Skip to main content

ඉන්දු ලංකා ගිවිසුමෙන් ඊළම හැදුනාද?



Image may contain: 3 people, outdoor


         1987 ජුලි 29 ජනාධිපති ජේ.ආර්. ජයවර්ධන සහ ඉන්දීය අගමැති රජිව් ගාන්ධි කොළඹදී ඉන්දු ලංකා ගිවිසුම අත්සන් තැබුවේය .එවැනි ගිවිසුමකට එළඹීමට ලංකාවට සිදුවුයේ උතුරේ සහ නැගෙනහිර දෙමල සංවිධාන රැසක් ආණ්ඩුවට එරෙහිව සන්නද්ධ අරගලයක නිරතව සිටි නිසාය .


එය මර්ධනය කිරීම සඳහා ජේ,.ආර් නොකළ දෙයක් නැත එහෙත් එය පාලනය කළ නොහැකි විය ජේ ආර් ඇමරිකාවෙන් උදව් ඉල්ලු විට ඇමරිකාව ඔහුට කිවේ ඉන්දියාව සමග ප්‍රශ්නය විසඳාගන්නා ලෙසය .
ඉන්දියාව උතුරේ සංවිධානවලට උදව් කළේ හේතු දෙකක් නිසාය ජේ ආර සහ ආර් ප්‍රේමදාස ඉන්දියාවට විරුද්ධව ඇමරිකාවට පක්ෂ විදේශ ප්‍රතිපත්තියක් ගෙන යාම එක හේතුවකි ඕනෑම රටක් තම අසල්වැසියා සතුරු පිල සමග එකතුවීම ඉවසන්නේ නැත සතුරාට කෙනිත්තිමට මගක් සොයමින් සිටි ඉන්දියාවට කදිම අවස්ථාවක් ආණ්ඩුවේම ජාතිවාදී පිරිස සොයා දුන්නේය . ඒ 1983 කළු ජුලියයි. ඉන්දියානු ආණ්ඩුව වහාම මේ ප්‍රශ්නයට මැදිහත්විය .තමිල් නාඩුවේ කෝටි පහමාරක දෙමල ජනකායක් සිටි බැවින් ඉන්දියානු මධ්‍යම ආණ්ඩුවට නිහඬව සිටිනු ඇතැයි අපේක්ෂා කළ නොහැක .
උතුරේ හමුදා ප්‍රහාර නිසාද කළු ජුලිය නිසාද ලක්ෂ දෙකකට ආසන්න දෙමල මිනිසුන් ආරක්ෂාව සඳහා තමිල් නඩුවට පැන ගියහ
.
ලංකාවේ දෙමල රාජ්‍යයක් ඇතිවීම ඉංදියාවට තර්ජනයකි .එයතමිල් නාඩුවේ වෙනම රාජ්‍යයක් සඳහා දොර විවෘත කිරීමක් විය හැකි බැවිණි එබැවින් ඊළමක් බිහිවීම වැලැක්වීම මෙන්ම දෙමල ජනයාගේ ආරක්ෂාව සඳහාත් පියවර ගැනීමට ඉන්දියාවට අවශ්‍ය විය. එමෙන්ම එහි සිටින ලංකාවේ දෙමල සරණාගතයන් ආපසු ලංකාවට ඒමට හැකි පරිසරයක් ඇති කිරීමට සහය දීමද ඉන්දියාවේ අපේක්ෂාව විය .


ඒ අතරතුර ඉන්දියාවේ දෙමල දේශපාලන පක්ෂද ලංකාවේ දෙමල මිනිසුන්ගේ ආරක්ෂාව සඳහා ඉදිරිපත් වෙන ලෙස ඉන්දියානු මධ්‍යම ආණ්ඩුවට දැඩි ලෙස බලපෑම් කළහ.


ඉන්දු ලංකා ගිවිසුම ආවේ ඉහත කාරණා නිසාය ,එය දෙරට අතර මාස ගණනාවක සාකච්චාවල ප්‍රතිඵලයකි .
ඒ අනුව පළාත් සභා මගින් බලය බෙදා හැරීමටත් , LTTE සංවිධානය නිරායුධ කිරීමට ඉන්දියානු හමුදා එවීමටත් එකඟ විය .ඉන්දියාවේදී LTTE සංවිධානය සමග ඉන්දියානු ආණ්ඩුව සාකච්චා කළ අතර ප්‍රභාකරන් එයට එකඟ වුයේ දැඩි අකමැත්තෙනි


ඉන්දියානු හමුදා ලංකාවට ආවේය .LTTE සංවිධානය ඉතා සුළු ආයුධ ප්‍රමාණයක් පමණක් ඉන්දියානු හමුදාවට භාර දුන්නේය යාපනයේ බලය ඉන්දියානු හමුදාව අතට කොටින්ගෙන් ගත්තේය .උතුරේ ආයුධ සන්නද්ධ කණ්ඩායම් ගණනවක් ඉන්දු ලංකා ගිවිසුම පිළිගෙන පළාත් සභා වලට තරග කිරීමට තීරණය කළේය LTTE,සහ EROS සංවිධානය එයට එකඟද වුයේ නැත.EROS සංවිධානය විසුරවා LTTE සංවිධානයට එකතු විය .ඉන්දු ලංකා ගිවිසුම පිළිගත් අනෙකුත් දෙමල සංවිධාන ප්‍රභා විසින් තුවක්කුවෙන් විනාශ කළේය.


ඉන්දියානු හමුදාව සහ LTTE සංවිධානය එකිනෙකට එරෙහිව සටන් කළ අතර ඉන්දියානු යුධ භටයන් 1200 කට ආසන්න සංඛ්‍යාවක් කොටිවිසින් මරා දැමුහ .පසු කාලයේදී රජිව් ගාන්ධිවද කොටි විසින් මරා දමනු ලැබිණ ඉන්දු ලංකා ගිවිසුම ඊළම වැලක්වීමට ගෙන එන ලද උගුලක් බව ප්‍රභාකරන් විශ්වාස කිරීම එයට හේතුවයි.


එහෙත්මේ ගිවිසුමෙන් ඊළම බිහිවෙන බවත් ලංකාව කෑලිනමයකට කැඩෙන බව කියමින් විජේවීර කැරැල්ල පටන් ගත්තේය . පළාත්සභාවලට පක්ෂවූ දකුණේ දේශපාලන පක්ෂ නායකයන් රැසක් සහ සාමාජිකයන් 6000 කට අධික පිරිසක් ජවිපෙ විසින් ඝාතනය කරනු ලැබිය.

 ජවිපෙ නායකයන්ගේ අදුරදර්ශී තීරණවල අවසන් ප්‍රතිපහලය වුයේ ජවිපෙ නායකත්වය සහ 60000 ක් ජිවිත විනාශවී යාමය
.
පළාත් සභා නිසා හැදුනු ඊළමක් නැත.


ඇත්ත වශයෙන්ම පළාත් සභා යනු සුළු බලතල සහිත ආයතනයකි .ඒ නිසා එම ආයතන හරි හමං වැඩක් කළ හැකි ආයතන නොවේ .පළාත් සභාවලට විරුද්ධවූ ජවිපෙ සහ ශ්‍රිලනිපයද පසු කාලයේ පළාත් සභාවලට තරග කොට ඇමති කම් සහ මන්ත්‍රි කම් ලබා ගත්හ .


යුද්ධය අවසන් වී ඇත.එහෙත් උතුරේ ප්‍රශ්නය අවසන් නැත එබැවින් අදත් විශාල හමුදාවක් උතුරේ සහ නැගෙනහිර තබා ගැනීමට ආණ්ඩුවලට සිදුවී ඇත .


සංවර්ධනයට යෙදිය හැකි මුදල් කන්දරාවක් අතිවිශාල හමුදාවක් නඩත්තු කිරීමට සිදුවී තිබේ .

Comments

පලාත්සභා නිසා ඊලමක් හැදුනේ නැත.
එමනිසා වෙන ක්‍රමයකින් ඊලමක් සෑදීම සෑම වාමාංශිකයෙකුගේම වගකීමකි.

අයතුල්ලා කුමේනිගේ විප්ලවයට ඉරාන වාමාංශිකයන් සහය දුන්හ. ඒ ආරයටම දෙමළ ජාතිවාදයට සහය දීම ලංකාවේ වාමාංශිකයන්ගේ වගකීමකි.
Anonymous said…
කවුද මේ ජගත් පතිරණ කියන වල් බල්ලා. හැම blog එකටම ගිහින් රෙනවා මේ %%% ගෙ පුතා.

Popular posts from this blog

සුද්දෙක් කී කතාවක්

මේ කතාව මට කිව්වේ අපේ හාමිනේය අපේ හාමිනේ රස්සාව කලේ අගලවත්තේ පිහිටි ශ් ‍ රී ලංකා රබර් පර්යේෂණායතනයේය. මීට අවුරුදු 15 කට පෙර අවුරුදු 90 ත් පැන්න සුද්දෙක් සිය හාමිනේත් දුවත් සමග රබර් පර්යේෂණායතනයට ආවේය . දුව ආ විගස පිටිපස්සට දිව්වාය. ටිකකින් ආපසු ආවාය " මම උපන්නේ ඔය පිටිපස්සේ තියෙන ගෙයි. ඒක බලන්නයි මම දුවල ගියේ " දු කීවාය වයසක සුද්දා දුව සමග කඳු පල්ලම් නගිමින් බසිමින් ආයතනයේ සියලු ප් ‍ රධාන ස්ථාන දෙස බලමින් අතීතය සිහි කළේය . සුද්දාගේ නම මොල්රිච් ය ඔහු රබර් පර්යේෂණායතනයේ සිටි පළවෙනි ප් ‍ රධාන පරිපාලන නිලධාරියාය . 1948 තෙක් මෙහි සේවය කළ ඔහු සිය පවුල සමග ඕස්ට් ‍ රේලියාවේ පදිංචියට ගියේය . ඔහු මෙවර එහි සිට ලංකාවට ආවේ තමන් සේවය කල ස්ථානය බලා සතුටක් ලබන්නටය . හැමතැනම ඇවිද බැලීමෙන් පසු පර්යේෂණායතනයේ නිලධාරිහු මොල්රිච් ට සහ පවුලේ අයට තේ පැන් සංග් ‍ රහයක් කළහ . තේ බොන ගමන් ඔහු පරණ කතාවක් කිවේය . ඒ කාලේ උදේ 8 ට මේ ආයතනයේ වැඩ පටන් ගත්තේ . විනාඩියක් පරක්කු වෙලා ආවොත් මම දඩ ගහනවා . 1948 පෙබරවාරි 5 වෙනිදා මම ඔෆිස් එකේ ඉන්න කොට ක්ලාක් කෙනෙක් වැඩට

ආණ්ඩුව යක්ෂ පැණි උඩ දාන්නේ ඇයි?

          මේ වන විට මේසන් බාස් පැණිය අති ජනප්‍රියය . රිටිගල පැණිය ද කරලියට එමින් තිබේ  ඒවාට අවශ්‍ය ප්‍රචාරය ආණ්ඩුව විසින් නොමිලේම ලබා දී ඇත . මේසන් පැණියට ආණ්ඩුවේ ඉහලම  තැන්වලින් අනුග්‍රහය ලැබුණු  අතර රිටිගල පැණියට ආණ්ඩුවේ රුපවාහිනියක් වන ITN ලබා දෙමින් සිටි . එම පැණි නිපදවූ දෙදෙනා හැර අන් කිසිවෙක් එම නිෂ්පාදන වලින් කොරෝනා වයිරසය විනාශ වන බව කියා නැත  ආණ්ඩුව ඒවාට දෙන ප්‍රසිද්ධිය නිසා එම පැණි වලින් කොරෝනා සුව වෙන බව හෝ කොරෝනා වලක්වන බව විශාල පිරිසක් තදින්ම විශ්වාස කරන බව පෙනේ > දැනමුත්තන්ට අනුව   වයිරස්වලට බෙහෙත් නැත. එන්නත් මගින් කරන්නේ වයිරසය සමග සටන් කොට පරාජය කිරීමට අවශ්‍ය ප්‍රතිදේහ ශරීරයේ නිපදවීමය.  අනෙක් අතට මෙම පැණි මගින් වයිරසය විනාශ කරන බවට කිසිදු පරීක්ෂණයක් කර නැත. යම්කිසි  ඖෂධයක ප්‍රතිඵලය මැනීම සඳහා වසරක කාලයක් වත් එය පරීක්ෂණයට ලක් කරනු ලැබේ  එන්නතක් නම් සාමාන්‍යයෙන් අවුරුදු 10 කාලයක් අත්හදා බලයි   පළමුව සතුන්ට එම එන්නත හෝ ඖෂධය ලබා දී  එහි ප්‍රතිඵල සොයා බලනු ලැබේ    විවිධ රෝග තිබෙන අයට අලුත් ඖෂධයක් හෝ  එන්නතක් ලබා දීමෙන් පසු බලපාන්නේ කෙසේදැයි පරික්ෂ කෙරේ  විවධ වයස් කාණ්ඩවල

ඒකීය රාජ්ජයේ සිට ලියමි

ලංකාවේ ආණ්ඩුක් ‍ රම ව් ‍ යවස්ථා වේ නම් සඳහන් වෙන්නේ ලංකාව ඒකීය රාජ් ‍ යයක් බවය. ව් ‍ යවස්ථාවේ ඉන්ගිරිසි පිටපතේ ඒ බව ලියා ඇත්තේ මෙසේය THE PEOPLE, THE STATE AND SOVEREIGNTY 1. Sri Lanka (Ceylon) is a Free, Sovereign, Independent and Democratic Socialist Republic and shall be known as the Democratic Socialist Republic of Sri Lanka. 2. The Republic of Sri Lanka is a Unitary State. ඔය ඒකීය හෙවත් Unitary යන වචනය ගිනිගන්නා සුළුය. පුපුරන සුළුය. පාස්කු බෝම්බ තරම් භයානකය ඔය වචනය ව් ‍ යවස්ථාවෙන් ඉවත් කරන්නට ගියහොත් කීප දෙනෙකු පරලොව යනු ඇත සිය ගණනක් තුවාල ලබනු ඇත දාස් ගණනක් පෙලපාලි යනු ඇත මහසොන්නු ගිණි තියනු ඇත එහෙත් ඔය වචනය ව් ‍ යවස්ථාවේ කාලයක් තිස්සේ තිබුනා කියා රට ඒකීය වී තිබේද ? අපි ඉන්නේ ඒකීය රටකද ? ලාංකික පුරවැසියන් හදවත් වලින් ඒකීය ද ? ව් ‍ යවස්ථාවේ ඒකීය වචනය දමාගෙන රට බෙදන්නට අපි බොහෝ දෙනෙකු දායක වී ඇත්තෙමු . සිංහල ඉස්කෝල, දෙමල ඉස්කෝල ,මුස්ලිම් ඉස්කෝල, බෞද්ධ ඉස්කෝල, ක් ‍ රිස්තියානි ඉස්කෝල, හින්දු ඉස්කෝල ,ඉස්ලාම් ඉස්කෝල කියා ජනවර්ගය සහ ආගම මත පාසල් පවත්වාගෙ