Monday, May 13, 2019

ඇමරිකානුවෝ සහ අපේ පොල් බූරුවෝ



Image may contain: house, outdoor and nature

මුස්ලිම් අන්තවාදීන් විසින් කරන ලද ලොකුම ත්‍රස්ත ප්‍රහාරය 2001 /9/11 දින ඇමරිකාවේ ලෝක වෙළඳ මධ්‍යස්ථානයට එල්ල කරන ලද ප්‍රහාරයයි එම ප්‍රහාරයෙන් තට්ටු 101 කින් යුතු ගොඩනැගිල්ලක් කඩා වැටුණි අවට ගොඩනැගිලිවලටද බරපතල හානි සිදුවිය මියගිය ගණන 2996 කි තුවාල ලැබුවන්ගේ සංඛ්‍යාව 6000 ඉක්මවයි සිදුවූ දේපොළ හානිය අවම වශයෙන් ඩොලර් බිලියන 10 කි

එම ප්‍රහාරය එල්ල කළේ අල්ඛයිඩා සංවිධානයට අයත් මුස්ලිම් ත්‍රස්ත පිරිසකි මෙම ප්‍රහාරය නිසා ඇමරිකානුවන් තුල ඇතිවූ කම්පනය කොපමණදැයි වටහා ගැනීම ඔබට භාරය

ඒ වන විට ඇමරිකා එක්සත් ජනපදයේ විසු මුස්ලිම් මිනිසුන්ගේ සංඛ්‍යාව 23 ලක්ෂයකට ආසන්න විය .ඔවුන් සොයා ගොස් ඔවුන් මර දැමීමට ඔවුන්ගේ දෙපොල ගිනි තැබීමට , ඔවුන්ගේ ව්‍යාපාර විනාශ කිරීමට, මුස්ලිම් ව්‍යාපාර වර්ජනය කිරීමට ඔවුන් මරා දැමීමට 9/11 ප්‍රහාරය නිසා ඇමරිකානුවන් පෙළඹුනේ නැත.


Image result for 9/11 attack

එසේ වුයේ නම් මුස්ලිම් ත්‍රස්තයන් අඩු වශයෙන් දාහක්වත් ඇමරිකාවේ උප්පත්තිය ලබන්නට ඉඩ තිබිණ.



බෞද්ධ සංස්කෘතිය උපන්දා සිට පානය කරන අපේ පොල්බුරුවෝ ක්‍රිස්තියානි ඇමරිකානුවන් මෙන් නොවේ .ත්‍රස්තයන් හමුවේ ඇඳන් යටට වී සිටින ඔවුහු අවස්ථාවක් ලද විගස අහිංසක මුස්ලිම් මිනිසුන්ගේ දේපොළ මංකොල්ල කති, . ගිනි තබති. මිනි මරති.



ත්‍රස්තවාදීන් දුසින් ගණනින් බිහි කරන්නේ තමන්ගේ එම ක්‍රියා තුලින් බව එම මැට්ටෝ නොදනිති .


මේවා පාලනය කරන්නට 1956 සිට මෙතෙක් බලයට පත් කිසිම ආණ්ඩුවක් කෙලින් වැඩ කලේ නැත. පළමු අවස්ථාවේදීම කළමනා පොඩි පට්ටම් වී යාමට පුකට වෙඩි තිබ්බේ නම් නැවතත් තම්බින්ට හෝ දෙමළුන්ට ගහන්නට යන්නේ නැත උන් අපිට ගහන්නට එන්නෙත් නැත .

.
ජාතිවාදී කලකොලහලවලදී බොහෝ විට ඇසෙන චෝදනාවක් වන්නේ ආරක්ෂක හමුදාවන්හි සහයද මංකොල්ල කරුවනට ලැබෙන බවය පෙරේදාත් එය සිදුවූ බවට චෝදනා එල්ල විය.



හරි හමං ආණ්ඩුවකට නම් මේවාට බෙහෙත් තිබේ එහෙත් 'ආණ්ඩු බලය පළමුව රට දෙවනුව' යන ප්‍රතිපත්තිය අනුගමනය කරන ශත 5 දේශපාලකයන් ආණ්ඩුවේත් විපක්ෂයෙත් අති බහුතරය වන බැවින් අපි ගමන් කරන්නේ සිංගප්පුරුව දෙසට නොව සෝමාලියාව දෙසට බව ඉතා පැහැදිලිය 

Saturday, May 11, 2019

මුස්ලිම් ත්‍රස්තයෝ සහ සිංහල පොල් බූරුවෝ



Image may contain: sky, cloud and outdoor




මෙය අපේ රටට ඉතා දුෂ්කර අවස්ථාවකි . ඉදිරි කාලයේදී විශාල ලේ වැගිරීමක් ඇති කිරීම සඳහා සිංහල ජාතිවාදීන් අතලොස්සක් මේ දිනවල විෂබීජ වපුරමින් සිටිති .බොරු ප්රචාර මෙන්ම අහවල් අහවල් දේ මිලදී නොගන්නා මෙන්ම මුස්ලිම් ව්යාපාර වර්ජනය කරන ලෙසද සිංහල ජාති වාදීන් විසින් දිවා කාලයේ පමණක් නොව නිදිමරමින් රාත්රී කාලයේද සමාජ මාධ්ය හරහා පණිවිඩ දහස් ගණනක් දෙනා වෙත යවමින් සිටිති .


ඉතා අතලොස්සක් දෙනෙකුට රට ගිනි තැබිය හැකි බව 21 දින මුස්ලිම් ත්‍රස්තයන්ගේ බෝම්බ ගැසීමෙන් පැහැදිලිය . රටේ ආර්ථිකයට එයින් වැදුණු හෙන පහරින් ගොඩ යන්නට තවත් වසරක් වත් ගතවනු ඇත. සිංහල දෙමල මුස්ලිම් භේදයකින් තොරව සියල්ලන්ගේම වාගේ සාක්කුවළට බෝම්බ වැදී තිබේ.


කළයුතුව ඇත්තේ මෙය කළමනාකරණය කර ගැනීම වුවත් එය වැලැක්වීම සඳහා ජාතිවාදීන්ගේ සිට සිංහල ව්යාපාරිකයන්ද , දේශපාලකයන් ද තම තමන්ගේ වාසිය සඳහා එය හරවා ගනිමින් සිටිති .


මෙය හිට්ලර්ගේ උමතුවය. බාල ජනප්රියතාවය ලබා ගැනීම සඳහා යුදෙව් ව්යාපාර වර්ජනය කරන මෙන් ඉල්ලමින් හිට්ලර් පටන් ගත් ව්යාපාරය යුදෙව්වන 60 ලක්ෂයකට අධික පිරිසක් ඝාතනය කිරීම දක්වා බිහිසුණු වූ අතර එය අවසන් වුයේ එයට සහය දුන් සහ නොදුන් 43 ලක්ෂයක් ජර්මන් ජනයාට මරණය අත් වීමෙනුත් හිට්ලර්ට දිවි නසා ගැනීමට සිදුවීමෙනුත් පමණක් නොව තමන්ට කියා රටක් නොතිබුණු යුදෙව්වන්ට රටක් ලැබීමෙනුත්ය .ඒ ඊස්රායලයයි. 


අද රට මෙතනට ඇද වැටි තිබෙන්නේ දශකයකට අධික කාලයක සිට මුස්ලිම් පුජකයන් රැසක්ද මුස්ලිම් ජනයාට විෂ පෙවූ නිසාය .


වෙනත් ජනවර්ග සමග යහපත් ලෙස සම්බන්ධකම් පවත්වමින් සිටි මුස්ලිම් ජාතිකයන් ඔවුන්ගෙන් දුරස් කොට තැබීමට මෙන්ම ආගමික උමතුව මුස්ලිම් ජාතිකයන්ගේ ඔලුවලට බැස්සවීමට බොහෝ මුස්ලිම් පල්ලි කලක සිට කටයුතු කර තිබේ .තව්හීඩ් ජමාත් ව්යාපාරයේ විවිධ කල්ලි බිහිවී ඇතත් ඔවුන් සියල්ලන්ගේම අරමුණ මුස්ලිම් අන්තවාදය වෙත මුස්ලිම් ජනයා ගෙන යාමය . මේ වන විට බොහෝ පල්ලිවල පුජකයන් ඔවුන්ගේ බලපෑමට යටත් වී සිටිති .


මිය ගිය අය වෙනුවෙන් දාන මාන දීම පවක් ලෙස බොහෝ පල්ලි දැන් කියන්නට පටන් ගෙන තිබේ . අන්ය ජනවර්ගයන් සමග ආහාර පාන බෙදා හදා ගැනීම පුජකයන් වීසින් අධයිර්ය කර තිබේ . ගැහැණු ළමුන් වැඩිවියට පත්වූ පසු මුස්ලිම් ජාතිකයන් පැවැත්වූ උත්සව තහනම් කොට තිබේ . සංගීතයට සවන්දීම තහනම් කොට තිබේ . ජාතික ගිය කීම පවා අධයිර්ය කර තිබෙන්නේ 'නමෝ නමෝ මාතා' යනුවෙන් කීම මුස්ලිම් දහමට විරුද්ධ බව කියමිනි . විශේෂයෙන්ම මද්රසා පාසල් විසින් මෙම විෂ කැවිම තදින්ම කරමින් සිටි. සාරි සහ සරොම් වෙනුවට අරාබියේ මෙන් ඇඳුම් අඳින ලෙස පල්ලිය විසින් කර ලද බලපෑම කොතරම් දැයි ඇස් පනා පිට දැකිය හැක . නැගෙනහිර පළාතේ අඹ ගස් වෙනුවට රට ඉඳි ගස් වවන තැනට පත් කර තිබේ ෂරියා විශ්ව විද්යාලය නමින් හඳුන්වන පුද්ගලික විශ්ව විද්යාල භුමියේ ලංකාවේ ගස් වෙනුවට වවා ඇත්තේ අරාබියේ රට ඉඳි ගස්ය .සුන්දර අඹ ගස් වවා සෙවණේ සිටිනු වෙනුවට අරාබි ඉඳි ගස් වවාගෙන ගිනි අව්වේ සිටීම ඔවුන්ට සුව දායක වී තිබේ .මුස්ලිම් ජාතිකයන් සිංහල සහ දෙමල මිනිසුන්ගෙන්න් ඈත් කර තැබීමට මුස්ලිම් අන්තවාදය කටයුතු කර ඇත්තේ එසේය .


එය දැන් ISIS ත්රස්තවාදය දක්වා උග්ර වී තිබේ ISIS ත්රස්තයන්ගේ එකම අරමුණ ලංකාව ඉස්ලාම් රාජ්යයක් බවට යම් දීනක පත් කර ගැනීමය . 


එහෙත් එය වැළක්විය හැක්කේ මුස්ලිම් ජාතිකයන්ගේ ව්යාපාර වර්ජනය කිරිමෙන් හෝ ඔවුන්ගේ දේපල විනාශ කිරීමෙන් හෝ ඔවුන්ට පහරදීමෙන් හෝ නොවේ එවැනි මොට්ටමෝල් වැඩ වලින් සිදුවෙන්නේ මුස්ලිම් ජාතිකයන් තව තවත් අන්තවාදය දෙසට තල්ලු කිරීම පමණය .එවිට හැම අස්සක් මුල්ලක් නෑරම මරාගෙන මැරෙන බෝම්බ කරුවන් බිහිවීමේ බිහිසුණු අනතුරක් නිර්මාණය වන බව වැටහා ගැනීමට සිංහල ජාතිවාදී පොල්බුරුවන්ට මොලයක් නැත 


මෙය වැළක්විය හැක්කේ ආණ්ඩුව විසින් සිංහල සහ මුස්ලිම් අන්ත වාදීන් දැඩි ලෙස මර්දනය කිරීමෙන් සහ අන්තවාදී බිහිකරන පල්ලියට සහ මද්රසා පාසල්වලට විරුද්ධව නීති පැනවීමෙන් සහ නීති තදින් ක්රියාත්මක කිරීමෙනි . ඒ සඳහා ආණ්ඩුව වැනෙන්නේ නැතිව සෘජු ලෙස කටයුතු කිරීම අත්යවශ්යය. පන්සලෙත් පල්ලියේත් බලපෑම් වලට කිසිසේත් යටනොවිය යුතුය . දේශපාලන වාසි හෝ අවාසි ගැන නොසිතිය යුතුය මේ මොහොත ඉතිහාසයේ ඉතා තීරනාත්මක බැවින් ප්රමාද වන්නට තවත් එක පැයක්වත් ආණ්ඩුවට නැත.


Friday, May 10, 2019

කඩු සහ බොරු


Image may contain: one or more people and shoes


පල්ලි වල කඩු තොග පිටින් තිබීමට ඇත්ත හේතුව කුමක්දැ දැයි කීමට මුස්ලිම් දේශපාලනඥයන්ට තබා මුස්ලිම් සිවිල් ජන නායකයනටද නොහැකි වී තිබේ . 


ඇතැම් ගෙවල්වල සහ ව්‍යාපාරික ස්ථානවල සිංහල දෙමල , මුස්ලිම් භේදයකින් තොරව කඩු කිණිසි තිබේ. එසේ තබා ගන්නේ මංකොල්ල කාරයන්ගෙන් සහ හොරුන්ගෙන් ආරක්ෂා වීම සඳහා විය හැක
.
එහෙත් පල්ලි වල බ්‍රෑන්ඩ් නිව් කඩු තොග පිටින් තබා ගෙන සිටියේ මන්දැයි මුස්ලිම් නායකයන්ගෙන් ඇසු විට ඔවුන්ට කට උත්තර නැත


කඩු තොග පිටින් අසුවීම මුස්ලිම් ජාතිකයන් කෙරෙහි අන්‍ය ජනවර්ගයන් තුල අවිශ්වාසය වැඩි කිරීමට හේතු වී තිබේ තර්කන බුද්ධිය නැති අය සිතන්නේ ඔවුන්ද ලංකා ISIS කාරයන් ලෙසය . එමෙන්ම කඩු අසුවීම තුලින් සමස්ත මුස්ලිම් සමාජයම අන්ද මන්ද කර තිබෙන අතර බඩුත් සමග හොරුන් අසුවූ විට හොරුන් මුහුණ දෙන බය සහ ලජ්ජාවට මුස්ලිම් සමාජයට මුහුණ දීමට අද සිදුවී තිබේ .


මගේ විශ්වාසය නම් පල්ලි වලට කඩු තිබු පමණින් ඔවුන් ජාතික තව්හීඩ් ජමාත් ත්‍රස්ත සංවිධානයට කිසිදු සම්බන්ධයක් නැත යන්නය. මුස්ලිම් සමාජය තියුණු ආගමික බෙදීම් සහිත සමාජයකි .ලංකාවේද මුස්ලිම් ජාතිකයන් ආගමික බෙදීම් පදනම් කරගෙන අරින වර එකිනෙකාට ගල් මුල් ගසාගෙන තිබේ .ඉරාකයේ මෙන්ම පකිස්ථානයේ සුන්නි සහ ශීට් ගැටුම කොතරම් උග්‍ර ද යත් එකිනෙකාගේ පල්ලි වලට බෝම්බ ගසා බොහෝ අය මරා දැමු අවස්ථා සිය වාරයකට වැඩිය .


පල්ලිවල කඩු තොග ගණනින් රැස් කරගෙන සිටින්නේ සිංහලයන් විසින් මුස්ලිම් ජාතිකයන්ට යලි වතාවක් පහර දුනහොත් ප්‍රතිප්‍රහාර දීමට බව අනුමාන කිරීම සාධාරණය 2014 දර්ගා ටවුමේ අලුත්ගම , බේරුවල මුස්ලිම් ජාතිකයනට පහර දීම සඳහා ඥානසාර කල්ලිය විසින් මිනිසුන් මෙහෙයවීමෙන් කීප දෙනෙකු මිය ගිය අතර මුස්ලිම් මිනිසුන්ගේ කෝටි සියගණනක් වටින දේපොළ ගිනිතබා විනාශ කර දමන ලද අතර තවත් දේපොළ මංකොල්ල කන ලදී .


තවත් අවස්ථාවකදී දෙහිවල විශාල මුස්ලිම් වෙළඳ ආයතනයක් ගිනි තබනු ලැබිය ගින්තොටදී ද මුස්ලිම් සිංහල ගැටුමක් ඇති කරනු ලැබිණ ගිය වසරේ මහනුවට අවට මුස්ලිම් පල්ලි කීපයකටද , මුස්ලිම්දේ ජාතිකයන්ගේ වෙළඳ ව්‍යාපාර සහ නිවාස වලට පහර දීම හෝ ගිනිතැබීම මහසොන්නු විසින් කර ලදී එහිදී සිදුවූ අලාභය අති විශාලය
එවැනි බිය කරු අත්දැකීම් ලැබූ මුස්ලිම් ජනයා යලිත් එවැනි ප්‍රහාරයක්
සිදු වෙනු ඇතැයි අනුමාන කොට ඊට මුහුණ දීම සඳහා කඩු කිණිසි සහ දුටුවිට පවා භීතියක් ඇති කරන තියුණු පිහි වලින් සන්නද්ධ වී තිබේ දැන් අසුවෙන්නේ ඒවාය .


අවි ගත්තෝ අවියෙන් නැසිය හැකි බැවින් ආයුධ රැස්කිරීම ඥානවන්ත පියවරක් නොවේ. එය ආපසු තමන්ටම කරකැවී පැමිණිය හැක
අන්තවාදී සිංහලයන්ගේ මෙහෙයවීමෙන් සිංහල ජනයාගේ ප්‍රහාරයක් මුස්ලිම් ජනයට එල්ල වුවහොත් සහ එයට ප්‍රතිප්‍රහාර දීමට මුස්ලිම් ජාතිකයන් රැස්කර ගත් ආයුධ වලින් පෙරලා පහර දුන්නේ නම් ඇතිවන්නේ සිතා ගැනීමටවත් නොහැකි විනාශයකි 1983 කළු ජුලිය මෙන් දස ගුණයකට වඩා එය බිහිසුණු විය හැක .


මේවාට වග කිව යුත්තේ දේශපාලකයන් පමණක් නොවේ ජාතිවාදී සංවිධාන පමණක් නොවේ ඇතැම් බෞද්ධ භික්ෂුන් මෙන්ම මුස්ලිම් පල්ලිවල පුජකයන්ද වග කිව යුතුය මගේ මුස්ලිම් මිත්‍රයෙකුට අනුව ඇතැම් මුස්ලිම් පුජකයන් විසින් අනෙකුත් ජනවර්ග වලින් මුස්ලිම් ජනයා ඈත් කර තැබීම සඳහා වෛරී සහගත දේශනා සැම සිකුරාදා දිනකම වාගේ පල්ලිවල පවත්වති. එමෙන්ම මද්‍රසා පාසල් විසින්ද එයම කරනු ලැබේ.


මේ දුෂ්ට සහ විනාශකාරී වැඩ පිළිවෙල නැවත්වීමේ ප්‍රධානතම වගකීම ඇත්තේ ආණ්ඩුවටය . පල්ලියේ මෙන්ම පන්සලේ පදයට ආණ්ඩුව නැටීම පළමුවෙන්ම නතර කල යුතුය . එමෙන්ම සියලු ජනකොටස් වලට වෙන වෙනම තිබෙන නීති අහෝසි කොට නිතිය සියල්ලනට සමාන විය යුතු සේම අපක්ෂ පාති ලෙස එය ක්‍රියාත්මක කල යුතුය.


ජනවර්ග අතර තිබෙන අවිශ්වාසය තුරන් කිරීමේ පළමු පියවර වන්නේ එයයි
.

Monday, May 6, 2019

මරු ලිපියක් .කියවපල්ලා



Image may contain: 1 person, beard and closeup


පොඩි ප්රශ්න වගයක් තියෙනව
රයිට්. අහන්න !
_________________________________
🔴අප්රේල් 21 ප්රහාරයට දැන් සතිදෙකයි.
ඔව්.

🔴ඒකට විරුද්ධව මුකුත් ලියන්නෙ නැද්ද ?


ලිව්වා. ඔබට මගහැරෙන්න ඇති.


🔴ඒක ඉස්ලාමීය අන්තවාදී ත්රස්තවාදයක් කියල පිළිගන්නවද ?


නැතුව ! වඩාත් නිවැරදිව කියනවානම්, තම සැබෑ හාම්පුතුන් කවුදැයි තවමත් හෙළිදරව් නොකළ, තිරිසන් - බියගුළු, ඉස්ලාමීය අන්තවාදී ත්රස්තවාදයක්.


🔴බෞද්ධ අන්තවාදයට තරම් ඉස්ලාමීය අන්තවාදයට විරුද්ධ නොවෙන්නෙ ඇයි ?
එහෙම පේනවනම් ඒක අඩුවක්. සියලු ආගමික අන්තවාදයන්ට විරුද්ධයි. ඔය එකකවත් ගන්ඩ දෙයක් නෑ.


🔴ඒ කිව්වෙ ?

ඒ කිව්වෙ, සෑම ආගමික අන්තවාදයක්ම සමාජයට පිළිලයක්. ඒ පිළිල තියෙනතුරු සමාජයකට ඉදිරි ගමනක් නැහැ.


🔴ආගම් එපා කියලද කියන්නෙ ?


එපා නෙමෙයි, ආගම්වල ඩියුටිය දැන් ඉවරයි. ඇත්තටම දැන් ආගම් නැහැ. ඒ ඒ ආගම් නමින් වෙළඳ ව්යාපාර කීපයක් තියෙනව. සමහර ව්යාපාර මෙහෙයවන්නෙ දේශපාලනඥයෝ.


🔴පැහැදිලි මදි ?


මෙහෙමයි, ලෝක ඉතිහාසයෙ ඔය ආගම් නිසා වෙච්ච කිසියම් කාර්යභාරයක් නොතිබ්බා නෙමෙයි. බ්රාහ්මණ ක්ෂත්රිය වෛශ්ය ශුද්ර කියල බෙදපු සමාජයක, ``මහරජ ඔබේ වංශය රාජ වංශය වුණාට, මගේ වංශය බුද්ධ වංශය. පිඬු සිඟා වැඩීම මගේ වංශයෙ වැඩක් `` කියල බුදුන් වහන්සේ කිව්වේ තමන්ගෙ තාත්තට. සුද්ධෝදන රජතුමාට. ඒක කොච්චර රැඩිකල් ප්රකාශයක්ද ? ඒවායින් සමාජය ඉස්සරහට යනවා. සඳ කිඳුරු ජාතකය වගේ ප්රේමයේ අනුහස කියැවෙන ජාතක කතාවක් යසෝදරා දේවියගෙ ගෙදරටම ගිහිල්ල දේශනා කරලා, තමන්ගේ ශ්රේෂ්ඨ සෙනෙහස පෙන්නපු විවෘත මිනිහෙක් සිද්ධාර්ථ ගෞතම කියන්නෙ. වහල්ලුයි වහල් හිමියොයි කියල මනුෂ්ය සමාජය හරි මැදින් දෙකට බෙදල තියෙනකොට, මුළු මිනිස් සංහතියම ආදම් සහ ඒව කියන එකම අම්මගෙයි තාත්තගෙයි කියල ජේසු තුමා කියන එක කොච්චර විප්ලවවාදීද ? ජේසුස් ක්රිස්තුස්ව කුරුසියේ ඇණ ගහල මරන්නෙ, එදා පාලකයන්ට ඔහුව හිසරදයක් වෙච්ච හින්දා. ඒ අරගලයන්ගෙන් සමාජය ඉස්සරහට යනවා. එවැනි ශ්රේෂ්ඨ මිනිසුන්ගේ ධර්මයන් මත හදපු ආගමික සංස්ථාවල, පූජකයෝ - පැවිද්දෝ මොකද කරේ සහ කරන්නේ ? ඒ සියලු දර්ශනයන් බිස්නස් බවට පත්කරගෙන. තමන්ගෙ වෙළඳ ව්යාපාරය කරගෙන යනගමන් සමාජය පස්සට අදින ගතානුගතික මතවාද කරපින්නාගෙන ඔට්ටු වෙනවා. මිනිස්සුන්ගෙ ලෞකික ජීවිතේට තහංචි දදා ගුප්ත ජීවිත ගත කරනවා. සියලු ශික්ෂා පද පැවිද්දෙ ඉඳන් කඩන ගමන් ගිහි අපිට බයිලා කියනව. දේශපාලන තක්කඩින්ට කඩේ යනවා. ඒ ඇරෙන්න වෙන මොනවද කරන්නේ ? සියලු ආගමික සංස්ථාවලට ඒ විවේචනය පොදුයි. උඩුගං බලා යන කීපදෙනෙක් ඉන්නවා. ඔවුන්ට හඬක් නෑ. මුළු මහත් ඉතිහාසයේම එහෙමයි.


🔴ඉස්ලාමය ගැනත් ඕකමද කියන්න තියෙන්නෙ ?


නැතුව. අනෙක් සියලු ආගම්වලටත් වඩා, එය අදහන ප්රජාවට ගැටගහපු ආගම තමයි ඉස්ලාමය. මානව ප්රජාව පසුගාමීත්වය එක්ක බැඳලා තියන්න ඉස්ලාමය මාර වැඩකොටසක් කරනවා. ලෝක පරිමාණ වැඩකොටසක් කරනවා. නබි තුමා සිහිනෙන්වත් නොකියූ නොසිතූ දේවල් ඉස්ලාමයේ නාමයෙන් ක්රියාත්මක කරනවා.


🔴ඒ කිව්වෙ ?


මූලික මිනිස් නිදහස ආගමික බහුබූතවලට යටකරලා. උදාහරණයක් හැටියට, ස්ත්රී නිදහස තනි විහිළුවක් කරලා. තමන්ගේ ගෝත්රය හැටියට හිතන සිතීමට පොදු සමාජ සිතීම මූලික වශයෙන් යට කරලා.


🔴මොකද්ද උත්තරේ ?


එකපාර උත්තර හොයන්න බෑ. ඒ පසුගාමීත්වයන්ට විරුද්ධව ඇතුළතින් සටන් උපද්දන්න ඕන. ඉස්ලාමික ප්රතිසංස්කරණවාදී ව්යාපාර හදන්න සමාජ ව්යාපාර මැදිහත් වෙන්න ඕන. එක් හෝ තවත් ප්රජාවක් හුරතල් නොකර, සියලු ආගමික අන්තවාදී බහුබූත පිටුදකින ජාති ආගම් කුල මල නැති සමාජ ව්යාපාරයක් හදන්න ඕන.


🔴ආගම් අදහන්න එපා කියලද කියන්නේ ?


අපොයි නැහැ. කැමති අය අදහන්න. අනෙක් අයට වාතයක් වෙන්න එපා. හන්දියක් හන්දියක් ගානෙ බුදු පිළිම සුරුවම්. පල්ලිවල පන්සල්වල කණ පැලෙන්න ලවුඩ්ස්පීකර් දාගෙන තමන්ගේ ශාස්තෘවරයාට කන්නලව් කරනවා. මොන විහිලුවක්ද මේ ? පන්සල් පල්ලි කෝවිල් දැන් ඇති මේ රටට. වැඩි වැඩියෙන් හදපල්ලා ඉස්කෝල. හදපල්ලා තොරතුරු තාක්ෂණ මධ්යස්ථාන. හදපල්ලා කාර්මික පාඨශාලා. අන්න ඒ සටන් පාඨය හඬ නගා කියන්න ඕන.


🔴මේ ඔක්කොමත් හරි.. දැන් ඉස්ලාමික අන්තවාදී ත්රස්තවාදයක් මතු වෙලා ?


ඔව්.


🔴ඇයි ඒක කලින් දැක්කෙ නැත්තෙ ?


අපි අනාවැකිකරුවන් නෙමෙයි. හැබැයි දේශපාලන ගණන් බැලීමක් තුළ බරපතල ලෙස හිතන්න තිබුණු තත්ත්වයක්.


🔴මොකද්ද ඒ නොදැකීමට හේතුව ?


ස්වයං විවේචනයක් කරොත්; අපේ සිතීම් ජාත්යන්තර තලයක තියල පෙරට ගන්නට නොහැකි වීමේ අඩුපාඩුව. අපේ ප්රගතිශීලීත්වයන් පවා දූපත්වාදියි යම් තරමකට. ඒක ජයගතයුතු අභියෝගයක් !


🔴ඔය ටික `අහවලා` කලින් කිව්ව කියල සමහරු කියනව ? එයා කිව්ව දේ අහන්නැතුව එයාව හිරේ දැම්ම කියල චෝදනාවක් තියෙනව ?


අහවලා නටපු නාඩගම් අපිට මතකයිනේ. එයා හිරේ ගියේ මේවා කියල නෙමෙයිනේ. සංගීත සර් ළමයෙකුට අපචාර කරලා හිරේ ගියාම, පව් අනේ එයා පිච් එකට සින්දු කිව්ව කියල නිදහස් කරන්නෙ නැහැනේ. ඒ අන්තවාදීන්ටයි මේ අන්තවාදීන්ටයි දෙගොල්ලන්ටම එකම පේ රෝල් එකෙන් වැටුප් ගියා කියලත් ප්රවෘත්ති පළවෙනවා. කොහොම වුණත්, සතුරෙක් හදාගන්න කෑ මොර දෙනකොට, ප්රතිපාර්ශ්වය ගැන නරකම අවදානම මතුකරනවා. ඔව්වා එක පැත්තකින් ඉරහඳ කිව් දෙයක් වැරදිලා නෑ වගේ කතන්දර. හරි ගිය ඒවා විතරයි අනාවැකි. විදුලි පුටු වගේ වැරදුණු ඒවා අමතක වෙනවා. ඒ එක පැත්තක්. අනෙක් අතට, ඒ කාලෙ බලයෙ හිටපු ජාතික ආරක්ෂාව ගැන කප් ගහපු කට්ටිය එහෙනං දුර දැකල වැඩකරන්න එපැයි. මේක අවුරුදු දහයක විතර ව්යාපෘතියක් කියලනේ කියන්නෙ. එහෙම කළේ නැහැනෙ, පර්සනල් පොලිටිකල් න්යාය පත්රවලට බුද්ධි අංශ කඩේ ඇරිය එකනෙ ඒ ගොල්ලොත් කරේ. ඒක වෙනම කතාවක්. කොහොම වුණත් එක ගෝත්රවාදයක් තවත් ගෝත්රවාදයකින් පරද්දන්න බැහැ. අනාවැකි කීමයි මනුෂ්යත්වයේ දේශපාලන මාවතයි කියන්නෙ දෙකක්. ගෝලීය ගැටලුවලට ගෝත්රික විසඳුම් නැහැ. හයිනාවන් එක්ක ඒ ගමන යන්න බැහැ !


🔴එතකොට දැන් ඉන්න කට්ටිය මොනවද කරන්නෙ ?


ඇත්තම කියනවනම් මුකුත්ම කරන්නෙ නැහැ. විලි ලැජ්ජා නැති විදිහට බෝල පාස් කරනවා. වගකීම් විරහිත භාවය රෙද්ද කඩාගෙන පෙන්නනවා. හොරකම් කරන්න තියෙන උනන්දුව සමාජය රකින්න නැති බව නැවත නැවතත් ඔප්පු කරනවා.


🔴ත්රස්තවාදය පරද්දන්න මිලිටරිකරණය දැඩි කළයුතුයි කියල සමහරු කියනව ?


ඕනෑම රාජ්යයක පුරවැසියන් ආරක්ෂා කිරීම ඒ රාජ්යය සතු වගකීමක්. ඕක දෙපැත්ත කැපෙන පිහියක් වගේ. ජාතික ආරක්ෂාව කියන පිහිය අනික් පැත්ත හැරෙව්වම රාජ්ය මර්දනය. අපි කැමති වුනත් නැතත් දැනට තියෙන යාන්ත්රණයක් තියෙනවා. අපි කැමති වුනත් නැතත් ඒවා ක්රියාත්මක වෙනවා. අලුත් මැෂින්වල ස්විච් දාන්න කියල අපි කියන්න හොඳ නැහැ. පාලකයො හදන්නෙත් අපට කියල ඒක කියවගන්න. ඉන්න අය වගේම එන්න හිතන් ඉන්න අයත් ආස ඒකට. අන්තවාදය මඩින්න කියල - ඒකට මුවාවෙලා, අපේ අනුමැතිය අරගෙන අලුත් දැතිරෝද කරකවන්න පටන් ගත්තොත්, අන්තිමට අපි ඔක්කොම අහුකරගෙන තමයි ඒවා ඉස්සරහට යන්නේ. ඕක පරෙස්සමෙන් අඩිය තියන්න ඕන කලාපයක්. මොකද අපට ඕන වෙලාවට ඒ ස්විච් ඒගොල්ලො ඕෆ් කරන්නෙ නැහැ. බදුගෙවන ජනයාගේ ජීවිත සුරකිනු කියන සටන් පාඨය ඉස්සරහට ගමු 

!

🔴මුස්ලිම් කඩ වර්ජනය කරන්න - මුස්ලිම් ප්රජාව සමග කතාබහ ගනුදෙනු නවත්වා ඔවුන්ට බ්රහ්ම දණ්ඩය පනවලා මේ ප්රශ්නය විසඳන්න පුළුවන් කියල සමහරු කියනව ?


ඔන්න ඕවා තමයි අර `අහවලාගෙ` ක්රමවේද. `අහවලාගේ ස්වාමිවරු` කැමති ක්රමවේද. ඒ විතරක් නෙමෙයි `ත්රස්තවාදීන්` බලාපොරොත්තු වෙන ක්රමවේද. භීතිය සමාජගත වෙන තරමට - මුසල්මානුවන් කොන්වෙන තරමට ත්රස්තයන් කැමතියි. ඔවුන්ගේ ඉලක්කයත් ඒකමයි. දෙවැනි පියවරකට යන්න සුජාතභාවය හැදෙන්නේ - තර්කයක් හැදෙන්නේ එතකොටයි. අනෙක් අතට, සමාජය භීතියට පත්කරලා බලය ඩැහැගන්න හදන අයත් ඒකට කැමතියි. එතකොට ඒගොල්ලන්ට පුළුවන් ගැලවුම්කාරයෝ වගේ වෙස්වලාගෙන දේශපාලන ගේම් ගහන්න. සියලු අන්තවාදීන්ට උවමනා වී ඇති මේ ගේම්වලට අහුවෙන්න එපා !


🔴ප්රජාතන්ත්රවාදය වෙනුවෙන් පාරට බැස්ස කට්ටිය අන්තවාදයට එරෙහිව පාරට බහින්නෙ කවද්ද කියලත් අහනව ?


ප්රජාතන්ත්රවාදය රජ මැදුරුවල දොරගුළු ලා සිරකළ විට අප පාරට බැස්ස බවත්, අන්තවාදය මහපාරට පැමිණ ඇති මේ මොහොතේ අන්තවාදී නොවීම පිළිබඳ යෝජනාව රැගෙන ගෙයක් ගෙයක් ගානේ ගොස් මිනිසුන්ගේ හදවතට තට්ටු කර මනුෂ්යත්වයේ දොරවල් වැඩිවැඩියෙන් විවෘත කරන්නට අපි සූදානම්වන බවත්, ඒ අහන අයට කියන්න.


🔴මොකද්ද එතකොට මේ ප්රශ්නෙට උත්තරේ ?


ජාතිවාදී ආගම්වාදී ගිනි ඇවිළෙන්නේ නැති වෙන්න පුළුවන් තරම් සමාජය සිහිල්ව තියාගන්න ඕන. ශිෂ්ඨ සම්පන්න මිනිසුන්ගේ සමාජ ජීවිතයට වාතයක් වෙන්න එපා කියල සියලු ආගමික බලාධිකරයන්ට බලකරන්න ඕන. ඒ ආගමික සංස්ථා ඇතුලෙ, මිනිස් නිදහස සම්බන්ධ කතිකාව පෙරට ගන්න පුළුවන් නව ප්රතිසංස්කරණ බලවේග උපද්දන්න ඕන. ගෝත්රවාදී නොවන සියලු බලවේග, පොඩි පොඩි වාද භේද අතෑරලා, අන්න ඒ ලොකු වැඩේට එකමුතු වෙලා ඉස්සරහට එන්න ඕන ! තනි තනි මිනිසුන් හැටියට ජාතිවාදී ආගම්වාදී සොම්බි කෙනෙක් නොවී, දේශපාලන නිරෝගීකම රැකගන්න උපරිම කැපකිරීම කරන්න ඕන. එහෙම ඉන්න ගමන් අර මහා ප්රගතිශීලී සමාජ ව්යාපාරය හදන්න සියලු භේද පැත්තකින් තියල සමගි වෙන්න ඕන ! වෙන උත්තරයක් නැහැ !!
_____________________________________
2019 මැයි 05

විමල් කැටිපෙආරච්චි විසින් ලියන ලද ලිපියකි 

Sunday, April 28, 2019

ලංකාවේ ISIS ව්‍යාපාරය ඉක්මනින් පරලොවට ?


Image result for LANKA THOWHEED JAMATH TERRORISTS ARRESTED BY POLICE



LTTE සංවිධානයේ සහ දේශප්රේමී ජනතා ව්යාපාරයේ (ජවිපෙ )සංවිධාන රටාව සහ සටන් ක්රම පිළිබඳව මෙන්ම ඒවා මැඩලීමට ආණ්ඩුවේ හමුදා ගනු ලැබූ ක්රියාමාර්ග පිළිබඳව නිරීක්ෂකයන් ලෙස අපට අවබෝධයක් තිබේ .


ලංකාවේ ISIS ව්යාපාරය දෙස බැලු විට ඔවුන්ගේ සටන් ක්රම ඉහත සංවිධාන දෙකේ සටන් ක්රම වලට වඩා වෙනස්ය එමෙන්ම මෙය මර්ධනය කිරීම සඳහා ආණ්ඩුවේ හමුදා සහ පොලීසය ගන්නා ක්රියා මාරගද වෙනස්ය



LTTE සංවිධානය අවුරුදු 30 කට ආසන්න කාලයක් සටන් කල අතර දේශප්රේමී ජනතා ව්යාපාරය අවුරුදු 3 ක් පමණ සටන් කළේය . එතරම් කාලයක් ඔවුන්ට සටන් කල හැකි වුයේ එම සංවිධානවලට එක්තරා ප්රමාණයකට සමාජයේ යම් යම් ස්ථරවල සහයෝගයක් තිබුණු නිසාය

එහෙත් තවුහීඩ් ජමාත් ඇතුළු අල්පයක් මුස්ලිම් ත්රත්යනට මුස්ලිම් සමාජයෙන් ලැබෙන සහය ඉතා අල්ප බව පෙනේ. එයට හේතුව වන්නේ බහුතරයක් මුස්ලිම් ජනයාගේ ආගමික විශ්වාසයන්ට එම අන්තවාදීන් විරුද්ධ වීම නිසාය. 


එමෙන්ම ඔවුන්ගේ සටන් ක්රමද ඉතා දුර්වල බව පෙනේ ප්රභාකරන් ඇතුළු lTTE නායකත්වය මෙන්ම ජවිපෙ නායකත්වය විනාශ වුයේ අවසන් අවස්ථාවේය . එහෙත් තවුහීඩ් ජමාත් සංවිධානයේ නායකයා පළමු අවස්ථාවේදීම අන් අය මරමින් දිවිනසා ගත්තේය ඔහුගේ සහෝදරයන් දෙදෙනා සහ පියා දින 6 ක් තුළ බෝම්බ පුපුරවාගෙන මිය ගියහ ඔවුන්ගේ ප්රධාන තිප්පොලවල කීපයක්ද අවි ආයුධ සැලකිය යුතු ප්රමාණයක්ද සාමාජිකයන් සැලකිය යුතු සංඛ්යාවක්ද දින හතක තුළ අසුවී තිබේ.



ආගමික උමතුවෙන් පෙළෙන්නට වැඩි සිහි බුද්ධියක්ද නැත ව්යාපාරයේ සාර්ථකත්වයට අල්ලා දෙවියන්ගේ සහයද අනිවාර්යයෙන්ම ලැබෙන බැවින් ඔවුන්ගේ අරමුණු ඉටුවනු ඇතැයි ඔවුහු නොඅනුමානවම විශ්වාස කරන්නට ඇත. 


සතියක් තුළ ආරක්ෂක හමුදා මේ තරම් සාර්ථකත්වයක් ලැබීමට හේතුවූ තවත් කරුණු 3 ක් තිබේ . 1 ජාතිවාදී ප්රති ප්රහාරයකට ආණ්ඩුව ඉඩ නොතැබීම. 2 ඒ නිසා සැලකිය යුතු මුස්ලිම් ජනපිරිසකගෙන් ආරක්ෂක හමුදාවනට සහය හිමිවීම .3 ආරක්ෂක හමුදා ත්රස්තවාදීන්ගේ සහ මුස්ලිම් ජනයාගේ වෙනස අවබෝධ කරගනිමින් ප්රවේසමෙන් මර්දන කටයුතු කිරීම එම කරුණු තුනය .


එමෙන්ම මෙම ත්රස්තයන්ගේ කෘරත්වය සමස්ත ලාංක්ක ජනයාගේ පිළිකුලට ලක්ව තිබීමද ත්රස්ත ව්යාපාරයේ අවසන් ගමනට උපකාර කරමින් තිබේ .තමන්ගේම දරුවන් මර දමන්නට මොවුන්ට හැකි නම් මොවුන්ට කල නොහැකි අපරාධයක් නොමැත පාසලකට ඇතුළුවී බෝම්බයක් පිපිරවීම මදුරුවෙක් මරන්නක් මෙන් ඉතා සුළු දෙයක් ලෙස ඔවුන් සලකති ඔවුන්ගේ දර්ශනයට අනුව අන්යාගමිකයන් සියල්ලෝම සතුරෝය


ඉහත හේතු නිසා ලංකාවේ මුස්ලිම් ත්රස්ත ව්යාපාරය ඉක්මනින් අවසන් ගමන් යාමට බොහෝ දුරට ඉඩ තිබේ .


එහෙත් අනාගතයේ දිනක යලිත් ISIS කරුවන් බිහිවීමට ඉඩ තිබේ .ඊට හේතුව  ඊට මග පාදන වහබ් වාදය මෙහි  පවතින නිසාය එබැවින්  මෙරටින් වහබ්වාදය  මුළුමනින්ම අතු ගා දැමීම සඳහා ස්ථිර සහ එඩිතර පියවර ගැනීම මේ මොහොතේ පාලකයන්ගේ ප්රධානතම වගකීමයි .

Saturday, April 27, 2019

මිනිමරන්නේ කන්‍යාවන් ලබාගැනීමටද ?



Image result for ISIS  female terrorists

         

 මුස්ලිම් ත්රස්තයන් අන්ය ආගම් අදහන්නවුන් මරාගෙන මැරෙන්නේ දෙව් ලොව ගොස් කන්යාවියන් තොග පිටින් ලබා ගැනීමේ අධික කාමාශාව නිසා යයි ඇතැමෙකු සිතන බව පෙනේ .


කොළඹදී මරාගෙන මැරුණු කීප දෙනෙකු ධනවත් පවුල්වල අය බැවින් කන්යාවන් ලබා ගැනීමට ඔවුන් දෙව් ලොව යා යුතු නැත මුදල් වියදම් කොට මේ ලෝකයේදීම කන්යාවන් කීප දෙනෙකු හෝ ලබා ගැනීම ඔවුන්ට අසීරු නැත .


දැනට තිබෙන තොරතුරු අනුව බෝම්බ පුපුරවා ගත් ඇතැම් ත්රස්තයන්ට සිට ඇත්තේ එක භාර්යාවක් බැගින් පමණි .නීතියෙන් බිරියන් 4 දෙනෙකු තබා ගැනීමට හැකි වුවත් ඒ සඳහාවත් ඔවුන් උනන්දු වී නැත. එබැවින් ඔවුන් කාමාශාවෙන් උතුරා ගිය මිනිසුන්ලෙස සැලකිය නොහැක.



ඉතා පැහැදිලිවම ඔවුන්ගේ අරමුණ වී තිබෙන්නේ සමස්ත ලෝකයම මුස්ලිම් ආගම අදහන්නවුන්ගේ ලෝකයක් බවට පත් කර ගැනීමය වෙනත් ජාතිකයන් භුමිය හෝ කතා කරන බස අනුව ජාතියක් බවට පත් වන නමුත් මහමදිකයන් එසේ නොවේ ඔවුන් ජාතියක් බවට පත්වී තිබෙන්නේ ඉස්ලාම් ආගම මතය.



නිදහස් ලෙස සිතන මතන මගේ මුස්ලිම් මිත්රයෙකුට අනුව පියා හවසට ගෙදර පැමිණි පසු දරුවන්ගෙන් අසන්නේ " අද ඉස්කෝලේ ගියාද ?" කියා නොව "අද පල්ලි ගියාද ?" කියාය .
මද්රසා පාසල් නමින් හඳුන්වන ඔවුන්ගේ දහම් පාසල් මගින් ඔවුන් තව දුරටත් ආගමික අන්තවාදීන් කරන බව මගේ මුස්ලිම් මිත්රයා කියා සිටියේය .


ISIS ත්රස්තවාදීන් අරාබි කරයේ සිට රුසියාව දක්වා එකම මුස්ලිම් රාජ්යයක් පිහිටුවීම සිය අරමුණ බව කියා සිටියෝය .ලෝකයේ විවිධ රටවලින් තරුණ තරුණියන් සිරියාවට ගොස් ISIS ත්රස්තයන් හෝ ඔවුන්ගේ භාර්යාවන් වුයේ ඒ නිසාය .ඔවුන් සිරියාවේ සහ ඉරාකයේ විශාල ප්රදේශයක් අල්ලාගෙන එහි රාජ්යයක් පිහිටවූ නමුත් ඇමරිකාව රුසියාව සහ තවත් රටවල් එක්ව සිරියාවේ සහ ඉරාකයේ හමුදා සමග එකාබද්ධව ඔවුන්ට එරෙහිව සටන් කිරීම ඔවුන් පාලනයේ පැවතී සිරියාවේ සහ ඉරාකයේ අවසාන ගමත් මසකට පමණ පෙර අහිමි වී ගියේය.



මේ නිසා ලොව පුරා isis ත්රස්ත ව්යාපාරයට බලවත් පසුබැසිමකට මුහුණ දීමට සිදුවී තිබේ එහෙත් විවිධ රටවල තිබෙන ISIS සංවිධාන පසු බැසීමට සුදානම් නැත අනුගාමිකයන්ගේ ධයිරය නැංවීම සඳහා විවිධ රටවල ත්රස්ත ක්රියාවල ඔවුන් නිරත වී සිටිති .
ලංකාවේ ISIS ත්රස්තයන් බෝම්බ පිපිරෙව්වේ එවැනි පසුබිමක් තුලය ඔවුන්ගේ පළමු අරමුණ වී තිබෙන්නේ අන්ය ආගමිකයන් හැකි පමණ මරා දමා ලංකාව මුස්ලිම් රාජ්යයක් බවට පත් කිරීමය. දෙවෙනි අරමුණ වන්නේ ලංකාව සහ ඉන්දියාව ඒකාබද්ධ මුස්ලිම් රාජ්යයක් බවට පත් කිරීමය. ලංකාවේ ISIS ත්රාතයන් සහ ඉන්දියාවේ ISIS ත්රතයන් අතර මුණගැසීම් සහ ක්රියාකාරකම් සිදුවී තිබෙන බව ඉන්දියානු ආරක්ෂක අංශ විසින් සොයාගෙන තිබේ .


ලංකාවේ ISIS ත්රස්ත ව්යාපාරය මුළුමනින්ම පරාජය කිරීමට මේ රටේ මුස්ලිම් ජනයාගේ සහය අත්යවශ්යය. හමුදාවකට ත්රස්තයන් මරාදැමිය හැකි නමුත් මිනිසුන් තුළ ඇතිවෙන ත්රස්ත සිතුවිලි නැවැත්විය හැකි නොවේ එය කල හැක්කේ මුස්ලිම් ජනයාගේද සහය ලබාගෙන දියත් කරන ආගමික අනත්වාද්ය තුරන් කිරීමේ පුළුල් ව්යාපාරයක් මගිනි .



එහෙත් ඇතැමුන් ,විශේෂයෙන් ජාතිවාදී මෝඩ භික්ෂුන් විසින් කරන ප්රාකාශ ඉතා හානිකරය උදාහරණයක් ලෙස සිංහල රාවය නමැති ත්රස්ත සංවිධානයක් අටවාගෙන සිටින මාගල්කන්දේ සුදත්ත නමැති මි හරකා කියා සිටයේ භික්ෂුන්ද එකතු කොට ගෙන පාරට බස මුස්ලිම් කාන්තාවන්ගේ බුර්කාව ගලවන බවය .එවැනි ක්රියාවලින් සිදුවන්නේ මුස්ලිම් ප්රජාව වැඩි වැඩියෙන් ISIS ව්යාපාරයේ හිතවතුන් බවට පත්වීම පමණි .


එබැවින් ISIS ත්රස්ත ව්යාපාරය ලංකාවෙන් අතුගා දැමිය හැක්කේ ආරක්ෂක හමුදාවනට මුස්ලිම් ප්රජාවගේ සහය ලබාගැනීමෙන් සහ ත්රස්තවාදී අදහස් මුස්ලිම් ජාතිකයන් තුළ ඇතිවීම වැලැක්වීම සඳහා දේශපාලන මැදිහත්වීමක් දියත් කිරීම මගින් පමණි

Thursday, April 25, 2019

ඉන්දු ලංකා මුස්ලිම් රාජ්‍යයක් පිහිටුවීමේ සැලැස්මක්




Image result for zahran hashim



                           ලංකාවේ ත්‍රස්ත  නායක මවුලවි සහරාන් බින් හෂිම්



    ඉන්දියාව සහ ලංකාව ඒකාබද්ධ මුස්ලිම් රාජ්‍යයක් පිහිටුවීම සඳහා  තමිල් නඩුවේ සහ  කේරලයේ ISIS සාමාජිකයන් සමග ලංකාවේ ISIS නායකයා වන සහරන් හෂීම් වසරක කාලයක් තිස්සේ සාකච්චා  පවත්වා ඇති බව  ඉන්දියානු ISIS ත්‍රස්ත විමර්ශන නිලධාරීන් විසින් සොයාගෙන තිබේ . මෙයට බංගලි දේශයේ ISIS ත්‍රස්තයන්ද  සම්බන්ධ බවට එම නිලධාරීන් විශ්වාස  කරන අතර ඒ සම්බන්ධයෙන් වැඩි තොරතුරු සොයමින් සිටිති  


මරාගෙන මැරෙන ත්‍රස්තයන් විසින් පාස්කු ඉරිදා බෝම්බ පුපුරවා  හැරියේ ජාතික තව්ශීඩ් ජමාත් සංවිධානයේ  නායකයා වන   මවුලවි  සහරාන් බින් හෂීම්  දුන් නියෝගය අනුවය  .



තමිල් නඩුවේ සහ කේරල වසන මුස්ලිම් ජාතිකයන් දුසිමකට වැඩි සංඛ්‍යාවක් ලංකාවට  පැමිණ ත්‍රස්ත ආගමික වැඩ  සටහන් වලට සම්බන්ධ වී තිබෙන බවට ඉන්දියානු  ත්‍රස්ත විමර්ශන නිලධාරීන් විශ්වාස කරති . ඔවුන් මෙහි පැමිණ ඇත්තේ 2015 සහ 2016 වසර දෙකේදීය .


ඔවුන් සතුව තිබු වීඩියෝ පරීක්ෂාකළ නිලධාරීන් ලංකාවේ විශාල ත්‍රස්ත සැලැස්මක් ක්‍රියාත්මක කිරීමට සුදානමින් සිටින  බව අවබෝධ  කරගෙන තිබේ 


2014 වසරේ සිට ඉන්දියානු විමර්ශන නිලධාරීන් විසින් ISIS සංවිධානයට සම්බන්ධ පුද්ගලයන් 70 ට වඩා ඉන්දියාවේ විවධ  ප්‍රන්ත්වලින්  අත් අඩංගුවට ගෙන තිබෙන අතර ඉන් වැඩි දෙනෙකු අයත් වන්නේ  තමිල්නාඩුවට සහ කේරලයටය .


මෙවැනි බරපතල  තත්වයක් හමුවේ ජාත්‍යන්තර බුද්ධි අංශවල සහය නොමැතිව  ලංකාවට මෙම ව්‍යසනය අවසන් කිරීමට නොහැකි බව  ඉතා පැහැදිළිය .


අද ජනාධිපතිවරයා  කඳවු සර්ව  පාක්ෂික සාකච්චාවේදී අදහස් දැක්වූ විමල් වීරවංශ  මන්ත්‍රීවරයා විදේශීය  බුද්ධි අංශ නොමැතිව  ලංකාවේ බුද්ධි අංශවලට  ISIS ත්‍රස්ත ව්‍යාපාරයේ තොරතුරු  සොයාගත  හැකි බව කිය 


Monday, April 22, 2019

ජනාධිපති ඉල්ලා අස්විය යුතුයි



   Image result for maithripala sirisena at home

   

            මරාගෙන මැරෙන බෝම්බ කරුවන් 7 දෙනෙකු විසින්  සහ තවත්   අන්තවාදීන්   කීප දෙනෙකු විසින් ඊයේ (21)   කරන ලද  ප්‍රහාර මාලාව  පිලිබඳ ලංකාවේ  බුද්ධි අංශවලට විදේශ බුද්ධි අංශ මගින් කීප වරක් දැනුම් දී තිබුණද  එම ප්‍රහාර  වැලක්වීමට බලධාරීන් ක්‍රියා  නොකළේ මන්දැයි යන්න අද ප්‍රධානම ප්‍රශ්නය බවට  පත්ව තිබේ .


මේ සම්බන්ධයෙන් අගමැතිවරයාට කිසිදු දැනුම් දීමක් කර නැති බව අගමැතිවරයා ඊයේ කියා සිටියේය .

ගිය වසරේ ඔක්තෝබර්  මාසයෙන් පසු ආරක්ෂක  මණ්ඩලයේ රැස්වීම් වලට අගමැතිවරයා සහ ආරක්ෂක නියෝජ්‍ය අමාත්‍යවරයා කැඳවා නැති බවද දැන් හෙළි වී තිබේ .


බෝම්බ  පිපිරීමෙන් පසු ඒ ගැන  සාකච්චා  කිරීමට ආරක්ෂක මණ්ඩලයේ සාමාජිකයනට අගමැති හමුවීමට අරලියගහ මන්දිරයට  පැමිණෙන ලෙස අගමැති දැනුම් දුන් විට ඔවුහු එය ප්‍රතික්ෂේප  කර තිබේ .එයට හේතුව ලෙස සඳහන් වන්නේ අරලියගහ මන්දිරයට නොයන ලෙස  ජනාධිපති විසින් උපදෙස් දී  තිබීම බව දැන් හෙළිවී තිබේ . එබැවින් අගමැතිවරයා ඔවුන් හමුවීමට ගොස් ආරක්ෂක මණ්ඩලය රැස්  කර තිබේ.


ඉකුත් ඔක්තෝබර් මාසයේ අගමැතිවරයා  ඉවත් කොට රාජපක්ෂ  මහතා අගමැති කලද එය අසාර්ථක වීමෙන් පසු පොලිසිය ආණ්ඩුවට දිය යුතු වුවත් සිරිසේන ජනාධිපති එය තමන් අත තබා  ගත් අතර තවමත් පොලිසිය  ඔහු යටතේය .


මෙවැනි පසුබිමක් තුළ  පොලිස්පතිවරයා අගමැති නොසලකා  හැර කටයුතු කර  තිබෙන බව පෙනේ . බෝම්බ ප්‍රහාරයක්  එල්ල කරන්නට සුදානම් වෙමින් සිටින බවට    කලින් ලැබුණු  තොරතුරු අගමැතිට දැනුම් නොදී තිබෙන්නේ මේ නිසා බව අපට පිළිගැනීමට සිදුවී තිබේ .


අගමැතිට දනුම් නොදුන්නද පොලිස්පතිවරයා මෙම ප්‍රහාරය වැලක්වීමට පියවර  ගත යුතුව  තිබිණ . ඒ වෙනුවට ඔහු කර ඇත්තේ ප්‍රභූවරුන් ආරක්ෂා  කිරීමට  පමණක් පියවර ගැනීමය .


එබැවින් මෙම විනාශයේ වගකීම පොලිස්පතිවරයා භාරගත යුතුය .



එමෙන්ම  මෙම බෝම්බ පිපිරවීම  කළ තව්හීත් ජමාත් සංවිධානය  පිලිබඳ  තොරතුරු ආරක්ෂක අංශ  දැන සිටි නමුත් ඔවුන්ට   සෑහෙන නිදහසකින්   කටයුතු කිරීමට  ඉඩ දීම සම්බන්ධයෙන් ත්‍රිවිධ හමුදාවේ ප්‍රධානියා ද  පොලිසියද  භාර ඇමති ද වන  ජනාධිපති  වගකීම භාරගත යුතුය .


ජනාධිපතිවරයා ඉතා වගකීම් රහිත  ලෙස  කටයුතු කරන පුද්ගලයෙක් බව පසුගිය  කාලයේ  ඔහුගේ හැසිරීම පෙන්වා තිබේ  තමන්ට චන්දය දුන් ලක්ෂ 62 ජනයාට කොකා පෙන්වූ පුද්ගලයාට නොකළ හැකි තවත් දෙයක් තිබේද?

ඔහු මෙවර එතෙර සංචාරයේ  ගියේ වැඩ බැලීමට කිසිවෙකුට  පවරන්නේ නැතිවය. රටේ ආරක්ෂාව දෙවෙනි ස්ථානයටද  විදේශ සංචාරය  පළමු ස්ථානයටද දමා   ඔහු කටයුතු කර  නොතිබේද ?



තමන්ගේ දේශපාලන න්‍යාය  පත්‍රයට ප්‍රමුඛස්ථානය දී අන් සියල්ල දෙවෙනි තුන්වැනි සහ හතර වැනි ස්ථාන ලබා දී තිබෙන බව පෙනේ .


සිරිසේන මහතා රනිල් සමග වෛර බැඳ ගත්තේ නැවත වරක් ජනාධිපති ධුරයට  පත්වීම සඳහා එජාපයේ සහය ඉල්ලා සිටි විට එය ප්‍රතික්ෂේප  කළ දිනයේ සිටය .සිය දේශපාලන ආශාව සපුරා ගැනීම සඳහා ඊ ලඟට ඔහු හැරුණේ පොහොට්ටුව වෙතය  රාජපක්ෂගේ සහය ලබාගැනීම සඳහා ඔහු අගමැති කළේය . රාජපක්ෂ ආණ්ඩුව පවත්වාගැනීමට ඔහු සියලු දහම් ගැට ගැසූ නමුත්  සියල්ල වැරදි ගිය විට වෙනත් කරන්නට දෙයක් නොමැතිවූ කළ රනිල් අගමැති කළ නමුත් ආණ්ඩුවට කිසිදු සහයක් දුන්නේ නැත   නිතිය  හා සාමය  පිලිබඳ ඇමති ධුරය  ආණ්ඩුවට නොදී තමන් යටතේ තබා ගෙන ආණ්ඩුව දුර්වල  කිරීමට ඔහුගේ අපේක්ෂාව විය .



ඔහුගේ මරිමෝඩ ක්‍රියා වලින්  අද රටම අමාරුවේ  වැටි තිබේ . විදේශ සංචාරකයන්  සියල්ලෝම ආපසු තම රටවල්වලට යමින් සිටිති .  විදේශ සංචාරකයන් මෙවැනි විශාල සංඛ්‍යාවක් යුද්ධය  කාලයේද මියගියේ සහ තුවාල වුයේ නැත .  එබැවින් රට  යලි මුළුමනින්ම සාමකාමී වී කලක් යනතුරු  යලිත් විදේශ සංචාරකයන් මේ රටට පැමිණෙතැයි සිටිය නොහැක . සංචාරක හෝටල් සැලකිය යුතු සංඛ්‍යාවක්  වැසි යනු ඇත සංචාරක හෝටල්වල සේවකයන් තොග  පිටින්  රැකියා වලින්  නෙරපා හරිනු ඇත . සංචාරක කර්මාන්ත  ආශ්‍රයෙන් ජීවිකාව ගැටගසා ගත්  ලක්ෂ  ගණනකගේ ආදායම් මාර්ග සිඳී යනු ඇත  දේශ ආයෝජන නොපැමිණෙනු ඇත .


එපමණක්  නොව මෙහි ජිවත්වන මුස්ලිම් ජනයා කෙරෙහි අනෙකුත් ජනවර්ගයන් මින් පසු  බලනු ඇත්තේ සැකයෙනි . එබැවින් තිබුණු ජනවර්ග සමගියද බිඳී යන්නට  පාර කැපී තිබේ .

 එවැනි රටක කුමන සංවර්ධනයක්ද ?

දැන් ජනාධිපතිවරයාට රට වෙනුවෙන් කල හැකි හොඳම සේවය තනතුරෙන් ඉල්ලා අස්වී ගෙදර යාමය 

Sunday, April 21, 2019

බෝම්බ තිබ්බේ කවුද?


Image result for bomb explosions sri lanka hotels



  ඊයේ (අප්‍රියෙල් 21 ) හෝටල් තුනකද කතෝලික  පල්ලිවලද , දෙහිවල නවාතන් පොළකද , දෙමටගොඩද යන ස්ථාන අටක තැබූ සහ පිපිරවූ බෝම්බ වලින්  මේ වන විට අහිංසක  මිනිසුන් 290 දෙනෙකු  මියගොස් තිබෙන අතර   400 කට අධික සංඛ්‍යාවක් තුවාල ලබා  තිබේ .

මෙය තිරස්චින ක්‍රියාවක් බව අමුතුවෙන් කිව යුතු නැත .


මෙම බෝම්බ තැබුවේ  කවුදැයි ආණ්ඩුව  තවමත් කියා  නැත .


ත්‍රස්තවාදී සංවිධානයක්  ක්‍රියාත්මක වන බව ආරක්ෂක අංශවලට තොරතුරු කලින් ලැබී තිබුනද ඒ පිළිබඳව  තමන්ට හෝ ඇමති මණ්ඩලයට දැනුම් නොදුන්න් බවට අගමැතිවරයා  බරපතල චෝදනාවක්  ඉදිරිපත් කර තිබේ .ඔහු මෙම චෝදනාව එල්ල  කරන්නේ  ජනාධිපතිවරයාට සහ ආරක්ෂක  ප්‍රධානීන්ට  බව  පැහැදිළිය.


ආරක්ෂක මණ්ඩලයේ රැස්වීම් වලට ඉකුත් හයමාසය තුලදී අගමැතිවරයා සහ ආරක්ෂක නියෝජ්‍ය අමාත්‍ය රුවන් විජේගුණවර්ධන කැඳවා  නැත.

අඩු වශයෙන් පොලිසිය භාර ඇමතිකම පවා ආණ්ඩුවට නොදී ජනාධිපතිවරයා භාරයේ ඉකුත් මාස ගණනවක් තිස්සේ තබා ගෙන සිටි .

එබැවින් ජනාධිපතිවරයාට  තම තනතුරේ තව දුරටත් සිටීමට සදාචාර අයිතියක් නැත .

 මේ ත්‍රස්ත ප්‍රහාරය  පිටිපස  සිටින්නේ ISIS ත්‍රස්තවාදීන් බව දැන් පැහැදිළිය .


ISIS සංවිධානය මේ වන විට ලෝකයේ බොහෝ තැන්වල නන්නත්තාර වෙමින් සිටි. ඉරාකයේ සහ සිරියාවේ ඔවුන් ලැබූ දැවැන්ත පරාජය හමුවේ වියරුවැටී ඔවුහු ලෝකයේ වෙනත් ස්ථානවල සිටින සිය සාමාජිකයන්ගේ ධයිර්යය නොකඩවා තබා  ගැනීම සඳහා තැන තැන බෝම්බ පුපුරවන  බව  පෙනේ .විශේෂයෙන්ම සංචාරක හෝටල්වලට සහ කතෝලික පල්ලිවලට බෝම්බ  ගැසීමෙන් පෙනෙන්නේ  තමනට ප්‍රහාර එල්ල  කරන බටහිර  රටවල් වලින් පලිගැනීමට මෙම ප්‍රහාර  මාලාව දියත් කර තිබේ 


ඔවුන්ගේ අලුත්ම ප්‍රහාර මාලාව ලංකාව තුළ දියත් කළේ ඇයි?


Image result for bomb explosions sri lanka hotels



ජාත්‍යන්තර ISIS ත්‍රස්ත ව්‍යාපාරය  පිලිබඳ ලංකාවේ ආරක්ෂක අංශවල දැනුම දුර්වල වීම නිසා වෙනත් රටවල සිට ISIS ත්‍රස්ත සංවිධානයේ ඒජන්ත වරුන්ට අපේ රටට  පහසුවෙන් ඇතුළු වීමට හැකි බව පෙනේ. ජාත්‍යන්තර ඔත්තු සේවා සමග අපේ රටේ ආරක්ෂක අංශ යහපත් සම්බන්ධීකරණයක් පවත්වාගෙන  ගොස් තිබුනේ නම් ජාත්‍යන්තර ත්‍රස්තවාදීන් මේ රටට ඇතුළු වන විට ගුවන් තොටුපොලේදීම අල්ලාගත  හැකිය .ඔවුන්ට අපේ රටට ඇතුළු වී ඔවුන්ගේ සංවිධානයක් මේ රටේ ඇතිකරගැනීමට හැකිවී තිබෙන්නේ අපේ ආරක්ෂක අංශවල දුර්වල කම නිසා බවට  අනුමාන කිරීම සාධාරණය  . 

අගමැති වරයාගේ ප්‍රකාශය අනුව ආරක්ෂක අංශ මේ පිළිබඳව  කිසියම් අවබෝධයක් ලබා තිබුණද එය මෙතරම් බරපතල  හානියක් කිරීමට තරම් ශක්තිමත් වී  තිබෙන බව  ඔවුන් දැන සිට නැති බව පෙනේ .



කෙසේ වෙතත් මෙම ප්‍රහාර මාලාව ලංකාවේ ආර්ථිකයට එල්ල වුනු මාරක ප්‍රහාරයකි . සංචාරක ව්‍යාපාරය අඩපන වනු ඇත .විදේශ ආයෝජකයන් නොපැමිණෙනු ඇත  රට  පවතින අනාරක්ෂිත භාවය  ආර්ථිකයේ සැම අංශයටම අහිතකර  ලෙස  බලපානු ඇත .


ISIS සංවිධානයට හිතැති පිරිස් මෙහි  සිටින බව දෙමටගොඩ සිද්ධියෙන් අනුමාන කළ හැක . අප ඉදිරියේ දැන් තිබෙන්නේ එය ළදරු අවධියේදීම විනාශ  කර දැමීමේ වගකීමයි . 

Screen-capture of Nisanga's Facebook page, showing a photo posted from the hotel shortly before the attack.

    බෝම්බ පිපිරීමට ටිකකට  පෙර Shangri La හෝටලයේ උදෑසන ආහාර ගත්  පිරිසක් .


මුස්ලිම් ජනයා මෙතෙක් කිසිදු ත්‍රස්තවාදී ව්‍යාපාරයකට සම්බන්ධව සිටියේ නැත .එසේ නම් ඔවුන්ගෙන් කීප දෙනෙකු මෙසේ සම්බන්ධ වුවේ ඇයි ?

2014  බේරුවල -දර්ගා ටවුම -අලුත්ගම ප්‍රහාරයෙන් අරඹා  අම්පාර , ගිංතොට හරහා  මහනුවර දක්වා මුස්ලිම් ජනයාට කරන  ලද සිංහල අන්තවාදීන්ගේ ප්‍රහාර ISIS සංවිධානයට සාමාජිකයන් බඳවා  ගැනීමට හිතකර  පරිසරය  ගොඩ නගා දුන්නා විය හැක .කොටි සංවිධානය හැදුණේ 1956 සිට  1983 දක්වා වරින්වර  දෙමළුන්ට කරන ලද  ප්‍රහාර වල ප්‍රතිපලයක් ලෙසය . වරින් වර මුස්ලිම් ජනයට ප්‍රහාර එල්ල කරන විට ISIS වැනි සංවිධානයකට බැඳී ප්‍රතිප්‍රහාර එල්ල  කිරීමට ඇතැම් මුස්ලිම් තරුණයන්ට සිත් පහල විය හැක ඔවුන් බඳවා ගෙන මරාගෙන මැරෙන ත්‍රස්තයන් බවට  පත්කිරීමට ISIS සංවිධානයට හෝ එවැනි වෙනත් අන්තවාදී සංවිධානයකට පහසුවෙන් පුළුවන .


එබැවින් අපට ගත හැකි පියවර දෙකක් තිබේ.

  එක මුස්ලිම් මිනිසුන්ට ප්‍රහාර එල්ලකොට ඔවුන් අන්තවාදීන් බවට පත් කිරීමය.

 දෙක මුස්ලිම් ජනයාගේ සහය  ලබාගෙන  මුස්ලිම් අන්තවාදය පරාජය කිරීමය.

ලංකාවේ ආරක්ෂක හමුදාවලට මෙම ත්‍රස්ත සංවිධානය පරාජය කිරීමට ශක්තිය තිබෙන බව ඇත්තය .එහෙත් එයට  කියම කාලයක් ගත වේ . ඒ අතරතුර ත්‍රස්තවාදීන්ට කල හැකි විනාශය විශාලය  එක දිනකදී මෙවැනි විනාශයක් කල හැකි වුයේ නම් කලක් එවැනි සංවිධානයක් පැවතුනහොත් කල හැකි විනාශය කුමක්දැයි සිතා ගැනීමට  පුළුවන .

එබැවින් මෙම ත්‍රස්ත සංවිධානය  මුලිනුපුටා දැමීම සඳහා මුස්ලිම් ජනයාගේ සහය අත්‍යවශ්‍යය . ඔවුන්ගේ සහය  ලබාගත  හැකිවන පරිදි  කටයුතු කිරීම සියලුම පුරවැසියන්ගේ වගකීම වෙයි  

Sunday, March 31, 2019

විජේවීර චිත්‍රපටියෙන් නොකී කතාව


 
rohana_wijeweera_3

  

 'ගින්නෙන්  උපන් සීතල ' චිත්‍රපටිය  ගැන සැලකිය යුතු පිරිසක් පසු ගිය  මාස දෙක තුන  තුළදී ලිවුහ. පහත දැක්වෙන්නේ එම චිත්‍රපටියේ නොකියන  ලද  කතාව  පිලිබඳ  ගෙන එන ලද විග්‍රහයකි එම විග්‍රහය ලියා තිබෙන්නේ  ජනතා විමුක්ති පෙරමුණේ ප්‍රධාන ලේකම් ලෙස 1983 අගවන තුරු  කටයුතු කළ  ලයනල් බෝපගේය .බෝපගේ 1971 කැරැල්ලේ මහනඩුවේ විත්තිකරුවෙකු විය. හිර දඬුවම් විඳි ඔහු විජේවීර සමග 1977  හිරගෙදරින් නිදහස්ව එතැන් සිට  ජවිපෙ  ප්‍රධාන  ලේකම්  ලෙස පක්ෂයෙන් අස්වී  යන තුරුම  කටයුතු කළේය.


    ඉහත පින්තුරයේ වම පස සිට හතර වැන්නා  ලයනල් බෝපගේ ය . ඔහුගේ ලිපිය පහත දැක්වේ .


 " ජනතා විමුක්ති පෙරමුණේ දේශපාලනය සහ ඔවුන්ගේ දේශපාලන කතිකාවතේ අඩංගු වන ආවේණික සීමාවන් සම්බන්ධව විවිධ මතිමතාන්තර පවතී. විශේෂයෙන්ම රෝහණ විජේවීර සහෝදරයාගේ දේශපාලනය සහ ඔහුව ඝාතනය කිරීම සම්බන්ධයෙන් පවතින බොහෝ මතිමතාන්තරවල එකිනෙකට වෙනස් වෘත්තාන්ත පවතී. එවැනි වාතාවරණයක් තුල ‘ගින්නෙන් උපන් සීතල’ වැනි සිනමා කෘතියක් නිෂ්පාදනය කරන්නට ඉදිරිපත් වීමම පවා ප්‍රශංසාවට සහ අගය කිරීමට ලක් විය යුතු කාරණයක් වෙයි.


ගින්නෙන් උපන් සීතල’ චිත්‍රපටය 2018 ඔස්කාර් සම්මාන උළෙලේ ‘හොඳම චිත්‍රපටය’ ලෙස ද නිර්දේශ වී තිබුණි. ඉදිරියේ දී මෙම චිත්‍රපටය ඔස්ට්‍රේලියාවේ ප්‍රදර්ශනය කරනවා ඇත. එබැවින් චිත්‍රපටය පිළිබඳව මට මෙතෙක් කියවන්නට ලැබී ඇති මූලාශ්‍රවල සඳහන් තොරතුරු මත මේ ලිපිය පදනම් වෙයි. මෙම චිත්‍රපටය හඳුන්වා දී ඇත්තේ “කාලයේ ගින්නෙන් පන්නරය ලැබූ ඒ යකඩ මිනිසුන්ගේ කථාව” යනුවෙනි. මෙම චිත්‍රපටයේ සංකල්පය රචනා කළ ආරියවංශ ධම්මගේ සහ එය අධ්‍යක්ෂණය කළ අනුරුද්ධ ජයසිංහ යන සහෝදරවරු විසින් ඉදිරිපත් කොට ඇති තොරතුරුවලට අනුව මෙම කෘතියේ නිර්මාණය වසර කිහිපයක අත් දැකීම්වල මෙන්ම ඒ අර්බුදකාරී කාල පරිච්ඡේදය පිළිබඳව කරන ලද අධ්‍යයනයක ද ප්‍රතිඵලයක් වේ.


රැඩිකල් ව්‍යාපෘති වෙනුවෙන් පෙනී සිටින නිර්මාණ කරුවන් වැඩි දෙනෙක් විප්ලවකාරී දේශපාලනයේ යෙදෙන අය නොවේ. එසේම විකල්ප දේශපාලනයේ නියැලෙන බොහෝ දෙනෙකුට රැඩිකල් කලා නිර්මාණ සම්බන්ධයෙන් ඇත්තේ අල්ප අවබෝධයකි. පර්යේෂණාත්මක අධ්‍යයනයන් මත පදනම් වෙමින් කලාත්මක නිර්මාණයේ යෙදෙන්නට උත්සාහ කිරීම් දේශපාලනයට සම්බන්ධ වැඩි දෙනෙකුගෙන් බලාපොරොත්තු විය හැකි දෙයක් නොවේ.


ජනතා විමුක්ති පෙරමුණේ ශිෂ්‍ය ව්‍යාපාරය සමඟ සම්බන්ධ වී සිටි අධ්‍යක්ෂකවරයා ‘ඉතාම හොඳින් මෙම නිර්මාණය ඉදිරිපත් කිරීමේ වුවමනාවක්’ පැවති බවට කර ඇති ප්‍රකාශයෙන් පෙනෙන්නේ ඔහු සම්ප්‍රදායයෙන් බැහැර වන බව යි. මේ කලා කෘතිය නිර්මාණය කිරීම සඳහා රෝහණ සහෝදරයා යටි බිම් ගතව සිටි කාලය තුල ඔහු ළඟින් ඇසුරු කළ පුද්ගලයින් ද දේශපාලන සගයන් ද හමු වී සාකච්ඡා කළ බවත් ඔවුන්ගේ සහාය ලැබූ බවත් ඔවුන්ගේ මඟ පෙන්වීම අනුව කටයුතු කළ බවත්, ඔවුන් විසින් “නිවැරැදි කර ගත යුතු තැන් පෙන්වා දෙන” ලද බවත් ඔවුහු පවසා ඇත.


කලා නිර්මාණයකින් යථාර්තය නිරූපනය කරනවාද නැද්ද යන තීරණය රඳා පවතින්නේ නිර්මාණ කරුවන් ඒ නිර්මාණයේ මවා ගත් චරිත සහ රූප රාමු සෞන්දර්යාත්මක ලෙසත්, නිවැරදි ආකාරයටත්, පැහැදිලිවත්, යථාරූපී ලෙසත් නිර්මාණය කර තිබේද යන්න මත යි. අනෙක් අතට, කලා නිර්මාණයක පිලි ගත හැකි හෝ නොහැකි බව හැම විටකම හුදෙක් දේශපාලන සිද්ධාන්ත මත පදනම් වී තීරණය කළ හැක්කක් නොවේ. කලා නිර්මාණයක කලාත්මක ස්වභාවය මැනිය හැක්කේ කලාවට ම අනුරූප වූ සිද්ධාන්ත හා නියාම පදනම් කොට ගෙනයි. කෙසේ වෙතත් මෙම ලිපියේ අරමුණ වන්නේ මෙම නිර්මාණයේ කලාත්මක භාවය පිළිබඳව විචාරයක් කිරීම නොවේ.
නිර්මාණයක දේශපාලන නිවැරැදි බව තීරණය වන්නේ විද්‍යාත්මකවත් තර්කානුකූලවත් කරන විග්‍රහයක් මගිනි. එම නිර්මාණය එක්තරා කාල වකවානුවක දී දෘශ්‍යමාන වන්නේ කවර ස්වරූපයෙන් ද, කවර හේතූන් මත ද යන්න පැහැදිලි කල හැක්කේ දේශපාලන වශයෙන් පමණකි.

 නිර්මාණයකට පවතින සමාජ ආර්ථික හා දේශපාලන වාතාවරණයෙන් වියෝ වී සිටින්නට නොහැකිය. එසේ වියෝ වුනු නිර්මාණයකට පැවැත්මක් හෝ ආරක්ෂාවක් නැත. අපේ යුගයේ කලා නිර්මාණවල ක්‍රියාත්මක ස්වභාවය නිර්ණය වන්නේ එවැනි නිර්මාණ සමාජය වෙනස් කිරීමේ ප්‍රයත්නයන් සමඟ සම්බන්ධ වන තාක් දුරට පමණි.


මේ ලිපියේ සඳහන් කරන කරුණු දැනට පවතින ජනතා විමුක්ති පෙරමුණ හෝ එහි නායකත්වය ඉලක්ක කර ගෙන ඉදිරිපත් කරන ඒවා නොවන බව අවධාරණය කිරීම මෙහිදී වැදගත් වේ.
මෙම ලිපියට ආසන්නතම සන්දර්භය වූයේ තිඹිරියාගම බණ්ඩාර සහෝදරයාගේ ‘දේශපාලනය සහ ජීවිතය නමැති “ගින්නෙන් උපන් සීතල”’ යනුවෙන් පළ කොට ඇති විචාරය යි. එහි මෙසේ සඳහන් වෙයි:


1. “දක්ෂිණාංශික රජය 83 වාර්ගික ගැටුම් දඩ මීමා කර ගනිමින් ජනතා විමුක්ති පෙරමුණ තහනම් කරයි. එහි නායකයන් අත්අඩංගුවට ගැනීමට තැත් කළ විට ඔවුන්ට ආරක්ෂාව පතා යටි බිම් ගත දේශපාලන ජීවිතයක් වෙත යාමට බල කෙරුණි.”
2. “විජේවීර චරිතය අධ්‍යයනය කිරීම සඳහා විවිධ මූලාශ්‍ර ඇසුරු කිරීම හා ඒ බව නාමාවලියෙහි පවා සඳහන් කිරීම අනුරුද්ධගේ යහපත් ලක්ෂණයකි. අපේ ඇතැම් සිනමාකරුවන්ට එබඳු යහගුණ නැත. මිනිසකුට ජීවිතයේ දී බොරු කළ හැක. කලාවේදි බොරු කළ නොහැක.”

jvpfilm2

මා මෙහිදී එක්තරා පැහැදිලි කිරීමක් කළ යුතු වෙයි.


1983 කළු ජූලි විනාශය (pogrom) දියත් කරන ලද්දේ ජූලි 24 වනදා ය. ජූලි 25 දින වැලිකඩ බන්ධනාගාරයේ රඳවා සිටි දෙමළ රැඳවියන් 37 දෙනෙකු ඝාතනය කෙරුණි. ජුලි 26 දින සමස්ත දිවයිනට ම බලපාන පරිද්දෙන් ඇඳිරි නීතිය පනවන ලදි. ජූලි 28 වන දා දෙවන වතාවටත් වැලිකඩ බන්ධනාගාරයේ තවත් සිරකරුවන් 15 දෙනෙකු ඝාතනය කෙරුණි. ජනාධිපති ජනතාව ඇමතූයේ ජූලි 28 දා යි. ජාතිවාදී කෝලාහල මාර්ගයෙන් බලහත්කාරය යොදවා රාජ්‍ය බලය අල්ලා ගැනීමට කුමන්ත්‍රණය කළේය යන චෝදනාව යටතේ අති විශේෂ ගැසට් නිවේදනයක් මගින් ජූලි 31 දා ශ්‍රී ලංකාවේ කොමියුනිස්ට් පක්ෂය, නව සමසමාජ පක්ෂය සහ ජනතා විමුක්ති පෙරමුණ තහනම් කරන ලදී.


ඒ දිනවල මා රැඳී සිටියේ කොළඹ ආමර් වීදියේ පක්ෂ මූලස්ථානයේත් කඩවත මාවරමණ්ඩියේ අප පදිංචිව සිටි නිවසේත් ය. මා පක්ෂ මූලස්ථානයේ රැඳී සිටි නිසා අපේ සාමාජිකයන්ගෙන් කළු ජූලි විනාශය මෙහෙයවූ කණ්ඩායම් පිළිබඳව විස්තර එකතු කර ගත හැකි විය. රහස් පොලිසිය විසින් අපව රඳවා ගනු ලැබූයේ ඊටත් දින දෙකකට පමණ පසුවයි. මා රඳවා ගෙන සිටියදී රජය විසින් ජනතා විමුක්ති පෙරමුණට එරෙහිව නඟා තිබුන අභූත චෝදනාවලට මා එක් රැස් කර ගෙන තිබූ තොරතුරු උපයෝගී කර ගෙන අභියෝග කරන්නටත් මාස කිහිපයකට පසුව චිත්‍රා සහෝදරිය විසින් ගොනු කරන ලද හෙබයාස් කොර්පුස් ආයාචනයක් හේතුවෙන් රඳවා සිටි සියළු දෙනාටම චෝදනා විරහිතව නිදහස ලබන්නටත් හැකි විය.


ජුලි 31 වනදා ජනතා විමුක්ති පෙරමුණ තහනම් කිරීමට පෙර ජාතික ප්‍රශ්නය සම්බන්ධයෙන් පැවති පක්ෂ ප්‍රතිපත්තිය පිළිබඳව සාකච්ඡා කරන්නට කැඳවූ මධ්‍යම කාරක සභාවේ පූර්ණ සැසිය පැවැත්වූයේ ජුලි 21 සිට 23 දක්වා වූ දින තුනේ දී ය. ඒ තංගල්ල විතාරන්දෙණියේ විජිත රණවීර සහෝදරයාගේ නිවසේ පිහිටා තිබූ පක්ෂ පාසලේ දී යි. මෙම සැසි වාරයේදී ජාතික ප්‍රශ්නය සම්බන්ධයෙන් එතෙක් පැවති පක්ෂ ප්‍රතිපත්තිය වෙනස් කරන්නට ගන්නා ලද තීන්දුව සමඟ මම කිසිසේත්ම එකඟ නොවූයෙමි. මා ඒ සැසියෙන් පිටව ආවේ ඒ තීන්දුව නිසාත් ඒ වන විට පක්ෂ නායකත්වය සමඟ වර්ධනය වී තිබුන අමතර මතවාදී වෙනස්කම් නිසාත් පක්ෂයෙන් ඉවත් වෙන්නට තීරණය කර ගෙනය.


මා මෙහි මතු කරන කාරණය වන්නේ රෝහණ සහෝදරයා යටි බිම් ගත වෙන්නට විජිත රණවීර සහෝදරයාගේ නිවස බලා පිටත්ව ගියේ පක්ෂය තහනම් කලාට පසුව නොව, කළු ජූලි විනාශය ආරම්භ කල දිනය වූ ජූලි 25 වන දාම බවයි. ඔහු පිටත්ව ගිය වාහනය පැදවූයේ තවමත් ජනතා විමුක්ති පෙරමුණ සමඟ කටයුතු කරන සේපාල ලියනගේ සහෝදරයා යි. රෝහණ සහෝදරයා එසේ යටි බිම් ගත වෙන්නට තීරණය කර තිබුනේ පක්ෂයේ දේශපාලණ මණ්ඩල සභිකයන්ගෙන් කරන ලද විමසීමකින් හෝ ඔවුන් සමඟ කල සාකච්ඡාවකින් පසුව නොවේ.


සෝමවංශ අමරසිංහ සහෝදරයා ආමර් වීදිය කාර්යාලයට පැමිණ මා මුණ ගැසුනේත්, පක්ෂ තහනම පිළිබඳව අනෙක් පක්ෂ සමඟ, විශේෂයෙන් ලංකා සමසමාජ පක්ෂය සමඟ මා විසින් කරන ලද සාකච්ඡාවකට සහභාගි වූයේත් ජූලි 31 දායින් පසු දිනක යි. ලංකා සමසමාජ පක්ෂයේ අදහස වූයේ අප යටි බිම් ගත විය යුතු බව වුවද, මම ඒ අදහස සමඟ එකඟ නොවූයෙමි. එසේම රෝහණ සහෝදරයා විසින් යටි බිම් ගත වෙන්නට ඒ අවස්ථාවේ තනිවම ගන්නා ලද තීරණය පිළිබඳවද මම කිසිසේත්ම එකඟ නොවීමි.


මේ සම්බන්ධයෙන් මා එදා දැරුවා වූත් අද දරන්නා වූත් මතය වන්නේ රජය පෙරලීමේ කුමන්ත්‍රණයකට කෙසේ වෙතත්, අඩු තරමේ 1983 ජූලි විනාශය සම්බන්ධයෙන් එක සිද්ධියකට හෝ ජනතා විමුක්ති පෙරමුණ හෝ එහි නායකත්වයේ කිසිදු සම්බන්ධයක් නොපැවති හෙයින් ධනේශ්වර රජය නඟමින් තිබූ දේශපාලන හා සාපරාධී චෝදනාවලට අප විවෘත දේශපාලනයේ යෙදෙමින් පිළිතුරු දී ජනතාව තුල ඒ ප්‍රචාරය පරාජය කර දමන්නට කටයුතු කළ යුතුව තිබුණු බව යි. රෝහණ හා ගමනායක සහෝදරවරු වැනි නායකයන් සැඟවී ගත් විට 1983 ජූලි විනාශයට මෙන්ම රජය පෙරලීමේ කුමන්ත්‍රණයකට ද ජනතා විමුක්ති පෙරමුණ ඇත්තෙන්ම සම්බන්ධව සිටින්නට ඇතැයි යන දේශපාලන වශයෙන් සාවද්‍ය මතය සමාජයේ බොහෝ කොටස් අතර තහවුරු වී තිබුණි. කෙසේ වෙතත්, ඒ කාලයේ ජනතා විමුක්ති පෙරමුණ සිය පක්ෂ තහනම ඉවත් කරන්නට ලංකාවේ රජයට බල කරන ලෙස ජාතික සහ ජාත්‍යන්තර තලයේ දිගින් දිගටම නොයෙක් අන්දම් ඉල්ලීම් කලේය.


මා රහස් පොලිසියේ හතරවන තට්ටුවේ රඳවා ගනු ලැබ සිටියදී මෙන්ම 1983 දෙසැම්බරයේ නිදහස් කරනු ලැබූ පසුවත් රෝහණ සහෝදරයා විවෘත තලයට ගෙන එන්නට දැරූ සියළු උත්සාහයන් ව්‍යර්ථ වී ගියේය. රජයට ඔවුන්ගේ මතවාදය කාලයක් තිස්සේ රජ කරවා ලන්නට හැකි වූයේ මේ නිසා යයි මම තවමත් කල්පනා කරමි. පක්ෂ තහනම ඉවත් කරවා ගැනීම සම්බන්ධයෙන් මා ජනාධිපති ජේ ආර් ජයවර්ධන මහතා හමු වූ විට ඔහු පැවසූයේ පළමුව ‘රොහාන්’ පැමිණ කට උත්තරයක් දිය යුතු බවයි. ජනතා විමුක්ති පෙරමුණ සහ රෝහණ සහෝදරයා විවෘත දේශපාලනයට ගෙන එන්නට මා යෝජනා කළ හැම විටම මට ලැබුනු එකම පිළිතුර වූයේ එසේ කළ හොත් ඔහු මරා දමනු ඇති බවයි. එහෙත්, 1983-84 කාලය වන විට දකුණේ එවැනි මරා දැමීම් සිදු වූයේ නැත.


මා දන්නා තොරතුරුවලට අනුව ජනතා විමුක්ති පෙරමුණ සහ රෝහණ සහෝදරයා විවෘත දේශපාලනයට ගෙන එන්නට උත්සාහ කර ඇත්තේ මා පමණක්ම නොවේ. පසුගිය දා අභාවප්‍රාප්ත වූ ප්‍රින්ස් ගුණසේකර සහෝදරයාත්, (රෝහණ සහෝදරයාගේ එක් කුස උපන් සොහොයුරා වූ) ආනන්ද විජේවීර සහෝදරයා සහ (ඔවුන්ගේ සමීපතම මිත්‍රයෙක් සහ ඥාතියෙක් වූ) දෙවිනුවර ආරියදාස සෙල්ලහේවා මහතා මගින් පසුව රෝහණ සහෝදරයා සමඟ සම්බන්ධකම් පැවැත්වූ ‌එකල මුදල් ඇමතිව සිටි රොනී ද මැල් මහතාත් පසු කාලයක දී ඒ ඉල්ලීම ම කර ඇත. රෝහණ සහෝදරයාගේ නීතිඥයා ලෙස ප්‍රින්ස් සහෝදරයාත් ඔවුන්ගේ සුරැකියාවට රොනී ද මැල් මහතාත් රෝහණ සහෝදරයාගේ ආරක්ෂාවට ඉදිරිපත් වෙන්නට කැමැත්තෙන් සිටියදී පවා ජනතා විමුක්ති පෙරමුණට සහ රෝහණ සහෝදරයාට කරන ලද මෙම යෝජනාව ප්‍රතික්ෂේප කරන ලද්දේ මන්දැයි යන්න පැහැදිලි කළ නොහැකිය.


අනෙක් අතට මේ සම්බන්ධයෙන් කෙනෙකුට සාධාරණ දේශපාලන ප්‍රශ්නයක් ද නැඟිය හැකිය. එනම්, ජනතා විමුක්ති පෙරමුණේ නායකයන් විවෘත දේශපාලනයට නොපැමිණිමට තීරණය කරන්නට ඇත්තේ රජය විසින් 1983 ජූලි විනාශය සම්බන්ධයෙන් ජනතා විමුක්ති පෙරමුණට එරෙහිව එල්ල කරන ලද චෝදනා ප්‍රයෝජනයට ගනිමින් දකුණේ සිංහල බහුතරය දිනා ගැනීම සඳහා කටයුතු කිරීමේදී දේශපාලන වාසියක් සලසා ගැනීමට අනියම් උත්සාහයක නිරත වී සිටි නිසාද යන්නයි. එවකට උතුරේ දෙමළ ජාතිකවාදී අරගලයට එරෙහිව සිංහල ජාතිකවාදය කර පින්නා ගෙන දකුණේ සිංහල ජාතිකවාදීන්ට සහ ජාතිවාදීන්ට ප්‍රබල වේදිකාවක් ගොඩ නඟා දෙමින් ඔවුන් සමඟ ඉතා සහයෝගයෙන් කටයුතු කරන්නට ජනතා විමුක්ති පෙරමුණේ එදා සිටි නායකත්වය පසු කාලයේ දී කැපවී කටයුතු කළ ආකාරය අමතක කළ නොහැකිය.


මුලින්ම කොමියුනිස්ට් පක්ෂයේ නායකයෝ පොලිසියට භාර වූහ. පරීක්‍ෂණයකින් ඔවුන් සියළු දෙනාම නිදහස් කරන ලදුව පසුව පක්‍ෂ තහනම ද ඉවත් කරන ලදී. මුලදී සැඟවී සිටි නව සමසමාජ පක්ෂ නායකයෝ විජය කුමාරණතුංග සහෝදරයාගේ මැදිහත් වීමෙන් විවෘත දේශපාලනයට පැමිණි අතර අවසාන‌යේදී ඔවුන්ගේ පක්‍ෂ තහනම ද ඉවත් කරන ලදී. ඒ කාලයේදි රජය පෙරලා දමන්නට කුමන්ත්‍රණ කරන ලදැයි චෝදනා කොට නඩු පවරන ලද්දේ උතුරේ දෙමළ සටන්කාමී සංවිධානයක් සමඟ එක්ව කටයුතු කළ උඩුවරගේ හෙන්රි පෙරේරා සහෝදරයා ඇතුළු කණ්ඩායමකට එරෙහිව පමණි. 1971 අප්‍රේල් නැඟිටීම සම්බන්ධයෙන් අත් අඩංගුවේ සිටි ඔහු නිදහස ලැබීමෙන් පසු බාලා තම්පෝ සහෝදරයාගේ නායකත්වයෙන් පැවති විප්ලවවාදී මාක්ස්වාදී පක්ෂයට එකතු වී කලක් දේශපාලනයේ නිරතව සිටියේය. ලංකා කොමියුනිස්ට් පක්‍ෂයට වත් නව සමසමාජ පක්‍ෂයට වත් ජනතා විමුක්ති පෙරමුණට වත් එරෙහිව කිසිදු චෝදනාවක් ගොනු කොට තිබුනේ නැත.


filmjvp

යටි බිම් ගත දේශපාලනයේ සහ සන්නද්ධ කටයුතුවල නියැලී සිටි රෝහණ සහෝදරයා ඇතුළු ජනතා විමුක්ති පෙරමුණේ නායකයින් සියළු දෙනාම පාහේ 1989 නොවැම්බර් වන විට ඉතා කණගාටුදායක අන්දමින් මරා දමන ලදි. දිගින් දිගටම යටි බිම් ගතව සිටිනවා වෙනුවට ඔවුහු තම නිර්දෝෂීභාවය ජනතාවට ඔප්පු කරමින් පක්ෂ තහනම අභියෝගයට ලක් කළේ නම් ජනතා විමුක්ති පෙරමුණේ නායකත්වයේ දේශපාලන වශයෙන් ස්වයං-කාරක සිය දිවි නසා ගැනීම බොහෝ දුරට සිදු නොවන්නට ඉඩ තිබුනි. හැට දහසක පමණ ජීවිත විනාශය වළක්වා ගත හැකිව තිබිණි.


ගින්නෙන් උපන් සීතල’ චිත්‍රපටයේ චරිත සම්බන්ධයෙන් යම් අදහසක් ලබා ගන්නට මා හා සම්බන්ධ වීමට චිත්‍රපට සම්පාදකයන් මුලින් ගත් උත්සාහය හේතුවෙන් නිර්මාණ කරුවන්ට වඩා නිවැරදි ආකාරයටත් පැහැදිලිවත් යථාරූපී ලෙසත් චරිත මවා ගන්නට සහ රූප රාමු නිර්මාණය කරන්නට තිබූ වුවමනාව පැහැදිලි වෙයි. එහෙත් වැඩි කලක් නොයාම ඒ උත්සාහයන් වළක්වා ලන ලදි. ඒ සම්බන්ධයෙන් නිතැතින් ම පැන නැඟෙන ප්‍රශ්න වන්නේ ඒ කවුරුන් විසින් ද, කවුරුන්ගේ වුවමනාවක් වෙනුවෙන් ද, සහ කවුරුන්ගේ ඵල ප්‍රයෝජන ආරක්ෂා කරන්නටද යන්නයි.


දේශපාලන වශයෙන් බැළු විට, 1972 පමණ සිට 1983 ජුලි දක්වා ජනතා විමුක්ති පෙරමුණේ දේශපාලනයේ පැවති ඉදිරි දැක්ම හා වැඩ පිළිවෙලද, 1983 ජූලි මස පක්ෂය තහනම් කිරීමෙන් පසු, විශේෂයෙන්ම 1986 පමණ සිට 1990 පමණ දක්වා වූ සන්නද්ධ අරගලය දියත් කරන ලද කාලයේ ජනතා විමුක්ති පෙරමුණේ දේශපාලනයේ ඉදිරි දැක්ම හා වැඩ පිළිවෙලද අතර පැවතුන වෙනස පිළිබඳ යථාර්තය කුමක්දැයි ‘ගින්නෙන් උපන් සීතල’ නමැති මෙම කලා කෘතියෙන් ජනතාවට එලි දැක්වූයේ නම් එය ලංකාවේ සමාජ සංවර්ධනයට වැදගත් අත් දැකීමක් ගෙන එනවා මෙන්ම ඒ සඳහා සෑහෙන සාධනීය දායකත්වයක් කරන්නට හැකිව තිබුන බවත් පෙනේ.
1989 සන්නද්ධ අරගලයට පෙර ජනතා විමුක්ති පෙරමුණ තුල ඇති කරන ලද ප්‍රතිසංවිධාන කටයුතු පිළිබඳ අත්දැකීම් මෙන්ම අති දක්ෂිණාංශයේ සිට අති වාමාංශය දක්වා පක්ෂය දෝලනය වීම සඳහා පැවති සමාජ හා දේශපාලන පදනම විග්‍රහ කොට සමාජ සන්තක කර ලීමේ කාර්ය භාරය තවමත් ශේෂ වී තිබේ."


ලිපිය  උපුටා  ගත්තේ 'විවර ' පුවත්පතිනි 

ඇමරිකානුවෝ සහ අපේ පොල් බූරුවෝ

මුස්ලිම් අන්තවාදීන් විසින් කරන ලද ලොකුම ත්‍රස්ත ප්‍රහාරය 2001 /9/11 දින ඇමරිකාවේ ලෝක වෙළඳ මධ්‍යස්ථානයට එල්ල කරන ලද ප්‍රහාරයයි එම ප්...