Sunday, December 30, 2018

ප්‍රින්ස් ගුණසේකර මහතා සහ රෝහණ විජේවීර





Image result for prince Gunasekara and JVP



            හබරාදුව මැතිවරණ කොට්ටාශය නියෝජනය කළ ප්‍රින්ස් ගුණසේකර මහතා , මහත්මයෙක් විය. 1977 ට පෙර පාර්ලිමේන්තුවට තේරී පත්වූ වැඩිම දෙනෙක් තමන්ට නොව මිනිසුන්ට සේවය කිරීමට පැමිණි අය වුහ ඔවුන්ට රේගු බද්දෙන් නිදහස් කරන ලද වාහන තබා බදු අයකළ වාහනයක්වත් ආණ්ඩුව දුන්නේ නැත. ආණ්ඩුවේ වාහන දුන්නේ ඇමතිවරුන්ට පමණය .ඇමතිවරුන්ගේ සංඛ්‍යාවද 20 -25 ක් විය .එකල මන්ත්‍රීවරුන්ට බස්වල සහ කෝච්චියේ නොමිලේ යාමට අවසර පත්‍ර ලබා දී තිබුනේ ඒ නිසාය .


1971 කැරැල්ල පරාජය වූ පසු යටත් වූ ජවිපෙ ක්‍රියාකරුවන් රඳවා තබා ගැනීමට හිරගෙවල් ප්‍රමාණවත් නොවුයෙන් විශ්ව විද්‍යාල රැඳවුම් මධ්‍යස්ථාන බවට පත් කරනු ලැබිණ . මේ සිරකරුවන්ගේ සුබසාධනය ගැන ප්‍රින්ස් ගුණසේකර මහතා උනන්දු විය


NGO භීතිකාවක් පසුගිය කාලයේ ජවිපෙට තිබුණද 71 ජවිපෙ සිරකරුවන් පිළිබඳව සොයා බැලුවේ NGO එකක් වන ජාත්‍යන්තර ක්ෂමා සංවිධානයයි (Amnesty International ) එහි නියෝජිතයෙකු වූ ඇවබරි සාමි වරයා මෙරටට පැමිණි විට ඔහුට පහසුකම් සැපයුවේ ප්‍රින්ස් ගුණසේකර මහතාය .ඇවබරි සාමිවරයා පිළිගැනීමට ප්‍රින්ස් ගුණසේකර මහතා ගුවන්තොටුපොළට ගිය අතර ඔහුගේ ගමන් මල්ල ප්‍රින්ස් ගුණසේකර මහතා ඔසොවාගෙන පැමිණියේ යයි පාර්ලිමේන්තුවේදී ඇතැම් මන්ත්‍රීවරු ඔහුට කෝචෝක් කළහ
  1971 කැරලි කරුවන්ට එරෙහිව  පැවති නඩු විභාගයේදීද  නීතිඥයෙකු වූ  ප්‍රින්ස් ගුණසේකර මහතා කැරලි කරුවන් වෙනුවෙන් පෙනිසිටියේය .
ඇවබරි සාමි සමග ප්‍රින්ස් ගුණසේකර කැරලි කරුවන් බැලීමට රැදවුම් මධ්‍යස්ථාන වෙත ගිය අතර ඒ ගැන කේන්ති ගත් ආණ්ඩුව ඇවබරි සාමිට රටින් පිටවී යන ලෙස නියෝග කළේය
ප්‍රින්ස් ගුණසේකර මහතා ශ්‍රීලනිපයෙන් ඉවත්ව ස්වාධින අපේක්ෂකයෙකු ලෙස මැතිවරණයේදී තරග කළද පක්ෂය නොබලා හබරාදුවේ මිනිස්සු චන්දය දී ඔහු යලිත් පාර්ලිමේන්තුවට එවුහ . ඔහු කවුදැයි වටහා ගැනීමට එය ප්‍රමාණවත්ය .

1977 හිරගෙදරින් නිදහස්වූ රෝහණ විජේවීර  කොළඹ නගර සභා පිටියේ  පැවැත්වූ  පළමු රැළියේදී ප්‍රින්ස් ගුණසේකර  මහතාට  මෙන්ම  ජාත්‍යන්තර ක්ෂමා ආයතනයේ ඇවබරි සාමි වරයටද  ස්තුති කළේය .
ප්‍රේමදාස මහතා ජනාධිපති වරයා වූ සමයේ ප්‍රින්ස් ගුණසේකර මහතාට මරණ තර්ජන එල්ලවුයෙන් ජීවිතය බේරා ගැනීම සදහා ඔහු ලන්ඩනයට පන ගියේය මිය යන තුරුම ඔහු ජීවත් වුයේ එහිය

  1971 කැරලි කරුවන්ට එරෙහිව  පැවති නඩු විභාගයේදීද  නීතිඥයෙකු වූ  ප්‍රින්ස් ගුණසේකර මහතා කැරලි කරුවන් වෙනුවෙන් පෙනිසිටියේය . 


ඇවබරි සාමි සමග ප්‍රින්ස් ගුණසේකර කැරලි කරුවන් බැලීමට රැදවුම් මධ්‍යස්ථාන වෙත ගිය අතර ඒ ගැන කේන්ති ගත් ආණ්ඩුව ඇවබරි සාමිට රටින් පිටවී යන ලෙස නියෝග කළේයප්‍රින්ස් ගුණසේකර මහතා ශ්‍රීලනිපයෙන් ඉවත්ව ස්වාධින අපේක්ෂකයෙකු ලෙස මැතිවරණයේදී තරග කළද පක්ෂය නොබලා හබරාදුවේ මිනිස්සු චන්දය දී ඔහු යලිත් පාර්ලිමේන්තුවට එවුහ . ඔහු කවුදැයි වටහා ගැනීමට එය ප්‍රමාණවත්ය 

.
1977 හිරගෙදරින් නිදහස්වූ රෝහණ විජේවීර  කොළඹ නගර සභා පිටියේ  පැවැත්වූ  පළමු රැළියේදී ප්‍රින්ස් ගුණසේකර  මහතාට  මෙන්ම  ජාත්‍යන්තර ක්ෂමා ආයතනයේ ඇවබරි සාමි වරයටද  ස්තුති කළේය .


ප්‍රේමදාස මහතා ජනාධිපති වරයා වූ සමයේ ප්‍රින්ස් ගුණසේකර මහතාට මරණ තර්ජන එල්ලවුයෙන් ජීවිතය බේරා ගැනීම සදහා ඔහු ලන්ඩනයට පන ගියේය මිය යන තුරුම ඔහු ජීවත් වුයේ එහිය


 ශෝක  ජනක  කරුණ  නම් ජවිපෙ නායකයන් ලංඩනයට වසරකට දෙතුන් වතාවක්  යතත්  ප්‍රින්ස් ගුණසේකර  බැලීමට එකම අවස්ථාවක් වත්  නොයාමය . ඔහු හමුවීමට එන ලෙස ලන්ඩනයේ   අනුරකුමාර සිටින අවස්ථාවකදී ප්‍රින්ස් ඔහුට  ඇවිත්  යන  ලෙස  පණිවිඩයක් එවන  ලද  මුත් අනුර  ඔහු හමුවීමට නොගිය  බව  කියනු ලැබේ.







Friday, December 28, 2018

බුදු පිළිම කැඩීම පස්සේ ඉන්නේ කවුද?




Image result for damaging buddha statues in mawanella\


     මාවනැල්ල ප්‍රදේශයේ  බුදුපිළිම  කීපයකට  හානි කිරීම  දැන් ප්‍රසිද්ධ  කාරණාවකි .අල්ලා ගෙන තිබෙන්නේ  මුස්ලිම් තරුණයන්  කීප දෙනෙකි ,ඔවුන් පිටුපස  සිටින්නේ කවුද?


මෙය දේශපාලන බල ව්‍යාපෘතියක  කොටසක් බවට සැක සිතීම සාධාරණය . මන්ද රාජ්‍ය බලය ලබා  ගැනීම සදහා  බුදුපිළිම  කඩන්නට  පමණක් නොව බුදුහාමුදුරුවන් ජීවතුන් අතර සිටින්නේ  නම් මරා දමන්නට  වුවද ඇතැම්  දේශපාලකයන්  සුදානම්ය .


රනිල් දොට්ට දමා බලහත්කාරයෙන්  මහින්දට  බලය ලබා දීමෙන් පසු එය  රැක ගන්නට  ඔවුහු නොකරපු දෙයක් නැති තරම්ය. .විශ්වාස භංග යෝජනාව සම්මත  කිරීම වැලක්වීමට මහින්දගේ චක් ගෝලයන් සහ සිරිසේන නොකිව් බොරුවක් නැත. නොකළ බලු කමක් නැත අන්තිමට  මහින්දගේ හොරු රංචුව කතානායකට  පුටුවලින් පොත්වලින් සහ අතට අසුවූ සැම  දේකින්ම පහර දුන්නේය. මිරිස් කුඩු ගැසුවේය . ඔහුට වෙඩි තබා මරණ බවට දුරකථන ඇමතුම්ද දුන්නේය . උසාවි තීන්දුව නොවන්නට අදත් ඔවුන් බලහත්කාරයෙන් බලයේ සිටින බවට  කිසිදු සැකයක් නැත .


අතීතයට  ගොස් බැලුවහොත්  බලය රැක ගැනීමට ජේ ආර් ජයවර්ධන නොකරපු දෙයක් තිබේද? .  ප්‍රභාකරන් සහ විජේවීර  බලය  ලබා  ගැනීමට නොකරපු දෙයක් තිබේද?



එබැවින් බුදුපිළිම කැඩීම පිටුපස සිටින්නේ බලය අහිමිවීම නිසා වරප්‍රසාද අහිමි වීමේ සිත් වේදනාවෙන් පසුවෙන අය  සහ කරන   ලද  හොරකම් නිසා  හිරගෙවල්වල  තපින්නට සිදුවෙනු ඇතැයි බියෙන් පසුවෙන  කණ්ඩායමක් යැයි අනුමාන කිරීම සාධාරණය . මාස කීපයකට  පෙර  මහනුවර අවට මුස්ලිම් මිනිසුන්ට  පහර දීම  පසු පස  සිටියේද එම පිරිස බව හෙළිවී තිබේ .මහසොහොන් බලකාය මහින්දගේ චක් ගෝලයන් විසින් මෙහෙයවූ බව අමුතුවෙන් කිව  යුතු නැත .මහසෝන් බලකායේ නායකයා  කියන  අමිත් වීරසිංහට මහින්ද  අගමැති කළ විගස නිදහස   ලැබිම කදිම සාක්කියක් නොවේද?


බලෙන් ගත්  රාජ්‍ය බලයද අහිමි වීම  නිසා  මහින්දලා සිටින්නේ හිතේ අමාරුවෙන් සහ කේන්තියෙනි .එමෙන්ම වියරුවෙනි .ලැබුණු පළමු තත්පරයේදීම යලි බලය  ලබා  ගන්නා බව  මහින්ද  කිවේ ඒ නිසාය ,එබැවින් ඉදිරි කාලයේදී ඔයිටත් වඩා තුච්ඡ කුමන්ත්‍රණ එම පාර්ශවය ක්‍රියාත්මක  කරනු ඇත.

Thursday, December 27, 2018

ජනාධිපතිවරණයෙන් සිරිසේන දිනයිද ? පරදියිද ?









      සිරිසේන  මහතා මහින්ද  යටතේ ඇමති වරයෙකු ලෙස සිටියදී , එනම් මීට අවුරුදු  පහකට හයකට   පමණ  පෙර දවසක  පොළොන්නරුවේ රැස්වීමක් අමතමින් කිවේ දේශපාලනයෙන් සමු ගැනීමට තමන්ට  කාළය  පැමිණ ඇති  බැවින් දෙවෙනි  පෙළ නායකත්වයක් ගොඩනැගීමට අපේක්ෂා  කරන  බවය .


  යලිත් ජනාධිපතිවරණයකට  ඉදිරිපත් විමට  තමා  අපේක්ෂා  නොකරන  බව ජනාධිපති වී  ටික දවසකින් සිරිසේන  මහතා  කියා සිටියේය .


ඊට අවුරුදු දෙකකට  විතර  පසු දවසක මහා උසාවියට පණිවිඩයක් යැවූ සිරිසේන මහතා තමා බලයට  පත් වුයේ 19 සංශෝධනය ගේන්නට පෙර බැවින් පරණ  ජනාධිපතිවරුන් මෙන් අවුරුදු හයක් බලයේ සිටිය හැකිදැයි විමසා සිටියේය. ඔහුගේ  හදවත  කම්පා  කරමින් මහා උසාවිය කියා සිටියේ 'උඹට බලයේ සිටිය හැක්කේ අවුරුදු   පහක් පමණ යැ'යි සිරිසේන මහතා වෙත  දැන්නුවේය 
.

මේ අවුරුද්දේ අගෝස්තු හෝ සැප්තැම්බර් මාසයේ දිනක සිරිකොතට පණිවිඩයක් යැවූ ජනාධිපතිවරයා මි ලගට පැවැත්වෙන  ජනාධිපතිවරණයේදී  තමා තරග  කිරීමට බලාපොරොත්තු වෙන බැවින් තමන්ට සහය දෙන්නේ දැයි අසා සිටියේය.


"කීයටවත් සහය දිය නොහැකි  යැ"යි කියමින්  හැරෙන තැපෑලෙන් සිරිකොත. සිරිසේන මහතාට දන්වා සිටි අතර එයින් කිපුණු ඔහු "තොපිට  හොද  පාඩමක් උගන්වන්වමි"යි තමාටම කියා  ගත් ඔහු ඊට  මසකට පසු දවසක  ගොම්මන් යාමයේ රාජපක්ෂ ගෝල ෆේස් එකට   ගෙන්වා අගමැති පුටුව ඔහු වෙත තැගි කළේය .


ඉතුරු හරිය අමුතුවෙන් මතක් කරන්නට දෙයක් නැත .රාජපක්ෂත් සමග දවස් 52 ක් තිස්සේ නටපු නැටුම කෙලවර වුයේ බෙරේ පලු දෙකමත් නැතිව ගොස් සිරිසේන මහතාගේ රෙද්දත් අතුරුදහන් වීමෙන්ය .


එහෙත් රෙදි නැතුවම හෝ   මී ලග  ජනාධිපතිවරණයට තරග  කිරීමට සිරිසේන මහතා සුදානමි වෙමින්  සිටි.


එය සාර්ථක වෙයිද ? සාර්ථක  කර ගැනීම සදහා  ඔහු බැංකොක් සිට දස අතේ  කල්පනා කරමින් සිටින බවට සැකයක් නැත . ඔහුගේ පැලෑන කුමක් විය හැකිද ?

මා ලියන්නට  යන්නේ ඒ ගැනය .


පසු ගිය අවුරුදු තුනක  කාලයක් තිස්සේ රනිල්ගේ ආණ්ඩුව ගත කළේ පරණ සහ අලුත්  ණය, පොලියත් සමග ආපසු ගෙවීමට  සල්ලි හෙවීමටය . ඊට අමතරව   ආණ්ඩුවට කුණුහරුප කියා බැනවදින්නටත් ,  මරණ  බයක් නැතිව  පෙළපාලි  යන්නටත් ,ඇති  පදම් වැඩවර්ජනය කරන්නටත් නිදහස දුන්නේය එහෙත්    දවස් 365 ම  මිනිස්සුන්ගේ ඇහැට පේන වැඩ  කරේ නැත . මේ නිසා පසු ගිය  පළාත් පාලන මැතිවරණයේදී රනිල්ට විතරක් නොව සිරිසේනටද  ගම්වල මිනිස්සු  තරු පෙන්නුවෝය .


එහෙත් ආණ්ඩුවට නැතිවී  ගිය ප්‍රසාදය දිනා ගැනීමට කුමක් කළ යුතුදැයි UNP නායකයන්  කල්පනා  කරේ  නැත . එය හිටිහැටියේ මතක් වුයේ සිරිසේන විසින්  රනිල් ගෙදර යැවූ පසුය .
 .

දෙපාරක් දවල් තරු දැකීමෙන්  පසු   2019 සිටවත්  මිනිසුන් සතුටු කිරීමට ඇස් බැන්දුම්  හෝ කළ යුතු යැයි  රනිල් ආණ්ඩුව  කල්පනා  කර ඇති බව  පෙනේ.


එය එසේ වුවහොත් ජනාධිපතිවරණයේදී තමන්ට අවාසි වෙතයි සිරිසේන මහතා  කල්පනා  කරන බවට සැකයක් නැත.එබැවින් සිරිසේන ක්‍රියා  මාර්ග දෙකක් ගැනීමට ඉඩ තිබේ  .

1 ආණ්ඩුවේ වැඩ  කඩාකප්පල්  කිරීම 

2 එජාපය ශක්තිමත්  කර  ගැනීමට පෙර ජනාධිපතිවරණය පැවැත්වීම.

ජනාධිපතිගේ  නිල කාළය අවසන් වන්නේ 2020 ජනවාරි 8 වෙනිදාය. එහෙත් ඔහු කැමතිනම් 2019 ජනවාරි 8 න් පසු ජනාධිපතිවරණයක් කැදවීමට ඔහුට බලය තිබේ.


කල් ගත  වන්නට  වන්නට  සිරිසේන මහතාට අවාසි වෙනවා මිස වාසියක් වෙන්නේ  නැත ,එබැවින්  හැකි ඉක්මනින් ජනාධිපතිවරණය පැවැත්වීමට ඔහු කල්පනා කරනු ඇත .


ඇතැම් විටෙක ඔහු ජනාධිපතිවරණය 2019 පෙබරවාරි හෝ මාර්තු මාසයේ   පැවැත්වීමට ඉඩ තිබේ.මාර්තු  මාසයේ  හෝ ඊට පෙර එජාප ආණ්ඩුව අය වැය ඉදිරිපත් කොට සම්මත  කර  ගන්නා  බැවින්ද එම අය වැය  මගින් කාටත් පාහේ සීනිබෝල බෙදීමට ඉඩ තිබෙන බැවින්ද ඊට  පෙර චන්දය පැවැත්වුවහොත් තවත් අවුරුදු  පහක් නත්තල් කෑමට හැකිවෙනු ඇතැයිද සිරිසේන මහතා බැංකොක් සිට හීන දකිමින් සිටින  බවට සැක නැත.


එහෙත් රුපියල් කෝටියක් වටිනා  ප්‍රශ්නය වන්නේ පොහොට්ටුව සිරිසේනට සහය දේවිද යන්නය.


ඔහුට සහය  දෙන බව රාජපක්ෂ මහතා මේ වන විට  කියා ඇතත් ජනාධිපතිවරණය  පැමිණිවිට  බෑ කියන්නටද  ඉඩ තිබේ. ඊට  හේතුව වන්නේ සිරිසේනට  යලි දිනන්නට හැකි වේද යන්න බොහෝ දුරට සැකසහිත නිසාය 
.

සිරිසේන මහතාට  කියා අද චන්ද  පදනමක් නැත,ඔහුගේ  පක්ෂයේ 95% ක්ම දැන් ඉන්නේ පොහොට්ටුවේය 

එබැවින් පොහොට්ටුවෙන් ගෝටාභය රාජපක්ෂ ජනාධිපතිවරණයට  ඉදිරිපත් කරන  ලෙස ඒම පක්ෂයෙන්   විශාල ලෙස  බලපෑම් එනු නිසැකය .



මේ  සියල්ල  සලකා  බැලීමෙන්  පෙනෙන්නේ සිරිසේන මහතාට  ජනාධිපති පුටුවේ තව මාස  කීපයකට වඩා වාඩි වී සිටීමට ඉඩ ප්‍රස්තා  නොලැබෙන බවය .   
   


Sunday, December 16, 2018

යාපනයට යන්න වීසා ඕනෑ වෙයිද ?


 



                      

                           පොහොට්ටු නායක කාරකාදීන්ට  අනුව රනිල් දැන් සූදානම් වන්නේ TNA සමග එකතුව ලංකාව කෑලි 9 කට කැඩීමටය. ඔවුන්ට අනුව එසේ කරන්නට යන්නේ  හොරෙන් නොව මහා දවාලේ  රැස්වීම් සියයකට ආසන්න  ගණනකදී  එළිපිට  සාකච්චා  කොට  සකස් කර ඇති යෝජනාවලිය  මගිනි  .


                                             මෙම කතන්දරය අපට සිහිකරන්නේ 1987-89 සමයයි. 1987 ඉංදු ලංකා ගිවිසුම මගින් පළාත්  සභා පිහිටවූ විට රෝහණ විජේවිරගේ ජවිපෙ  කියා සිටියේ එයින් රට කෑලි  9 කට කැඩෙන බවය. එසේ කිව් ජවිපෙ  පළාත්  සභා චංදයට ඉදිරිපත් වූ ඇතමෙකු මරා දැමූහ.එපමනක් නොව චංද මධ්‍යස්ථාන  කීපයකටද බෝම්බ ගැසූහ.චන්දය දුන්කීප දෙනෙකුද මරා දැමූහ. කොට්න්ම  87 කැරැල්ල ගැසුවේ පලාත් සභා මගින් රට කැඩෙනබව කියමින් මිනිස්සු අවුස්සමින්ද ,බිය ගන්වමින්ද රාජ්‍ය බලය ගැනීමටය.


                                  එහෙත්  කැරැල්ල පැරදී ටික කළකට පසු ජවිපෙ  පළාත් සභා මැතිවරණ වලට තරග මංත්‍රි ධුර ද වැටුප්ද ලබා ගත්හ.


රට බෙදීමේ කතාව පටන් ගත්තේ 87 නොවේ. බංඩාරනායක මහතා 1957 චෙල්වනායගම් සමග උතුරුට සහ නැගෙනහිර  බලය බෙදීම සදහා ගිවිසුමක් අත්සන් කළ විට    එජාපය     එමගින් රට බෙදෙන බව කියමින්   එයට ඒරෙහිව පෙලපාලි  ගියහ.


එහෙත් එම එජාපය  1966 ඩඩ්ලි+චෙල්වනායගම්  ගිවිසුම අත්සන් කළ විට විපක්ශයේ සිටි ශ්‍රිලනිප , සම සමාජ ,සහ කොමියුනිස්ට්  පක්ශ එයට එරෙහිව පෙලපාලි ගියහ. දෙගොල්ලන්ගේම අරමුණ වූයේ අපිබලයට පැමිණිය හොත් දෙමලුන්ට කිසිවක් නොදෙන බව ජනයාට හගවා චංද ඩැහැ ගැනීමය.

එහි ශුද්ධ  ප්‍රතිඵලය වූයේ 27 අවුරුදු යුද්ධයි


                    දෙමල ජාතික  සංධානය අඩු වශයෙන් ෆෙඩරල් බලතල වත් නොයිල්ලන බව කීප වතාවක්ම කියා තිබේ. ඔවුන් රට බෙදීමට කිසිසේත් එකග නැති බවද කියා තිබේ.


ඔවුන්ගේ ඉල්ලීම් වනුයේ හමුදාව විසින් අල්ලාගෙන  තිබෙන   උතුර නැගෙනහිර මිනිසුන්ගේ ඉඩම් ආපසු ඔවුන්ට දෙන ලෙසත්,. යුද්ධය  නිසා විපතට පත්වූ අයට සහන සලසන ලෙසත්, නඩු නැතිව හිරකරගෙන සිටින අය නිදහස් කරන ලෙසත්,. එම ප්‍රදේශ  සංවර්ධනය කරන ලෙසත්, පලාත් සභා බලතල වැඩි කරන ලෙසත් ය


එහෙත් එම ඉල්ලීම් ඉටු කලහොත් රට බෙදෙන බව   ප්‍රචාරය  කරන්නට මහින්ද නැති අගමැති කමෙන් ඉල්ලා අස්වූ මොහොතේ පටන්   පොහොට්ටු නායකයෝ පටන් ගෙන තිබේ.
 එහෙත් මහින්ද පසුගිය මාසයේ සම්බන්දන් හමුවී  ලොකු ලොකු පොරොන්දු  දෙමින් ඔවුන්ගේ සහය 113 හදාගැනීමට ඉල්ලුවේය. දෙමල සිරකරුවන් නිදහස් කිරීමට මහින්ද ජනාධිපති  සමග සාකච්ඡා  කරමින් සිටින බව නාමල් රාජපක්ශ  ප්‍රසිද්ධියේ  කියා සිටියේය.



                 ඇත්තටම TNA සංවිධානය  මහින්දගේ පොරොන්දු මායිම් නොකරේ මහින්ද බලයේ සිටීම නීති විරෝධි  වීමත් ඔහු සමග සිටින්නේ අන්ත ජාතිවාදින්   වීමත් නිසාය.


                   නීති විරෝධි  ලෙස බලය ලබාගෙන පොහොට්ටුවේ පෙති හලාගත් බව මහින්ද කංඩායම හොදින් දනී. පොහොට්ටුව දැන් ටිකක් පරවී ඇති බව  පොහොට්ටු පන්දම් කාරයෙකු වන මුරුත්තේට්ටුවේ  ආනන්දම දින දෙකකට පෙර දෙසා වදාලේය.  " සිරිසේන ගේ අය සහ පොහොට්ටුවේ කීප දෙනෙකු 'අපේ      මහින්ද මහත්තය  කා දැමූ බව  "   කුමාර වෙල්ගම, මහින්ද නැති අගමැති  කමින් අස්වූ විගස කේන්තියෙන් කියා සිටියේය.


වැටුනු පොහොට්ටුව ගොඩ ගැනීමට ඉතුරු වීතිබෙන එකම මග දෙමල විරෝධයක් හැදිම බව පොහොට්ටු නායකයො  තීරණය කර තිබේ . මහින්ද  එය දැන් පටන් ගෙන තිබේ ඔහුගේ සහචරයන්ද දැන් එය පතුරමින් යති. ඉදිරියේදි ඔවුන් එය තව තවත් උත්සන්න කරනු ඇත.


එහෙත් ඉදිරි මැතිවරණ වලදී ආන්ඩු පිහිටුවා ගැනීම සදහා දෙමල නායකයන්ට සහ මුස්ලිම් නායකයන්ට ටොන් ගනනින් පොරොන්දු දෙමින් සහය ඉල්ලනු ඇත.


පවතින මැතිවරණ  ක්‍රමය යටතේ කිසිදු පක්ශයකට තනියෙන් ආංඩු පිහිටවිමට බලය ලැබෙන්නේ නැත. එසේ හැකිවුයේ 2010 දී පමණය.ඒ LTTE  පරාජය  කිරීම නිසා මහින්දට ඇතිවූ බලවත් කැමැත්ත  නිසාය. එහෙත් ඊට පෙර සහ පසු සියලු මහා මැතිවරණ වලදි කිසිපක්ශයකට හෝ පෙරමුණකට 113 ආසන්නයටවත් යා නොහැකි විය.


එබැවින් දෙමල සහ මුස්ලිම් ජනයා දෙකේ කොලේට දමන පක්ශ වලට ආන්ඩු පිහිටවීමට හැකිවන්නේ නැත



ඇමරිකානුවෝ සහ අපේ පොල් බූරුවෝ

මුස්ලිම් අන්තවාදීන් විසින් කරන ලද ලොකුම ත්‍රස්ත ප්‍රහාරය 2001 /9/11 දින ඇමරිකාවේ ලෝක වෙළඳ මධ්‍යස්ථානයට එල්ල කරන ලද ප්‍රහාරයයි එම ප්...