අනුරගේ අලුත් කතාව

ජවිපෙ කතා මම හොයා හොයා අහන්නේ නැත . මගේ මුහුණු පොතේ මිත්‍රයෙකු අනුරගේ කතාවක කොටසක් මා වෙත ඒවා මේ ගැන විග්‍රහයක් කරන ලෙස දින කීපයකට පෙර මගෙන් ඉල්ලා තිබුණි . එම කතාවට මට සවන් දීමට හැකිවුයේ අදය .

මේ කතාකැල්ල හමුදාවෙන් විශ්‍රාම ගිය අය ඉදිරියේ කල කතාවක් බව පෙනේ

 

මෙහිදී අනුර කියන ඇතැම් කරුණු සමග මම එකඟය අනෙක් කරුණු ගැන මගේ එකඟ තාවයක් නැත

 

අනුර මෙහිදී කතා කරන්නේ යාපනයේ පුස්තකාලය ගිනි තැබීම , 83 කළු ජුලිය සහ නැවත මේ රටේ ජාතිවාදය සහ ආගම් වාදය ඇති කිරීමට කරන උත්සාහය සහ එය පරාජය කරන බවය

 

යාපනයේ පුස්තකාලයට ගිනි තැබීමට ගිය පිරිස අතර රනිල් ද සිටි බව එස් ඩි බණ්ඩාරනායක පාර්ලිමේන්තුවේදී කියා ඇති බව කියන නමුත් රනිල් ඊට සම්බන්ධ බව අනුර කෙලින්ම කියන්නේ නැත

 
'
1981 මැයි 31 සිට දින දෙකක් තිස්ස ඇවිලුණු යාපනයේ පුස්තකාලය ගිනි තැබීමට සම්බන්ධය යි අපි මෙතෙක් අසා තිබුනේ සිරිල් මැතිව් සහ ගාමිණි දිසානායක ඇමැතිවරයාය .

 

මේ සම්බන්ධයෙන් ග්‍රන්ථයක් ලියු නැන්සි මරේ කියන්නේ එදින වේලාසනින් සිරිල් මැතිව් සහ ගාමිණි දිසානායක යාපනයේ සිටි බවය .

"With several high ranking Sinhalese security officers and two cabinet ministers, Cyril Mathew and Gamini Dissanayake (both self confessed Sinhala supremacists), present in the town (Jaffna), uniformed security men and plainclothes thugs carried out some well organised acts of destruction."
They burned to the ground certain chosen targets - including the Jaffna Public Library, with its 95,000 volumes and priceless manuscripts, a Hindu temple, the office and machinery of the independent Tamil daily newspaper Eelanadu.. Four people were killed outright. "

අනුර උතුරේ සන්නද්ධ කණ්ඩායම් පිළිබඳව කියන්නේ ජේ ආර ජයවර්ධන ඉන්දියාවට එරෙහිව ඇමරිකාව ට පක්ෂවූ හෙයින් ද ඉන්දියාව දෙකඩ කැඩීමේ සැලැස්මක්ද තිබු බැවින් උතරේ දෙමල සංවිධානවලට අවි පුහුණුව දී ජේ ආර් දුර්වල කිරීම කල බවය

 

එය සත්‍යයකි හැබැයි විජේවීර නම් එකල කියමින් සිටියේ එය ඉන්දියානු ව්‍යාප්තවාදය බවය


විජේවීර වැරදි බව අපි 1980 සිටම අවබෝධ කරගෙන සිටියෙමු ජවිපෙ එය මේ වන විට අවබෝධ කරගෙන සිටීම ගැන අපි සතුටු වෙමු

 

යලි ජාතිවාදය ආගම්වාදය අවුලමින් තිබෙන බවත් එමගින් රනිල්,යලි බලයට එන්නට යොදාගන්න බවත් අනුර එම කතාවේදී කියයි

 


ඒ බවට සාක්ෂියක් නම් ඔහු ඉදිරිපත් කරන්නේ නැත

 
සිංහල සහ දෙමල ජනතාව සතුටෙන් තැබීම අවශ්‍ය බව අනුර කියයි එහෙත් යුද්ධයේදී අතුරුදහන් කරන ලද දහස් ගණනක් තරුණ තරුණියන් ගැන වත් සොයන්නේ නැති ජවිපෙට දෙමල සිංහල සමගිය ගොඩනගන්නේ කෙසේ දැයි මට නම් වැටහෙන්නේ නැත 

13 වෙනි සංශෝධනය මුළුමනින්ම ක්‍රියාත්මක කරන ලෙස වත් ධයිර්යයක් ජවිපෙට තවම නැත