Skip to main content

ආණ්ඩුව යක්ෂ පැණි උඩ දාන්නේ ඇයි?

 





       මේ වන විට මේසන් බාස් පැණිය අති ජනප්‍රියය . රිටිගල පැණිය ද කරලියට එමින් තිබේ  ඒවාට අවශ්‍ය ප්‍රචාරය ආණ්ඩුව විසින් නොමිලේම ලබා දී ඇත . මේසන් පැණියට ආණ්ඩුවේ ඉහලම  තැන්වලින් අනුග්‍රහය ලැබුණු  අතර රිටිගල පැණියට ආණ්ඩුවේ රුපවාහිනියක් වන ITN ලබා දෙමින් සිටි .


එම පැණි නිපදවූ දෙදෙනා හැර අන් කිසිවෙක් එම නිෂ්පාදන වලින් කොරෝනා වයිරසය විනාශ වන බව කියා නැත  ආණ්ඩුව ඒවාට දෙන ප්‍රසිද්ධිය නිසා එම පැණි වලින් කොරෝනා සුව වෙන බව හෝ කොරෝනා වලක්වන බව විශාල පිරිසක් තදින්ම විශ්වාස කරන බව පෙනේ >

දැනමුත්තන්ට අනුව   වයිරස්වලට බෙහෙත් නැත. එන්නත් මගින් කරන්නේ වයිරසය සමග සටන් කොට පරාජය කිරීමට අවශ්‍ය ප්‍රතිදේහ ශරීරයේ නිපදවීමය. 


අනෙක් අතට මෙම පැණි මගින් වයිරසය විනාශ කරන බවට කිසිදු පරීක්ෂණයක් කර නැත. යම්කිසි  ඖෂධයක ප්‍රතිඵලය මැනීම සඳහා වසරක කාලයක් වත් එය පරීක්ෂණයට ලක් කරනු ලැබේ  එන්නතක් නම් සාමාන්‍යයෙන් අවුරුදු 10 කාලයක් අත්හදා බලයි   පළමුව සතුන්ට එම එන්නත හෝ ඖෂධය ලබා දී  එහි ප්‍රතිඵල සොයා බලනු ලැබේ    විවිධ රෝග තිබෙන අයට අලුත් ඖෂධයක් හෝ  එන්නතක් ලබා දීමෙන් පසු බලපාන්නේ කෙසේදැයි පරික්ෂ කෙරේ  විවධ වයස් කාණ්ඩවලට බලපාන්නේ කෙසේ දැයි තව දුරටත් පරික්ශා කෙරේ මේ පරීක්ෂණ පිලිබඳ වාර්තා තිබිය යුතුය එමෙන්ම එම ඖෂධය හෝ එන්නත වගකිවයුත්තන් යටතේ  දස දහස් ගණනකට ලබා දී එහි ප්‍රතිපල අධ්‍යනයන කරනු ලබයි 


මේසන් බාස් පැණිය සහ රිටිගල පැණිය නිපදවූ දෙදෙනා අඩු වශයෙන් වෛද්යවරුවත් නොවේ සාස්තර කාරයෝය  ඔවුන්ට අනුව රාවනා යක්ෂයාගේ සහ කාලි යක්ෂනියගේ අනුග්‍රහයෙන් බෙහෙත් වට්ටෝරු අනුව එම පැණි නිපදවා ඇත. 

 වෙනත් රටක නම් මෙවැනි වංචනිකයන් උසාවිය හමුවට පමුණුවා හමාරය .


ආණ්ඩුව මේ වංචනිකයන් දෙදෙනාට අනුග්‍රහය දෙන්නේ ඇයි ?


ඊට ප්‍රධානම හේතුව දේශීය ඖෂධ වලට රුකුලක් දීමටද ? 


මේ යක්ෂ පැණි වලින් කොවිඩ් වෛරසය විනාශ නොවෙන බව ආණ්ඩුව හොඳින් දනී .ආණ්ඩුවට අවශ්‍ය වී තිබෙන්නේ එන්නතක් රටට නොමිලේ හෝ ණයට  ලැබෙන  තුරු මහජනයා ගොනාට අන්දා තබා ගැනීමටය .




විශාල වශයෙන් ආර්ථිකය  කඩා වැටි තිබෙන පසුබිමක් තුල එන්නතක් ගෙන්වා ගැනීම ආණ්ඩුවට කාලිගේ මුහුනටත් වඩා බියකරු සිහිනයකි  විදේශ රැකියා කරන්නන් එවන  මුදල් හීන වෙමින් පවතී. සංචාරක ව්‍යාපාරය හරහා ලැබුණු ඩොලර් පවුම් යුරෝ මුළුමනින්ම පාහේ   හිඳී ගොස් තිබේ  ඇඟලුම් අපනයනය කිරීමෙන් ලැබෙන රට සල්ලි අඩුවෙමින් පවතී .

  

එක්සත් ජාතීන්ගේ සංවිධානයෙන් අවශ්‍ය එන්නත් ප්‍රමාණයෙන් 20% ක් නොමිලේ ලබා දෙන බව කියන අතර   ආණ්ඩුව  ඒ කෙරෙහි බලාපොරොත්තු තබා ගෙන සිටින  බව පෙනේ  එයත් ලැබෙනු ඇත්තේ මාර්තු මාසයේ  බවද  කියනු ලැබේ.


  ඉතිරි 80% ලබා ගන්නේ කෙසේද ? කාගෙන්ද ? කවදාද ? ඒවා ලබාගැනීමට මුදල් කොහෙන්ද ?


ඒ සඳහා විදේශ ආයතන කීපයකින් ණයක්  ලබා ගැනීමට ආණ්ඩුව අපේක්ෂා කරන බව ආණ්ඩුව දැන් කියයි .

  
රටේ ආර්ථිකය කඩා වැටීම නිසා ණය ගැනීමද අසීරු බව ඒ අතර  ආර්ථික විශේෂඥයෝ  කියති .


එබැවින් කොවිඩ් වලක්වන එන්නතක් ගැනීම සෙල්ලමක් නොවේ.



රටේ ජනගහනය මිලියන 21 කි දොස්තර  සංගමයට අනුව 70% කටවත් මෙම එන්නට ලබා දිය යුතුය . එහෙත්  ප්‍රශ්නය වී තිබෙන්නේ මෙම එන්නත් මිල අධික වීමය.

 

මාත්‍රා දෙකක් දෙවරකට ලබා දිය යුතු මෙම එන්නත් වල මාත්‍රා දෙකක  මිල මෙසේය .

ෆයිසර් එන්නත ඩොලර් 39 කි .

මොඩර්නා  එන්නත ඩොලර් 50 කි .

ඔක්ස්ෆර්ඩ් ඇස්ට්‍රාසෙනෙකා එන්නත  ඩොලර් 5 කි. (තවමත් අනුමත කර නැත. )

රුසියන් ස්පුට්නික් එන්නත ඩොලර් 20 ට අඩු වෙන බව කියනු ලැබේ. 

චීන සයිනොවැක්  එන්නත ඩොලර් 60 කි .


ආණ්ඩුව නම් කියන්නේ චීන සහ රුසියානු එන්නත් ලබාගැනීමට අපේක්ෂා කරන බවය .


 අපේ රටේ ජනගහනයෙන් මිලියන 15 කට එන්නත ලබා දීමට කොපමණ මුදලක් අවශ්‍ය වේද ? ලාබම එන්නත චීන හෝ රුසියානු එන්නත නොවේ ඔක්ස්ෆර්ඩ් එන්නතය .එය එන්නත් මිලියන් 15 ක් මිලදී ගැනීමට පමණක් ඩොලර් මිලියන 75ක් වැයවේ . දැනට ඩොලරයක් රු.195 ක් වන අතර එම එන්නත මිලදී ගන්නා අවස්ථාව වනවිට ඩොලරයක වටිනාකම රු.200ක් වෙතැයි උපකල්පනය  කළහොත්  රු.මිලියන 15000ක් හෙවත් රු.කෝටි 1500ක් ඒ සඳහා  අවශ්‍යවේ .



 ඒ මිලදී ගැනීමට පමණය. ඒවා ගෙන්වීමට ප්‍රවාහන ගාස්තු ගෙවීමට සිදුවේ. එපමණක්ද ? එන්නත් එපමණ විශාල ප්‍රමාණයක් කොළඹ  ගබඩා කර තැබීමට, රටපුරා ප්‍රවාහනය කිරීමට, රෝහල්වල ගබඩා කර තැබීමට විශාල ශීතකරණ ප්‍රමාණයක් මිලදී ගැනීමටද සිදුවේ මිලියන 15 ක් ජනයාට එන්නත ලබා දීම සඳහා රට පුරා එන්නත් මධ්‍යස්ථාන දහස් ගණනක් විවෘත කිරීමට සිදුවෙන අතර එන්නත් ලබාදීමේ කාර්යට සමබන්ධ්වන කාර්ය  මණ්ඩලවලට ගෙවීමට විශාල මුදල් ප්‍රමාණයක් වෙන් කිරීමට ද සිදුවේ.

 

මෙවර අය වැයෙන් සෞඛ්‍යය සඳහා වෙන්කර ඇති මුදල පෙර වසරට වඩා අඩු බවද වාර්තා වී ඇත  .

 

ඉතින් රටේ මහජනයාට කොරෝනා වැළක්වීමේ එන්නතක් ලබා දීම ආණ්ඩුවට  දිවා රාත්‍රී  පෙනෙන  භයානක හීනයක් නොවේද ? 

ආණ්ඩුව කපු පැණි ජනප්‍රිය කොට මහජනයා ගොනාට ඇන්දවුවේ මේ නිසා මිස අන් කාරණාවකට නොවේ . 

Comments

එඩ්වඩ් ජෙනර් කියන්නෙත් වඩුබාස් කෙනෙක්.

පලාත්සභා අහෝසිකර එම මුදල් වලින් එන්නත් ගෙන්වීමට ආන්ඩුවට බල කරමු.
Ajith Dharma. said…
මිනිස්සුන්ව අන්දන්න තමයි

Popular posts from this blog

සුද්දෙක් කී කතාවක්

මේ කතාව මට කිව්වේ අපේ හාමිනේය අපේ හාමිනේ රස්සාව කලේ අගලවත්තේ පිහිටි ශ් ‍ රී ලංකා රබර් පර්යේෂණායතනයේය. මීට අවුරුදු 15 කට පෙර අවුරුදු 90 ත් පැන්න සුද්දෙක් සිය හාමිනේත් දුවත් සමග රබර් පර්යේෂණායතනයට ආවේය . දුව ආ විගස පිටිපස්සට දිව්වාය. ටිකකින් ආපසු ආවාය " මම උපන්නේ ඔය පිටිපස්සේ තියෙන ගෙයි. ඒක බලන්නයි මම දුවල ගියේ " දු කීවාය වයසක සුද්දා දුව සමග කඳු පල්ලම් නගිමින් බසිමින් ආයතනයේ සියලු ප් ‍ රධාන ස්ථාන දෙස බලමින් අතීතය සිහි කළේය . සුද්දාගේ නම මොල්රිච් ය ඔහු රබර් පර්යේෂණායතනයේ සිටි පළවෙනි ප් ‍ රධාන පරිපාලන නිලධාරියාය . 1948 තෙක් මෙහි සේවය කළ ඔහු සිය පවුල සමග ඕස්ට් ‍ රේලියාවේ පදිංචියට ගියේය . ඔහු මෙවර එහි සිට ලංකාවට ආවේ තමන් සේවය කල ස්ථානය බලා සතුටක් ලබන්නටය . හැමතැනම ඇවිද බැලීමෙන් පසු පර්යේෂණායතනයේ නිලධාරිහු මොල්රිච් ට සහ පවුලේ අයට තේ පැන් සංග් ‍ රහයක් කළහ . තේ බොන ගමන් ඔහු පරණ කතාවක් කිවේය . ඒ කාලේ උදේ 8 ට මේ ආයතනයේ වැඩ පටන් ගත්තේ . විනාඩියක් පරක්කු වෙලා ආවොත් මම දඩ ගහනවා . 1948 පෙබරවාරි 5 වෙනිදා මම ඔෆිස් එකේ ඉන්න කොට ක්ලාක් කෙනෙක් වැඩට

ඉන්දු ලංකා ගිවිසුමෙන් ඊළම හැදුනාද?

         1987 ජුලි 29 ජනාධිපති ජේ.ආර්. ජයවර්ධන සහ ඉන්දීය අගමැති රජිව් ගාන්ධි කොළඹදී ඉන්දු ලංකා ගිවිසුම අත්සන් තැබුවේය .එවැනි ගිවිසුමකට එළඹීමට ලංකාවට සිදුවුයේ උතුරේ සහ නැගෙනහිර දෙමල සංවිධාන රැසක් ආණ්ඩුවට එරෙහිව සන්නද්ධ අරගලයක නිරතව සිටි නිසාය . එය මර්ධනය කිරීම සඳහා ජේ,.ආර් නොකළ දෙයක් නැත එහෙත් එය පාලනය කළ නොහැකි විය ජේ ආර් ඇමරිකාවෙන් උදව් ඉල්ලු විට ඇමරිකාව ඔහුට කිවේ ඉන්දියාව සමග ප්‍රශ්නය විසඳාගන්නා ලෙසය . ඉන්දියාව උතුරේ සංවිධානවලට උදව් කළේ හේතු දෙකක් නිසාය ජේ ආර සහ ආර් ප්‍රේමදාස ඉන්දියාවට විරුද්ධව ඇමරිකාවට පක්ෂ විදේශ ප්‍රතිපත්තියක් ගෙන යාම එක හේතුවකි ඕනෑම රටක් තම අසල්වැසියා සතුරු පිල සමග එකතුවීම ඉවසන්නේ නැත සතුරාට කෙනිත්තිමට මගක් සොයමින් සිටි ඉන්දියාවට කදිම අවස්ථාවක් ආණ්ඩුවේම ජාතිවාදී පිරිස සොයා දුන්නේය . ඒ 1983 කළු ජුලියයි. ඉන්දියානු ආණ්ඩුව වහාම මේ ප්‍රශ්නයට මැදිහත්විය .තමිල් නාඩුවේ කෝටි පහමාරක දෙමල ජනකායක් සිටි බැවින් ඉන්දියානු මධ්‍යම ආණ්ඩුවට නිහඬව සිටිනු ඇතැයි අපේක්ෂා කළ නොහැක . උතුරේ හමුදා ප්‍රහාර නිසාද කළු ජුලිය නිසාද ලක්ෂ දෙකකට ආසන්න දෙමල මිනිසුන් ආරක්ෂාව සඳහා තමිල් නඩුවට පැ

එයාබස් පගාව බෙදුවේ කාටද ?

          ප්‍රංශයේ Airbus සමාගමෙන් ඩොලර් බිලියන 2.3 කට  ශ්‍රී ලන්කන් ගුවන් සේවයට එයාබස් 10 ක් මිලදී ගැනීම සඳහා 2013 වසරේදී ගිවිසුමක් අත්සන් කළ පසු ශ්‍රීලන්කන් ගුවන් සේවයේ  හිටපු ප්‍රධාන විධායක නිලධාරියා  වන කපිල චන්ද්‍රසේනගේ බිරිඳගේ සිංගප්පුරුවේ ගිණුමකට ඩොලර් මිලියන දෙකක  පගාවක්  එයාබස්  සමාගම තැන්පත් කොට ඇති බව පසු ගියදා ලන්ඩනයේ පැවති නඩු  විභාගයකදී හෙළිවීමෙන් පසු ලංකාවේ ඉහල නිලතල වල සිටින්නන් අමු හොරු රැලක් බව සැකයකින් තොරවම තහවුරු වී තිබේ . ඩොලර් මිලියන දෙක සම්පුර්ණ පගාව නොවේ . පොරොන්වී තිබෙන මුළු පගාව ඩොලර් මිලියන 16 .84 කි . කපිල චන්ද්‍රසේන ගේ බිරිඳ වන ප්‍රියංකා විජේනායකගේ Biz Solution නමැති සමාගමට  ලැබුණු පගාවෙන් ඩොලර් ලක්ෂ 8 ක් ලංකාවේ ප්‍රධාන පෙළේ ව්‍යාපාරිකයෙකු වන වන්නකවත්ත වඩුගේ  නිමල් හේමසිරි  පෙරේරා ට අයත්  SABRE VISION LTD නමැති සමාගමකට 2014 එවා තිබේ .එම සමගම ලියාපදිංචි කර තිබෙන්නේ බ්‍රිතානයට  අයත් වර්ජින් දුපතේය ( British Virgin Islands ).    ඒ අතර  ඇය විසින් එම වසරේදීම යුරෝ 160000 ක් (රු.මිලියන 30ක්) SL AGRO නමැති ලංකාවේ සමාගමකට එවා තිබෙන අතර එම සම