Thursday, September 26, 2019

මී ළඟ ජනාධිපති අගමැතිගේ රුකඩයක් ද ?නැද්ද?



Image result for ANURA KUMARA SAJITH PREMADAASA GOTABHYA RAJAPAKSHA


     මී ළඟ ජනාධිපතිට ආරක්ෂක අමාත්යංශය පවා නොමැති බව පසුගිය දිනක ජනාධිපතිවරයා කියා සිටියේය ඊට හේතුව, 19 වන ව්‍යවස්ථා සංශෝධනයෙන් ජනාධිපතිගේ බොහෝ බලතල අහෝසි කර දැමීම නිසාය . සිරිසේන මහතාට අමාත්‍යංශ  කීපයක් දී තිබුණේ ඔහුගේ සේවා කාලය  අවසන් වන තුරු පමණය.

 

     එහෙත් ජනාධිපති වීම සඳහා තිබෙන්නේ පොරයකි.  රන්ඩු  සරුවල් වෙමින් ,   ජනාධිපති  අපේක්ෂකයා වීමට  මේ තරම් වලිකන්නේ මන්දැයි දැනගැනීම කාටත් හොඳය  . එම තනතුර එතරම්ම මිහිරිද ? පැණි කන්ටේනරයක්ද?



19 වන ව්‍යවස්ථා සංශෝධනය අනුව මීන් පසු බලයට  පත්වන ජනාධිපතිවරුන්ට තිබෙන බලතල මොනවාද ?  

මේ ලිපිය සකස්  කරේ අනාගත  ජනාධිපතිවරුන්ට තිබෙන බලතල මොනවාදැයි  මගේ ලිපි කියවන අය දැනුවත් කිරීමටය  . ලිපියට පාදක කරගත්තේ 19 වන ව්‍යවස්ථා   සංශෝධනයයි .

Image result for 19 ව්‍යවස්ථා සංශෝධනය



අනාගත ජනාධිපතිවරුන්ට හිමිවන  බලතල පහත දැක්වේ 


1 ජනාධිපතිවරයා අමාත්‍ය මණ්ඩලයේ මුලසුන දරයි .එහෙත් ඔහුට කිසිදු අමාත්‍යංශයක් හිමි නොවේ 

2 පාර්ලිමේන්තුවේ වැඩි මන්ත්රී සංඛ්යාවකගේ විශ්වාසය ඇතැයි ජනාධිපතිට සිතෙන මත්රිවරයා අගමැති ලෙස පත් කළ යුතුය .


3 අගමැතිවරයාගේ උපදෙස් පරිදි ජනාධිපතිවරයා ඇමති මණ්ඩලය සහ නියෝජ්ය ඇමතිවරු පත් කිරීම අස්කිරීම කල යුතුය.


4 ඇමති මණ්ඩලයේ ලේකම් වරයා සහ අග්රාමාත්ය ලේකම් වරයා ජනාධිපති විසින් පත් කල යුතුය .


5 අගමැති ගේ උපදෙස් අවශ්ය අවස්ථාවල එම උපදස් ලබා ගෙන ඇමතිවරුන්ගේ විෂයන් මාරු කිරීමට ජනාධිපතිට පුළුවන .


6 ව්යවස්ථා දායක සභාවේ නිර්දේශ පරිදි ජනාධිපති විසින් රාජ්ය සේවා කොමිෂන් සභාව පත්කළ යුතුය .


7 ත්රිවිධ හමුදා ප්රධානින් පත් කිරීමේ බලය ජනාධිපති සතුවේ.


8 ව්යවස්ථා දායක සභාවේ අනුමැතියෙන් පොලිස්පති සහ නීතිපති පත් කරනුයේ ජනාධිපති විසිනි.


9 ව්යවස්ථා දායක සභාවේ අනුමැතියෙන් පාර්ලිමේන්තු මහා ලේකම් වරයා පත් කරනුයේ ජනාධිපති විසිනි .


10 පාර්ලිමේන්තුව කැඳවීමට සහ කල් දැමීමට ජනධිපතිට බලය ඇත .


11 පාර්ලිමේන්තුවේ පළමු රැස්වීම පවත්වපු දිනයේ සිට වසර හතරහමාරකින් පසු පාර්ලිමේන්තුව විසිරවීමට ජනාධිපතිට හැකිය.


12 ව්යවස්ථාදායක සභාවේ නිර්දේශ අනුව ජනාධිපති විසින් මැතිවරණ කොමිසම පත් කල යුතුය.


13 ව්යවස්ථාදායක සභාවේ අනුමැතියට යටත්ව අග විනිසුරු සහ 

ශ්රේෂ්ඨාධිකරණ විනිසුරුවන් පත් කරන්නේ ජනාධිපති විසිනි .


14 අභියාචනාධිකරණයේ සභාපති සහ විනිසුරුවන් පත් කිරීමට ජනාධිපතිට පුළුවන එහෙත් ව්යවස්ථාදායක සභාවේ අනුමැතියට යටත්වය .


15 ව්යවස්ථා දායක සභාවේ අනුමැතියට යටත්ව අධිකරණ සේවා කොමිසම ජනාධිපති විසින් පත් කරනු ඇත .


16 විගණකාධිපතිවරයා පත්කිරීම ව්යවස්ථාදායක සභාවේ අනුමැතියට යටත්ව ජනාධිපති විසින් පත් කරනු ඇත .


17 විගණන සේවා කොමිසම ජනාධිපතිවරයා විසින් ව්යවතදායක සභාවේ නිදේශ අනුව පත් කරනු ලැබේ .


18 ව්යවස්ථා සභාවේ නිර්දේශය අනුව ජාතික පොලිස් කොමිෂන් සභාවේ සාමාජිකයන් ජනාධිපති විසින් පත් කරනු ලැබේ .


19 ඔම්බඩ්ස්මන් හෙවත් පරිපාලනය සඳහා වන පාර්ලිමේන්තු කොමසාරිස්වරයා ව්යවස්ථාදායක සභාවේ අනුමැතියෙන් ජනාධිපති විසින් පත් කරනු ලැබේ.


20 අල්ලස් හෝ දුෂණ කොමිසමේ සාමාජිකයන් පත් කරනු ලබන්නේ ජනාධිපති විසිනි .පත් කිරීම ව්යවස්ථා දායක සභාවේ නිර්දේශ අනුව විය යුතුය .


21 ව්යවස්ථා සභාවේ නිර්දේශ අනුව ජනාධිපති විසින් ජාතික ප්රසම්පාදන කොමිෂන් සභා සාමාජිකයන් පත් කරනු ඇත .


22 පාර්ලිමේන්තු සැසිවාරය ආරම්භයේදී ආණ්ඩුවේ ප්රතිපත්ති ප්කාශය ඉදිරිපත් කිරීමට ජනාධිපතිවරයාට බලය තිබේ .


23 උත්සවාකාරයෙන් අරඹන  පාර්ලිමේන්තු රැස්වීම් වලදී මුලාසනය දැරීමේ බලය ජනාධිපතිට ඇත .


24 තානාපතිවරු පත්කිරීමේ සහ අනෙකුත් තානාපති නියෝජිතයන් පත්කිරීමේ බලය ජනාධිපති සතුවේ .


25 ජනාධිපති නීතිඥයන් පත්කිරීමේ බලය ජනාධිපතිවරයාට තිබේ .


26 රාජ්ය මුද්රාව ජනාධිපති සතු වන අතර එම මුද්රාව භාවිතා කොට කරන කාර්යයන් සදහා බලය ජනාධිපති සතුවේ .


27 යුද්ධය සහ සාමය ප්රකාශ කිරීමේ බලය ජනාධිපති සතුවේ .


28 ව්යවස්ථා විරෝධී නොවන ,ලිඛිත නීතිවලට විරුද්ධ නොවන ,ජාතන්තර නීතිවලට සහ සිරිත්වලට සහ භාවිතවන්ට විරූද්ධ නොවන කටයුතු වල දීමට ජනාධිපතිවරයාට බලය තිබේ .

Image result for 19 ව්‍යවස්ථා සංශෝධනය


Monday, September 2, 2019

කාලෝ ෆොන්සේකා ගැන මතක සටහනක්


 


Happy 86th  birthday to this living legend I am proud to call my darling Aththa ! #carlofonseka #happybirthday #grandfather #onlygraddaughter #livinglegend #proudgranddaughter #86 
Photo credits @amarantelifestyle_studio

   

   ආචාර්ය   ලක්සිරි ප්‍රනාන්දු විසින් අවුරුදු 3 කට පෙර මහාචාර්ය කාලෝ ෆොන්සේකා ගැන ලියන ලද ලිපියකට අනුව 1988-89 කාළයේ  කාලෝ ෆොන්සේකා ජිවත් වුයේ පින්ලන්තයේය .ඊට හේතුවුයේ 'දේශප්‍රේමින්' විසින් ඔහුට කරන  ලද මරණ තර්ජන ය .  කාලෝ මහත් සේ ආදරය  කළ  ඔහුගේ  බෑණාවූ ද විජයකුමාරතුංග ජවිපෙ හෙවත් දේශප්‍රේමී ජනතා ව්‍යාපාරය විසින් 1988 දී  මරා  දැමීම නිසා ඔහු  මහත් කම්පනයකින් යුක්තව පින්ලන්තයේ කාලය ගත කළ  බව ආචාර්ය ලක්සිරි ප්‍රනාන්දු Colombo Telegraph  අන්තර් ජාල පුවත්පතට  ලියන ලද  එම ලිපියේ සඳහන්  කර තිබේ .


කාලෝ රටින් පැන නොගියේ නම් ඔහු මියයන්නේ 88-89  වකවානුවේය. අද නොවේ.  LTTE සංවිධානයේ යුධ ශක්තිය හමුවේ  ජේ ආර් ජයවර්ධනට කරකියා ගන්නට දෙයක් නොමැතිවූ කළ  ඉන්දියාව සමග සාකච්චා  කොට අත්සන් කළ ඉන්දු ලංකා ගිවිසුමට විජය කුමාරතුංග මෙන්ම කාලෝ ෆොන්සේකාද පක්ෂපාත විය . ඉන්දු-ලංකා ගිවිසුමට  පක්ෂ වුවන් විජේවීරගේ  ජවිපෙ විසින් මරා දමමින් සිටි බැවින් කාලෝට මරණයෙන් බේරීමට තිබු එකම මග රටින් පැනයාම පමණක් විය  .


කාලෝ මට තෙවරක් මුණගැසී තිබේ .


පළමු වරට මට ඔහු මුණ ගැසුණේ 1977 දිය .බුලත්සිංහල ආසනයේ සම සමාජ පක්ෂයේ අපේක්ෂකයා වූ සරත් රණවක මහතාගේ මැතිවරණ රැස්වීමක  කථිකයෙකු ලෙස පැමිණෙන ලෙස  ඔහුට ආරාධනා  කිරීමට ගිය කීප දෙනා අතර මමද වීමි .ඔහුගේ නිවසට ගිය විට වෙනත් ගෙවල්වල කිසි දිනක දැක  නැති  සුවිශේෂී දෙයක් එහිදී දැකීමට  හැකි විය. සාලයේ තිබු පුටු මෙන්ම සාලයට යාබද කාමරයක ඇඳ ද සාදා තිබුණේ කොන්ක්‍රීට් වලිනි .ඒවා මත මෙට්ට දමා තිබිණ .



දෙවන වරට මට ඔහු හමු වුයේ රාගම වෛද්‍ය විද්‍යාලයේදීය . ඒ 1991 හෝ 92 විය යුතුය .එකළ මගේ බිරිඳට සන්ධ්යා කාලයේ ශරීරයේ තැන තැන රූ.2 කාසි තරම් විශාල පලු දැමීමක් හටගෙන තිබුණි . විශේෂඥ වෛද්‍යවරු දෙතුන් දෙනෙකු හමුවී ප්‍රතිකාර ලබා ගත්තත් එමගින් ස්ථිර සුවයක් නොලැබුණි .කාලෝ රාගම වෛද්‍ය විද්‍යාලයේ ප්‍රධානයා වූ බැවින් ඔහුට මෙම රෝගය ඉක්මනින් සුවකිරීමට හැකිවෙනු ඇතැයි මම  කල්පනා  කලෙමි.  කාලෝ මුනගස්වා දෙන ලෙස මගේ මිත්‍රයෙකු වූ වජිර පැල්පිට ගෙන් ඉල්ලීමක් කළෙමි . රාගම වෛද්‍ය විද්‍යාලයට  පැමිණ ඔහු හමුවන ලෙස වජිර අත කාලෝ අපට පණිවිඩයක් ඒවා තිබිණ. ඒ අනුව අපි එහි ගොස් ඔහු හමුවීමු .


ඔහු අප සමග සුහද සාකච්චාවක් කොට තමන්ට තිබෙන්නේ  මනෝ විද්‍යාව ගැන විශේෂ දැනුමක් බැවින්  මේ රෝගයට බෙහෙත් නොදන්නා බවත් එබැවින් අහවල් විශේෂඥ වෛද්‍යවරයා  හමුවන  ලෙස අපෙන් ඉල්ලීමක් කළ අතර  ඔහු  වෛද්‍යවරයාට  දුරකථනයෙන් කතා   කොට   එම වෛද්‍යවරයාගේ නිවසේදී ඔහු  හමුවීමට අපට අවස්ථාව සලසා දුන්නේය  .


ඔහු මට හමුවූ තුන්වන අවස්ථාව ලංකා ගුරු සංගමයේ සභාපතිව සිට මියගිය H.N. ප්‍රනාන්දු සහෝදරයාගේ  ගුණ සමරු රැස්වීමකදීය  ඒ  2003 හෝ 2004 වසරේදීය. එකළ මා  ලංකා ගුරූ සංගමයේ  සභාපති වූ අතර H.N. සමරු දේශනය  කිරීමට මම කාලෝට ආරාධනය  කළේ දුරකථනයෙනි . ඔහු හමුවීමට  පැමිණ ආරාධනා   කිරීම සඳහා දිනයක් වෙලාවක් දෙන ලෙස  මා ඉල්ලා සිටි විට එය අවශ්‍ය නොවන බවත් දේශනය සඳහා නොවරදවා  පැමිණෙන බවත් ඔහු දුරකතනයෙන් මට කියා සිටියේය .


එම දේශනය සඳහා කාලෝට ආරාධනා  කරේ කරුණු කීපයක් නිසාය. පළමු කාරණාව කාලෝ මෙන්ම H.N. ද  සමසමාජ පක්ෂයේ සාමාජිකයෝ වීමය . (H,N.පසු කාලයේ ජවිපෙට සම්බන්ධ වූ අතර 1980 වර්ජනයේදී ජවිපෙ ක්‍රියාකළ ආකාරය ගැන කලකිරී ජවිපෙන් ඉවත් විය ) දෙවෙනි කාරණාව වුයේ H.N. බරපතල ලෙස අසනීපවී රෝහලේ සිටියදී ඔහු සුවකරගැනීමේ අරමුණෙන් ලොකු වෙහෙසක් කාලෝ  දැරූ නිසාය. තුන්වන කාරණාව වුයේ H.N ගේ දේශපාලනය ගැන හොඳ අවබෝධයක් කාලෝට තිබීමය .


Image result for Carlo Fonseka

        ජපානය විසින් කාලෝට ගෞරව සම්මානයක් පිළිගැන්වීම 

    කාලෝ සමරු දේශණය කිරීමට පැමිණි අතර දේශනය පටන්ගන්නා  තෙක් මම කාලෝ සමග කතා  කලෙමි .අතීතයේදී කොවුර් සමග එකතුව යතාර්තවාදීන්ගේ සංගමය කළ ගිණි පැගීම්, භූතයන් ඇල්ලීම් ආදිය ගැන   දැන් කාලෝ උනන්දු නැත්තේ මන්දැයි මම ඇසීමි. ඕනෑම දේකට  නිශ්චිත කාලයක් තිබෙනවා වැනි අදහසක් ඔහු කී බව මට මතකය .


මා  ඔහුගෙන් ඇසු තවත් කාරණාවක් වුයේ මෝහනය  මගින් දුම් බිම නතර කරවිය හැකිද යන්නය .ඇතැමෙකුට එය නතර කළ හැකි නමුත් සියල්ලන්ගේම දුම් පානය  එමගින් නතර කළ  නොහැකි බව කාලෝ  කීවේය.


ඔහු සමග  කළ සාකච්චාව මට දැන් මුළුමනින්ම මතක නැත .නමුත් අමතක නොවන තවත් එක කාරණාවක් තිබේ  .


දුම් පානය  කරන සියල්ලන්ටම පිළිකා හැදෙන්නේදැයි මම කාලෝ ගෙන් ඇසීමි. දුම් පානය නිසා සියල්ලන්ටම පිළිකා  හැදුණේ නැති උනත් පෙනහළු පිළිකා සැදී තිබෙන සියල්ලෝම වාගේ  දුම් පානය  කළ අය බව කාලෝ මට දුන් පිලිතුර විය .


කාලෝ  අපේ යුගයේ සුවිශේෂී මිනිසෙකි. එවැන්නන් බොහෝ විරලය ඔහුට අප තුල තිබෙන්නේ ඇති මහත් ගෞරවයකි . එහෙත් ඔහු පසු කාලීනව කළ ඇතැම් දේවල් කාලෝ නොකර සිටිය යුතු දේවල්ය .


පොලිස්  ලොක්කෙකු ලියන ලද පොතක් දොරට වැඩිමේ  උත්සවයක දේශනයකට ගිය කාලෝ යාපනය පුස්තකාලය  ගිණි තැබුවේ කොටි විසින් යයි එම පොලිස් ලොක්කා  විසින් එම පොතේ ලියා තිබීම සත්‍යයක් ලෙස  කාලෝ විසින්  පිලිගැනීම අපට කිසිසේත්ම අදහා ගන්නට නොහැකි විය .

 

2015 දී කාලෝ සිටියේ මේ රටේ ප්‍රගතිශීලි සමග නොව ප්‍රධාන ප්‍රතිගාමී පුද්ගලයා වූ මහින්ද රාජපක්ෂ සමගය .

සයිටම් ප්‍රශ්නයේදී ඔහු පෙනී සිටියේ අධ්‍යාපනයේ නිදහස වෙනුවෙන් නොව අධ්‍යාපනයේ නිදහස අහිමි කරන්නාගේ බලවේගය සමගය .

 තනිකර සුදු මිනිසුන් හෝ  තනිකර  කළු මිනිසුන් ලෝකයේ නැත. සියල්ලෝම සුදු කළු දෙවර්ගයේම මිනිසුන්ය. කාලෝ ෆොන්සේකාද එසේය .එබැවින් කාලෝ ගේ පසු කාලින වැරදි විනිශ්චයන්සහ ක්‍රියාවන්  අපි අමතක කොට  දමන අතර සමාජ ප්‍රගමනයට ඔහු කළ දායකත්වය විශිෂ්ට බව සටහන් කරමු .   ඔහුගේ නික්ම යාමෙන් ඇතිවූ හිස් තැන පිරවීමට සුදුස්සෙක් පෙනෙන තෙක් මානයක නම් නැත .


කාලෝ තමා විප්ලවාදියෙකු ලෙස සනිටුහන් කරමින්  අවසන් ගමන් ගියේ ආගමික චාරිත්‍ර සහිත අවමංගල උත්සවයකින් තොරවය .එහෙත්  කාලෝ මාක්ස්වාදියෙකු නොව ද්‍රෝහියෙකු සලකා මරණ දඩුවම නියම කළ,  මාක්ස්වාදී කප්පිත්තෙකු  ලෙස පෙනී සිටි,  ජවිපෙ  ඉහලම නායක මණ්ඩලයේ සාමාජිකයෙකු වූ  සෝමවංශ අමරසිංහ අවසන් ගමන් ගියේ ආගමික වතාවත් සහිත අවමංගල්‍ය උත්සවයක් සහිතව පමණක් නොව ලංකාවේ සිටින අංක එකේ ජාතිවාදියෙකු වන ඇල්ලේ ගුණවංශ ගේ වර්ණනාවක්  ද මැදය. 

ඒකීය රාජ්ජයේ සිට ලියමි

ලංකාවේ ආණ්ඩුක් ‍ රම ව් ‍ යවස්ථා වේ නම් සඳහන් වෙන්නේ ලංකාව ඒකීය රාජ් ‍ යයක් බවය. ව් ‍ යවස්ථාවේ ඉන්ගිරිසි පිටපතේ ඒ බව ලියා ඇත්තේ මෙස...