යොහානිගේ විප්ලවය

  

    

                 උමාරියා සිංහවංශ ගේ වඩාත්ම ජනප්‍රිය වීඩියෝ ගීතය , 'මන්ද පමා 'You tube හි නරඹා ඇති  වාර  ගණන 2 කෝටි 21 ලක්ෂයකි . ඒ අවුරුද්දයි මාසයක කාලයක් තුලය .  අමරදේව  ශුරින් සමග ඇය ගයන  හන්තාන සිහිනේ ගීතය You tube  ප්‍රේක්ෂකයෝ 13,754,240 වාරයක් නරඹා තිබේ 

      භාතිය සන්තුෂ් ලාගේ  ජනප්‍රියම ගීතය 'ඩෙන්න ඩෙනා' බව  You tube වෙත ගිය විට පසක් වේ.  එම ගීතය නරඹා ඇති වාර ගණන    මිලියන 3.6 කට ටිකක් වැඩිය  එම  ගීතය  You tube එකේ අමුණා අවුරුදු 3 මාස 2 කි 

අභාවප්‍රාප්ත සුනිල් පෙරේරා ප්‍රමුඛ ජිප්සීස් කණ්ඩායමේ 'කොත්තමල්ලි ' ගීතය  ඔවුන්ගේ වැඩිම  ජනප්‍රිය ගීතය බව පෙනේ  .එය You tube හි නරඹා ඇති වර ගණන ලක්ෂ 52කි 

     සංගීත ලෝකයේ විප්ලවකාරිය බවට පත්ව සිටින  යෝහානි ද සිල්වා ඉතා කෙටි කාලයක් තුල ලබා තිබෙන ජනප්‍රියත්වය අප රටේ කිසිදු ගායකයෙකුට හෝ ගායිකාවට ලබා ගැනීමට  නොහැකි වී තිබේ මේ වසරේ මැයි මාසයේ 22 වනදා You tube වෙත අමුණන ලද ඇය සහ සතීෂන් ගයන 'මැණිකේ මගේ හිතේ ' ගීතය  අද වන විට  ( මාස 4 දින 3කදි) නරඹා ඇති වාර ගණන මිලියන 125කි .හරියටම කියතොත් වාර  125,532,951 කි 

ඊයේ එය නරඹා තිබුනේ  මිලියන 124කි .පැය 24 කටත්වා අඩු කාලයකදී  මිලියනය වාරයක්  නැරඹීමෙන් පෙනේනේ කුමක්දැයි මා අමුතුවෙන් කිව යුතුද ?

ගිය සතියේ ලෝකයේ ජනප්‍රියවූ ගීත 10 අතරින් 'මැණිකේ ' ගීතය  6 වන ස්ථානයේ තිබු බවත් මේ සතියේ එය 7 වන ස්ථානයට පැමිණ තිබෙන බවත්  ඉංග්‍රීසි පුවත් පතක් ඊයේ  ලිය තිබුණි .

ඊයෙත් පෙරේදාත් මම යුටියුබයේ එල්ලී මේ ගීතය ලෝකය පුරා කොපමණ ජනප්‍රිය වී තිබේදැයි සොයා ගැනීමට වෙහෙසුනෙමි  එහෙත් කෙළවරක් සොයා ගැනීමට මට නොහැකි විය .ඊට හේතුව වන්නේ   මේ ගීතය අනුකරණය කරමින් ගයන ලද ගීත , නැටුම් , සහ reaction නමින් හඳුන්වන වීඩියෝ දීනපතාම පාහේ  යුටියුබයට විවිධ රටවල පිරිස්  එකතු කරමින් තිබීමයි 

You tube හි  මා කළ සොයාබැලීම අනුව මැණිකේ ගීතය  අනුකරණය කළ  ගීත රාශියක් මේ වන විට විවිධ භාෂාවලින් ගායනා කර තිබේ . විශේෂයෙන්ම ඉන්දියානු භාෂාවන් රැසකින් ගයන වීඩියෝ රැසක් ඔබට නැරඹිය හැකිය හින්දි බසින් ගයන ගී එකක් නොව ගණනාවක් තිබේ එමෙන්ම ගුජරාටි මරාටි ,කන්නාඩ තෙලිඟු දෙමල සහ  ගෝවේ භාෂාව වන කොන්කානි  නමැති බසින් ගයන ගීයක්ද යුටියුබයට එකතු කර තිබේ .එමෙන්ම බංගලා දේශයේ බසින්ද නේපාල බසින්ද ගයන ලද මැණිකේ ගීතය  අනු නිර්මාණය ඔබට දැකිය ඇසිය හැක   තවත් භාෂාවලින්ද මෙම ගීතයේ අනුකරණ ගීත නිපදවා ඇති බවට කිසිදු සැකයක් නැත මේ ගැන හරියට දැනගන්නට සතියක් හමාරක් යු ටියුබයේ කරක් ගසන්නට සිදුවනවාට සැකයක් නැත .

කොටින් කියතොත් කොරෝනා වයිරසය පැතිරෙන වේගයෙන්'  මැණිකේ ' ලොව පුරා පැතිරෙන්නට පටන් ගෙන තිබේ

 .

එසේ විවිධ බසින් ගයන මැණිකේ ගීතයේ රුප කීපයක් මේ ලියවිල්ලේ  පහල අමුණා තිබේ 

  කැලිෆෝනියාවේ වෙසෙන ලෝක ප්‍රසිද්ධ වයලින් වාදිකාවක් වන කැරොලිනා   ප්රෝට්සෙන්කෝ දැරිය ' මැනිකේ මගේ හිතේ' ගීතයේ වයලින් වාදනයක් ඉදිරිපත් කර තිබිමෙන් පෙනෙන්නේ මෙම ගීතය බටහිර වාසින්ටද අප මෙන්ම රස විඳිය හැකි ගීතයක්  බවය  ගායන විලාශය  සහ තනුව ,   බටහිර වැසියන් පමණක් නොව අප්රිකානුවන් පිලිපින සහ කොරියන් ජාතිකයන් අරාබි ජාතිකයන් සහ  ලතින් අමරිකනුවන්ද වශී කොට තිබේ .

ඔබ You tube වෙත ගොස් 'Menike mage hithe song reactions'  කියා අකුරු කෙටුවොත් මේ ගීතය අසා එයින් වහ වැටුන අය  විසින්  එය  අගය කරමින්   යුටියුබයට  අමුනා ඇති වීඩියෝ දුසිම් කීපයක් තිබෙන බව  ඔබට දැකිය හැකි වනු ඇත .

  

මේ ගීතයේ අනුකරණ ගිත , අනුකරණ සංගීත වාදන, ගීතයේ තනුව අනුව කරන නැටුම්  සහ විවරණය කරන්නන්ගේ වීඩියෝ සියගණනක් නරඹා  ඇති  වාර සංඛ්‍යාවද 50 ලක්ෂයක් ඉක්මවා ඇත යන්න මගේ අනුමානයයි .මේ ගීතයේ පිහිටෙන් ඔවුන්ගේ යු ටියුබ චැනල් වලට මිලියනගණන් ප්‍රේක්ෂකයන් ඇද ගැනීමට ඔවුහු සමත් වී සිටිති .

 මේ ගීතයේ සතීෂන්ගේ රැප් ගායනයද ලොව පුරා සංගීත ලෝලීන්ගේ ආකර්ෂණය දිනාගැනීමට සමත්වී තිබේ   එමෙන්ම  ලෝකය පුරා මෙය  ජනප්‍රිය වීමට නිෂ්පාදන කණ්ඩායමේ කුශලතාවයන් හේතුවුබවට කිසිදු  සැකයක් නැත.. පද මාලාව ,  සංගීතය තනුව කැමරාකරණය ආලෝකය ,අධ්‍යක්ෂණය ,  පසුතලය  සංස්කරණය යන  සියල්ලම මැණිකේ ආකර්ෂණය කරවීමට ඉහල දායකත්වයක් ලබා දී තිබේ .

එහෙත් ඒ සියල්ලම තිබුණත් යොහානි නොමැතිව වෙනත් ගායිකාවක් මේ ගීතය ගායනා කරේ නම් මේ සාර්ථකත්වයෙන් 1/100ක් අත් කරගැනීමට හැකිවේදැයි සැක සහිතය යොහානිගේ කට හඬේ  මාධුර්යය ,ඇගේ සිනහව ඇගේ මලක් වැනි මුහුණ නිසල ගායන විලාශය කැමරාව හෙවත් ප්‍රේක්ෂකයා  දෙස ඇය වරින් වර  හෙලන බැල්ම ඇය ඇසෙන් සහ මුහුණෙන් කරන ඉඟි බිඟි ලොව පුරා තරුණයන් තරුණියන් සහ තරුණ තරුණියන් නොවන්නන් මිලියන සියගනනකගේ හදවත්  දිනා  ගැනීමට  සමත් වී තිබේ.

ඇය ඇරඹු විප්ලවය තව දුරටත් ඉදිරියට යනු ඇත එමෙන්ම  ලංකාවේ ගායක ගායිකාවන්ට ලෝකයේ සංගීත ලෝලීන් වෙත පිවිසීමට  ඇය දැන් අත් වැලක් නිර්මාණය කර තිබේ   

 එපමණක් නොවේ .ඉන්ධන  , බෙහෙත් හේත් , අත්‍යවශ්‍ය  ආහර ද්‍රව්‍ය  ආදිය ආනයනය කරන්නට ඩොලර් නැති ව ආර්ථික අර්බුදයක ගිලි සිටින ලංකාවට  ඩොලර් උල්පතක්ද   යොහානි පාදා දී තිබේ. 

 (පහත දැක්වෙන්නේ මැණිකේ මගේ හිතේ ගීතය (ඔබට එහි බොත්තම එබීමෙන් ගීතය නැරඹිය/සවන්දිය හැකියි ) සහ එහි   අනුකරණ ගීත ඉදිරිපත් කළ ඇති විශාල සංඛාවකින් අතලොස්සක් දෙනෙකුගේ සහ  ඇගේ ගීතය අගය කරමින් youtube හි පලකරන ලද වීඩියෝ කීපයක දර්ශන ය .

ඉහත දැක්වෙන්නේ නේපාල බසින් ගයන මැණිකේ ගීතයේ අනුකරණයයි 

හින්දි අනුකරණය 

  හින්දි අනුකරණයක් 

අරාබි සහ ඉංග්‍රීසි 

කොන්කනි බසින් 

  කන්නඩ සහ තෙලිඟු බසින් ගයන අනුකරණය 

 බංගලා දේශයේ බසින් 

ගුජරාටි බසින් 

තෙලිගු බසින් 

ගීතය අගයන බටහිර ජාතිකයන්

ඇමරිකන් 

අප්‍රිකානුවෙකු මැණිකේ ගීතය රස විඳින අයුරු 

පකිස්ථානුවෝ මැණිකේ ගිය විඳින ආකාරය 

මොරොක්කෝ ජාතික තරුණියක් මැණිකේ රස විඳිමින් 

මොරොක්කෝ 

ඕස්ට්‍රේලියාවේ වසන පිලිපීන කතක්  ගීතය අගය කරමින් 

දකුණු කොරියානු ජාතිකයෙක් මැණිකේ ගීතය ගයමින් 

මැණිකේ ගීතය ට වශිවු පිලිපීන තරුණියක්