Skip to main content

මියන්මාරයේ මොකෝ වෙන්නේ ?

  



බුරුමය හෙවත් මියන්මාරය  අද එකම ගිනි ජාලාවකි. ඉකුත් පෙබරවාරි 1 දා එරට හමුදාව සිවිල් පාලනය පෙරලා දමා  බලහත්කාරයෙන් පාලන බලය අත්පත් කර ගත්තේය 


 ඊට දින දෙක තුනකට  පසු මහජනයා වීදිවලට පැමිණ හමුදා කුමන්ත්‍රණයට සිය විරෝධය පළකරන්නට පටන් ගත්හ  . මේ වන විට මියන්මාර හමුදා පාලනයට එරෙහිව රටේ 80%කට අධික ජනතාවක්  සිය විරෝධය පළකරමින් සිටිති  පාලනය උදුරා ගැනීමට එරෙහිව  ලක්ෂ ගණන් ජනයා මේ වන විට  විරෝධය පළකර තිබේ  එය මර්ධනය කිරීමට හමුදා ජුන්ටා  පාලනය  දිනපතාම පාහේ මිනිසුන් මරා දමමින් සිටි  මේ වන විට 60 කට අධික පිරිසක් විදිවලදී වෙඩි තබා ඝාතනය කර ඇත. ජාතික ප්‍රජාතනත්‍රවාදී සන්ධානයේ මන්ත්‍රීවරු දෙදෙනෙකු අත්අඩංගුවට ගෙන වදහිංසා කොට මර දමා තිබේ  දෙවන මන්ත්‍රීවරයා මරා දමා තිබුනේ අද පාන්දරය 

මේ  වන විට    2000 කට අධික පිරිසක් අත් අඩංගුවට ගෙන තිබේ . එහෙත් මරණය හමුවේ දහ දහස් ගණනක් ජනයා දිනපතාම මහමගට බැස  අවුන් සාන් සුකී නිදහස් කොට ප්‍රජාතනත්‍රවාදී පාලනය ස්ථාපිත කරන ලෙස ඉල්ලමින් කෑගසති . 


ඉස්සර අපි මියන්මාරය හැඳින්වූවේ  බුරුමය කියාය.  ඉංග්‍රීසියෙන් කියන්නේ බර්මා (Burma) කියාය. බුරුමය, මියන්මාරය කියා වෙනස් කරේ 1989 දී  හමුදා පාලනය විසිනි මේ නිසා හමුදා පාලනයට එකඟ නොවෙන අය එය බුරුමය ලෙස තවමත් හඳුන්වති

 




බුරුමයේ අතීතය ගැන බිඳක් .


 

බ්‍රිතාන්යය සහ බුරුමය අතර ඇතිවූ යුද්ධ ගණනාවකින් පසු 1886 ජනවාරි 1 සිට බුරුමය මුළුමනින්ම බ්‍රිතාන්‍ය යටත් විජිතයක් බවට පත්කරගනු ලැබිණ .


දෙවන ලෝක යුද සමයේදී  බ්‍රිතාන්‍ය  පාලනයට එරෙහිව බුරුම වැසියන් ජපානයේ සහයෙන් බුරුම නිදහස් හමුදාව නමින් හමුදාවක් ගොඩ නැගු අතර එහි එක නායකයෙකු වුයේ අවුන් සාන් සුකීගේ පියා වන අවුන් සාන් ය . බුරුම නිදහස් හමුදාවේ සහයද ලබාගනිමින්  ජපානය, බුරුමය අල්ලාගත්  අතර නාමික නිදහසක් ජපානය බුරුමයට ලබා දෙනු  ලැබිණ.


 එහෙත් පසුව අවුන් සාන් බ්‍රිතාන්‍යය හා එකතුව ජපානයට එරෙහිව සටන් කොට ජපනුන් බුරුම දේශයෙන් පලවා හරිනු ලැබිණ .


1948 ජනවාරි 4 වනදා බුරුමයට බ්‍රිතාන්‍යයෙන් නිදහස ලැබිණ.  බුරුමයේ සුළු ජනවර්ග කණ්ඩායම් තම ප්‍රදේශවලට ස්වයන් බලතල ඉල්ලා අරගල කරන්නට ආරම්භ කළ අතර හමුදාව 1962 මාර්තු 2 වනදා  කුමන්ත්‍රණයක් මගින් රටේ බලය අල්ලාගත්තේය ජනරාල් නේ වින් හමුදා පාලකයා විය .


1962 සිට 2011 දක්වා බුරුමය පාලනය කරන ලද්දේ හමුදාව විසිනි මේ කාලය තුල විවිධ අවස්ථාවලදී මහජනයා හමුදා පාලනයට එරෙහිව සටන් කළ අතර ඒ සියල්ල හමුදාව විසින් මිනිමරා යටපත් කරනු ලැබිණ .1988 දී ද  8888 යන නමින් හඳුන්වන මහජන නැගිටීමක් සිදුවිය එහිදී හමුදා පාලනය විසින්  විරෝධය දැක්වුවන් දහස්  ගණනක්  මරා දමනු ලැබිය 


1990 දී මහා මැතිවරණයක් පැවැත්වූ අතර 80% ආසන සංඛ්‍යාවක් දිනා ගත්තේ අවුන් සාන් සුකීගේ   ජාතික ප්‍රජාතනත්‍රවාදී සන්ධානයයි  , එහෙත් හමුදාව එම සන්ධානයට බලය නොදී දිගටම එරට පාලනය කළේය 


2007 දී තෙල් මිල විශාල වශයෙන් වැඩි කිරීම හේතුවෙන් රට පුරා විරෝධතා ඇති විය. භික්ෂුන් එයට නායකත්වය දුන් බැවින් එය සිවුරු විප්ලවය නමින් හැඳින්වේ . හමුදාව  විරෝධතා කරුවන් මරා  දමා  එයද මර්ධනය  කළේය .

  

1948 නිදහස ලැබූ වසරේ සිටීම රටේ සාමයක් තිබුනේ නැත ඊට එක හෙතුවක්  වුයේ බුරුමයේ සිටින ජනවර්ග ස්වයන් පාලන ඉල්ලා දිගින් දිගටම සටන් කිරීම නිසාය .

 

බුරුමයේ ජනවර්ග කණ්ඩායම් 135ක් සිටින බව එරට රාජ්‍යය විසින් පිළිගෙන තිබේ .එහෙත් ඔවුහු  ප්‍රදේශය අනුව  ප්‍රධාන කණ්ඩායම් 8 කට ගොනුවී සිටිති ඔවුහු භාෂාවන් 64ක් කතා කරන අතර ප්‍රධාන ජනවර්ගය  බර්මා වරුය  . ඔවුන්ගේ භාෂාව බර්මා භාෂාවයි බුරුමයේ ජනගහනයෙන් 68%ක් වන්නේ බර්මාවරුය .


සුළු ජනවර්ග විසින් සන්නද්ධ සංවිධාන ගණනාවක් හදාගෙන බුරුම හමුදාව සමග කලක සිට සටන් කරමින් සිටිති ඇතැම් කණ්ඩායම් හමුදාව සමග සටන් විරාම ගිවිසුම් වලට එළඹී සිටිති .


හමුදා පාලනය විසින් නව ව්‍යවස්ථාවක්  2008 වසරේදී සම්මත කරගෙන බුරුමය මියන්මාරය බවට නම් කරන ලදී ඉන්පසු 2010 දී මහා මැතිවරණයක් පැවැත්වූ අතර හමුදාවට  අතකොළුවක් වූ දේශපාලන පක්ෂයක්  විසින් මැතිවරණය ජයගන්නා ලදී එහෙත් එම මැතිවරණය දුෂිත එකක් ලෙස අනෙකුත් පක්ෂ විසින් හඳුන්වනු ලැබිය 


2015 දී යලිත් මහා මැතිවරණයක් පැවැත්වූ අතර  එහිදී අවුන් සාන් සුකීගේ නායකත්වයෙන් යුතු ජාතික ප්‍රජතන්ත්රවාදී සන්ධානය ඇති බහුතර බලයක් ලබාගත්තේය .


2020 වසරේදී යලිත්මහ මැතිවරණයක් පැවැත්වූ අතර එහිදී ආසන 476න් 396ක්  ජයග්‍රහණය කරමින්  අති  බහුතර බලයක් ලබාගත්තේ  අවුන් සාන් සුකීගේ ජාතික  ප්‍රජාතන්ත්රවාදී   සන්ධානයයි  හමුදාවේ රූකඩයක් වූ සංවර්ධනය   සහ සහයෝගිතාවය  සංගමයට හිමිවුයේ ආසන 33ක් පමණි.

 

නව පාර්ලිමේන්තුව  රැස්වී දිව්රුම්  දීමට නියමිතව තිබුනේ 2021 පෙබරවාරි 1 දින හමුදාව කුමන්ත්‍රණයක් මගින් බලය අල්ලාගෙන අවුන් සාන්  සුකී සහ එහි ජනාධිපතිවරයා නිවාස අඩස්සියට  පත් කරනු ලැබිය 


අවුන් සාන් සුකී රට පාලනය කල කාලය තුලදී ලැබුණු ප්‍රජාතන්ත්‍රවාදී නිදහස නිසා වැඩ කරන ජනයා වෘත්තිය සමිති පිහිවුවා  ගත්  අතර මාධ්‍ය නිදහස ලැබුණු බැවින් නිදහස් මාධ්‍ය  ගණනාවක් ද  රටේ ඇරඹින ශිෂ්‍ය සංවිධාන මෙන්ම වෙනත් බහුජන සංවිධානද ආරම්භ කරනු ලැබිණ  මෙවර හමුදාව බලය උදුරැගත් විට එයට එරෙහිව මහජනයා  පාරට බැස සිටින්නේ එම සංවිධානවල මෙහෙයවීමෙනි . එමෙන්ම තමන් ලැබූ ප්‍රජාතන්ත්‍රවාදී නිදහස හමුදාව විසින් උදුරා ගැනීම මහජනයා  විසින් තව දුරටත්  නොයිවසන බව පැහැදිලිය වෙනද මෙන් මිනිසුන් මර්දනය කිරීම පහසු වී නැත්තේ අන්තර්ජාලය හරහා එරට ජනයා මාධ්‍යවේදීන්  බවට වෙමින් මුළු ලොවටම හමුදාවේ කෘරත්වය පෙන්වමින් සිටින බැවිනි .


බුරුමයේ හෙවත් මියන්මාරයේ අනාගතය කෙසේ වේද ? මේ පිළිබඳව මීළඟ ලිපියෙන් කතා කරමු .










Comments

Popular posts from this blog

සුද්දෙක් කී කතාවක්

මේ කතාව මට කිව්වේ අපේ හාමිනේය අපේ හාමිනේ රස්සාව කලේ අගලවත්තේ පිහිටි ශ් ‍ රී ලංකා රබර් පර්යේෂණායතනයේය. මීට අවුරුදු 15 කට පෙර අවුරුදු 90 ත් පැන්න සුද්දෙක් සිය හාමිනේත් දුවත් සමග රබර් පර්යේෂණායතනයට ආවේය . දුව ආ විගස පිටිපස්සට දිව්වාය. ටිකකින් ආපසු ආවාය " මම උපන්නේ ඔය පිටිපස්සේ තියෙන ගෙයි. ඒක බලන්නයි මම දුවල ගියේ " දු කීවාය වයසක සුද්දා දුව සමග කඳු පල්ලම් නගිමින් බසිමින් ආයතනයේ සියලු ප් ‍ රධාන ස්ථාන දෙස බලමින් අතීතය සිහි කළේය . සුද්දාගේ නම මොල්රිච් ය ඔහු රබර් පර්යේෂණායතනයේ සිටි පළවෙනි ප් ‍ රධාන පරිපාලන නිලධාරියාය . 1948 තෙක් මෙහි සේවය කළ ඔහු සිය පවුල සමග ඕස්ට් ‍ රේලියාවේ පදිංචියට ගියේය . ඔහු මෙවර එහි සිට ලංකාවට ආවේ තමන් සේවය කල ස්ථානය බලා සතුටක් ලබන්නටය . හැමතැනම ඇවිද බැලීමෙන් පසු පර්යේෂණායතනයේ නිලධාරිහු මොල්රිච් ට සහ පවුලේ අයට තේ පැන් සංග් ‍ රහයක් කළහ . තේ බොන ගමන් ඔහු පරණ කතාවක් කිවේය . ඒ කාලේ උදේ 8 ට මේ ආයතනයේ වැඩ පටන් ගත්තේ . විනාඩියක් පරක්කු වෙලා ආවොත් මම දඩ ගහනවා . 1948 පෙබරවාරි 5 වෙනිදා මම ඔෆිස් එකේ ඉන්න කොට ක්ලාක් කෙනෙක් වැඩට

ආණ්ඩුව යක්ෂ පැණි උඩ දාන්නේ ඇයි?

          මේ වන විට මේසන් බාස් පැණිය අති ජනප්‍රියය . රිටිගල පැණිය ද කරලියට එමින් තිබේ  ඒවාට අවශ්‍ය ප්‍රචාරය ආණ්ඩුව විසින් නොමිලේම ලබා දී ඇත . මේසන් පැණියට ආණ්ඩුවේ ඉහලම  තැන්වලින් අනුග්‍රහය ලැබුණු  අතර රිටිගල පැණියට ආණ්ඩුවේ රුපවාහිනියක් වන ITN ලබා දෙමින් සිටි . එම පැණි නිපදවූ දෙදෙනා හැර අන් කිසිවෙක් එම නිෂ්පාදන වලින් කොරෝනා වයිරසය විනාශ වන බව කියා නැත  ආණ්ඩුව ඒවාට දෙන ප්‍රසිද්ධිය නිසා එම පැණි වලින් කොරෝනා සුව වෙන බව හෝ කොරෝනා වලක්වන බව විශාල පිරිසක් තදින්ම විශ්වාස කරන බව පෙනේ > දැනමුත්තන්ට අනුව   වයිරස්වලට බෙහෙත් නැත. එන්නත් මගින් කරන්නේ වයිරසය සමග සටන් කොට පරාජය කිරීමට අවශ්‍ය ප්‍රතිදේහ ශරීරයේ නිපදවීමය.  අනෙක් අතට මෙම පැණි මගින් වයිරසය විනාශ කරන බවට කිසිදු පරීක්ෂණයක් කර නැත. යම්කිසි  ඖෂධයක ප්‍රතිඵලය මැනීම සඳහා වසරක කාලයක් වත් එය පරීක්ෂණයට ලක් කරනු ලැබේ  එන්නතක් නම් සාමාන්‍යයෙන් අවුරුදු 10 කාලයක් අත්හදා බලයි   පළමුව සතුන්ට එම එන්නත හෝ ඖෂධය ලබා දී  එහි ප්‍රතිඵල සොයා බලනු ලැබේ    විවිධ රෝග තිබෙන අයට අලුත් ඖෂධයක් හෝ  එන්නතක් ලබා දීමෙන් පසු බලපාන්නේ කෙසේදැයි පරික්ෂ කෙරේ  විවධ වයස් කාණ්ඩවල

ඉන්දු ලංකා ගිවිසුමෙන් ඊළම හැදුනාද?

         1987 ජුලි 29 ජනාධිපති ජේ.ආර්. ජයවර්ධන සහ ඉන්දීය අගමැති රජිව් ගාන්ධි කොළඹදී ඉන්දු ලංකා ගිවිසුම අත්සන් තැබුවේය .එවැනි ගිවිසුමකට එළඹීමට ලංකාවට සිදුවුයේ උතුරේ සහ නැගෙනහිර දෙමල සංවිධාන රැසක් ආණ්ඩුවට එරෙහිව සන්නද්ධ අරගලයක නිරතව සිටි නිසාය . එය මර්ධනය කිරීම සඳහා ජේ,.ආර් නොකළ දෙයක් නැත එහෙත් එය පාලනය කළ නොහැකි විය ජේ ආර් ඇමරිකාවෙන් උදව් ඉල්ලු විට ඇමරිකාව ඔහුට කිවේ ඉන්දියාව සමග ප්‍රශ්නය විසඳාගන්නා ලෙසය . ඉන්දියාව උතුරේ සංවිධානවලට උදව් කළේ හේතු දෙකක් නිසාය ජේ ආර සහ ආර් ප්‍රේමදාස ඉන්දියාවට විරුද්ධව ඇමරිකාවට පක්ෂ විදේශ ප්‍රතිපත්තියක් ගෙන යාම එක හේතුවකි ඕනෑම රටක් තම අසල්වැසියා සතුරු පිල සමග එකතුවීම ඉවසන්නේ නැත සතුරාට කෙනිත්තිමට මගක් සොයමින් සිටි ඉන්දියාවට කදිම අවස්ථාවක් ආණ්ඩුවේම ජාතිවාදී පිරිස සොයා දුන්නේය . ඒ 1983 කළු ජුලියයි. ඉන්දියානු ආණ්ඩුව වහාම මේ ප්‍රශ්නයට මැදිහත්විය .තමිල් නාඩුවේ කෝටි පහමාරක දෙමල ජනකායක් සිටි බැවින් ඉන්දියානු මධ්‍යම ආණ්ඩුවට නිහඬව සිටිනු ඇතැයි අපේක්ෂා කළ නොහැක . උතුරේ හමුදා ප්‍රහාර නිසාද කළු ජුලිය නිසාද ලක්ෂ දෙකකට ආසන්න දෙමල මිනිසුන් ආරක්ෂාව සඳහා තමිල් නඩුවට පැ