බුදුන් වහන්සේ ලංකාවට වැඩි කතාව ඇත්තද ?

 

   

  බෞද්ධ පුජක පක්ෂය නම් කියන්නේ බුදුන්වහන්සේ ලංකාවට තුන් වරක් වැඩම කළ බවයි

පුරාවිද්‍යා මහාචාර්ය පරණවිතාන මහතා 1`960දහ්ස්කයේ අගදී ප්‍රසිද්ධ ප්‍රකාශයක් කරමින් බුදුන්වහන්සේ ලංකාවට වැඩම කර නැති බව කීවේය ඔහු ඊට සාක්ෂි ලෙස ඉදිරිපත් කළේ බුදුන්වහන්සේ විශේෂ තැනකට වැඩම කළහොත් සුත්‍රයක් දේශනා කරන හෙයින් ලංකාවට වැඩම කරේ නම් දෙසු සුත්‍රයක් තිබිය යුතු බවය නමුත් එවැනි සුත්‍රයක් නැති බැවින් බුදුන් වහන්සේ ලංකාවට වැඩම කර නැති බව මහා චර්යා පරණ විතාන මහතා කීය

මේ ප්‍රක්ෂයට සංඝ සමාජයෙන් විවේචන යම් තරමකින් එල්ලවූ නමුත් කවුරුවත් මහාචාර්ය පරණවිතාන මහතා ගහන්නට පොලු අරන්ගියේ නැත පොලිසියට පැමිණිලි කරේද නැත

මහාචාර්ය පරණ විතාන මහතාට අභියෝග කරන්නට කිසිවෙකු ඉදිරිපත් වුයේද නැත .

අද පරණවිතාන මහතා ඔය ප්‍රකශය කර නම් ඇප නැතිව මාස 15ක් 20 ක් රිමාන්ඩ් බන්ධනාගාරයේ සිටින්නට සිදුවනු නියතය

අපේ රටේ කිසිවෙකුට ලොවට අවශ්‍ය බහුලව භාවිත කරන නව නිර්මාණයක් කිරීමට හැකිවී නැත . අපේ කිසිවෙකුට නොබෙල් සම්මානයක් ලැබී නැත.

හේතුව හිතන්නට හැකි දරුවන් අපේ පාසල් පද්ධතිය බිහි කරන්නේ නැත

අපේ රටේ අධ්‍යාපනය යනු විශේෂයෙන්ම ආගමික පොත පතේ තිබෙන දේ පරම සත්‍ය ලෙස ළමුන්ගේ ඔලුවලට බස්සන අධ්‍යාපනයකි .බොහෝ ගුරුවරුද විචාරාත්මකව සිතීමට අසමත්ය ගිර ගුරුවරු ගිර පෝතකයන් නිෂ්පාදනය කරති

මම මතුගම අධ්යාපන කලාපයේ අධ්‍යක්ෂවරයෙකු ලෙස සේවය කරන කාලයේ බුද්ධ ධර්මය භාරව සිටි අධ්‍යක්ෂවරයා ධර්ම සාකච්චාවක් කලාප කාර්යාලයේ සංවිධානය කළේය කලාප කාර්යාලයේ සේවය කරන සියලු දෙනාටම ඊට සහභාගිවන ලෙස දැනුම් දෙන ලදී .

කලාප කාර්යාලයේ ලිපිකරු කාර්යමණ්ඩලයට අනන්ත අප්‍රමාණ වැඩ ඇත කයිවාරුවක් වත් ගැසීමට ඔවුන්ට වෙලාවක් නැත කැන්ටිමට තේ එකක් බොන්නට ආවද ආපසු ඉක්මනින් යති

අධ්‍යක්ෂවරුන්ටත් එසේම වැඩ ඇත

නියෝගය පරිදි සියල්ලෝම වැඩ නවත්වා ධර්ම සාකච්චාවට සහභාගිවීමට ඉහල මහලට ගියහ අහල පහල පන්සලක භික්ෂුවක් පැමිණ සිටියේය

ප්‍රශ්න ඇසීම සහ පිළිතුරැ දීම ධර්ම සාකච්ඡාව විය

මමත් ප්‍රශ්නයක් ඇසීමි

" ස්වාමින් වහන්ස , හිට්ලර් කියන පුදගලය නිසා දෙවන ලෝක යුද්ධයේදී මිනිස්සු ගැහැණු මහල්ලෝ දරුවෝ කෝටි 5ක් මැරුණා සෝවියට් දේශයේම කෝටි දෙකක් මැරුණා. යුදෙව් ජාතිය නැත්තටම නැති කිරීමේ අරමුණෙන් යුදෙව්වෝ ලක්ෂ 60 ක් මරල දැම්ම .ඉතින් බුදුදහමේ තියෙනවා දිට්ටධම්ම කර්මය කියල එකක් .ඉතින් හිට්ලර් යුද්ධේ පැරදුනාම දිවි නසා ගන්නකම් වෙච්ව්හ්ච කෙන්ගෙඩියක් නැහැ .හිට්ලර්ව මරන්න හිට්ලර්ගේ හමුදාවේ අය කීපදෙනෙක් කීපවරක් කරපු උත්සාහයන් සියල්ල අසාර්තක උනා .දිට්ඨ දහම වේද ක්‍රමය කියල එකක් තියෙනවනම් හිට්ලර්ට පනුවෝ ගහල දුක් විදල මැරෙන්න ඕනේ එහෙම උනේ නැහැ තමන්ම වෙඩි තියාගන්නකම් හොඳට කාල බිල හිටිය

ඉතින් එකෙම් පෙන්නේ දිට්ඨ ධම්ම කරමය කියන එකක් නැහැ කියල නේද ?"

අසල සිටි කළාප අධ්‍යාපන අධ්‍යක්ෂ වරිය "ව්ව්ව්ව්ව්ව් " කියමින් තොල් හකුලා ශබ්දයක් කරමින් ඉහලට හුස්ම ගත්තාය මන්ද බුදු දහම ප්‍රශ්න කිරීම ඇයට අදහා ගන්නට බැරි වූ නිසාය .

මගේ ප්‍රශ්නයට පිළිතුරු දෙමින් ස්වාමින් වහන්සේ කියා සිටියේ හිට්ලර්ට දිවි නසා ගැනීමට සිදුවුයේ දිට්ඨධමම කර්මය නිසා වියහැකි බවය

කලාප අධ්‍යාපන අධ්‍යක්ෂත් ආගම ප්‍රශ්නකරන්නට බයනම් හිතන්නට බය නම් ගුරුවරු ගැන කුමන කතාද ? ළමුන් ගැන කුමන කතාද ?

මා දන්නා තරමට නම් ඕනෑම දෙයක් නිවැරදි බව තමන්ට වැටහෙන්නේ නම් පමණක් පිළිගන්නා ලෙස බුදුන්වහන්සේම දේශනා කර තිබේ