Wednesday, February 28, 2018

සිංහල බවුද්ධයන්ට වඳ පෙති බෙදන මධ්‍යස්තාන මෙන්න



              Related image

        අම්පාරේ  හෙවත් අං  පාරේ  වඳ  පෙති  ගැන  මා  ලියන්නට  යන්නේ  නැත. ඒ ගැන බුකි  සාමාජිකයෝ කිලෝමීටර්  ගණනක් දිගට  ලියා  තිබේ .එය මුස්ලිම් විරෝධී  අං ඇත්තන්  විසින්  දියත්  කරන  ලද අවලම් ලෙල්ලමක්   බව  බුකි සාමාජිකයන්  99%ක්  ලියා තිබීම  ඇඬේන තරමට සතුටකි.


සදා  කාලික  ලෙස වඳ කිරීම සඳහා තවමත් වඳ  බෙහෙතක් නිපදවා නැති බව වෛද්‍ය වරු කීප දෙනෙකුද රුපවාහිනියේ  කියනු අසන්නට  ලැබුණි. ඇත්තෙම්ම මේ  ගැන  කට ඇරිය යුතුව  තිබුනේ GMOA ලොකු මහත්තුරුය . ඒ අය නිහඬව සිටින්නේ මිනිසුන් මරා   ගන්නා   තරමට  පොහොට්ටුවට වාසි වෙනු ඇතැයි සිතන නිසා  බවට සැකයක් නැත .ඊට  සනාථ කිරීමට හේතු තිබේ. GMOA ලොකු මහත්තයා වන  පාදෙණිය සවුඛ්‍ය අමාත්‍යංශයේ නියෝජ්‍ය අධ්‍යක්ෂ  ජනරාල් සුනිල් අල්විස්  මහතාට   මේ පෙබරවාරි 12 දින තර්ජනය  කරමින් " තමා  පොහොට්ටු ආණ්ඩුවේ සවුඛ්‍ය ඇමති වූ පසු බලාගමු " යයි කීමෙන්  තහවුරු වන්නේ  කුමක්ද?  GMOA  වනාහි  පොහොට්ටුවේ  බළල් අතක් බව මිස වෙන කුමක්ද?

Image result for doctor padeniya

සිංහල  බවුද්ධයන්ට විශේෂයෙන්ම  කාන්තාවන්ට වඳ  පෙති දෙන්නේ  වෙන  කිසිවෙකු නොව පන්සල විසිනි. මෙය  මා විසින් කරන සහාසික  ප්‍රකාශයක්  ලෙස ඇතැමෙකු සලකනු ඇත. NGO විසින් මට  ඩොලර් ගෙවන බැවින් මා මෙසේ  ලියන්නේ  යයි තවත් අය  කියනු ඇත .මා තම්බියෙකු විසින් ජාතක  කර තිබෙන බව  පොල් ලෙල්ලන් කියනු ඇත .නැතහොත් කතෝලික  පල්ලියේ  කොන්ත්‍රාත්තුවක්  මා  විසින් භාරගෙන ඇති බව  ආර්ය සිංහල බවුද්ධයන් විසින් කියනු ඇත .


මට විරුද්ධව  ඕනෑම උසාවියක නඩු එකක් නොව  සියයක්  පැවරුවත්  පන්සල් විසින් බවුද්ධයනට විශේෂයෙන්ම  කාන්තාවන්ට සිංහල  ජාතිය වඳ කිරීම සඳහා වඳ පෙති බෙදන  බව කියන්නට මා  මොහොතක් පැකිලෙන්නේ නැත .එබැවින් හැකි නම් නඩු පවරන  ලෙස  මා  ඕනෑම  කෙනෙකුට අභියෝග  කරමි .




Image result for  medical tablets



පන්සල්වල  භික්ෂුන්  පමණක් නොව වනගත ආරාම වල වසන  භික්ෂුන්ද  සිංහල බවුද්ධයන් වඳ කිරීම සඳහා උපරිම  පරිදි කටයුතු කරති. එය කරන්නේ මෙසේය .


ඔබ  පන්සලේ භික්ෂුන්ට දානයක් දුන් විටද ආධාර  මුදලක් දුන් විටද , ඇඳක් ,පුටුවක් , රුපවාහිනියක් , පරිගණකයක්, පමණක් නොව අව්මගුලකට  පැමිණි විට රු. 500  සාළුවක්  පුජා  කළ විටද  භික්ෂුන් තම දේශනාව අවසන් කරන්නේ මේ  පුණ්‍ය  ක්‍රමයේ මහිමයෙන්  නිවන් සැප  ලැබේවා  කියමිනි . එසේ නොකියන භික්ෂුවක්  සිටිනම් ඕනෑම දඬුවමක් විඳීමට  මා සුදානම්ය .


නිවන යනු කුමක්ද?  යලි නොයිපදීමය . මෙසේ සියලුම සිංහල බවුද්ධයන්  නිවන් ගිය විට ඉතිරිවන්නේ  කවුද ? මිත්‍යා දෘෂ්ටිකයන් පමණි . බුද්ධාගම  ලංකාවේ  ඉන් සදාකාලිකවම අවසන් වන්නේය. බවුද්ධයන් සියල්ලෝම  හැඳි ගෑවී යන්නේය . අවසාන සිංහල බවුද්ධයාද සදාකාලිකවම තොලොංචි වී  යන්නේය . ඉන්පසු සිංහලයන්ට තිබෙන  මේ එකම රට  තම්බින් සහ  කොටි විසින් අල්ලාගනු නිසැකය . ශ්‍රී මහා බෝධිය  මුලින්ම කපා දමා  පොල් සිටුවනු ඇත  . රුවන් වැලි මහා සෑය ට  කාල තුවක්කු වලින් වෙඩි  තබා කුඩේ කුඩු කරනු ඇත. අටමස්ථාන සොලොස්මස්ඨාන ආගිය අතක් සොයා  ගැනීමට නොහැකි වනු ඇත .සිරිපාදය තම්බින් විසින් අල්ලා   ගනු ඇත .බුදුන් වැඩි නාගද්වීපය දෙමළුන් විසින් අල්ලාගෙන  කෝවිලක් බවට  පත් කරනු ඇත . ශ්‍රී දළදාව මහවැලි ගඟේ  කිමුලන්ට කෑමට විසි  කරනු ඇත .


මෙය මහාම මහා  බරපතල  තත්වයකි . සියලුම  සිංහල බවුද්ධයන් සතියක් හමාරක්  යනතෙක් දිවා රෑ  කල්පනා  කළ යුතු කාරණාවකි 


සිංහල  බවුද්ධයන් නැත්තටම  නැති කිරීම සඳහා පන්සල්වල  සහ ආරාමවල  භික්ෂුන් විසින් දියත්  ඇති එම කුමන්ත්‍රණය වටහා  ගෙන ඇති සිතමු.  මින්  පසු නිවන් සැප  ප්‍රර්ථනා   නොකරන  ලෙස  සියලුම   සිංහල  බවුද්ධ    පින්වතුන් ගෙන් සහ  පින්වතියන්ගෙන් ඉතා  ඕනෑකමින් ඉල්ලා සිටිමු. 


ඔබ සැමට තෙරුවන් සරණයි .


ඔබට නිවන් සැප නොලැබේවා.


ප.ලි.  නිවන් සැප  පාර්ථනා  කිරීමෙන් වලකින අතර අවම වශයෙන් සිංහල බවුද්ධ  දු දරුවන්  දහ දෙනෙකුවත්  බිහි කිරීම සඳහා නොපසුබස්නා අධිෂ්ටානයෙන් කටයුතු කරන  ලෙස සියලුම සිංහල බවුද්ධ දෙමාපියන්ගෙන්  ඉල්ලා සිටිමු  

මීට  

බර්ටි රණවීරගේ  

Friday, February 16, 2018

ශ්‍රී ලංකා - යුඑන්පි හුටස්පරයේ කෙළවර කුමක්ද?



Image result for Ranil in temple Trees
     

 


                   මහින්ද  රාජපක්ෂ  මහතා  මේ  මොහොතේ  බොර  දියේ  මාළු  අල්ලන්නට  උපරිම  උත්සාහය දරමින් සිටි. නිමල් සිරිපාල  මහතා අගමැති  කිරීමට දරන උත්සාහයට  ඔහු පෝර දමමින් සිටින්නේ  ඒ  නිසාය . සිරිපාල අගමැති වුවහොත්  ඉන්පසු  වැඩි කල් නොගොස්  මහා   මැතිවරණයකින්  ආණ්ඩුව  තමන් අතට  ගැනීම  ඔහුගේ සැලැස්ම  බවට  කිසිදු සැකයක් නැත.


ඒකාබද්ධ විපක්ෂයේ අය  සිරිපාල යටතේ ඇමති කම්  ගන්නට සුදානම්  නැත්තේ  නිකම් නොවේ. ඇමතිකම් අරගෙන වැඩි කලක් යාමට  පෙර  ඔවුන්ද  මහජන  අප්‍රසාදයට  ලක්වන  බව  ඔවුන් දන්නා නිසාය . ඔවුන් ඇමති  කම් රැගෙන  රට  කරන්නට  සිදුවෙන්නෙත්  එක්සත් ජාතික  පක්ෂය  රට  කරවපු ආකාරයටමය .ගත් ණය ගෙවන්නට තිබුණු සබ්බ  සකලමනාවම  දී  ඇති බැවින්  ආණ්ඩුවේ  භාණ්ඩාගාරය  පතුලටම  හිඳී  තිබේ . එබැවින්  එදිනෙදා  වියදම් හොයා  ගැන්ම සඳහා  තෙල් මිල  පවා  වැඩි කරන්නට  ඔවුන්ට සිදුවීමට  ඉඩ  තිබෙන  බව ඒකාබද්ධ විපක්ෂයේ අය දනිති. . එසේ වුවහොත්  පොහොට්ටුවට  ලැබුණු   45% ,   ඊ ළඟ   මහා  මැතිවරණය  එන විට  සියයට  හතලිහ  දක්වා හෝ ඊටත් වඩා  අඩුවෙන්නට  ඉඩ  තිබෙන  බව රාජපක්ෂලා දනිති.රාජපක්ෂලාගේ  ඉලක්කය  පොල්ල රැකගෙන    නයා  මරන්නටය .







මෛත්‍රිපාල   සිරිසේන මහතා රාජපක්ෂලාගේ සටකපට  කම්  වටහා  ගැනීමට  නොහැකි මෝඩයෙක් නොවේ. නිමල් සිරිපාලට සහයෝගය දෙන්නේ  නම් ඒකාබද්ධ  විපක්ෂය ඇමති කම්  භාරගත යුතු බව  ඔහු  ඒකාබද්ධ විපක්ෂයේ  නායකයන්ට  කිවේ  ඒ  නිසාය .ඒකාබද්ධ විපක්ෂය ඇමතිකම්  භාරගැනීමට සුදානම් නැත්තම් නිමල් සිරිපාල අගමැති කරන්නට  ජනාධිපතිවරයා  සහය දෙන්නට සුදානම් නොමැති බව  පෙනේ. .



Image result for nimal siripala de silva

ජනාධිපතිවරයා  ප්‍රමුඛ ශ්‍රීලනිපය දැන් පත්ව ඇත්තේ  බරපතල අමාරුවකය .  හිටි හැටියේම ශ්‍රීලනිපය දැවැන්ත  ප්‍රපාතයකට  කඩ වැටීම  නිසා  පක්ෂය  ගොඩ ගැනීමට දහ  අතේ නොව සිය අතේ   කල්පනා  කරන්නට  ඔහුට  සිදුවී  තිබේ. ශ්‍රී ලංකා  නිදහස්  පක්ෂයේ ගමනක් අවසානය  ඔහුගේ පාලන කාලයේ අවසානයත්  සමග සිදුවීම වැලැක්වීම  ඔහු මත වැටී  තිබෙන  බරපතලම අභියෝගයයි .  එය නවත්වාගැනීමට  නම්  මී  ළඟ ජනාධිපතිවරණයේදීද  ඔහු ජයගත  යුතු වෙයි. එබැවින්  මෛත්‍රිපාල  මහතා  ඒ අරමුණෙන් සිය උපාය  උපක්‍රම සකසා  ගන්නවාට සැකයක් නැත .



Image result for SLFP head office



රනිල් වික්‍රමසිංහ  මහතා  මිනිසුන් දිනාගැනීමට දක්ෂයෙකු නොවුනත් බලය  තමන් අත  රඳවා  ගැනීමට දක්ෂයෙකි . විපක්ෂයේ සිටියදී එක්සත් ජාතික  පක්ෂයේ  නායකත්වයෙන් ඔහු  පන්නා  දමන්නට සජිත්  ප්‍රමුඛ  කණ්ඩායමක් කුමන දහම් ගැට  ගැසුවත්  පුළුවන් වුයේ   නැත . ඔහු අගමැති කමින් එලවා දමන්නට  කවුරු කුමන සුත්තර සහ  කුමන්ත්‍රණ  කළත් ඔහු අගමැති පුටුව අත්නොහරින්නට අධිෂ්ටාන  කරගෙන සිටි.

ජාතික ආණ්ඩුවෙන් එක පක්ෂයක් ඉවත්වූ  කළ  ඇමතිමන්ඩලය විසුරුණු බැවින්  අගමැතිවරයා  තව දුරටත් බලයේ සිටිය  නොහැකි බව  ගමන්පිල මහතා  තර්කයක් ඉදිරිපත්  කළත් එවැන්නක් 19 වන ව්‍යවස්ථා සංශෝධනයේ  නැත . නීතිඥයෙකු වන   රනිල් වික්‍රමසිංහ  මහතා එය  හොඳින් වටහා  ගෙන  තිබේ. එවැනි පසු බිමක් යටතේ අගමැතිවරයා අස්  කරන්නට  ජනාධිපතිවරයාට  බලයක් නොමැත .


රනිල් අගමැති පුටුවෙන් තල්ලු කරන්නට  හැකි එකම ක්‍රමය  අගමැති වරයාට විරුද්ධව පාර්ලිමේන්තුවට  ගෙන එන විශ්වාස  භංග  යෝජනාවක් වැඩි චන්දයෙන් සම්මත  කිරීමෙනි. එවැනි හැකියාවක් තිබේනම් හෙට අනිද්දාම  ඔහුට එරෙහිව  විශ්වාස  භංග යෝජනවක් ගෙන ඒමට  ඒකාබද්ධ විපක්ෂය  කටයුතු කරනු නිසැකය.


රනිල් අරලියගහ  මන්දිරයෙන්  පිටව  යාමට සුදානම් නැත්තේ  විශ්වාස  භංග  යෝජනාවකින් ඔහුට  ජයගන්නට හැකි බවට විශ්වාසයක් ඔහුට  තිබෙන  නිසා විය  හැක   රනිල් ගෙදර  යැවීමට  නම් රනිල් විරෝධී  මන්ත්‍රීවරුන් 18 දෙනෙකුගේ සහය විපක්ෂය  ලබා  ගත  යුතුය . 


එය පහසු දෙයක් නොවේ.





Tuesday, February 13, 2018

අහසේ ගිය ආණ්ඩුව බිමට කඩ වැටීම



Image result for maithri disappointed




        මැතිවරණ  ප්‍රතිඵලය සියල්ලන්ම විශ්මයට  පත් කර තිබේ. ආණ්ඩු විරෝධය මෙපමණ පැහවා උඩුදුවා   ඇතැයි කිසිවෙකු සිතුවේ නැත . රාජපක්ෂලවත් මෙවැනි ප්‍රතිඵලයක් අපේක්ෂා  නොකලාට සැකයක් නැත.. 


         රවී කරුණානායක  තබා  ගත හොත් එක්සත් ජාතික පක්ෂයේ චන්ද   අඩු වෙන බවත්  ඔහු එජාපයෙන් නෙරපා  හැරියහොත් එය වලක්වා  ගත හැකි බවත්  මැතිවරණයට සති දෙකකට පෙර මුහුණු පොතේ  පොස්ටුවක් පළකරමින්  කීවෙමි .එමෙන්ම මැතිවරණයේදී  මහින්ද දුර්වල කිරීමට  නම් මෛත්‍රිගේ ශ්‍රීලනිපය ශක්තිමත්  කළ යුතු බවද කීවෙමි . එහෙත් රවී  ඉවත් කිරීමට   රනිල්ට    හය්යක්  තිබුනේ  නැත. ඒ වෙනුවට  ඔහු දිගින් දිගටම කිවේ  බැඳුම්කර  හොරකමට  එක්සත් ජාතික සම්බන්ධ  බව කොමිසම කියා  නැති බව   කියමින් මහජනයා රැවටීමට උත්සහ කිරීමය .



Image result for maithri disappointed


පොහොට්ටුව  පනගසා ඒමේ වගකීම රනිල් ඇතුළු ඉහල  නායකත්වය  භාරගත  යුතුය .මා  එසේ  කියන්නේ හේතු ඇතිවය .


අගමැති කම  භාරගත් දින සිට රනිල් ගේ  උපාය මාර්ගය වුයේ ශ්‍රීලනිපය දෙකට කැඩීයාම තව තව අවුළුවා තැබීමට  අවශ්‍ය වටපිටාව හදමින් ඊට පෙට්‍රල්  හැලිමය   .එක්සත් ජාතික  පක්ෂයට 2025 දක්වා  බලයේ සිටීමට  හැක්කේ එමගින් පමණක් බව රනිල් සහ සමාගම නිගමනය  කළාට සැකයක් නැත. එබැවින් මහින්ද  කොම්පැනියේ හොරුන්ට දඬුවම් කිරීම ඔහු අමතක  කර දැම්මේය. ශ්‍රීලනිප බෙදීම දිගින් දිගටම  තබාගත  හැක්කේ මහින්ද සමාගමේ අය හිරගෙවල්වල නොව දේශපාලන භුමියේ  සිටිය හොත්ය .රනිල් මහින්ද සමග ඩීල් දමන  බව  ඇතැමෙකු කිවත්  බොහෝ අය එය විශ්වාස  කලේ නැත .මහින්දලා  යහතින් සිටින්නේ විජේදාස රාජපක්ෂගේ  යටිකුට්ටු වැඩ  නිසා  බව දෙවෙනි පෙළේ යුඑන්පි  කාරයන්ගේ විශ්වාසය විය . රනිල් නිසා   අන්තිමට   බෙල්ල දෙන්නට සිදුවුයේ  විජේදාස  රාජපක්ෂටය .


රනිල්ගේ සුත්තරය  සාර්ථකවී  ශ්‍රීලනිපය  දෙකට  බෙදුනේ නැති බව  පලාත්පාලන චන්ද  ප්‍රතිඵල  තහවුරු කළේය. ශ්‍රීලනිපයෙන් 86 % ක් මහින්ද සමග  හිටගත් අතර මෛත්‍රීට ඉතුරු වුයේ14% ය .  ශ්‍රීලනිපය බෙදන්නට  ගිය රනිල්ට දැන් සිදුවී  තිබෙන්නේ  ඔහුට එරෙහිව එජාපය තුළ  හමන කුණාටුවට මුහුණ දීමටය. .කුණාටුව  පාලනය  කිරීම සඳහා තනි එක්සත් ජාතික ආණ්ඩුව ක් පිහිටුවීම  ඔහු ගේ  උපක්‍රමය වී  තිබෙන  බව  පෙනේ .


එක්සත් ජාතික  පක්ෂයට මේ වලෙන් ගොඩ ඒමට   යුතු පලමු  කටයුත්ත  නම් රනිල් , මලික් කබීර් හෂීම් රවී කරුණානායක සහ අර්ජුන් අලෝසියස්ගේ බේරාගැනීමට දර දිය ඇද්ද හොර අලින් ගෙදර යැවීමය. එසේ  කර මහජන විශ්වාසය  දිනා  ගැනීමය .දෙවන කාර්යය වන්නේ  ජනවාරි 8 පොරොන්දු වහාම  ඉටුකිරීමට  කල හැකි සියල්ල  කිරීමය .


එක්සත් ජාතික  පක්ෂයේ තනි ආණ්ඩුවක් පිහිටුවා   UNPට ගොඩ එන්නට  පුළුවන් යැයි සිතන්නට  කාරණා  නම් මට පෙනෙන්නේ නැත . තනි ආණ්ඩුව  හදන්නේ නම්  රවී  කරුනානයකලා  තබාගැනීමට සිදුවේ. . රවී සිටින ආණ්ඩුවක් කෙරෙහි මහජනයාට විශ්වාසයක් ඇතිවෙන්නේ නැත .අනෙත් අතට  ශ්‍රීරීලනිපයේ සහයෝගය  තිබියදී  නොකළ වැඩ තනි UNP  ආණ්ඩුවකට  කළ  හැකිද?



මෛත්‍රිපාල සිරිසේන ජනාධිපතිවරයා  සහ  ඔහුගේ ශ්‍රීලනිපය මුහුණ දී  තිබෙන  ප්‍රශ්නය එක්සත් ජාතික  පක්ෂයට වඩා බරපතලය .එක්සත් ජාතික  පක්ෂයේ  පැවැත්මට  අනතුරක් නැතත්  මෛත්රිගේ ශ්‍රීලනිපයේ  පැවැත්ම බලවත් අනතුරකට  පත්ව තිබේ. එක්සත් ජාතික  පක්ෂය සමග තව දුරටත් ආණ්ඩු කිරීමෙන් සිදුවන්නේ මීළඟ මහා මැතිවරණයේදී ඔවුන් දේශපාලන  භුමියෙන් විසිවී යාම  බව ඔවුන් දැන් වටහා  ගෙන තිබේ. .එබැවින් ආණ්ඩුවෙන් ඉවත් වීම  හැර වෙනත් විකල්පයක්මේ මොහොතේ  ඔවුන්ට  නොමැත . එපමණකින්ම ඔවුන්ට  වැටුණු  ප්‍රපාතයෙන්  ගොඩ ඒමට  නොහැක  . ජනාධිපතිවරයාගේ  නිල කාලයද  ලබන වසර අවසානයේදී අවසන් වේ . එබැවින්  රාජපක්ෂලාට  යටනොවී ශ්‍රීලනිපය  ගොඩ  ගැනීම අන්තිම අසීරු  මට්ටමට වැටි තිබේ.  රනිල් වැටුනේ වලකටය .මෛත්‍රී  වැටී සිටින්නේ දැවැන්ත ප්‍රපාතයකටය  .


එහෙත් ඔහු වැටී  තිබෙන්නේ ගොඩ ඒමට නොහැකි ප්‍රපාතයකට  නොවේ. 


Image result for maithri disappointed


මැතිවරණයෙන් පසු ගොඩනගන  බව   කී  දුෂණ විරෝධී පෙරමුණ  යථාර්තයක්  කරමින්  සිවිල්  සංවිධාන වල සහ  වාම  මත දරන සංවිධානවල සහය  එයට ලබා  ගනිමින්  රාජපක්ෂ විරෝධී වැඩ  පිළිවෙලකට මෛත්‍රී අවතීර්ණ වේද ? නැතහොත් ශ්‍රීලනිපය රාජපක්ෂට භාරදී  ලබන වසර අගදී ඔහු ගෙදර  යන්නට  සුදානම් වේද  ? යන්න  ඉදිරි  මාස  කීපය  තුළ අපට දැක  ගත  හැකිවෙනු ඇත  


Wednesday, February 7, 2018

ලන්ඩන් බෙලි කැපිල්ල










Related image

     

බ්‍රිගේඩියර්ගේ  බෙලි කැපීමේ අභිරුප  රංගනය නිසා  ප්‍රීති ප්‍රමෝදයට  පත් අය ඔහුගේ වැඩ තහනමට එරෙහිව  කඩු  කිනිසි අතට  ගත්තෝය . චන්ද හිඟයෙන් පෙලෙන ජනාධිපතිවරයාද වහා  කඩුව  ගෙන  විදේශ ඇමති  මාරපනට  කඩු  පාරක් ඇන බ්‍රිගේඩියර්ට  යලි ජොබ් එක දී  චන්ද  ටිකක් එකතු කර  ගත්තේය.  කොටි ඩයස්පෝරාවට ඩොලර්  ලක්ෂ  ගණනක්  වියදම් කොට  ලබා  ගැනීමටවත්  නොහැකි   හමුදාවට එරෙහි ප්‍රචාරයක්  බ්‍රිගේඩියර්ගේ අභිරුපන රංගනය  නොමිලයේම ලබා දුන්නේය .


ආණ්ඩුවක් බ්‍රිගේඩියර් වරයෙකු  තානාපති කාර්යාලයකට  පත් කරන්නේ  අභිරුපන  රංගන  කරන්නට  නොව ලංකාණ්ඩුව එම තානාපති කාර්යාලය  පිහිටි රට සමග  කරන ආයුධ මිලදීගැනීම ආදී  මිලිටරි  කටයුතුවලදී  වැදගත්  වැඩ  කොටසක්  ඉටු කරවා  ගැනීමටය .එහෙත්  තමන්ට  පැවරී තිබෙන වැදගත්  කාර්යය අමතක  කොට 2.50 වැඩ  කරන්නට  යාම කණගාටු දායකය  . 2.50 වැඩ  කරගන්නට  නම්  යැවිය යුත්තේ  බ්‍රිගේඩියර් වරයෙකු නොව  ඌවේ  මහා ඇමතියා වැනි ගොබ්බයන්ය  .


  බෙල්ල  කපා  මිනිසුන් මරණ  හැටි   යුද්ධයට  යන සියල්ලන්ටම  වාගේ පුහුණු කර  තිබෙනවාට සැකයක් නැත . එය  හමුදාවද කොටි සංවිධානයද  කියා වෙනසක්  නැත. ඒ  පිළිබඳව  මා අසා  ඇති කාරණා  කීපයක්  මෙසේය .


කොටි සංවිධානය කටුනායක  ගුවන් තොටුපොළට  පහර දීම සඳහා කළ මෙහෙයුමෙදී  ඔවුන් එය දියත් කළේ  කටුනායක  ගුවන්  හමුදා  කඳවුරේ  කොටසක් අල්ලාගෙන එහි සිටය. රහසිගතව  ගුවන් හමුදා  කඳවුරට ඇතුළුවූ  කොටි  පමුවෙන්ම  කළේ  මුරට සිටි ගුවන් භටයකුගේ  බෙල්ල  කපා මරා දැමීමය .


2000  වසරේ කුප්‍රකට  මිරුසුවිල්  ඝාතනය හෙවත් අවුරුදු  5 ළමයෙකු ඇතුළු  සිවිල් වැසියන් 8 දෙනෙකු මරා  දමා තිබුනේද  බෙලි කපා ය එය හෙළි වුයේ  හමුදා  කණ්ඩායමක් විසින් අල්ලගෙන මරාදැමීමට  යාමේදී එක අයකු  පැනගොස් ඩග්ලස් දේවානන්ද ඇමතිවරයාට  පැමිණිලි කිරීමෙන් අනතුරව රතු කුරුසය  මැදිහත්වීම නිසාය .අවුරුදු 13  ක් තිස්සේ  නඩු අසා හමුදාවේ මාණ්ඩලික සාජන්ට් වරයෙකු වූ සුනිල් රත්නායකට  මරණ දඬුවම  නියම  කරනු ලැබීය .චෝදනා  ලැබූ අනෙකුත්  හමුදා  භටයන් නිදහස්  කරනු ලැබීය .


Image result for killing of jaffna civilians by army sergeant sunil


බෙලි  කපා මර දැමීම  පළමුවරට  මා ඇසුවේ 1988-89 සමයේය  අල්ලාගත්  ජවිපෙ  තරුණයන්ගේ  බෙලි කපා  මරා දමා  ගංගාවලට  විසි කර දැමුණු  බව මිනිසුන් කිහ .ඒ සඳහා  විශේෂ  පකිස්තාන් පිහිවර්ගයක්  හමුදාව සතුව  තිබු බවට  ප්‍රචාරය  විය . යාන්ත්‍රික  පකිස්තාන් පිහි බෙල්ල අසලට  තබා  බොත්තමක් එබූ විට  බෙල්ල  හනික  කැපී වෙන් වන බව ඇතැමෙකු කිහ .


ISIS සංවිධානය  බෙලි කැපුවේද යාන්ත්‍රික  පිහිවලිනි 


 W3 Lanka බ්ලොගය  ලියන  අජිත් පැරකුම් 87-89 සමයේ  ජවිපෙ  ක්‍රියාකාරිකයෙකු වූ අතර  හමුදාව විසින් ඔහු වසර දෙකකට වඩා  කාලයක්  හමුදා  හිර  කඳවුරු දෙක තුනක  රඳවා  ගෙන සිටියේය . දිනක්  හමුදා  භටයෙකු කඳවුරේ සිටි ජවිපෙ  සැකකරුවෙකුගේ  බෙල්ල  කපා  වැටෙන් එපිටට  විසි කොට එය  ආපහු රැගෙන එන  ලෙස  ඔහුට  නියෝග  කල  බව අජිත් තම  බ්ලොගයේ  ලිවූ ලිපියක  සඳහන්  කර  තිබුනේය. 



Image result for isis knife

ගොටාභයගේ සිරිසේන

තත්වය පැහැදිලිය.යුද්ධයක් ඇරඹීමට ජනාධිපති  සූදානම්ය. තමන්ට පලිගැණීමට උවමනාවක්  නැති බව රනිල්  ඊයේ උදේ  කි විට තමන්  අත තවත් තුරුම...