අපි පළමු වරට හමුවුයේ මීරිගම ඉංග්‍රීසි ගුරුවිදුහලට පුහුණුව සඳහා ගිය විටය ඒ 1984 දීය
අපි දෙදෙනාම එකම බෝට්ටුවේ අය වූ බැවින් අපි හනික මිතුරන් වූයෙමු
1980 ජුලි වැඩ වර්ජනයට ඔහු පේරාදෙණිය ගුරු විදුහලේදී එකතු වූ අතර ජේ ආර් ආණ්ඩුව ඔහු අවුරුදු තුනකට ගෙදර යැව්වේය
මම මහරගම ගුරු විදුහලේ ගුරු පුහුණුව ලබමින් සිටින අතරතුර 1980 ජුලි වැඩ වර්ජනයට සහභාගිවීම නිසා ජේ.ආර් .ආණ්ඩුව මා අවුරුදු තුනකට ගෙදර යැව්වේය
අවුරුදු 3කට පසු ඔහු සේවයේ පිහිටවූ අතර මා ද අවුරුදු 3 කැට පසු සේවයේ පිහිටුවන ලැබිණි
ඔහුත් ලංකා ගුරු සංගමයේය මමත් ලංකා ගුරු සංගමයේය
ඔහුත් සමාජවාදී මත දැරිය මමත් සමාජවාදී මත දැරීමි
ඔහුත් ඉංග්‍රීසි ගුරු පුහුණුව ලැබීය මමත් ඉංග්‍රීසි ගුරු පුහුණුව ලැබීමි
මිරිගම දී අපි දෙදෙනාම නවාතැන් ගත්තේ එකම බෝඩිමේය
1984 අගදී අපි පුහුණුව අවසන් කොට වෙන්වී ගියෙමු එකල දුරකථන නොවුයෙන් අදහස් හුවමාරු කරගත්තේ තැපාලෙනි.
ඔහු ජවිපෙට හිතවත් මත දැරූ අතර මාද එම මතයට ගන්නට උත්සහ කළේය
1987-88-89 භිෂණ සමය උදාවිය
ඉන්පසු ඔහුගෙන් එකම ලිපියක් වත් ආවේ නැත ඔහු භීෂණයට ගොදුරු වෙන්නට ඇතයි අනුමාන කලෙමි
එහෙත් ඔහුට ලිපි දෙකක් තුනක් යවමින් පණපිටින් සිටින්නේ නම් පිළිතුරක් එවන ලෙස ඉල්ලීමි
එහෙත් පිළිතුරු ආවේ නැත
2016 දවසක මම නිකවැරටිය තැපැල් කාර්යාලයට කතා කොට ගලගෙදර ප්‍රදේශයේ W.R.N. වික්රමනාත් නමැති ඉංග්‍රීසි ගුරුවරයෙක් සිටින්නේද යනුවෙන් විමසීමි ඔව් යයි මට පිළිතුර ලැබිණ
මගෙත් ඔහුගේත් යාළුකම ගැන විස්තරයක් කොට ඔහුගේ ජංගම දුරකථන අංකය සොයා දෙන ලෙස මම ඉල්ලීමි .ඔහු එයට එකඟ විය
තවත් දිනකිපයකට පසු නිකවැරටිය තැපැල් කාර්යාලයේ එම කාරුණික මහතා වික්රමනාත් ගේ දුරකථන අංකය ලබා දුන්නේය
වහාම මම එම අංකයට කතා කලෙමි
"වික්රනාත් ද?"
"ඔව්"
"මම බර්ටි රණවීරගේ "
"අනේ මචන් ,කොහොමද මගේ අංකෙ හොයාගත්තේ ?"
සොයාගත් ආකාරය කීවෙමි
"අනේ මචං මට එවපු ලියුම් වලට උත්තර නෙව්වට මට දහස් වාරයක් සමාවෙයන් "
එතැන් සිට ඔහු අඩු වශයෙන් සතියකට වරක් වත් මට කතා කළේය . අඩු වශයෙන් විනාඩි 25 වත් ඔහු ම සමග කතා කල අතර වැඩි වශයෙන් කතා කරේ දේශපාලනයය ජාත්‍යන්තර දේශපාලනය ගැන ඔහු හැම විටම වගේ ඇසීය
ඔහු කවදත් මට කතා කලේ ඉතා ලෙන්ගතු කමිනි සිගරට් බීම නැවැත්වූ බව වරක් මම ඔහුට කී විට අනේ මචන් ආයි බොන්නේ නැ නේද ?" යනුවෙන් ඔහු ඇසීය
මාර්තු මාසයේ දින දෙකක් පයකට අධික කාලයක් ඔහු මට කතා කර තිබුණි
සති තුනකින් ඔහු මට කතා කලේ නැත්තේ මන්දැයි අප්‍රියෙල් මැදදී හදිසියේ මට සිහිපත්වී ඔහුගේ අංකයට කතා කලෙමි
එහා පැත්තෙන් කතා කලේ කාන්තාවකි
කෝ වික්රමනාත් ?
"අනේ සර් තාත්ත නැතිවුනා මාර්තු 27 "
කිසිසේත් ම අපේක්ෂා නොකළ එම පිළිතුර මා මහත් කම්පනයට පත් කල බව කිවයුතු ද?
මා මේ සටහන ලිව්වේ මගේ සිත හැකි තරමකින් සැහැල්ලු කර ගැනීමටය
ඩෙන්මාර්කයේ සිටින අපේ මිතුරියක් වන දිස්නා ජයසිංහ කිව කාරණාවක් මගේ සිතේ තදින් කා වැදී තිබේ
"බර්ටි , අපිට වයස 50 පැන්නට පස්සේ අපිට අහිමි වෙන හිතවත්තු වැඩියි "
Comments
මරණය කියන එක හැමතැනම තියෙනවා. සිගරැට්ටුවක් උරනකොට බීර හුස්මක් ගන්නකොට විස්කි ටිකක් රහා කරනකොට මරණය හිනාවෙනවා වෙන්න පුලුවන්.
සමහර ජාන තියෙන මිනිස්සු මේවා අස්සේ මරණයට ඔච්චම් කරනවා. හූහූ කියලා අසීමිතව බොනවා. බීලත් අවුරුදු එකසීය පනහක් විතර යෙහෙන් ඉන්නවා..
සමහරු කිසිම දෙයක් නෑ කන්නෙත් නෑ බොන්නෙත් නෑ සුඛන්නෙත් නෑ එහෙම එකෙක්ට ටක් ගාලා මරණය හම්බවෙන වෙලාවල් තියෙනවා. උබ මේ ලෝකෙට වැඩක් නෑ වරෙන් මෙන්නමෙහාට කියලා ඇදන් යනවා වෙන්නත් පුලුවන්.
අපි මරණය එක්ක එක එක විදිහට ක්‍රීඩා කරනවා. සමහරු මරණයට වෙට්ටු දානවා. සමහරු මරණයට ආතල් දෙනවා. සමහරු මරණයට හිනාවෙනවා. සමහරු මරණයට ඉඩ දීලා බලාගෙන ඉන්නවා. ඒ අස්සේ මරණය පරාද කරන ඈයොත් ඉන්නවා. එහෙම පරාද කරලා බෝනස් එකෙත් පැණි කන එවුන් එමටයි.
ජැක්සන් වගේ අය මරණය ඉස්සරහා පරාද වේලා. ඒත් තවමත් සුසුම් පිටකරනවා. උරාගන්නවා.
ඒකයි මම කියන්නේ ජීවිතේ කියන්නේ හීනයක්. එක එක මිනිස්සු එක එක විදිහට මේ හීනේ දකිනවා..!
THE SEVENTH SEAL (Ingmar Bergman Sweden, 1957) මේ ෆිල්ම් එක නිකමට බලන්න..!
ඒ අස්සේ මට no country for old men ෆිල්ම් එකේ Anton Chigurh කියන චරිතය කඩේට ඇවිත් කොයින් එක උඩ දාන සීන් එක මතක් වෙනවා.. මරණය කාසියක් උඩ දාලා තීරණය වෙන්නත් පුලුවන්.
පාටි එකට යනකොට ජූඩ් ශාමන්තගේ ගෙදර යතුර ඉවෝන් තමන්ගේ පර්ස් එකේ දාගන්න තීරණය නොකළානම්
සමහරවිට ඉවෝන්ට මරණය මඟහැරෙන්න තිබුණෙ නැද්ද?
මරණය මෙහෙම දිගාරින්න පුලුවන් නේද?..
I've some potential questions about your actions and beliefs could be:
1) What led Ajith to steal Soviet nuclear technology and sell it to Western countries?
2) How did you manage to evade detection and prosecution for such a significant crime?
3) What is the nature of Ajith Dharmakeerthi's current work with Sri Lankan President Ranil Wickramasinha?
4) How do you support for Russia during the conflict with Ukraine align with your previous actions and allegiances?
5) What are the potential consequences for Ajith if your actions were to be exposed or proven to be true?