Sunday, October 28, 2018

සිරිසේන අඩි හයේ වල කපාගනී




       ඇතිවී තිබෙන්නෙ බරපතල දේශපාලන  අර්බූදයකි එය ආර්ථික අර්බූදයක් දෙසට ගමන් කරමින් තිබේ.සෑම පැයකම දේශපාලන  අර්බූදය උග්‍ර අතට හැරෙමින් තිබේ.එය ලේ ගැලීම දක්වා පැතිරෙමින් යයි. තව මිනිස් ජීවිත ගණනාවක් බිලිගනු ඇත.


මේ අර්බූදය ඇරඹුනේ රාත්‍රි කාලයේ රහසිගතව අගමැති ලෙස මහින්ද  රාජපක්ශ  මහතා පත් කිරීමට ජනාධිපතිවරයා කටයුතු කිරීම නිසාය.

එහෙත් මේ මොහොත වන විට අග්‍රාමාත්‍ය රනිල් වික්‍රමසිංහ  මහතාට බහුතර මංත්‍රිවරු  පිරිසක් සහයෝගය ප්‍රකාශ  කර තිබේ ඔවුන් විසින් අත්සන් කරන ලද ලියවිල්ලක් කථානායකවරයා ට භාරදීමට යනබව වාර්තාවී තිබේ.  ඔහුට සහය දෙන මංත්‍රි සංඛ්‍යාව  125 ඉක්මවා තිබෙනබව පෙනේ.


 එක්සත් ජාතික පක්ශයේ  මංත්‍රිවරු  පිරිසක් ජනාධිපති ට සහය දීමට ඉදිරිපත් වනු ඇතැයි අපේක්ශා කර තිබූ නමුත් එම බලාපොරොත්තු කඩවෙමින් තිබේ. ආනන්ද අලුත්ගමගේ  මංත්‍රිවරයා හැර අන් සියලුම එජාප පෙරමුනේ මංත්‍රිවරු  රනිල් වටා රැස්වී ඔහු ආරක්ශා කිරිමට ඉදිරියට පැමින සිටී.


දැන් සිදුවෙමින් තිබෙන්නේ ජනාධිපති වරයා කිසිසේත්ම අපේක්ශා  නොකල  පෙරලියකි.ඔහුගේ පක්ශයේ  ප්‍රධාන  සංවිධායක  වන දුමින්ද දිසානායකද ඇමතිවරයා ද අරලියගහ මංදිරයට ගොස් රනිල්ට සහය පළකොට තිබේ.   අඩු වශයෙන් තවත් ශ්‍රිලනිප මංත්‍රිවරු පස් දෙනෙකු රනිල්ට සහය දීමට සූදානම් බව පෙනේ   .ඊට හේතුව වී තිබෙන්නේ මහින්ද  අගමැති වනු දැකීමට ඔවුන් අකමැති වීමයි. මේ මෙහෙයුම පිටුපස සිටින්නේ චන්ද්‍රිකා  කුමාරතුංග  බව පෙනේ


මේ අතර පාර්ලිමේන්තුව වහා කැදවන ලෙස පක්ශ ගනනාවක නායකයන් විසින් කථානායකවරයාගෙන් ඉල්ලා තිබේ. ඒ අතර ඇමරිකානු රාජ්‍ය  දෙපාර්තමේන්තුව  ජනාධිපතිවරයා වෙත ලිපියක් යවමින් වහාම පාර්ලිමේන්තුව කැදවන ලෙස ඉල්ලා ඇත.


එහෙත් එම ඉල්ලීම්වලට සවන් දීමට ජනාධිපති වරයා සූදානම්  බවක් පේන්නේ නැත. ඔහු ඒ වෙනුවට රාජපක්ශ බලවත් කිරීමට කටයුතු කරමින් සිටී.


ජනාධිපතිවරයා ආන්ඩුක්‍රම ව්‍යවස්ථාව  උල්ලඝනය කරමින් මහින්ද අගමැති ලෙස පත් කරනු ලැබුවේ අන් කාරනාවක් නිසා නොව 2024 දක්වා ජනාධිපති ලෙස බලයේ සිටීමට ඔහුට ඇති කෑදරකම නිසාය.


ලබන වසර අග පැවැත්වීමට  නියමිත ජනාධිපතිවරණයේදි  එක්සත් ජාතික පක්ශයේ සහය  තමන්ට ලබා දෙන ලෙස ජනාධිපති වරයා ඉල්ලා සිටි විට එම පක්ෂය  එය ප්‍රතික්ශේප  කිරීම නිසා පොහොට්ටුවෙ  සහයෙන් ජනාධිපති  වීම ඔහුගේ සැලැස්ම විය. හිටිහැටියේම  මහින්ද ට අගමැති කම දුන්නේ ඒ නිසාය.


කුනාටුවක වේගයෙන් දැන් සිදුවෙමින් තිබෙන දේශපාලන  සිදුවීම් පෙල දෙස විචාරාත්මක  ලෙස හදාරන්නෙකුට එලඹිය හැකි නිගමනය නම් සිරිසේන මහතා  කුණාටුවක වේගයෙන්  මහජනයා අතර පිරිහෙමින් තිබීමය. ඔහු බලයට පත් කිරීමට කැපවීමෙන් කටයුතු කළ සියලු බලවේග ඔහු අත් හැරගොස් හමාරය.


ඉදිරි ජනාධිපතිවරණයේදි  පොහොට්ටුවේ සහය දෙන බව ප්‍රකාශ කොට තිබුනද මහින්දගේ අගමැති කම නීතිය සහ පාර්ලිමේන්තුව විසින් නොපිලිගැනිමත් සමග සිරිසේන කෙරෙහි මහින්ද වයිර බැදීම ස්ථිරය. ජනාධිපතිවරයා විසින් දියත් කළ ව්‍යවස්ථා කුමන්ත්‍රණය ට ඔහුද හවුල් වීම නිසා ඊලග මහා මැතිවරණයේදි  අගමැති වීමට තිබූ ඉඩකඩ ද අඩුවී යාම මහින්ද වියරු වට්ටන බව නිසැකය. එවැනි පසුබිමක් තුල පොහොට්ටුව ජනාධිපතිවරණයේදි  සහය දෙනු ඇත්තේ සිරිසේනට  නොව පොහොට්ටුව ඉදිරිපත් කරන අපේක්ශයාටය.


එවැනි දේශපාලන  පසුබිමක් තුල වත්මන් ජනාධිපති  වරයාට සිදුවන්නේ  තරග නොකරම පරාජිතයෙකු ලෙස පොලොන්නරුවට ගොස් කළ ගොංකං ගැන ආවර්ජනය කරමින් හූල්ලන්නටය.


Monday, October 1, 2018

අමතක නොවෙන චිත්‍රපටියක් Lion


Image result for lion movie



                 මා  ඉතා ආශාවෙන් නැරඹූ චිත්‍රපටියක්  වන Lion  නරඹන ලෙස ඔබට කියන්නේ එය ඔබට බොහෝ කාලයක් යනතුරු අමතක නොවන බව මා දන්නා නිසයි.


මා එය නැරඹූවේ වසරකට පෙර උවත් එය නැරඹීමෙන් මා ලැබූ ආශ්වාද ජනක මිහිර  තවමත්  මා සිත තුල සැරිසරමින් තිබෙනවා .


මේ චිත්‍රපටය  සත්‍ය කතාවක් මත ඕස්ට්‍රේලියානු සිනමා කරුවෙකු නිපදවනු ලැබුවේ 2016 වසරේ අග භාගයේදි. ඩොලර් ලක්ශ මිලියන් 16 ක් වැය කොට නිපදවනු  ලැබු Lion  නැමති මේ චිත්‍රපටය   ඩොලර් මිලියන 140 ඉක්මවා ආදායම්  ඉපයා තිබෙනවා.එමෙන්ම ඔස්කාර් සම්මාන හයක් ද ලබා තිබෙනවා.


Garth Devis විසින් අධ්‍යක්ෂනය කළ මේ චිත්‍රපටයේ දේව් පටෙල්,  සහ නිකොල් කිඩ්මන්  රගපානවා.
මෙම චිත්‍රපටය නිපදවා ඇත්තේ ඇත්තටම සිදුවූ ලොකු කතාවක් පදනම් කරගෙනයි.


ඇත්ත සිදුවිම මෙසේයි


ඉන්දියාවේ  කන්ද්වා දිස්ත්‍රික්කයේ  ඈත ගමක ජීවත්වූ ශෙරූ (සිංහයා) අවුරුදු 5 දරුවෙක්.ඔහුට සහෝදරයන් දෙදෙනෙකු සහ සහෝදරියක් සිටිනවා. පියා ඔවුන් අතහැර ගොස් බැවින් මව ඉතා දුකසේ දරුවන් උස්මහත් කර ගැනිමට වෙහෙසෙනවා. දුගී කම නිසා ළමුන් පාසල් යැවීමටද  ඇයට හැකිවෙන්නෙ නැහැ.


දිනක් ශෙරූගේ වැඩිමහල්  සොයුරෙක් වූ ගුඩ්ඩු නගරයේ රැකියාවකට යාමට සූදානම් වූ විට ශෙරූ ද බලෙන් මෙන් ඔහු සමග යනවා.ඔවුන් යන්නේ දුම්රියෙන්. නගරයට යන විට රෑ බෝවිම නිසා ශෙරූට තදින් නිදිමත හැදෙනවා. මේ නිසා අය්යා ඔහුව දුම්රිය  පොලේ බංකුවක් මත තබා ඔහු ආපසු එනතෙක් එතෙනම සිටින ලෙස කියා පිටවී යනවා.ශෙරූට ඇහැරෙන්නෙ පසුවදා උදේ.ඔහු අය්යා සොයමින් නවතා තිබූ දුම්රිය කට නගිනවා. දුම්රිය  දුවන්නට පටන් ගත් බැවින් ඔහුට කර කියා ගන්නට නොහැකිවෙනවා. දුම්රිය නවතින්නෙ කිලෝමිටර් 1500 ක් ගොස් කල්කටා නගරයේ. එහිදී සිගාකමින් ජිවත්වු ඔහු පොලිසිය විසින් ළමා නිවාසයකට භාර දෙනවා.


ළමා නිවාසයට පැමිනෙන ඕස්ට්‍රේලියානු  යුවලක් ඔහුව ඕස්ට්‍රේලියාවට රැගෙන ගොස් උගන්වනවා ඔහුට එහිදි හමුවන් ඉන්දියානු  සිසුන් නිසාතම මව සොයා ආපසු ඉන්දියාවට යාමට ඔහු තීරනය කරනවා. නමුත් ඔහුට ඔහුගේ ගමේ නම හරියට මතක නැහැකෙසේ වෙතත් ගූගල් සිතියම් මගින් ගම සොයා ගැනීමට ඔහු මාස ගනනක් තිස්සේ වෙහෙසී අන්තිමට ඔහු ගම සොයා ගන්නවා.


ඉන්පසු ශෙරූ (ඔහු තමන්ගේ නම ලෙස කියා තිබුනේ සරූ) ඔහු හදාගත් මව සමග සියනිවස සොයාගෙන එනවා ඔහු නිවස සොයා ගෙන අ නමුත් එහි තිබුනේ එලුගාලක්.
කෙසේ වෙතත් එහිදිහමුවන අයෙකු ගමේ වෙනත් තැනක පදිංචි වී සිටි මව ඔහුට මුනගස්සනවා.


ඔහුගේ අය්යා ගැන විමසූවිට දැනගන්නට ලැබෙන්නේ ශෝක ජනක පුවතක්. අවුරුදු 25 කට පෙර තමා දුම්රිය  පොලේ බංකුවක්  මත නිදි කරවා දුම්රිය  පාරවල් හරහා යනවිට දුම්රියක හැපී ඔහු මියගොස් තිබෙනවා.


චිත්‍රපටය අවසානයේ සැබෑ ශෙරූ ඔහුගේ ඇත්ත අම්මා මුනගැසෙන ආකාරයද පෙන්වනවා.
මා දුටු විශිෂ්ට  චිත්‍රපටයක් ලෙස Lion  නම් කීරීමට මා යලිත් කැමතියි.






සිරිසේනගේ ඉංග්‍රීසි ,අපේ ඉංග්‍රීසි සහ රනිල්ගේ ඉංග්‍රීසි

      ජනාධිපති සිරිසේන මහතාට  ලියා දුන් ඉංග්‍රීසි  කතාව පිලිපින ජනධිපති වරයා ඉදිරියේ හරියට  කියවා  ගන්නට බැරිවීම ගැන දැන් විවිධ විවේ...