අරක්කු බොමු

 

  කෝවිඩ් ඇඳිරි නිතිය  දැමු අගෝස්තු 21 සිට  වසා දමන ලද    බාර් හෙවත් තැබෑරුම්   ඊයේ (සැප්තැම්බර් 17 ) සිට  අරින්නට ආණ්ඩුව අවසර දුන්නේය

කොරෝනා කාලයේ ආණ්ඩුව කරන ලද තවත් අංක එකේ ගොන් කමක් මෙය වන්නේය 

ඊයේ වන විට ලංකාවේ කොරෝනා ආසාදිතයන්ගේ එකතුව ලක්ෂ 5 පැන්න දවසය හරියට කිව්වොත් 500,772කි..

දැනට ප්‍රතිකාර ලබමින් සිටින කොරෝනා  රෝගීන් සංඛ්‍යාව 59058කි 

ඊයේ හමුවූ අලුත් රෝගීන් සංඛ්‍යාව 3078  

(දිනපතා හමුවන අලුත් රෝගීන්ගේ සංඛ්‍යාව අඩුවී තිබෙන්නේ අඩුවෙන්  PCR සහ ඇන්ටිජන්පරීක්ෂණ පවත්වන බැවින් යයි  හෙද සනගමයේ සභාපති සමන් රත්නප්‍රිය මහතා  කියයි )

මෙතෙක් මියගිය සංඛ්‍යාව 11938 

ඊයේ මියගිය සංඛ්‍යාව  121 කි 

දෙවෙනි කොරෝනා රැල්ල ගම්පහ බ්‍රැන්ඩික්ස් ආයතනයෙන්  ඇරඹුණු විට ගම්පහ දිස්ත්‍රික්කය වසා නොදමා  පැලියගොඩ මාළු බෙදා හැරීමේ මධ්‍යස්ථානය හරහා රට පුරා කොරෝනා  පැතිරෙන තුරු ආණ්ඩුව කට අරගෙන බල සිටියේය  

 හොඳ හැටි අවුරුදු  කාපල්ලා කියා වසා තිබු රට ගිය අප්රියෙල් මාසයේ  විවෘත කිරීම නිසා මිනිස්සු බියෙන් සැකෙන්  තොරව සාප්පු ගානේ ගියහ ,විනොද ගමන්  ගියහ වන්දනාවේ ගියහ  යාළුවන් මිත්‍රයන් එකතු කරගෙන වෙරි වෙනතුරු අරක්කු කසිප්පු පානය කළහ 

ගත වුයේ සති දෙකකි 3 වන කොරෝනා රැල්ල ඇරඹුනේය 

පළමු කොරෝනා රැල්ලෙන් මැරුනේ 13 කි ඒ ගානෙන් පාලනය කර ගත හැකිවුයේ  රට හොඳ හැටි වසා දැමු නිසාය 

2වෙනි කොරෝනා රැල්ලෙන් 500 ගානක් මියගියහ 

3 වන රැල්ලෙන් මියගිය ගණන  දල වශයෙන් 10000  කි 

ඉකුත් 21 වනදා රටෙන් 3/4 ක් ඇර තබා කාලක් වැසුවේය මැරෙන ගණන හතරෙන් එකක් අඩු උනේය 

ඊයේ තැබෑරුම් ඇරියේ මේ පසුබිම යටතේය 

ඊයේ තැබෑරුම්  ඉදිරිපිට මිනිස්සු පොදි ගැහුණු හැටි පින්තුරවල යස රඟට  පෙනුනේය . ඔය අතර කොරෝනා ලෙඩ්ඩු සිටින්නට ඇති බවට කිසී සැකයක් නැත මන්ද කොරෝනා හැදුනු ඔක්කොටම රෝග ලක්ෂණ  නැති නිසාය එ නිසා ඊයෙම සිය දහස් ගණනක් දෙනා කොරෝනා රැගෙන ගෙවල්වලට යන්නට ඇත 

අවුරුදු 6 ළමයෙකුද ඊයේ මියගියේය 

     සමහරුන්ට  තනියෙන් බොන්නට නොහැක එ නිසා තව එකෙක් හෝ කැඳවා ගනිති කොරෝනා  වයිරසය  පෙනෙන්නේ නැති නිසා  බොන්ට කැඳවා ගත් එකා හරහා කොරෝනා බෝවීමේ ඉඩකඩ තිබේ  . 

හවුලේ බිමට හේතුවෙන තවත් කාරණාවක් වන්නේ අරක්කු  බෝතලයක මිල ගිනි ගණන් නිසා කීප දෙනෙකු එකතු වී මුදල් දමා   ගන්නා නිසාය 

තව සති දෙකක් ගතවන විට අරක්කු රැල්ල හෙවත්  කොරෝනා 4 වෙනි රැල්ල (GMOA එකට අනුව දැන් තිබෙන්නේ 4 වෙන් රැල්ලය )  .ඇරඹීමට ඉඩ තිබේ 

අරක්කු බාර් වසා තිබීම නිසා අදායම් අහිමිවූ පිරිස තුන් ගොල්ලකි  1  ආණ්ඩුවය 2 අරක්කු නිෂ්පාදකයෝය 3 වන පිරිස තැබෑරුම් හිමියෝය .තැබෑරුම් විශාල සංඛ්‍යාවක ඇත්ත  හිමිකරුවෝ   මන්ත්‍රීවරුන් බව කියනු ලැබේ  එමෙන්ම අරක්කු නිපදවන සමාගම්වල අයිතිය තිබෙන්නේ  ඇතැම්  දේශපාලකයන්ට  බවද කියනු ලැබේ ඒවා ඇත්තද නැත්තද කියන්නට මා  ළඟ නම් සාක්කි නැත.කෙසේ වෙතත් බාර් පර්මිට් ලැබුනේ මන්ත්‍රී අනුග්‍රහයෙනි 

මම ' සුරාමේරය මජ්ජපමාදට්ඨානා වේරමණී සික්ඛාපදං සමාදියාමි' ශීලය සමාදන් වුවෙකු නොවේ .උත්සව අවස්ථාවකදී අඩියක් ගස පොඩි පහේ විනෝදයක් ලබමි . එහෙත් කොරෝනා පටන්ගත් දිනෙන් පසු අඩියක් පුඩියක් ගැසීමට කිසි තැනක නොගියෙමි එසේ නොගියේ පැයක දෙකක විනෝදයකට අඩියක් ගසා  කොරෝනා රැගෙන ගෙදර  ඇවිත් ගෙදර සිටින අයට බෝකිරීම  ඔවුන්ට කරන ද්‍රෝහී කමක්  නිසාය   .

   ඉතා වැදගත් කරුණ වන්නේ මත්පැන් විසින් ඔබට කොරෝනා බෝකිරීමට අනගි සහයක් ලබා දීමය එසේ වන්නේ මත්පැන් විසින් ප්‍රතිශක්තිකරණ පද්ධතිය අක්‍රිය කරන බැවිනි 

  මත්පැන් බීම නිසා  රෝග  බෝවීම වැලැක්වීම  සඳහා ක්‍රියාත්මක වන ප්‍රතිශක්ති පද්ධතිය අක්‍රිය වන බව පර්යේෂණ මගින් තහවුරු කර තිබේ  සාමාන්‍යයෙන් එක වරක් මත්පැන් පානය කළ විට ශරීරයේ තිබෙන ප්‍රතිශක්ති පද්ධතියේ ක්‍රියාකාරිත්වය පැය 24 කට අක්‍රිය වන බව සඳහන් වේ .

මේ සම්බන්ධයෙන් ඉංග්‍රීසියෙන් සඳහන් වුයේ මෙසේය 

Many tend to think that alcohol-induced damage to the immune system only occurs in people who use large amounts of alcohol for a long time. However, this is not the case. The National Institute on Alcohol Abuse and Alcoholism (NIAAA) warns that a single episode of drinking can suppress the immune system for up to 24 hours. Additional studies continue to show that drinking, even once, can suppress the immune system afterward for a short time>

එහෙත් වයින් සහ බියර් සාමාන්‍ය ප්‍රමාණයක් පානය කිරීම  අහිතකර නොවන බවද සඳහන් වේ 

Increasing evidence suggests that light to moderate amounts of polyphenol-rich alcoholic beverages like wine or beer could have health benefits. Scientists have long debated the effects of alcohol on immune function, showing on the one hand, that high doses of alcohol consumption can directly suppress a wide range of immune responses, and that alcohol abuse is associated with an increased incidence of a number of infectious diseases. On the other hand, moderate alcohol consumption seems to have a beneficial impact on the immune system compared to alcohol abuse or abstinence.