Monday, February 24, 2020

එයාබස් පගාව බෙදුවේ කාටද ?



Image result for airbus company


          ප්‍රංශයේ Airbus සමාගමෙන් ඩොලර් බිලියන 2.3 කට  ශ්‍රී ලන්කන් ගුවන් සේවයට එයාබස් 10 ක් මිලදී ගැනීම සඳහා 2013 වසරේදී ගිවිසුමක් අත්සන් කළ පසු ශ්‍රීලන්කන් ගුවන් සේවයේ  හිටපු ප්‍රධාන විධායක නිලධාරියා  වන කපිල චන්ද්‍රසේනගේ බිරිඳගේ සිංගප්පුරුවේ ගිණුමකට ඩොලර් මිලියන දෙකක  පගාවක්  එයාබස්  සමාගම තැන්පත් කොට ඇති බව පසු ගියදා ලන්ඩනයේ පැවති නඩු  විභාගයකදී හෙළිවීමෙන් පසු ලංකාවේ ඉහල නිලතල වල සිටින්නන් අමු හොරු රැලක් බව සැකයකින් තොරවම තහවුරු වී තිබේ .


ඩොලර් මිලියන දෙක සම්පුර්ණ පගාව නොවේ . පොරොන්වී තිබෙන මුළු පගාව ඩොලර් මිලියන 16 .84 කි .


කපිල චන්ද්‍රසේන ගේ බිරිඳ වන ප්‍රියංකා විජේනායකගේ Biz Solution නමැති සමාගමට  ලැබුණු පගාවෙන් ඩොලර් ලක්ෂ 8 ක් ලංකාවේ ප්‍රධාන පෙළේ ව්‍යාපාරිකයෙකු වන වන්නකවත්ත වඩුගේ  නිමල් හේමසිරි  පෙරේරා ට අයත්  SABRE VISION LTD නමැති සමාගමකට 2014 එවා තිබේ .එම සමගම ලියාපදිංචි කර තිබෙන්නේ බ්‍රිතානයට  අයත් වර්ජින් දුපතේය ( British Virgin Islands ). 


  ඒ අතර  ඇය විසින් එම වසරේදීම යුරෝ 160000 ක් (රු.මිලියන 30ක්) SL AGRO නමැති ලංකාවේ සමාගමකට එවා තිබෙන අතර එම සමාගමේ ස්ථිර ලිපිනයක් නැති බව  කියනු ලැබේ . සහෝදරයන් දෙදෙනෙකු  එම සමාගමේ අයිති කරුවෝ වන අතර   ඔවුන් දෙදෙනා කවුදැයි තවම හෙළි කර  නැත. එක් අයෙකු රහස් පොලිසියට ගෙන්වා ප්‍රකාශයක්  ලබා ගෙන තිබෙන අතර අනෙත් සහෝදරයාට පසුදා  පැමිණෙන ලෙස  කියා ඇතත් පැමිණ නැත .


ප්‍රශ්නය උසාවියට ගොස් තිබෙන අතර නිමල් පෙරේරාට එතෙර යාම තහනම්  කර තිබේ .මේ අතර මේ සම්බන්ධයෙන් පෙබරවාරි 20 වනදා උසාවියට කරුණු දැක්වූ නියෝජ්‍ය සොලිසිටර් ජනරාල් තුසිත  මුදලිගේ මහතා මේ සම්බන්ධයෙන් පරීක්ෂණ පැවැත්වීමට  පොලිසිය දක්වන උනන්දුව අසතුටු දායක බව  උසාවියට කියා සිටියේය .


මේ අවස්ථාවේ මහේත්‍රාත් රංග දිසානායක මහතා  ප්‍රකාශයක්  කරමින් මෙම මුදල් විශුද්ධිකිරීම සම්බන්ධයෙන් පරීක්ෂණ පවත්වන ලෙස රහස් පොලිසියට  නියෝග කළ නමුත් රහස් පොලිසිය කිසිවක් කර නැති කියා කියා සිටීමෙන් පෙනේනේ හොරු හෙවීමට රහස් පොලිසිය දක්වන උනන්දුවෙ තරමය .


 

    මේ නිමල් පෙරේරා යනු කවුද?


මොහු ව්‍යාපාර  ජාලයක සභාපති වේ.  සමාගම් රැසක කොටස් හිමිකරුවෙකි. කොටස් වෙළඳපොල ව්‍යාපාරිකයෙකි . කලින් සමාගම් රැසක ඉහලම මට්ටමේ තනතුරු දරුවෙකි .


වත්මන් ආණ්ඩුවේ ලොකු ලොක්කන්  රැසක් ඔහුගේ  මිතරයෝය මුදල් විශුද්ධිකරණය සම්බන්දයෙන්මන්ත්‍රී  නාමල් රාජපක්ෂට එරෙහිව පැවරුණු නඩුවක නිමල් පෙරේරාගේ නමද සඳහන් වී තිබෙන බව සඳහන් වේ  .


එහෙත් කණගාටුවට කරුණ නම් මේ පිළිබඳව දෙරණ ,සහ හිරු කන්බිහිරිකරවන නිහඬතාවයක් රැකීමය . සිංහල මාධ්‍ය මේ ගැන කතා  කරන්නේ නැති තරම්ය  ඒ නිසා මේ දැවැන්ත වංචාව  ගැන බොහෝ දෙනා දන්නේ නැත .


හිරු  සහ දෙරණ නිහඬ පිළිවෙතක් අනුගමනය කරන්නේ මන්දැයි දැන් හෙළිවී තිබේ . හිරු අයිතිකරු සහ දෙරණ අයිති කරු නිමල් පෙරේරාගේ ගජ මිත්‍රයෝ වීම එයට හේතුවයි  .


දැවැන්ත ව්යාපරයෙකු වන නිමල් පෙරේරාට එවූ ඩොලර් ලක්ෂ 8  ඔහු  ගන්නට නැතැයිද එම මුදල වෙනත් අයට ලබා දීම සඳහා ඔහුට එවන්නට ඇතැයිද සමහරු කියති . එසේ නම් ඒවා ලබා දුන්නේ කාටද ? ඔහුගේ දේශපාලන මිතුරන්  කීප දෙනෙකුටද ?


නිමල් පෙරේරාගේ මිත්‍රයන් කවුදැයි හඳුනා  ගැනීමට කදිම අවස්ථාවක් ඊයේ පෙරේදා උදාවිය .   එම අවස්ථාව උදා වුයේ  ඔහුගේ උපන්දින සාදයට පැමිණ තිබු යාලු මිත්‍රයන්ගේ චායාරුප ප්‍රසිද්ධියට  පත්වීම නිසාය.  එම  චායාරුප පළකර තිබුනේ BUSINESS TODAY පුවත් පතේය 


පහත දැක්වෙන්නේ එම පින්තුර වලින් කීපයකි .


Image may contain: 5 people, including Sani Cham and Sandya Abayasinghe, people standing and indoor


                     වම් පස පළමුවෙනියා නිමල් පෙරේරාය 

Image may contain: 5 people, people standing


Image may contain: 6 people, including Sani Cham and Sandya Abayasinghe, people standing, shoes and indoor

Image may contain: 11 people, including Sunilshantha Koralage, people standing


Image may contain: 5 people, people standing and indoor

          වම් පස සිටින්නේ ශ්‍රීලන්කන් ගුවන් සේවයේ හිටපු සභාපති නිශාන්ත වික්‍රමසිංහ ය

                              (මහින්ද රාජපක්ෂගේ ළඟ ඥාතියෙකි) 

එම සාදයට පැමිණි අය දැක්වෙන පහත පින්තුර සියල්ලම BUSINESS TODAY හි පලකොට තිබිණ 


Image may contain: one or more people and indoor



   

Friday, February 7, 2020

පිටසක්වල වාසින් සොයා යන ගමනක්



Image result for aliens



පහත දැක්වෙන චායාරුපය ගත්තේ කවුද ? පිටසක්වල වසන බුද්ධිමත් ජිවියෙක්ද ?

Image may contain: night



ඉහත පින්තුරයේ දැක්වෙන්නේ අපසමග නිරන්තරයෙන් වාගේ ගමන් බිමන් යන   චන්ද්‍රයා සහ අප වසන පෘථිවියයි. මෙම දර්ශනය චායාරුපය ගත හැක්කේ  අභ්‍යවකාශයේ ඉතා දුරක සිටයි  .


මේ චායරුපය ගනු ලැබුවේ Voyager 2 යානයයි . එම යානය මෙම චායාරුපය ගනු ලැබුවේ පෘථුවියේ සිට කිලෝමීටර් මිලියන 11.66ක් දුර සිට 1977 සැප්තැම්බර් 18 වනදායි ,පෘථුවිය වඩාත් පැහැදිලිව පෙනීම සඳහා කෘතීම ලෙස වර්ණ ගැන්වූ බව සඳහන් වෙනවා .


Voyager 1 සහ Voyager 2 නමින් යානා දෙකක් 1977 දී දෙවරකට අවභ්‍යවකාශයට යවනු ලැබුවා එම යානා දෙක මේ වන විට ගමන් කරන්නේ පිලිවෙලින් අපේ ලෝකයේ සිට කිලෝමීටර් බිලියන 13.88 සහ 11.5 ක් දුරකින් .එම යානා යුරේනස් සහ නැප්චුන් ග්‍රහයන් පසු කොට ගියේ 1989 වසරේදී . එම යානා අපගේ සෞර ග්‍රහ මණ්ඩලයෙන් ඉවත්ව අනන්තය බලා ගමන් කරමින් ඉන්නේ .


Image result for voyager 2

                           Voyager 2  අභ්‍යවකාශ යානය 


    ටික දවසක් අක්‍රියව තිබු Voyager 2 යානය යලිත් ක්රියා කාරිවී තිබෙනවා .පොළොවේ සිට එම යානයට ආලෝකයේ වේගයෙන් නියෝග යවන අතර නියෝගයක් යාමට පැය 17 ක් ගත වෙනවා.
මෙම යානා අභ්‍යවකාශයට යවා අවුරුදු 42 ක් ගතවී තිබෙන අතර යානාවල විදුලි ජනක යන්ත්‍ර මේ අවුරුද්දේ මැද වන විට අක්‍රිය වෙනු ඇතැයි නාසා ආයතනය කියනවා . ඉන්පසු එම යානා අපගේ සම්බන්ධයෙන් තොරව අනන්ත විශ්වයේ ඈතට ඈතට අවුරුදු මිලියන ගණනක් තිස්සේ ගමන් කරනු ඇති . මෙම යානා වලට පෘතුවියේ තිබෙන විවිධ ශබ්ද සහ විවිධ සංගීත කොටස් ඇතුලත් තැටියක් සවි කර තිබෙන අතර විශ්වයේ ජිවත්වන වෙනත් බුද්ධිමත් ජීවියෙකුට තවත් අවුරුදු ලක්ෂ කෝටි ගණනකට පසු ඒවා අසන්නට ලැබෙනු ඇති.  ප්රුථුවී වාසින් ගැන කිසියම් අවබෝධයක් ලබාගැනීමට ඔවුන්ට හැකිවන්නේ එදිනටයි .


                          Voyager 2 යානයේ ගමන් මග 


බිලියන ගණනක් සුර්යයන්ගෙන් ග්‍රහ ලෝකවලින් සමන්විත විශ්වයේ විශාලත්වය සමග සැසඳූ විට පෘතුවියේ විශාලත්වය මෙම වාක්‍යය අවසානයේ තබා තිබෙන නැවතීම ලකුණට සමානයි . එම තිතේ ජිවත්වන ඇතැම් මිනිසුන් ආගමක් භාෂාවක් වෙනුවෙන් එකිනෙකා මරා ගනිමින් සිටීම ගැන විශ්වයේ ජිවත්වන වෙනත් බුද්ධිමත් ජීවින් කෙසේ සිතනු ඇත්ද ?


Tuesday, January 21, 2020

රංජන් රාමනායක ඊයේ (ජනවාරි 21 )පාර්ලිමේන්තුවේදී කල ආන්දෝලානාත්මක කතාව



Image result for ranjan ramanayake IN PARLIAMENT



රංජන් රාමනායක ඊයේ (2020-1-21 ) පාර්ලිමේන්තුවේ  කළ කතාව ඉතා වැදගත්ය .ඇතැමුන් කියන්නේ ඔහු විසින් පාර්ලිමේන්තුවේ සිටි වැඩි දෙනෙකුගේ රෙදි ගලවා  දැමු බවය .


බොහෝ දෙනා නොදැන සිටි කතා රැසක් ඔහු ඊයේ පාර්ලිමේන්තුවේදී හෙළි කළේය 


ඇතැම් දේශපාලන විශ්ලේෂකයන්ට  අනුව ජුලියන  අසන්ගේ විසින්  ලොවට හෙළි දරව් කළ විකි  ලීක්ස් ලේඛන වලට වඩා රන්ජන්ගේ හඬ පට බලවත්ය .


ඊයේ රංජන් කල කතාව තව බොහෝ කලක් යන තුරු රැව් පිළිරැව් දෙනු ඇත .

 හොරුන් සම්බන්ධයෙන් ඔහු  සතු සියලු හඬ පට  පමණක් නොව ඔහු ළඟ  තිබෙන වීඩියෝ පට, B වාර්තා, සහ  වෛද්‍ය සහතික ද ඊයේ පාර්ලිමේන්තු සභා ගත කරන බව  රංජන් කියා සිටියේය .


මේවා ඉදිරි කාලයේදී මහජනයාට දැනගත හැකි වනු ඇත ඒවා මගින්  තවත් බොහෝ අයගේ යට ඇඳුම්ද ගැලවෙනු ඇත .


රංජන් ඊයේ කල කතාව  අසන්න 



Sunday, January 19, 2020

තෙල් නිපදවන වෙනිසියුලාවට සිදුවුණු අකර තැබ්බය







Image result for venezuela crisis"

මේ ඇත්ත කතන්දරය මට ලියන්නට හිතුනේ al jazeera.com අඩවියේ ඇතුලේ තිබු ලිපියක් කියවීමෙන් පසුවය .වෙනිසියුලාව ගැන ලියන ලද ලිපියක් වූ එය වෙනත් මාධ්‍යක තිබුණේ නම් අමු පචයක් ලෙස සලකා අපගේ සමාජවාදී මිතුරන් එය තුට්ටුවකට වත් ගණන් නොගනු ඇත .



අවුරුදු තිහක් ගුරුවරියක ලෙස සේවය කොට විශ්‍රාම ගොස් සිටින කාන්තවක්  වසර අවසානය සැමරීමට ආණ්ඩුවෙන්නොමිලේ දෙන රුසියානු ඌරූ මස් කෑල්ලක් මිලදී ගැනීමට පෝලිමට එක්වී සිටියදී අල්ජසීරා මාධ්‍යවේදියා අය සමග කතා බහකර තිබුණි .


Nicolas Maduro's administration started giving away holiday pork about three years ago as part of a promise to deal with chronic hunger and undernourishment [File: Jorge Silva/Reuters]

500 ක් පමණ පිරිසක් අතර ඇය පැය 11 ක් පෝලිමේ සිටි බව මාධ්‍යවේදියාට කියා තිබුණි.


අවුරුදු 70 ක් පමණ වයසැති ඇය ගේ විශ්‍රාම වැටුප ඇමරිකානු ඩොලර් 8 කී .ඩොලරයක් රූ 180 න් වැඩි කර බැලුවිට උත්තරය රු.1440  කී.


"මට මේ පඩියෙන් මස් කිලෝ දෙකක් වත් ගන්න බෑ " යයි Carmen Graffe නමැති එම විශ්‍රාමික ගුරුවරිය කියා තිබුණි .


ඇත්ත වශයෙන්ම ලංකාවේ විශ්‍රාමික ගුරුවරයෙකුට අඩු වශයෙන් රූ 30000 ඉක්මවා මසකට ලැබේ යන්න මගේ විශ්වාසයයි .ගිය අවුරුද්දේ අගදී රාජ්‍ය සේවක විශ්‍රාම වැටුප විශාල සංඛ්‍යාවකින් ඉහල දමනු ලැබිය.


ලෝකයේ ප්‍රධානතම තෙල් නිෂ්පාදකයෙකු වන වෙනිසියුලාව අවුරුදු කීපයක සිට යන්නේ රීම් එකෙනි . එයට හේතු දෙකකි.


එකක් සමාජවාදයට බර ප්‍රතිසංස්කරණ කරන්නට ගොස් අසාර්ථක වීමය අනික ඇමරිකාව විසින් තහංචි පනවා තිබිමය . වෙනිසියුලාවේ බැංකුවලට සහ තෙල් කොම්පැනියට තහංචි පනවා තිබේ . අවට රටවල් ගණනාවක්ද මදුරෝගේ ආණ්ඩුව පිළිගන්නේ නැත .


මේ නිසා වෙන රටවලින් භාණ්ඩ ගෙන්වා ගැනීමට ඩොලර් භාවිතා කිරීමට ඩොලර් වලට තෙල් විකිනීමට වෙනිසියුලාවට නොහැකි වී තිබේ.

Image result for venezuela crisis

   

   අද වෙනිසියුලාව දුවන්නේ චීනයේ සහ රුසියාවේ සහයෝගයෙනි දේශීය මුදල් සහ යුරෝ භාවිතා කොට රුසියාවට ගෙවන්නට තිබු ණය ගෙවූ බව සඳහන් වේ .


ලංකාවේ සමාජවාදින්ට වෙනිසියුලාවෙන් ඉගන ගැනීමට හොඳ පාඩමක් තිබේ . ඒ බලවත් රටවල් කීපයක් සමාජවාදී මාවත අනුගමනය කරන තුරු ලංකාව වැනි ආර්ථක වශයෙන් දුර්වල රටකට සමාජවාදයක් ගැන සිතීමටවත් නොහැකිය යන්නය .අප සමාජවාදය කරන්නට ගියහොත් බලවත් රටවල් අපට ආර්ථික සම්බාධක පැනවීම ස්ථිරය සියලු ඇඟලුම් කම්හල් වසා දමා ගොන් කරත්තවලින් ගමන් බිමන් යාමට අපිට සිදුවනු ඇත .

Monday, November 18, 2019

ජවිපෙ පැදුරෙන් බිමට වැටුනේ ඇයි




Image may contain: 1 person


ජවිපෙ මෙවර අඩු වශයෙන් ලක්ෂ 8 ක් ගනු ඇතැයි බොහෝ අය ගණන් හැදුහ.මගේ විශ්වාසය වුවේද එයය . ජවිපෙ හිතවතුන් අනුමානය ඊටත් වඩා වැඩි විය .ලක්ෂ 10- 15 අතර සංඛ්යාවක් ගනු ඇතැයි ඔවුහු සිතුහ

එයට හේතුද තිබිණ . ඉකුත් මහමැතිවරණයේදී චන්ද 544,154 ක්ද ගිය වසරේ පැවැත්වූ පලාත් පාලන චන්දයේදී ලක්ෂ 7 ඉක්මවාද ජවිපෙ ලබාගැනීම මෙන්ම ගාලු මුවදොර පිටිය පුරවා රැළියක් පැවැත්වීම සහ ජනාධිපතිවරණයේ ඔවුන්ගේ රැලි වලට සතුටුදායක මට්ටමේ සහභාගිත්වයක් තිබීම එවැනි අනුමාන කිරීම් වලට පදනම විය


එහෙත් මෙවර ජනාධිපතිවරණයේදී චන්ද 418,553 (3.16%) පමණක් ජවිපෙ ප්රමුඛ සන්ධානය ලැබීම ජවිපෙ බරපතල ලෙස මානසික කඩාවැටීමකට පත් කරනු ලැබිය අවසාන ප්රතිඵලය ප්රකාශ කරන අවස්ථාවට අනුර කුමාර නොපැමිනිමෙන්ම එය පෙනේ. එහෙත් මැතිවරණ සමයේදී ජවිපෙ කියා සිටියේ ගොටාභයට බය නැති බවත් ඔහු බලයට පැමිණියහොත් මහජනයාට වන හිරිහැරවලදී ඊට මුහුණ දීමට තමන් ඉදිරිපත් වන බවත්ය .


සිංහල සමාජයේ අති විශාල පිරිසක් දෙමල සහ මුස්ලිම් ප්රජාවෙන් තමන්ට තර්ජනයක් ඇතැයි විශ්වාස කරන බව මෙම ජනාධිපතිවරණ ප්රතිඵලවලින් අනුමාන කිරීමට සිදුවී තිබේ . 27 අවුරුදු යුද්ධය , විජේවීරගේ ජවිපෙ විසින් ආරම්භයේ සිටීම දේශප්රේමයට මුවාවී ද්රවිඩ විරෝධී මතවාදයක් සිංහල සමාජය තුලට කැවීම සහ සහරාන්ගේ බෝම්බ ප්රහාර ප්රධාන වශයෙන් එම බිය සිංහල සමාජයේ විශාල පිරිසක් තුල පැලපදියම් කිරීමට බලපෑ හේතු ලෙස සැලකිය හැක .


එවැනි පසුබිමක් තුල චන්ද එකතු කළ හැකි කෙමන වන්නේ සිංහල ජාතියේ වීරයෙක් හැටියට පෙනී සිටීමය. අනුරකුමාර ගේ ජවිපෙ විජේවීරගේ ජවිපෙන් වෙන්වෙමින් ජාතික සමගිය ගොඩ නැගීමේ අවශ්යතාවය වෙනුවෙන් පෙනී සිටියේය. එහෙත් එය සිංහල කනට අමිහිරිය .කොපමණ රජයේ දේපොළ හොරකම් කළද දෙමලාට තම්බියට විරුද්ධ පෙනී සිටින්නේ නම් ඔහුට චන්දය දීමට සිංහල මිනිසුන් අති විශාල පිරිසක් එක හෙලා සුදානම් බව මෙම මැතිවරණ ප්රතිඵල පෙන්නුම් කරයි .ජවිපෙට චන්ද අඩු වීමට හේතුවූ ප්රධාන කාරණාවක් වන්නේ එය යන්න මගේ විශ්වාසයයි .


මැතිවරණයට පෙර හැදු සන්ධානයෙන්අනුර කුමාර නොව වෙනත් කීර්තිමත් පුද්ගලයෙක් ජනාධිපතිවරණයට ඉදිරිපත් කරනු ඇතැයි දුෂණයට එරෙහි බොහෝ අය බලා සිටියහ . විකල්ප බලවේගයක් ගොඩ නැගීමට එමගින් මහත් පිටුවහලක් වනු ඇතැයි බොහෝ අයගේ අපේක්ෂාව විය එහෙත් අනුර ඉදිරිපත් කිරීම විකල්පය විසිරවා හරිනු ලැබිමට ප්රධාන සාධකය විය . අනුර ඉදිරිපත්වීම විශාල පිරිසකගේ බලාපොරොත්තු කඩ කළ බව ගිය වසරේ පලාත්පාලන මැතිවරණයේදී කොළඹ නගර සභාවේ පුරපති ධුරයට ජවිපෙන් ඉදිරිපත් කළ විශේෂඥ වෛද්ය රනිල් ජයසේන මහතා කියා සිටීම එය තහවුරු කරයි .


ජවිපෙට උරුම වූ පරම්පරගත් රෝගයක් තිබේ .එම රෝගය නම් තමන් පමණක් නිවැරදි ලෙස දැකීමත් අන් අය අවිශ්වාස කිරීමත්ය. එය විජේවීර විසින් බෝ කරන ලද රෝගයකි . එබැවින් පුළුල් ව්යාපාරයක් ගොඩ නැගීමට ජවිපෙ ඇත්ත වශයෙන්ම බයය. තමන්ගේ පාලනයට යටත්වූ සන්ධාන මිස පුළුල් සන්ධාන ගොඩ නැගීමට ජවිපෙ සුදානම් නැති බව ඉතිහාසය පරික්ශා කළ විට දැකිය හැක.

 
ජවිපෙට දෙමල චන්ද ලබා ගැනීමට ද නොහැකි වී තිබේ එයට හේතුව ඔවුන් දෙමල ජනයාගේ ප්රමුඛ ප්රශ්නයට විසදුම ලෙස බලය බෙදා හැරීමට කීසිසේත් එකඟ නොවීමය . එහිදී ඔවුන් සිටින්නේ එක්සත් ජාතික පක්ෂයටද පසුපසින්ය .


වැටි ඇති වලෙන් ගොඩ ඒමට ජවිපෙට මාවත් දෙකක් තිබේ .එකක් නම් සිංහලයාගේ වීරයා වීමට ජාතිවාදය වැළඳ ගැනීමය. අනෙත් මග වන්නේ එජාපයට සහ පොහොට්ටුවට එරෙහි බලවේග සහ දෙමල සහ මුස්ලිම් පක්ෂ සමග පුළුල් සන්ධානයක් ගොඩ නැගීමය .


ඉදිරියේදී ජවිපෙ තොර ගන්නේ කුමන මාවතදැයි අපි බලාසිටිමු.

Tuesday, November 5, 2019

මාව මරන්න. ළමයි නොමරන්න =සජින් වාස් මහින්දට ලියයි




Image result for sajin vass gunawardena



Related image


  "ඔය රැස්වීම දමා ගහල වරෙන්  දෙකක් දාගන්න " යයි ගිය ජනාධිපතිවරණ සමයේ දිනක මහින්ද රාජපක්ෂ මහතා සජින් වාස් ගුණවර්ධන මහතාට දුරකතනයෙන් කී කතාව  රැස්වීමේ සිටි  සියල්ලන්ටම ඇසුනේ සජින් එම දුරකථන ඇමතුම මයික්රෆොනයට ඇල්ලු නිසාය ඔහු එය කළේ ජනාධිපති මට  කෝල් එකක් කියා පැමිණ සිටි අයට ඒත්තු ගැන්වීමට මිස මහින්ද කියන්න යන්නේ කුමක්දැයි දැනගෙන නොවේ 


සජින් වාස් ගුණවර්ධන සහ මහින්ද රාජපක්ෂ අතර තිබුණේ එවැනි මිත්‍රත්වයකි .මහින්ද දිනවීම සඳහා ඔහු කල දේ බොහෝය  කැපවීම ඇති මහත්ය එහෙත් දැන් දෙදෙනා අතර ඇතිවී තිබෙන්නේ මහත් විරසකයකි .


දැන් තමා   මරන්නට සුදානම් වන්නේ මන්දැයි අසමින් ඔහු මහින්දට ලිපියක් යැවීය එම ලිපිය ඔහු අද මාධ්‍යයටද ඉදිරිපත් කළේය .පහත දැක්වෙන්නේ එම ලිපියයි 





Monday, October 21, 2019

ගෝටාභය දිනුවොත් ?




Image result for attack against arjuna ranatunga at petroleum corporation




Image result for attack against arjuna ranatunga at petroleum corporation


    ' නොවැම්බර් මස 16 වන දින පැවැත්වෙන ජනාධිපතිවරණයේදී  කවුරු දිනාවිද ?'යන්න අනුමාන කිරීම තවමත් දුෂ්කරය . ග්‍රාමීය සිංහල ප්‍රදේශවල ගෝටාභය මහතාට වාසි සහගත බවක් ඇතත්  රටේ සෑම දිස්ත්‍රික්කයක්ම සලකා බැලු කළ  ගෝටාභය සහ සජිත් කරට  කර සිටින බව බැලු බැල්මට  පෙනේ .


ගෝටාභය මහතා ජයග්‍රහණය කළොත් ඔහු ඒකාධිපතියෙකු වෙනු ඇතැයි බොහෝ අය තුල බියක් ඇතිවී තිබේ .විශේෂයෙන්ම ලංකාවේ වාමාංසික මත දරන්නන් සැලකිය යුතු පිරිසක්  මෙන්ම නිදහස් මත දරන්නන් විශාල පිරිසක් සජිත් ප්‍රේමදාස මහතාට සහය  පළකරන්නේ ඒ නිසාය .


'ගෝටා බිය' තමනට අවාසි බව ජවිපෙ දනී. ඒ නිසා අනුර කුමාර මහතා සහ ජවිපෙ කියමින් සිටින්නේ ගෝටා ජනාධිපති උනත් 19 වන ව්‍යවස්ථාවෙන් ජනාධිපති බලතල කපා ඇති බැවින් බිය විය යුතු නැති බවය .


 මේ ලිපියේ ප්‍රධාන  අරමුණ  ගෝටාභය 16 වන දා ජයග්රහනය කළහොත් ඉන් පසු ආසන්න සමයේ සිදුවිය හැක්කේ කුමක්ද යන්න විග්‍රහ කර ගැනීමය .

Image result for attack against arjuna ranatunga at petroleum corporation

 දින 52 පාලන සමය යලි ඔබට සිහියට නගා ගත හැකි නම් ගෝටාභය මහතා බලයට  පත් වුවහොත්  සිදුවිය හැකි බිහිසුණු තත්වය වටහා  ගත  හැක . අර්ජුන රණතුංග ඇමතිවරයා තෙල් සංස්ථාවේ කාර්යාලයට ගිය විට සිදුවූ සිද්ධි මාලාව  ඔබට මතක ඇතැයි සිතමි. නීති විරෝධී ලෙස ආණ්ඩුව පෙරලා මහින්දට අගමැති තනතුර දුන්  පසු  සිය නිවසේ යතුරු කැරැල්ල ගැනීමට තම කාර්යාලයට අර්ජුන ගිය විට සංස්ථාවේ පොහොට්ටු පාක්ෂිකයෝ උත්සහ  කළේ ඔහුට පහර දීමටය. ඔහුගේ ආරක්ෂක නිලධාරියා  වෙඩි තැබුවේ නැති නම්  ඔහු මරා දැමීමට  පවා ඉඩ තිබුණි .


Related image


 එමෙන්ම රුපවාහිනි සංස්ථාවේ සිදුවූ දේද යලි සිහිපත් කරගැනීමට වටි. එහි ගිය රාජිත සේනාරත්න ඇතුළු මැති ඇමතිවරුන් ට පහරදීමට පොහොට්ටු සේවකයෝ හඹා ආහ .  පොලිස් විශේෂ  කාර්ය බලකායට පින්සිදුවන්නට ඔවුන්ගේ ජිවිත බේරුණි 



ඒ ගෝටාභය  මහතා බලයට  පත්ව නොවේ . කුමන්ත්‍රණයකින් මහින්දට අගමැති කම දුන් පසුවය .

දැන් තත්වය ඊට වෙනස්ය . ගෝටාභය ඉදිරියට පැමිණ තිබේ . ඔහු වටා සිටින  කිට්ටුම පිරිස වන්නේ සිවිල් වැසියන් හෝ ප්‍රජාතන්ත්‍රවාදය කෙරෙහි විශ්වාස කරන්නන් නොව තුවක්කු පාවිච්චිය කෙරෙහි වැඩි ආශාවක් ඇති හිටපු හමුදා නිලධාරින් පිරිසකි . 


අවුරුදු හතරකට වැඩි කලක් තම  කුඩා රාජයයන් වල ආධිපත්‍යය අහිමිවීම නිසා   ඉමහත් අසහනයෙන් සිටින   දහස්  ගණනක් ප්‍රාදේශීය පොහොට්ටු නායකයෝ සිටිති  ගෝටා ජයග්‍රහණය කළහොත් පසුවදාම රාජ්‍ය ආයතන , අර්ධ රාජ්‍ය ආයතන වෙත  කඩා පැන විරුද්ධවාදීන්ට පහර දී තම කුඩා රාජ්‍යයන්හි බලය බලහත්කාරයෙන් ලබා ගැනීම  අරඹනු ඇත .ඔවුන්ට පහර දීම් කරනු ඇත.  ඇතිවන ගැටුම්වලදී කී දෙනෙකු පරලොව යවනු ඇතැයි දන්නේ දෙවියෝ සිටිනම් ඔවුහු  පමණි .


මේ සඳහා  අවශ්‍ය පරිසරය නිර්මාණය කිරීම  පොහොට්ටු නායකයන් විසින් දැනටමත් අරඹා තිබේ .පොහොට්ටු පක්ෂයේ ප්‍රකාශ වලට  අනුව   ගෝටා ජනාධිපති වූ විගසම ආණ්ඩුව ඉබේම විසිරේ  .  එය බොරුවක් වුවත් එය  සත්‍යයක් ලෙස පොහොට්ටු පාක්ෂිකයන් විශ්වාස කරමින් එක්සත් ජාතික පෙරමුණ ආණ්ඩුවේ මැති ඇමතිවරුන්ට සිය අමාත්‍යංශ වල රාජකාරි කටයුතු සඳහා පැමිණීමට වත්  ඉඩ නොදෙනු ඇත 

Image result for attack against arjuna ranatunga at petroleum corporation


   මෙයට ප්‍රතිවිරෝධය දැක්වීමට  රනිල්ගේ ආණ්ඩුව කුමක් කරනු ඇත්දැයි අපට දැන් සිටම කිව නොහැක.  බලහත්කාරයෙන් ආණ්ඩුව ලබාගැනීමට ඔවුන් කටයුතු කලත් එය වැලක්වීමට ඔවුන්ට හැකිවේද යන්න සැක සහිතය  . චන්දයකින් ගෝටා දිනා  ඇති පසුබිමක් තුල සිය පාක්ෂිකයන් මහපාරට ගැනීම ඉතා දුෂ්කර වනු ඇත . දින 52 ආණ්ඩු කාලය තුල  රනිල්  පාක්ෂිකයන් මෙන්ම සිවිල් සංවිධාන  ඉදිරියට ආවේ එම ආණ්ඩුව නීති විරෝධී වීමත්  චන්දයකින් පරාජය වී නැති නිසාත්ය . රටපුරා පවත්වන චන්දයකින් පරාජය වූ විට එජාප වැනි පක්ෂවල සාමාජිකයෝ මහත් සේ මානසිකව කඩා වැටි බියෙන් ගුලිවන්නට  පටන් ගනීති . ශ්‍රී ලංකා, පොහොට්ටු පාක්ෂිකයෝද පරාජය හමුවේ හැසිරෙන්නේ   එසේමය . ඔවුන් චන්ඩින් බවට  පත්වන්නේ බලය තිබෙන තාක් කල් පමණි .


එය එසේ බැවින් ගෝටා ජනාධිපති වුවහොත් හැකි ඉක්මනින් ආණ්ඩු බලය ලබා ගැනීම සඳහා පොහොට්ටු පක්ෂය හැම සුත්තරයක්ම ක්‍රියාත්මක කරනු ඇත .  චන්ඩිකම මගින් ආණ්ඩුවක් පිහිටුවීමට පළමු උත්සාහය දරනු ඇත ,.එය අසාර්තක වුවහොත් රනිල් ආණ්ඩුවට ඉල්ලා අස්වෙන ලෙස   බලකිරීමේ ව්‍යාපාරයක් වහාම  අරඹනු ඇත .


ඒ බලකිරීම සාර්ථක වුවත් නැතත් එම උද්ඝෝෂණ  ව්‍යාපාරය ඊළඟට  පවත්වන මහමැතිවරණයේදී  ජය ලබාගැනීමට  මහත් සේ උපකාරීවන බව පොහොට්ටු නායකයෝ හොඳින් දනිති .


කෙසේ වෙතත් පෙබරවාරි  මාසයේදී  ආණ්ඩුව නිත්‍යානුකුල ලෙස විසුරුවා හැරීමට ජනාධිපතිවරයාට බලය හිමිවේ  .  ගෝටා ජනාධිපති ලෙස පත්වුවහොත්  ලබන අප්‍රියෙල් මස  පවත්වන මහමැතිවරණයේදී පොහොට්ටු පක්ෂය අනිවාර්යයෙන් විශාල බලයක් ලබා ගන්නා බවට සැකයක් නොමැති අතර අගමැති කම අනිවාර්යයෙන්  හිමි වන්නේ මහින්දටය .


ගෝටා ජනාධිපතිද, මහින්ද අගමැතිද වූ විට  හකිම්ලාද, බදුර්දීන්ලද ඔවුන් වෙත ගෙන්වා ගනු ඇති අතර එක්සත් ජාතික පක්ෂයේ කොටසක්ද ඇමතිකම් ලබා ගැනීම සඳහා මහින්ද වෙත යනු ඇත . තුනෙන්  දෙකේ බලයක් ලබාගෙන සියල්ල කණපිට හැරවීමට මහින්ද ගෝටා ඇතුළු පිරිස ඊළඟට ක්‍රියා කරනු ඇත .


මහින්ද බලයේ සිටියදී තුනෙන් දෙකක බලයක් හදාගත්තේ හකීම් ලාගේ බදුර්දීන්ලාගේ සහ එජාපයේ කොටස්වල සහය ලබාගෙනය . 


මහින්ද තුනෙන් දෙකක ආණ්ඩුවක්  පිහිටුවාගත් පසු කරන  පළමු කාර්ය වන්නේ 19 වන ව්‍යවස්ථා සංශෝධනය අවලංගු කිරීමය .  


ඉන්පසු ඔබට පිහිටවීමට අල්ලා දෙවියන්ටත්  , කාදිනල් තුමාගේ දේවියන් වහන්සේටත් , තිස්තුන් කෝටියක් දෙවි දෙවතාවුන්ටත්  නොහැකිවනු ඇත  .



එයාබස් පගාව බෙදුවේ කාටද ?

          ප්‍රංශයේ Airbus සමාගමෙන් ඩොලර් බිලියන 2.3 කට  ශ්‍රී ලන්කන් ගුවන් සේවයට එයාබස් 10 ක් මිලදී ගැනීම සඳහා 2013 වසරේදී ගිවිස...