් බසින් ප්‍රථමික  පංතිවල උගන්වන   ලෙස නීති පනවන්නට  නම් එයට දෙමාපියන් එකඟ වේදැයි ඉතා සැක සහිතය . එම දරුවන්ගේ දෙමාපියන් තම දරුවන් එම  පාසල්වලට  යවන්නේ පළමු ශ්‍රේණියේ සිටම ඉංග්‍රීසි  මාධ්‍යයෙන් උගන්වන  නිසාය . තමන් කැමති භාෂාවකින් තම දරුවනට  උගන්වන්නට  දෙමාපියන්ට තිබෙන අයිතිය, දරුවන් නැති රතන හිමියනට නැති බව එම දෙමාපියන් කියනු ඇත .අනිත් අතින් ජාත්‍යන්තර  පාසල් සිය සිසුන් සුදානම් කරන්නේ බ්‍රිතාන්‍ය සහ  ජාත්‍යන්තර විභාගවලටය . එබැවින් එම පාසල්වල ලාංකික දරුවනට මව් බසින් ප්‍රාථමික   පන්තිවලදී ඉගැන්වීමෙන්  තම ඉලක්ක සහ අරමුණු සාක්ෂාත් කරගැනීමට නොහැකි වෙන බව එම  පාසල්  නිසැක ලෙසම කියනු ඇත . 


ප්‍රධාන මට්ටමේ ජාත්‍යන්තර පාසල් ඇත්තේ කොළඹ  පමණක් නොවේ කොළඹ අවට මෙන්ම  මහනුවර, ගාල්ල, රත්නපුර, පානදුර, ගම්පහ යන ප්‍රදේශවලද ආරම්භ  කර තිබේ එමෙන්ම  ජාත්‍යන්තර  පාසල් නමින් හෝ වෙනත් නම් වලින් හඳුන්වන   පුද්ගලික පාසල්   දෙතුන් සියයක් රට පුරා පවත්වාගෙන  යති  . මෙය ලියන ලේඛකයා  පදිංචි ප්‍රදේශයට  ආසන්න  නගර වන  හොරණ , මතුගම සහ අලුත්ගම ද  එවැනි පුද්ගලික  පාසල් තිබේ .  එම  පාසල්වල ඉගෙන ගන්නා දරුවන්ගේ දෙමාපියන් සල්ලි ඇති පදම් විසිකළ  හැකි අයද නොවේ. අපේ ගමේ කුඩා වෙළඳ ව්‍යාපාර  පවත්වාගෙන  යන දෙදෙනෙකුද තම දරුවන් එම  පාසල්වලට යවති. අවුරුදු දෙක තුනකට  පෙර අපේ ගමේ  ළමුන් හය හත් දෙනෙකු හොරණ  ඉංග්‍රීසි මාධ්‍ය  පාසලකට ගියහ. මේ වන විට එම සංඛ්‍යාව වැඩි වී තිබිය හැක .එයින් පැහැදිලිවන කාරණාව නම් ඉංග්‍රීසි  මාධ්‍යයෙන් තම දරුවනට උගන්වා ගන්නට ගම්වල දෙමාපියන්ද උනන්දුවකින් පසුවන බවය 


රජයෙ පාසල්වල නොමිලේ  දරුවනට ඉගනීමට පුළුවන් කම තිබියදී ඇතැම් විටෙක දරන්නට බැරි තරම් මුදලක් වැය  කොට  පුද්ගලික  පාසල්වලට  ළමුන් යවන්නේ පළමු ශ්‍රේණියේ  සිට ඉංග්‍රීසි  මාධ්‍යයෙන්  උගන්වන නිසාය . එම  පාසල්වල ඉගැනීමෙන් පසු තම දරුවන්ගේ අනාගතය සුරක්ෂිත වනු ඇතැයි එම දෙමාපියන් තුල දැඩි විශ්වාසයක් තිබේ . එබැවින් රතන  හිමියන්ගේ බණ අසන්නට එම දෙමාපියන් සුදානම් වෙනු ඇතැයි සිතන්නට  කරුණු නැත .


   අපේ රටේ දෙමාපියන්ගෙන් අති බහුතරයකට තම දරුවනට හොදින් ඉංග්‍රීසි  ඉගැන්වීමට  ඉතා ඉහල උවමනාවක් තිබේ . ආර්ථක ශක්තියක් තිබේනම් ඔවුහු තම දරුවන් ඉංග්‍රීසි මාධ්‍ය  පාසලකට යවනු නොඅනුමානය . ගම්බද  දෙමාපියන්  ඉංග්‍රීසි මාධ්‍යයෙන් උගන්වන පෙර- පාසල්වලට තම දරුවන් යැවීමෙන්ම  ඔවුන් තුල තිබෙන  එම උවමනාව වටහා   ගත  හැක . ඉංග්‍රීසි මාධ්‍ය පෙර පාසලට  දරුවන්  යවා ඉන්පසු රජයේ පාසලේ පළමු ශ්‍රේණියට මව් බසින් උගන්වන්නට  යවන්නේ කළ හැකි  වෙන මගක් ඔවුන්ට නැති නිසාය. මසකට රුපියල් 500 ක් 1000  අමතරව වියදම් කළ හැකි දෙමාපියන් ප්‍රාථමික ශ්‍රේණිවල සිටම  පුද්ගලික ඉංග්‍රීසි  පංතියකට  තම දරුවන් යවන්නේ පුළුවන් මට්ටමින් තම  දරුවන්ට ඉංග්‍රීසි  උගන්වා  ගන්නටය. 

 

   ඉංග්‍රීසි මාධ්‍ය පාසල්වලට  දරුවන් යවන්නට දෙමාපියන් පෙළඹීමට එක හේතුවක් වන්නේ  රජයේ  පාසල්වලට සාර්ථක ලෙස  ඉංග්‍රීසි ඉගැන්වීමට අසමත් වී තිබීම නිසාය  එයට හේතු රැසක් තිබේ . එම හේතු මෙහි නොලියන්නේ ලිපියේ අරමුණ ඉංග්‍රීසි මාධ්‍යයෙන් ප්‍රථමික ළමුන්ට ඉගැන්වීමෙන්  සිදුවන්නේ යහපතක්ද අයහපතක්ද යන්න සොයා  බැලීම නිසාය . 


 රජයේ පාසල්වල ඉංග්‍රීසි ඉගැන්වීම අසාර්ථක බව  දැන සිටි  ජේ ආර් ජයවර්ධන ජනාධිපතිවරයා ඉංග්‍රීසි මාධ්‍යයෙන් තවත් විෂයන් දෙක  තුනක්  ඉගැන්වීම එයට විසඳුමක් බව වරක් කියා සිටියේය. ඔහුගේ පාලන සමයේ   ජාත්‍යන්තර  පාසල් ගණනාවක් ඇරඹුණු   අතර එම පාසල්වල    ඉංග්‍රීසි මාධ්‍යයෙන්  ඉගැන්වීම නිසා  ඒ කෙරෙහි ආකර්ෂණයක් නාගරික දෙමාපියන් තුල ඇතිවිය . ඉංග්‍රීසි මාධ්‍යයෙන් තම ළමුන්ට ඉගැන්වීමට වැඩි උනන්දුවක් දෙමාපියන් තුල ඇතිවූ අතර එහි රශ්නය  අධ්‍යාපන අමාත්යංශය වෙතද ආවේය . මේ  නිසා  තෝරාගත්  රජයේ  පාසල්වල  ඉංග්‍රීසි  මාධ්‍යයෙන් 6 ශ්‍රේණියේ සිට උගන්වන්නට අධ්‍යාපන අමාත්‍යංශය තීරණය කළේය .

 මහින්ද රාජපක්ෂ  මහතා  ජනාධිපති වූ පසු සියලු විෂයන් ඉංග්‍රීසි බසින් ඉගැන්වීම නවතා  උපරිම වශයෙන් විෂයන් 5 පමණක් ඉංග්‍රීසි මාධ්‍යයෙන්ද අනිත් විෂයන් මව් බසින්ද  උගන්වන ලෙස  අධ්‍යාපන අමාත්යංශය චක්‍ර ලේඛයක් නිකුත් කරමින් කියා සිටියේය . ඒ අනුව ඉංග්‍රීසි  මාධ්‍ය වෙනුවට ද්විභාෂා මාධ්‍ය පන්ති එම පාසල්වල ඇරඹින .


මව් බස ඉගැනුම් මාධ්‍ය  වූ සිසුන්ගේ ඉංග්‍රීසි දැනුම සමග  ද්විභාෂ මාධ්‍යයෙන් ඉගනගත් සිසුන්ගේ ඉංග්‍රීසි දැනුම සංසන්දනය  කළවිට දෙවන කණ්ඩායමේ ඉංග්‍රීසි දැනුම  ඉතා  ඉහල වූ බව  ලේඛකයා ඉතා  හොඳින් දනී . එයට හේතුව මේ  ලේඛකයා රාජ්‍ය සේවයේ යෙදී සිටි සමයේ මතුගම අධ්‍යාපන කලාපයේ  ද්වි භාෂා  පාසල් ව්‍යාපෘතිය  භාරව සිටි අතර ද්වි භාෂා  පාසල් සංඛ්‍යාව 1 සිට 20 දක්වා වැඩි කරන්නට  ඔහුට  හැකි විය එසේ හැකි  වුයේ එම පාසල්වල විදුහල්පති වරු මෙන්ම දෙමාපියන්ද ඒ සඳහා දැක්වූ උනන්දුව නිසාය .



ප්‍රාථමික පංති වල ඉගැන්වීමේ මාධ්‍යය මව් බස වූ විට  ළමුන්  ඉගනීමට වැඩි හපන් කමක් දක්වන බව අධ්‍යාපනඥයන් කියන බව ඇත්තය . ඔවුන් එය ප්‍රකාශ  කරන්නේ සමස්ත කරුණු සලකා බලා මිස ඒ ඒ රටවල සුවිශේෂී තත්වයන් සලකා  බලා  නොවේ.


ලෝකයේ රටවල අධ්‍යාපනය හා සංසන්දනය  කරන විට සිංගප්පුරුවේ අධ්‍යාපනය ඉතා  ඉහල ස්ථානයක තිබේ .  එම රට ජාතික අයවැයෙන් 20% ක් අධ්‍යාපනයට වෙන් කරන අතර ඉගැන්වීමේ මාධ්‍යය  ඉංග්‍රීසි භාෂාවය  . මැලේ චීන දෙමල  ආදී ජනවර්ගයන්ගෙන් එහි පුරවැසියන් සමන්විත වුවත් පළමු ශ්‍රේණියේ සිට ළමුන්ට උගන්වන්නේ ඉංග්‍රීසි බසිනි .ඒ ඒ ජනවර්ගයන්ගේ  භාෂාව සහ සාහිත්‍යය පමණක් මව් බසින් උගන්වනු ලැබේ . ඉංග්‍රීසි බසට  පළමු ස්ථානය දීමට සිංගප්පුරුවේ ආණ්ඩුව  තීරණය  කර තිබෙන්නේ එය ජාත්‍යන්තර ව්‍යාපාර  කටයුතුවල මෙන්ම  විද්යාවේ සහ  තාක්ෂණයේ භාෂාව වන බැවින් යයි විකිපීඩියා විශ්වකෝෂය සඳහන් කරයි .

  

Image result for singapore schools


                                      සිංගප්පුරුවේ පාසලක පන්තිකාමරයක් 



 Image result for primary school in the philippines


                                         පිලිපීනයේ ප්‍රාථමික  පාසලක් 


Image result for primary school in south africa
  

                              දකුණු අප්‍රිකාවේ ප්‍රාථමික පාසලක පන්ති කාමරයක් 


   රටක ඉගැන්වීමේ මාධ්‍යය තෝරාගැනීමේදී රටේ  ප්‍රශ්නවලට විසඳුමක් සොයා ගැනීමට  එය ආධාර විය යුතුය . අපේ රටේ ප්‍රධානම  ප්‍රශ්නය  ජනවර්ග අතර ඇති අසමගියයි . කුඩා සිද්ධියක් ජනවර්ග අතර  ලේ වැගිරීමකට මග  පාදයි .


2014 අලුත්ගම සහ  බේරුවල ප්‍රදේශවල මුස්ලිම් මිනිසුන්ට  පහර දී කෝටි ගනින් දේපොළ  ගිණි  තැබුවේ තරුණ  භික්ෂුවක් සහ මුස්ලිම් තරුණයෙකු  අතර ඇතිවූ බහින්බස් වීමක්  මුල්කොට ගෙනය  .1983 ජූලියේ දෙමල මිනිසුන්ට  පහරදීම අපේ රටේ ඉරණම උඩුයටිකුරු කළේය .1956 සිටම වරින් වර ජනවර්ග ගැටුම් ඇතිවී තිබෙන අතර ඉදිරියේදීද එවැනි ගැටුම් ඇති වීමට  ඉඩ තිබේ. මෙයට ප්‍රධාන හේතුව ජනවර්ග එකිනෙකා අවිශ්වාස  කිරීම සහ ජනවර්ග ගැටුම්  ඇවිලීමට සුදානම් වූ සංවිධාන  ගණනවක් මෙරට තිබීම නිසාය  මෙම අවාසනාවන්ත තත්වය  අවසන් නොවුවහොත් අපේ  රට අවසන් වන්නේ අපාය අද්දරය . 


ජාතින් අතර  ඇති අවිශ්වාසය බොහෝ  දුරකට අවසන් වීමට  නම් ඔවුනොවුන් අතර විශ්වාසයක් , මිත්‍රත්වයක් තිබිය යුතුය.  මිත්‍රත්වයක් ගොඩනැගීමට හොඳම සහ  පහසුම  ස්ථානය පාසලය . ලංකාවේ පාසල්වල සිංහල දෙමල ,මුස්ලිම් දරුවන් සහ  ගුරුවරුන්  මුණගැසෙන ස්ථානයක් නොවේ .  ඔවුනොවුන් තව දුරටත් ඈත්  කිරීම සඳහා සිංහල පාසල් ,දෙමල පාසල් , මුස්ලිම් පාසල් ලෙස පමණක් නොව බෙදීම් තව තව  වැඩි කිරීම සඳහා බෞද්ධ , කතෝලික, හින්දු  සහ ඉස්ලාම් ආගම් පදනම්වූ  පාසල් ද  පිහිටුවාගෙන තිබේ .


පාසල්වල ඉගැන්වීමේ මාධ්‍යය ඉංග්‍රීසි වුයේ නම් සියලු ජනවර්ගවලට අයත් සහ  සියලු ආගම්වලට අයත් දරුවන් පාසලේදී හමුවනු ඇත .ඔවුනොවුන් යක්කු හෝ කොටි හෝ  ISIS ත්‍රස්ත  පැටව් හෝ  නොව  මිනිස් පැටව් බව ළමුන් හඳුනාගනු ඇත. අද  පාසල්වල  ලක්ෂ 44 ක් දරුවන්  උගනිති. වසර දහයකට  හෝ 12 කට පසුව  එකිනෙක  ජනවර්ග සමග මිතුරුකම් ගොඩනගා ගත් ලක්ෂ  44 ක් දරුවන්  සමාජයට එක්වීම ජනවර්ග ගැටුම් යලි ඇති නොවීමට ශක්තිමත් පදනමක් සපයනු  ඇත. ජනවර්ග හප්පවා බලයට ඒමට දේශපාලකයනට තිබෙන ඉඩකඩ ඇසිරි යනු ඇත  .


එවැනි ජනවර්ග සමගියකට රතන හිමියන් ද කොටස් කරුවෙකු වන  ජාතිවාදී කොම්පැණි කොහෙත්ම කැමති නැත එවැනි කොම්පැනි කාරයන්ට උවමනා   කරන්නේ  සිංහල බෞද්ධයන්  අවුස්සා  ඔවුන්  අත රාජ්‍ය බලය  හැමදාම තබා  ගැනීමටය  .චම්පිකලාද වීරවංශ ලාද  රාජපක්ෂලාද ආමන්ත්‍රණය  කරන්නේ ද  ඔවුන්ගේ දේශපාලනයේ  පදනම් වී තිබෙන්නේද  ඒ මතය . සජිත් ප්‍රේමදාසද අද ගොඩ එන්නට හදන්නේ එම බලවේගය  හරහා බව පෙනේ .


අපේ රට වැටි තිබෙන ප්‍රපාතයෙන් ගොඩ  ආ හැක්කේ සියලු ජනවර්ග ඒකාබද්ධ  උත්සහයක්  දැරීමෙන්  පමණි  ඒ සඳහා අපේ පාසල්වල පළමු ශ්‍රේණියේ සිට  ඉංග්‍රීසි බසින් ඉගැන්වීමෙන්  ජනවර්ග සමගිය ගොඩ නැගීමට  පමණක් නොව ගෝලීය පුරවැසියෙකු බිහිකිරීමටද මගපෑදෙනු ඇත.  අපේ දරුවනට  ලෝකය  ජයගත  හැක්කේ  ගෝලීය පුරවැසියෙකු වීමෙන් පමණි .ගෝලීය පුරවැසියෙකු වීමට සිංහලෙන් හෝ දෙමලෙන් හෝ ඉගැනීමෙන් හැකිවන්නේ  නැත .



Saturday, March 9, 2019

බිම් බෝම්බ ඉවත් කරන උතුරේ තරුණියෝ















 මේ මාර්තු 8 වෙනිදා  කාන්ත දිනයේදී කොළඹ  ගැහැණු ළමුන් දෙදෙනෙකු ශ්‍රී ලන්කන් ගුවන් සේවයේ ගුවන් යානයක් සිංගප්පුරුවට එලවාගෙන යන චායාරුප පත්තරවල ද සමාජ  මාධ්‍ය ජාලාවලද පළවිය.  ලාංකික කතුන් ඉතා  ඉහල ස්ථානයක වැජඹෙන බව එම චායාරුප අපට කි පණිවිඩයයි . එබැවින් සමාජ ජාල පරිහරණය  කරන්නන් එම පින්තුර නැවත නැවත  පළකර තිබුණි 


 ගුවන් යානා පදවන්නියක් වීම ඉතා දුෂ්කර  කාරියක්  බැවින් ඒ ගැන වැඩි දෙනෙකු සිතන්නේ නැත එහෙත් ගුවන් සේවිකාවක් වීමට හැඩ වැඩ ගැහැණු ළමුන් බෙහෙවින්  ආශා  කරති .


එහෙත් බිම් බෝම්බ ඉවත් කිරීමේ රැකියාවකට  ගැහැණු ළමුන් කි දෙනෙකු කැමති වේද? සිංහලේ  ,රාවණ බලය ,බොදු බල සේනාව, මහසෝන් බලකාය  ආදී  සිංහල ජාතිය වෙනුවෙන්  පණ දීමට සුදානම් බව කියන  . සංවිධානවල  පිරිමින් කි දෙනෙකු කැමති වේද?


  උතුරේ  බිම් බෝම්බ  ඉවත් කිරීමේ බිහිසුණු රැකියාව  කරන කාන්තවන් රැසක්  සිටිති . ඔවුන්ගෙන් බහුතරය  යුද්ධය නිසා වැන්දඹුවන් වුවෝය . තම දරුවන්, දෙමාපියන් නඩත්තු කිරීම සඳහා කිරීමට වෙනත් රැකියා  නැති බැවින්   බිම් බෝම්බ  පමණක් නොව  පුපුරා නොගිය බෝම්බ  ද ඉවත් කිරීමේ රැකියාවේ 2010 සිට ඔවුහු  නියුක්තව සිටිති .


උතුර  නැගෙනහිර පැවතී අවුරුදු 27  යුද්ධයේදී කොටි සංවිධානය , ශ්‍රී ලංකා  හමුදා සහ ඉන්දියානු සාම සාධක  හමුදාව බිම් බෝම්බ උතරු නැගෙනහිර විවිධ ප්‍රදේශවල  වැලලුහ.. යුද්ධය අවසන් වීමෙන් පසු වර්ග සැතපුම් 1302 ප්‍රමාණයක බිම් බෝම්බ ඇතැයි හඳුනාගන්නා  ලද අතර  එක්සත් ජාතීන්ගේ සංවිධානය බ්‍රිතාන්‍යය ඇමරිකා එක්සත් ජනපදය ,ජපානය,ඔස්ට්‍රේලියාව ඩෙන්මාර්කය ,ස්විට්සර්ලන්තය ,ඉන්දියාව  ආදී රටවල ආධාර  මත  ලංකා හමුදාව සහ  ජාත්‍යන්තර  සහ දේශීය  රාජ්‍ය නොවන  සංවිධාන  අටක් බිම් බෝම්බ සහ වෙනත් බෝම්බ ඉවත්  කිරීමේ යෙදෙමින් සිටිති  . ගිය වසරේ අවසානය වන විට බිම් බෝම්බ  ඉවත්  කිරීමට  ඉතිරිවී තිබුණේ වර්ග සැතපුම් 26 ක ප්‍රමාණයක  පමණි. 2020 වන විට  උතුර නැගෙනහිර බිම් බෝම්බ සියල්ල  ඉවත් කිරීමට  ලංකා  ආණ්ඩුව ජාත්‍යන්තර සංවිධාන සහ දේශීය රාජ්‍ය නොවන සංවිධාන (NGO)  සමග  කටයුතු    කරමින් සිටි 


 අතිශයින් භයානක  කටයුත්තක් වන බිම් බෝම්බ  ඉවත් කිරීමේ  කටයුතු සඳහා වැඩි වශයෙන්  සහභාගිවන්නේ  උතුරු නැගෙනහිර වසන  ද්‍රවිඩ  ජාතිකයන්ය .ඔවුන්ගෙන් සැලකිය පිරිසක්  කාන්තාවෝ වෙති.  බිම් බෝම්බ ඉවත් කිරීමේ රාජ්‍ය නොවන සංවිධානයක් වන HALO සංවිධානය සේවයේ  යොදවා  තිබෙන බිම්බෝම්බ  ඉවත් කරන්නන්ගෙන් 50% කාන්තාවෝය .ඔවුන්ගෙන් බහුතරය වැන්දඹුවෝ වෙති . ලෝකයේ වැඩියෙන්ම බිම්බෝම්බ තිබෙන  ප්‍රදේශයක් ලෙස  සැලකෙන මුහමාලෙයි ප්‍රදේශයේ  බිම් බෝම්බ ඉවත් කිරීමද  කරන්නේ HALO සංවිධානය  විසිනි . 2019 ජනවාරි 31 වන දින වන විට මෙම සංවිධානය විසින් බිම් බෝම්බ සහ වෙනත් බෝම්බ 309354 ක් ඉවත් කොට තිබුණි 


  ඉකුත්  මාර්තු 8 වෙනි දකුණේ  කාන්තා දින සැමරුම් පවතින අතර උතුරේ මෙම තරුණියෝ සහ වැන්දඹුවෝ  බිම්බෝම්බ  ඉවත් කරමින් සිටියහ .





  

                            බිම් බෝම්බ ඉවත් කරන්නන්ගේ උදේ රැස්වීම 






                                                        ඉන්තිරා ප්‍රියදර්ශණි 




                           ඉන්තිරා ප්‍රියදර්ශනී ගෙදර  ගොස් කෑම  පිළියෙළ කරමින් 










                  නවිරේතන් සුජිතා .ඇගේ ස්වාමිපුරුෂයා  යුද්ධයෙන් මියගොස්ය 







                චන්ද්‍රන් තරණි  බිම් බෝම්බ ඉවත් කරන මෙම වාහනය පදවයි  

ඇගේ පියා යුද්ධයෙන් මියගොසිනි . මවගේ කකුල බිම් බෝම්බයකට කැඩී   ගොස්ය 











                   බිම්බ් බෝම්බ ඉවත් කිරීමේ දවසේ රාජකාරි අවසන්  කර ආපසු එති 

Thursday, March 7, 2019

කරන්නාගොඩ කුණු ගොඩේ තුන් කොන් ප්‍රේමයක්


Image result for Sri lanka Navy kidnapped 11 children and killed


   

හිටපු නාවික  හමුදාපති  කරන්නාගොඩ විසින් තමන් අත්අඩංගුවට  ගැනීම වලක්වන මෙන්  උසාවි යාම  නිසා ඔහුගේ බිරිඳ සහ සම්පත් මුණසිංහ අතර තිබු ප්‍රේම සම්බන්ධයක් පිලිබඳ ආරවුලක් කරලියට පැමිණ  තිබේ .


තරුණයන් 11 ක් පැහැරගෙන ගොස් මරා දැමීම සම්බන්ධයෙන් නාවික හමුදාවේ කීප දෙනෙකු දැනටමත් රක්ෂිත බන්ධනාගාර  කර තිබෙන අතර    එම පැහැරගැනීම් වලට  කරන්නාගොඩ සම්බන්ධ බවට  රහස් පොලිසිය උසාවියට දැන්වූ අතර ඒ අනුව ඔහු  අත් අඩංගුවට ගෙන උසාවියට  ඉදිරිපත් කරන ලෙස අධිකරණය  රහස් පොලිසියට නියෝග  කළේය .


ඔහු සොයා  පොලිසිය ගියත් කට්ටි පැනීම නිසා  ඔහු අත්අඩංගුවට ගැනීමට   නොහැකි විය.  සැඟවී සිටිමින් නීතිඥයෙකු මගින්   ශ්‍රේෂ්ටාධිකරණයට පෙත්සමක් ඉදිරිපත් කළ ඔහු  තමන් අත්අඩංගුවට ගැනීම වලක්වන නියෝගයක්  නිකුත් කරන ලෙස  ඉල්ලා සිටියේය . ළමුන්  පැහර ගැනීමේ  මුලිකයා වූ , කරන්නාගොඩ  නාවික හමුදාපති සමයේ  ඔහුගේ  නිල  සහයක , ලෙෆ්ටිනන්ට් කමාන්ඩර් සම්පත් මුණසිංහ ට එරෙහිව  මුලික  පැමිණිල්ල  කලේ  තමා  බැවින් ළමුන් පැහැරගැනීම්වලට තමා සම්බන්ධ  නැති බව  ඔහු එම  පෙත්සමෙන් කියා  තිබුණි.


Image result for karannagoda navy chief

 

එහෙත්  කරන්නාගොඩ  මහතා එම  පැමිණිල්ලේ තරුණයන්  පැහර ගැනීමක්  ගැන සඳහන් කොට නොමැති බවත් ඔහුගේ සහයකයා වූ සම්පත් මුණසිංහ  කොටි සංවිධානය සමග සම්බන්ධකම්  පවත්වන බව පමණක්   එම  පැමිණිල්ල මගින්   කියා ඇති බව  පැහැරගනු ලැබූ තරුණයෙකුගේ   මවක් ශ්‍රේෂ්ඨාධිකරණයට මැදිහත්කාර   පෙත්සමක්  ඉදිරිපත් කරමින් කියා  තිබේ .


එම  පෙත්සම  ඉදිරිපත් කර ඇත්තේ  පැහැරගනු ලැබූ තරුණයන්  11 දෙනාගෙන් එක අයෙකු වන රජිව් ගේ මව වන සරෝජා  නාගනාදන් විසිනි .


හිටපු නාවික හමුදාපති කරන්නාගොඩගේ බිරිඳ වන අශෝකා කරන්නාගොඩ  සමග  සම්පත් මුණසිංහ අනියම් සම්බන්ධයක් පවත්වාගෙන ගොස් තිබෙන බවත් එය අසුවීමෙන් පසු සම්පත් මුණසිංහගෙන්  පලි ගැනීමට  ඔහු කොටි සංවිධානය සමග සම්බන්ධකම්  පවත්වන බවට පැමිණිල්ලක්  කළ බවත් සරෝජා නාගනාදන් විසින් ඉදිරිපත් කළ පෙත්සමේ සඳහන් වන බව Economic Next පුවත් පත කියයි .


රහස් පොලිසිය කළ  පරීක්ෂණ අනුව සහ ත්‍රිවිධ හමුදා ඉදිරිපත් කළ ලිපි ලේඛන අනුව පැහැරගෙන ගොස් මරා දැමු තරුණයන්  11 දෙනා කොටි සංවිධානයට කිසි සම්බන්ධකමක් නැති බව හෙළි වී තිබේ .


කරන්නාගොඩට සම්බන්ධ   නාවික හමුදවේ  පිරිසක්  පොහොසත් පවුල්වල ළමුන් පැහැරගෙන දෙමාපියන්ගෙන් කප්පන් ගෙන මරා දැමීම දිගට  කරගෙන ගොස් ඇති බව රාහස් පොලිස් පරීක්ෂණවලින් අනාවරණය වී ඇතැයි  එම පුවත්පත වැඩි දුරටත් කියයි .


Image result for Sri lanka Navy kidnapped 11 children and killed


තරුණයන්  11 දෙනා  පැහැරගැනීම පිළිබඳව  නාවික හමුදාවේ බුද්ධි තොරතුරු අංශය  කරන්නාගොඩ මහතාට කල් ඇතුවම  ඇතුවම දැනුම් දී ඇතත් ඔහු කිසිවක් නොකිරීමෙන් එයට අනුබල දී ඇතැයි රහස් පොලිසිය  කියයි.


වැඩි විස්තර  පහත  ලිංකුවෙන් කියවිය හැක  

https://economynext.com/A_love_triangle_that_exposed_Sri_Lanka%E2%80%99s_worst_kidnap_murder_ring-3-13650-10.html

 

Wednesday, March 6, 2019

තොපිට අපි බස් දෙන්නෙත් නෑ. කාර් ගන්න දෙන්නෙත් නෑ



     


       මාතෘකාවේ තිබෙන්නේ තිබු ආණ්ඩු අපිට දුන් පණිවිඩයත් මේ ආණ්ඩුව අපිට  යලිත් දුන් පණිවිඩයයි 


                ආණ්ඩුව මෙවරත් වාහන බදු වැඩි කළේය තිබුණු ආණ්ඩු සියල්ලමත් එසේම වැඩි කළේය වාහන බදු මදිවාට කාබන් බද්දකුත් මේ ආණ්ඩුවම පැනවූ අතර එහි අයිතිකාරයා ජනාධිපති බව ආණ්ඩුවේ ඇමතියෙක් දෙන්නෙක් කි බැවින් අප සිතුවේ මේ අයවැයෙන් එම බද්ද අහෝසි කර දමනු ඇත කියාය .එය ඉවත් නොකිරීමෙන් රනිල් ආණ්ඩුව එම බද්දේ අයිතිකාරයා බව දැන් අපිට හිතා ගන්නට සිදුවී තිබේ.


වාර්ෂිකව දුම් බද්දක් ගනිද්දී ඊට අමතරව කාබන් බද්දක් අය කිරීම හෙන ගහන අපරාධයක් බව අමුතුවෙන් කිය යුතුද ?


වාහනයක් ලංකාවට ගොඩ බෑ විට අයකරන බද්ද හරි හැටි මා දන්නේ නැති වුවත් වාහනයේ වටිනාකම මෙන් 5 ගුණයක් බව කියනු ලැබේ ,ජපානයේ රු දස ලක්ෂයක් වන මෝටර් රථයක් අප මිලදී ගන්න විට රු.ලක්ෂ 50 ක් ගෙවන්නට අපට සිදුවේ . මේ අය වැයෙන් යලිත් බදු වැඩි කළ බැවින් එය තව දුරටත් වැඩි වේ ලිසිං කර ගන්නේ නම් තවත් ලක්ෂ 10 ක් 15 ක් එයට එකතුවෙයි.


ඉන් පසු එය මෙරට ලියා පදිංචි කිරීමට ගාස්තුවක්ද වාර්ෂිකව ආදායම් බලපත්‍ර ගාස්තුවක්ද ආණ්ඩුව අපේ අයකර ගනී .


දුම් බද්ද සහ කාබන් බද්ද ඊට අමතරවය .


එහෙත් පාර්ලිමේන්තු මන්ත්‍රීවරුන්ට සහ පළාත් සභා මන්ත්‍රීවරුන්ට ආනයන බදු නැත. 


පුංචි මිනිහාට කලට වෙලාවට සුව පහසුව ගමන් බිමන් යාමට හැකි ප්‍රවාහන සේවයක් තිබේනම් වාහන වලට ඕන තරම් බද්දක් ගසා ගත්තාට අපට කමක් නැත .දිනපතා රැකියාවන්ට සහ වෙනත් කටයුතු සඳහා යන මිනිසුන් විඳින වද වේදනාව දන්නේ ඔවුන්ම පමණි පාන්දර තුනට තුනහමාරට නැගිට උයා පිහාගෙන බොහෝ විට වාඩිවීමට ආසනයක් නැතිව හිටගෙන සැතපුම් ගණන් ඇඹරෙමින්, විසිවෙමින් කාර්යාලයට හෝ වැඩපොළට යන විට ප්‍රබෝධයෙන් යුතුව වැඩ කරන්නට ඔවුන්ට ඇඟට පන නැත .ආපසු නිවෙස බලා එන ගමන ඊටත් වඩා දුෂ්කරය ,බොහෝ අය බසයේ හිරවෙමින් දාඩිය දමමින් හිටගෙනම බොහෝ දුර එති. දුර බැහැර වසන්නෙකු නම් අඩු වශයෙන් බස් රථ දෙකක්වත් නැගී ආයුතුය දෙවන බසය එනතුරු අතරමග රස්තියාදු වෙන්නටද සිදුවේ. රාත්‍රී හත අටට ආපසු නිවෙසට එන අයද සිටිති .රෙදි හෝදන්නට නාන්නට වත් වෙලාවක් නැති තරම්ය .පසුදා පාන්දර තුනට තුනහමාරට යලිත් අවදිවී රැකියාවට යා යුතුය .



තිබුණු ආණ්ඩුත් මේ ආණ්ඩුවත් මිනිස්සුන්ට හරි හමං බස් රථ සේවයක් දුම්රිය සේවයක් ලබා දීමට මුළුමනින්ම අසමත් වී තිබේ.



අපට පහසුවෙන් සහ ඉක්මනින් ගමනක් බිමනක් යන්නට ප්‍රවාහන සේවයක් ලබා නොදී මෝටර් රථ බදු වසරින් වසරින් වසර වැඩි කරමින් තව තව අලුත් බදු වාහන වලට පනවමින් පොඩි මිනිහා ලිසිං කර හෝ පුංචි වාහනයක්වත් ගැනීම වලක්වන්නට ආණ්ඩු කටයුතු කිරීම බලුම බලු වැඩක් හැර වෙන කුමක්ද?




Tuesday, March 5, 2019

විදුහල්පතිවරුනට චන්ඩි පාට් දමන දකුණේ ආණ්ඩුකාරයා කියන්නේ ඇත්තද?


Image result for KIRTHI TENNAKON AT SIRASA
 


     දකුණේ පාසල් ආසන්නයේ සිටින ළමුන් 207 ක් පළමු ශ්‍රේණියට ඇතුලත් කරගෙන නැති බවත්, විදුහල්පතිවරු පගාවට ළමුන් ඇතුලත් කරගැනීම එයට හේතුව බවත් දකුණේ ආණ්ඩුකාර කිර්ති තෙන්නකෝන් මහතා කියා තිබේ .


ගාල්ලේ අනුලා විද්‍යාලයට ආණ්ඩුකාරයාගේ රියදුරාගේ දරුවෙකු ඇතුලත්  කර ගැනීම  එහි විදුහල්පතිනිය ප්‍රතික්ෂේප  කිරීම හේතුකොටගෙන ගාල්ලේ කලාප අධ්‍යාපන වරිය  තංගල්ල  කලාප අධ්‍යාපන  කාර්යාලයට  තමන් මාරු කළ බව ආණ්ඩුකාරයා  පිළිගෙන තිබේ .එම පාසලේ සෑම පන්තියකම චක්‍ර ලේඛ උල්ලංඝනය  කරමින්  ළමුන් 53 ක් සිටින බවත්   එසේ නම් තමාගේ  රියදුරාගේ ළමයා  ඇතුලත්  කරගත යුතු බවත්  කිර්ති තෙන්නකෝන් ආණ්ඩුකාරයා මාධ්‍ය වලට  කියා  තිබුණි .


වෙනත් වචනවලින් කියතොත් චක්‍ර ලේඛ කුණු කුඩයට දමා ආණ්ඩුකාර උතුමාගේ  රියදුරාගේ දරුවා පාසලට ඇතුලත් කළ යුතුය 


ඉන්පසු ගාල්ලේ සවුත්ලන්ඩ් බාලිකා විද්‍යාලයේ පළමු ශ්‍රේණියට  ළමුන් 4 දෙනෙකු ඇතුලත්  කරන  ලෙස එහි විදුහල්පතිනියට  තර්ජනය  කර තිබෙන අතර ඇය ඒ සම්බන්ධයෙන් පොලිසියට  පැමිණිල්ලක් කර තිබේ  අලුත්ම වාර්තාවලට අනුව එම පැමිණිල්ල  ගැන විභාග නොකරන ලෙස ඇය පොලිසියෙන් ඉල්ලා තිබේ .ඇය එසේ  කරන්නට ඇත්තේ කවුරුහෝ ඇයවැ බියගැන්වූ නිසාද?


ඊයේ ( මාර්තු 4 ) රැස්වීමකදී  විමල් විරවංශ  භාෂාවෙන් කතා   කළ ආණ්ඩුකාරයා "මේ පුණ්‍ය භුමියේ සිට  මං කියනවා. හාමුදුරුවනේ,  මට මේ සටන කරන්න  බැරිනම්  මමං ආණ්ඩුකාරකමෙන්  ඉල්ලා අස්වෙනවා ."


ලංකා ගුරු සංගමයේ ප්‍රධාන ලේකම් ජෝසප් ස්ටාලින් මහතා ප්‍රකාශයක් කරමින් දකුණේ ආණ්ඩුකාරයා  විදුහපතිවරුන්ට තර්ජනය  කිරීම  හෙලා දැක තිබේ .


කීර්ති තෙන්නකෝන් මහතා ඉස්සර කැෆේ  (Campaign for Free and Fair Elections )  නැමති මැතිවරණ නිරීක්ෂණ සංවිධානයේ විධායක අධ්‍යක්ෂවරයාය .මැතිවරණ  නිරීක්ෂණ සංවිධාන මෙහෙයවන්නෝ දේශපාලනය  කරන්නේ  නැත .ඔහු ඉන්පසුව මොකක් හෝ අල්ලාගෙන  රනිල් ට දිනපතාම  බනින මහරාජාගේ  සිරස මාධ්‍යජාලය හා එක්ව කිලි මහාරාජාගේ දේශපාලන ව්‍යාපෘතියේ   කොටස් කරුවෙකු විය .කිලි මහරජාට නීති විරෝධී අන්දමින් ගුවන් විදුලි සංඛ්‍යාත දීමට  සිරිසේන ජනාධිපතිවරයා  කටයුතු  කර තිබෙන බවට චෝදනාවක්ද එල්ල වී තිබේ .


කිලි මහරාජා තම සිරස  මාධ්‍ය  ජාලය මෙහෙයවන්නේ තම දේශපාලන උවමනාවන් වෙනුවෙන් බව දේශපාලනය දන්නා අය දනිති .තමන්ගේ කීම අසන මන්ත්‍රීවරු සහ ඇමතිවරු පත්කරගැනීමට ඔහුට උවමනා  කර තිබේ සජිත් ප්‍රේමදාස  මහතා අනාගත  ජනාධිපතිවරයා  කරගැනීම ඔහුගේ එක අරමුණකි .සිරස ප්‍රවෘත්ති ප්‍රකාශ වල සජිත්ගේ කතාවක් නැති දිනයක් නැති තරම්ය . බස්නාහිර ආණ්ඩුකාර අසාද් සාලි මහතාද සිරසට පැමිණ  නිතර නිතර  කතා  කරන  අයෙකු වුයේ ඉබේ නොවේ . කිලිමහරජාගේ දේශපාලන ව්‍යාපෘතිය අනුවයයි අනුමාන කිරීම සාධාරණය  . දැන් කිලිමහාරාජාට ආණ්ඩුකාරයන් දෙදෙනෙකුද ,ජනාධිපතිවරයෙකුද ,අනාගත  ජනාධිපති අපේක්ෂකයෙකුද තවත් දේශපාලකයන් කීප දෙනෙකුද සිටින  බව ඇතැමෙකු කියති  .



Image result for KIRTHI TENNAKON CAFFE


 

විදුහල්පතිවරු/වරියන්  අල්ලස්ගෙන ළමුන් පාසල්වලට ඇතුලත් කරගන්නා  බවට  ආණ්ඩුකාරයා  කරන  චෝදනාව ඇත්තක්ද ?


ආණ්ඩුවේ ඇතැම්   ශේෂ්ත්‍රවල අල්ලස් ගැනීම ජයට සිදුවන අතර    විදුහල්පතිවරුන් ගෙන් ඇතැමෙකු  අල්ලස් ගන්නා  බව  ඇත්තය  .අල්ලස්  ගන්නා අවස්ථාවලදී ඇතැම් විදුහල්පතිවරු අල්ලස් නිලධාරීන් විසින් අල්ලාගෙන තිබේ . ජනාධිපති කාර්යාල  ප්‍රධානියාම අල්ලස් ගන්නා විට අසුවූ  කොට තවත් කුමන  කතාද ?   පොලිසිය,  රේගුව, මෝටර් රථ දෙපාර්තමේන්තුව පගා  ගැනීමේ ඉහලම ස්ථාන  දරන  ආයතන  වේ.  අල්ලස් ගන්නා  ප්‍රධාන ආයතනය බවට කලක්  පාසලද   පත්ව තිබුණේය .


පාසලට ආසන්න ඇතැම් දරුවන්  පාසලට ඇතුලත් නොකොට දුර බැහැර ළමුන් පාසලට ඇතුලත්  කරගන්නේ  පගාවටමද ? දකුණේ ආණ්ඩුකාරයාගේ කතාව අනුව නම් මිනිස්සුට  හිතන්නේ එසේය.

එහෙත් එය සියයට සියක් ඇත්ත නොවේ.


Image result for KIRTHI TENNAKON GOVERNOR



දුර බැහැර  ළමුන් පාසලේ පළමු ශ්‍රේණියට ඇතුලත්  කරගන්නේ වාර්ෂිකව නිකුත් කරන  චක්‍ර ලේඛය අනුවය  එම චක්‍ර ලේඛයට අනුව  පදිංචිය පදනම් කරගෙන  පළමු ශ්‍රේණියට බඳවා ගන්නේ  සිසු සංඛ්‍යාවෙන්  50% ක් පමණි .


පදිංචිය මත ළමුන් ඇතුලත් කිරීමේදී දෙමාපියන් යම් තැනක   පදිංචි  කාලය  චන්ද ලේඛන මගින් ඔප්පු කළ යුතු අතර  ඔවුන්ට  පදිංචි ස්ථානයේ ඇති අයිතිය  ඔප්පු තිරප්පු ආදියෙන් ඔප්පු  කළ  යුතුය. එහිදී අවුරුදු පහක් හෝ ඊට වැඩි වීම  මත ප්‍රමුඛත්වය  හිමිවේ .පදිංචිය මෑතකදී සිදුවී නම් පාසලට අල්ලපු වැටේ සිටින දරුවාද එම පාසලට ඇතුලත්  නොකර ගැනීමට  ඉඩ තිබේ.


අල්ලපු වැටේ සිටින දරුවාට ආසන්න පාසලට ඇතුළත්වීමට ඉඩ නොලැබෙන තවත් ප්‍රධාන හේතුවක් වන්නේ ආදී ශිෂ්‍යයන් වන්නි හත්පත්තුවේ  පදිංචිව සිටියත් ,තුත්තුකුඩියේ පදිංචිව සිටියත්  ඔවුන්ට  25% ක්   කෝටාවක් වෙන් කර ඇති නිසාය . ඒ අනුව පියා  කොළඹ නාලන්දා විද්‍යාලයේ  ඉගෙන  ගත්තේ  නම් ඔහුගේ පදිංචිය මහියංගනයේ වුවත් ඔහුගේ දරුවන්ට නාලන්දා විද්‍යාලයේ ඉගනීමට අවස්ථාව බොහෝ දුරට  හිමිවේ . 


මෙය ඉතා අයුක්ති සහගත  බැවින් අධ්‍යාපන අමාත්යංශය වරක් එම කෝටාව අඩු කළ අතර  කොළඹ පාසලක ආදී ශිෂ්‍ය සංගමයක් ඊට එරෙහිව ශේෂ්ඨාධිකරණයට ගියේය  එවක අග විනිසුරුවූ සරත් නන්ද සිල්වා  ආදී ශිෂ්‍ය සංගමයේ ඉල්ලීමට මුළුමනින්ම එකඟ වෙමින් පළමු ශ්‍රේණියට ඇතුලත් කරගන්නා සිසු සංඛ්‍යාවෙන්  25% ක් ආදී ශිෂ්‍යයන්ගේ දරුවන්ට වෙන් කළ යුතු බවට කැකිල්ලේ තීන්දුවක් දුන්නේය .අධ්‍යාපන අමාත්‍යංශයට මේ නිසා එම කෝටාව දිගටම  පවත්වාගෙන  යාමට සිදුවී තිබේ .


15% කෝටාවක් සහෝදර පදනම  මත වන් කර තිබෙන අතර මේ නිසා පාසලේ ඉගෙනගන්නා සිසුන්ගේ සහෝදර සහෝදරියනට  පාසලට වාසි දායක පදනමක් ගොඩ නැගී තිබේ. අල්ලපු වැටේ පොඩි එකාට/එකියට පාසලේ ගේට්ටුව වැසීමට එයද මග  පාදා  තිබේ  .

අධ්‍යාපන ශේෂ්ත්රයේ දෙමපියන්ගේ දරුවන්ටද 5% ක කෝටාවක් චක්‍රලේඛයෙන් වෙන්කර තිබේ. එයද අල්ලපු වැටේ දරුවාට අසාධාරණයක්යයි පාසල් අසල සිටින්නෝ කියනු නිසැකය 


ක්‍රියාන්විත සේවයෙ නියුක්ත හමුදාවල සහ පොලිසියේ සාමාජිකයන්ගේ දරුවන්ටද කෝටාවක් වෙන් කර තිබේ .යුද්ධයක් නැතත් 2019 වසරේදීද  මේ කෝටාව වෙන් කර ඇත  .ඒ අනුව පළමු ශ්‍රේණියේ සෑම සමාන්තර  පංතියකටම නැති ක්‍රියාන්විත සේවාවක නිලධාරීන්ගේ දරුවන්  5 බැගින් ඇතුලත්  කර ගැනීමට විදුහල්පතිවරුන්ට සිදුවී තිබේ  .


පළමු ශ්‍රේණියට ඇතුලත් කරගත  හැකි උපරිම සිසු සංඛ්‍යාව 37 ක් වුවද ඇතැම්  පාසල්වල පළමු ශ්‍රේණියේ සිට  ඉහල ශ්‍රේණිවල සිසුන් 50 ඉක්මවා සිටිති . මෙසේ වී තිබෙන්නේ විදුහල්පතිවරු  පගා  ගැනීම නිසා යයි ඇතැමෙකු සිතිය හැක එහෙත් එයට  ප්‍රධානම  හේතුව වන්නේ  දේශපාලන  බලපෑම් මත අධ්‍යාපන අමාත්‍යංශයේ ඉහල නිලධාරීන් විසින් මෙන්ම ආණ්ඩුකාරයන්ගේ ලිඛිත  නියෝග  මත පාසලට සිමාව  ඉක්මවා ළමුන්  ඇතුලත්  කිරීමට විදුහල්පතිවරුන්ට සිදුවී තිබිමය  .


දකුණු පළාතේ ආණ්ඩුකාරයාට  යකා  නැග්ගේ චක්‍ර ලේඛණ බල්ලට දමා  තමාගේ නියෝග අනුව සිසුන් බඳවා  ගන්න ලෙස  කරන  ලද නියෝග විදුහල්පතිනියන්  දෙදෙනෙකු ප්‍රතික්ෂේප කිරීම නිසාය .කිසියම් පාසලක්  ජාතික  පාසලක් වන විට එයට  නියෝග නිකුත් කිරීමට පළාත් ආණ්ඩු කාරයට  බලයක් නැත.ඔහුට නියෝගයක් නිකුත් කළ හැක්කේ ඔහු යටතේ තිබෙන පළාත් සභාවට අයත්  පාසල්වලට  පමණි .ආණ්ඩුකාර කිර්ති තෙන්නකෝන්  චන්ඩි පාට් දැමු විදුහල්පතිනියන් දෙදෙනා සේවය  කරන ගාල්ලේ අනුලාදේවි පාසල සහ සවුත්ලන්ඩ් බාලිකා විද්‍යාලය  යන දෙකම  ජාතික  පාසල් වේ.


කෙසේ වෙතත් කිර්ති තෙන්නකෝන් මහතාගේ අනාගත අභිප්‍රාය වන පාර්ලිමේන්තු මන්ත්‍රීවරයෙකු වීම සාර්ථක වේවායි මේ ලේඛකයා ප්‍රාර්ථනා  කරන අතර  පොහොට්ටු දේශපාලකයන් භාවිතා  කරන වාග්මාලා ඔහුද භාවිතා  කරන්නට  පටන්ගෙන තිබෙන බැවින් ගාල්ලේ චන්දදායකයන් රවටා  ගන්නට  ඔහුට අමාරු  නොවනු ඇත .  ඔහු චන්ද ව්‍යාපාරයේ නියුක්තවන විට එය නිරීක්ෂණය  කරන්නට  ඔහු හැදු කැෆේ මැතිවරණ නිරීක්ෂණ සංවිධානයද ගෙන්වා  ගැනීමද නරක නැත .








විරවංශ ගේ පච දත් දොස්තර

       කුරුණෑගල මහා රෝහලේ අධ්‍යක්ෂ වරයා වන වීරබණ්ඩාර විමල් වීරවංශගේ පක්ෂයේ බව දැන් ප්‍රසිද්ධය  ඔහු ,පැලොපියන් නිකායේ රතන පුජකයා ...