ගෘහ සේවයට 18 පිරුනොත් ඇද්ද ?
=================
ඉෂාලිනිගේ මරණයෙන් පසු ඇතැමෙකු ඒ ගැන ලියන්නේ මුස්ලිම් විරෝධී ආකල්පයෙන් මිස ගෘහ සේවයේ යෙදෙන්නන්ගේ යහපත වෙනුවෙන් අවංකව සිතා නොවනැ බව පෙනේ
කම්කරු කොමසාරිස් ජනරාල්වරයාට අනුව කොළඹ සහ ගම්පහ දිස්ත්රික්වල ගෘහ සේවක සේවිකාවන් 43000 ක් සිටිති ඒ අනුව බැලු විට රට පුරා ලක්ෂ දෙකකට අධික පිරිසක් ගෘහ සේවයේ යෙදෙන බවට අනුමාන කළ හැකිය
ගෘහ සේවයේ දෙන්නගේ වයස අවුරුදු 18 ට වැඩි විය යුතුය කියා නීති සංශෝධනය කිරීමට තීරණය කර ඇති බව කම්කරු කොමසාරිස් ජනරාල්වරයා කියනු මම අසා සිටියෙමි
එය පමණක් ප්රමාණවත්ද ?
ගෘහ සේවය ඇතුළු එතෙර රැකියාවලට යාමේදී ස්වාමියා සහ සේවකයා ගිවිසුමකට අත්සන් තබති . එසේ අත්සන් තබන ලද ගිවිසුම නොමැතිව එතෙර යාමට විදේශ සේවා නියුක්ති කාර්යාංශය අවසර නොදෙයි
එම ගිවීසුම නොතිබුනේ නම් එතෙර රැකියා කරන වැඩි දෙනෙකුට වහලුන් සේ සේවය කිරීමට සිදුවනු ඇත
අපේ රටේ ගෘහ සේවයේ යෙදෙන අයගෙන් විශාල පිරිසකගෙන් වහල් සේවයක් ලබා ගන්නා බව ඉෂාලිනිගේ මරණයත් ඊට පෙර අපට මාධ්ය මගින් කියවන්නට දකින්නට ලැබුණු පුවත් අනුව අනුමාන කළ හැක
එබැවින් අපේ රටේ ඇති හැකි අයගේ නිවෙස්වල රියදුරන් ,ගෘහ සේවක සේවිකාවන් ළමුන් / මහල්ලන් රැක බලාගන්නා සේවක සේවිකාවන් , කෝකියන් ආදී සියල්ලන්ගේම යහපත වෙනුවෙන් සහ ඔවුන් වහල් සේවයේ යොදාගැනීම වැලක්වීම සදහා පහත සදහන් ක්රියා මාර්ග ගත යුතු බව මගේ යෝජනාවයි
ඉහතකී පිරිස් පිලිබද කටයුතු සඳහා කම්කරු අමාත්යංශයට අනුබද්ධ ආයතනයක් පිහිටුවීම
ඉහතකී සේවාවන් සඳහා නිවෙස්වලට සේවකයන් බඳවා ගැනීමේදී සේවකයා සහ සේව්යයා අතර ගිවිසුමක් කම්කරු අමාත්යංශයට අනුබද්ධව පිහිටුවන එම ආයතනයේ අධීක්ෂණය යටතේ සිදුකිරීම
සේවකයාගේ වැටුප ,
දිනකට සේවය කළ යුතු පැය ගණන
නිවාඩු දිනවල සේවය ලබා ගැනීමේදී ගෙවිය යුතු මුදල
සතියකට එක දිනක නිවාඩුවක් අනිවාර්ය කිරීම
වසරකට වරක් පවුලේ අය සමග ගත කිරීමට සති දෙකක නිවාඩුවක් ලබා දීම ,
සේවකයා අසනිපවූ විටෙක සේව්යයාගේ වගකිම්
සේවකයා විසින් කළ යුතු රාජකාරි ලැයිස්තුව
පවුලේ අය සමග අඛණ්ඩව සම්බන්ධකම් දුරකථනය මගින් පැවැත්වීමට සේවකයාට සේව්යයා විසින් පහසුකම් සැලසීම
, ආදී කරුණු සේවකයා සහ සේව්යයා අත්සන් කරන එම ගිවිසුමට ඇතුලත් කිරීම සහ එම ගිවිසුමේ පිටපතක් කම්කරු අමාත්යංශයට අනුබද්ධව පිහිටවන ආයතනයයේ තබා ගැනීම
සේවයට බඳවා ගැනීමෙන් පසු එම ගිව්සුම අනුව කටයුතු කරන්නේදැයි එම ආයතනය විසින් සොයා බැලීම
ආණ්ඩුවක් තිබෙන්නේ තම රටේ පුරවැසියන්ගේ යහපත වෙනුවෙන් නීති පැනවීමට සහ ක්රියාත්මක කිරීමටය ගෘහ සේවකයන් යනු අමුතු ජාතියක් නොවේ ඔවුන්ද රටේ පුර වැසියෝය.
Comments
කන්න නැති වුනත් උන් අතරත් දෙමළ ජාතිවාදය තියෙනවා.
වතු දෙමෙල්ලු සිංහල බාශාව මව් බාසාව කර නොගැනීමම සිංහල ජාතියට කරන හතුරු කමක්.
හැබැයි චීන්නු නම් එහෙම නෑ.
මම චීන්නුන්ට ආදරෙයි.