Tuesday, December 27, 2016

විජේවීරට අභියෝග කළ මස්සිනා

රෝහණ විජේවීර  මහතා , සිරිමා +එන්.එම්+පීටර් කේනමන් ආණ්ඩුවෙ  පැවැත්මට  1971 දී අභියෝග කිරීම නඩු අසා හිරේට  යැවූ  පසු ඔහු  නිදහස්  කර  ගැනීම සඳහා උද්ඝෝෂණය  කළ සංවිධාන  අතර  ලංකා  ගුරු  සංගමයද විය. එහි  නායකයෙකු වූ එච්. එන්. ප්‍රනාන්දුද ජවිපෙ  හා සම්බන්ධව  සිටීම  හේතු  කොට  ගෙන  සිරගත  කළ අතර ඔප්පු  කළ  හැකි  චෝදනාවක්  නොවුයෙන් 1973 දී  නිදහස්  කරනු  ලැබීය. ඔහු  සංගමයේ   සභාපති  තනතුරට  තෝරා   පත් කරගනු  ලැබුයේ ඔහු  හිරගෙදර සිටියදීය. 1972-77 සමයේ  හොර  රහසේ  ක්‍රියාත්මක වූ  ජවිපෙ  තම  කටයුතු සඳහා  යොදාගත් කොළඹ මධ්‍යස්ථානය  වුයේ  ලංකා  ගුරු සංගමයේ ප්‍රධාන  කාර්යාලය යි. එවක එය  පැවතුනේ කොල්ලුපිටියේ ෆේවරිට් ගොඩනැගිල්ලේය.


රෝහණ විජේවීර 1977 දී  නිදහස්  කරනු  ලැබීමෙන්  පසු පැවැත්වූ පළමු  ජවිපෙ  රැළියේදී   තම  කතාවේ  මුල්  කොටස වෙන්  කළේ ජවිපෙ  සිරකරුවන්  නිදහස්  කරගැනීම  සඳහා උද්ඝෝෂණය  කළ සංව්ධාන වලට ස්තුති  කිරීමටය. ඔහු  ස්තුති  කළ සංවිධාන අතරට  ලංකා  ගුරු සංගමය  මෙන්ම  ලෝක  පරිමාණයේ  NGO සංවිධානයක් වන ජාත්‍යන්තර  ක්ෂමා සංවිධානයද  විය. 1971 සිරගත කළ සිටි ජවිපෙ කැරලිකරුවන්ගේ සැප දුක්  බැලීමට පැමිණි එකම  ජාත්‍යන්තර සංවිධානයද  ජාත්‍යන්තර ක්ෂමා සංවිධානය (Amnesty International ) පමණක් විය.


ලංකා  ගුරුසංගමය නිල වශයෙන් කිසිදු දේශපාලන  පක්ෂයකට සම්බන්ධ  නොවුනද එහි ක්‍රියාකාරීන් සියල්ලෝම වමේ  මත දරන්නන්  වුහ . සංගමයේ  සභාපතිවු  H.N. ප්‍රනාන්දු ජවිපෙට පක්ෂපාති වූ අතර ජවිපෙට  හිතවත්  කණ්ඩායමක්ද  එහි  සිටියේය. හිර ගෙදරින් නිදහස්වූ  විජේවීර සහ අනෙකුත් නායකයන් යන එන  තැනක්  බවට ලංකා  ගුරු සංගමයේ කාර්යාලය  පත්වෙමින්  තිබුණි. මේ වන විට සංගම්  කාර්යාලය  කොම්පඥඥවීදියේ මැලේ වීදියට ගෙනවුත්  තිබිණ 


ජේ.ආර් ජයවර්ධන ආණ්ඩුව   විසින් 1978 ත්‍රස්තවාදය වැළක්වීමේ  පනත පාර්ලිමේන්තුවට  ගෙන  ආවිට එයට  විරුද්ධව  ජවිපෙ  තමන්ද ඇතුළු දේශපාලන  පක්ෂ 5ක්  එකතු  කොට පෙරමුණක් ගොඩනැගු අතර එහි සාකච්චා  පැවැත්වුයේ ලංකා  ගුරුසංගමයේ ප්‍රධාන  කාර්යාලයේය. විජේවීර  තුළ වාමාංශික පක්ෂ  කෙරෙහි තිබු  විරෝධය  කොතරම්ද  යත් තම්පෝ  සමග  හැර අන්  වමේ  පක්ෂවල  නායකයන් සමග නිල සාකච්චවලට  පෙර  හෝ  පසුව  සුහද කතා  බහ පැවැත්වීම මග  හැරියේය. එහි ආරම්භක  රැළිය හයිඩ් පිටියේ  පැවැත්වූ අතර විජේවීර වේදිකාවට  ගොඩ  නොවී  තමන්ගේ වාරය ආසන්න වෙන තුරුම වේදිකාව ආසන්නයේ වෙනත් අය  සමග කතා  බහ  කරමින් සිටියේය. 


  වම සමග දිගටම හවුලක්  පවත්වාගෙන   යාමට  ජවිපෙට උවමනා  නොවීය.රැස්වීම්  කීපයකින්  පසු ජවිපෙ  එය  නොකැඳවා සිටීම නිසා එය අභාවයට  පත් විය.ජයවර්ධන  ආණ්ඩුවේ මර්දනයට  තමනට  තනියම  මුහුණ  දිය  හැකි  යැයි ඔහු  සිතුවා  විය  හැක .නැතහොත් වම  බලවේගයක් බවට පත්වීම  තමනට අභියෝගයක් වෙනු ඇතයි සිතුවා විය හැක. මෙම  පනත  ක්‍රියාත්මක වීමෙන්  පසු  මුල්සමයේදී    පනත  යොදාගෙන  හමුදා කඳවුරු වල  රඳවා  ගෙන  වද හිංසාවලට  පත්කරනු  ලැබුවේද, මරා  දැමුවේද දෙමල තරුණයන්ය . ජවිපෙ එම  පනතේ  විධි විධාන දෙමල තරුණයනට එරෙහිව යෙදවීමට එරෙහිව හඬක්  නැගුවේ  නැත.

රෝහණ විජේවීර  මහතාට කසාදයක්  කරවා  දෙන්නට පක්ෂයේ  දේශපාලන  මණ්ඩලය  තීන්දු  කළේ 1980ය.  CIA  සංවිධානය විසින්  කිසියම් තරුණියක් ඔහු  හා  හාද  කරනු ඇතැයි  යන  බියක්  මේ වන විට ජවිපෙ  ඉහල පෙලේ  නායකයන්  තුළ ඇතිවී  තිබිණ .එයට  හේතු  තිබෙන්නටද ඇත. විජේවීරගේ අනාගත  බිරිය බවට පත්විය  යුත්තේ  ලංකා ගුරු සංගමයේ  සභාපති එච්. එන් ගේ නැගණිය වූ චිත්රාන්ගනී විය  යුතුයැයි පක්ෂය තීන්දු කරනු  ලැබීය. ඇය ඒ  වන විට උසස්  පෙළ  විභාගයට  ලියා  ප්‍රතිඵල  එනතුරු බල  සිටි  තරුණියක් වූ අතර දේශපාලනය  ගැන  කිසිදු  උනන්දුවක්  දැක්වූ කෙනෙකු  නොවේ. H.N.ගේ  මල්ලි කෙනෙකු වූ දොස්තර චන්ද්‍රා ප්‍රනාන්දු ජවිපෙ  ක්‍රියාකාරිකයෙකු වූ  අතර ඔහු මෙම  විවාහ  යෝජනාවට  තදින් කැමති වූ  නමුත් H.N. එයට  විරුද්ධ විය .එයට ප්‍රධානතම  හේතුව  ලෙස  H.N.කියා  සිටියේ  ඇය දේශපාලනය  ගැන  මෙලෝ  හසරක්  නොදන්නා  බැවින්  නොගැලපෙන  බවය. එහෙත් චන්ද්‍ර  ප්‍රනාන්දු මෙම  විවාහය  කළ  යුතුමයි  බළකොට ගෝරි  දැමු  බැවින් අවසානයේදී  මොරටුව  විල්ලොරවත්තේ  නිවසේදී 1980 මාර්තුවේදී විවාහය  සිදු  කරනු ලැබුවේය. විජේවීර විල්ලොරවත්තේ  බින්න  බැසීම  නිසා එච් එන් සිය  බිරිඳගේ මහගෙදර තාවකාලිකව  පදිංචි වූ අතර ඉන්පසුව පානදුරේ  කුලී  නිවසක සිය  බිරිය සමග පදිංචි විය.

1980 ජුලි  මහා වැඩවර්ජනය අවසන් වුයේ 40000ක් රජයේ සේවකයන්ගේ  රැකියා අහිමි වීම  මෙන්ම ජවිපෙ සහ ලංකා  ගුරු  සංගමය අතර  ඉතා  කිට්ටු  සම්බන්ධයද අවසන් වීමෙනි. එයට  හේතු වුයේ 80  ජුලි වර්ජනයට  තමන් උපරිම ලෙස  සහය  දෙන  බවට ප්‍රසිද්ධ ප්‍රකාශ කළ  ජවිපෙ වර්ජනයට එකතු නොවන  ලෙස  ජවිපෙට හිතවත් රාජ්‍ය සහ  පවුද්ගලික අංශවල  සේවකයන්ට  රහසිගතව උපදෙස්  දීමය. මෙය  JR  ජයවර්ධන  ආණ්ඩුවට  වර්ජයකයන් ගෙදර  යැවීමට දෙන කදිම සහයෝගයක් වන  බැවින් මෙම  තීරණය වෙනස්  කරණ  ලෙස  H.N.ජවිපෙ නායක හමුවකදී  ඉල්ලා  සිටි  නමුත්  විජේවීර එයට එකඟ  වුයේ  නැත. වර්ජනය  පරාජය වීමෙන්  පසු වමේ වෘත්තීය සමිති නායකයන් අප්‍රසාදයට පත්වනු  වනු ඇතැයි  ගණන් බලා  සිටි විජේවීර එවිට ඒම සමිතිවල  සාමාජිකත්වය  දරන  තම සාමාජිකයන් හරහා ඒවායේ  බලය අල්ලා  ගත  හැකිවනු ඇතැයි පුර්ව  නිගමනයකට එලඹ සිටියේය.


එහෙත් එය එසේ  සිදුවුයේ  නැත. ජවිපෙ  රහසිගතව වර්ජනය බිඳීමට ගෙන  ගිය වැඩ පිළිවෙල ප්‍රසිද්ධ කිරීමට  ලංකා  ගුරු  සංගමය තීරණය  කිරීම  නිසා ජවිපෙ රහසින්  ගෙන  ගිය වැඩ පිලිවෙල වැඩ  කරන  මිනිසුන් දැනගැනීම  නිසා විජේවීරගේ සැලැස්ම කඩා වැටුනේය. ( මේ  පිලිබඳ  වැඩි  විස්තර   සංගමයේ එවක  ප්‍රධාන  ලේකම් වූ චිත්‍රාල් පෙරේරා  විසින්  ලියන ලද 'තවත් එක්  නඩුවක් නොවේ.' යන  කෘතියෙන් කියවීමට  පුළුවන. පානදුර  ආතර්   වී දියෙස්  මාවතේ පිහිටි ' ජන සංසදය '  කාර්යාලයෙන් එම  කෘතිය ලබා   ගත  හැක.)


H.N. මස්සිනා කම නොබලා කළ මේ හෙළිදරව්ව  නිසා  විජේවීරට  යකා  නැග්ගේය. හම්බන්තොට  ගුරු රැස්වීමකට යමින්  සිටියදී මඩ  පාර්සලයකින්  ඔහුට ගැසීමට ජවිපෙ  ක්‍රියාකාරිකයෙකු  උත්සාහ  කල නමුත් ඉලක්කය වැරදීම නිසා එය අසාර්ථක විය. ඊට  පසු  දිනක ඔහු  රාත්‍රී  කාලයේ නිවසට  යමින්  සිටියදී නිවස  අසල  සැඟවී  සිටි  ජවිපෙ ක්‍රියා කාරිකයෙකු මඩ , ගොම අසුචි මිශ්‍ර  පාර්සලයකින් පහර දීම  නිසා H.N. ඉන් නැහැවී ගියේය.


ලංකා  ගුරු සංගමයේ  බලය තමන්ට අයත්  බව කියමින් ජවිපේ ගුරුවරුන්  කීප දෙනෙකු එච්. එන්. ප්‍රනාන්දු ඇතුළු  සංගමයේ  නායකත්වයට එරෙහිව  නඩුවක් පැවරු  නමුත් ජවිපෙ එම  නඩුවෙන්ද  පරාජය වූ  අතර පසු  කාලීනව  ලංකා  ගුරු සේවා සංගමය  නමින් නව  ගුරු  සංගමයක්  පිහිටුවා ගැනීමට අවසානයේදී  ජවිපේ  තීරණය  කළේය.


විල්ලොරවත්තේ නිවසේ  එච්.එන්.ට අයත්  පොත් දහස්  ගණනක් තිබිණ.සියල්ලම වාගේ  දේශපාලන විෂයන්ට අයත් ඒවා ය.   විජේවීර එහි   පදිංචිව  සිටින  බැවින් ඒවා ලබා   ගැනීම  පහසු නොවන  බව එච්  එන්  දෑන  සිටියේය. විජේවීරද  පොත් වලට මහත් රුචියක් දැක්වූ අයෙකු  බැවින් එම  පොත්  ඔහුටද  රන් ආකාරයකි. දිනක් HN හිටිහැටියේම  තම  බිරිඳ  සමග වාහනයක්  රැගෙන එම  පොත්  ගැනීම සඳහා විල්ලොරාවත්තට  ගියේය. ඔහුගේ  බිරිඳ වුයේ  සුසිලා  නමැති ලංකා ( චීන පිළ )කොමියුනිස්ට් පක්ෂයට සම්බන්ධ කාන්තාවකි. ඔහු විජේවීරට  තදින්ම අකමැතිවූ  කෙනෙකි.. එයට හේතුව  වුයේ විජේවීර මහතා චීන පිළේ කොමියුනිස්ට් පක්ෂය කැඩීමට කටයුතු කර  තිබීම  නිසාය.. HN සහ සුසිලා විල්ලෝරාවත්ත නිවසට  යන විට විජේවීරද එහි  සිටියේය. පොත් පත් පෙට්ටි වලට  අහුරන  විට  විජේවීර ඔවුන්ට  ඔරෝවමින් දෙතුන්වතාවක්  ඔවුන් අසලින් ගිය  නමුත් හැකි  පමණ පොත් පෙට්ටිවලට අසුරා  ගත්  ඔවුහු ඒවා  රැගෙන ආපසු  පැමිණියහ.


උතුරේ යුද්ධය වෙනුවෙන්  රජයේ  සේවකයන්ගේ දිනක වැටුප අඩු  කරගැනීමට  ජේ ආර්.ගේ  ආණ්ඩුව   තීරණය  කළ  අතර  යුද්ධයට තබා  සතයක්වත්  නොදෙන  ලෙස රජයේ සේවකයන්ගෙන් මෙන්ම ගුරුවරුන්ගෙන්ද  එච් .එන්   ඉල්ලා සිටියේය.  පියවරක්  පස්සට  ගත්  ජේ.ආර් යුද්ධය සඳහා ස්වෙච්ච්චාවෙන් දිනක වැටුප  පරිත්‍යාග  කරන ලෙස  යලිත්  රජයේ සේවකයන්ගෙන්  ඉල්ලා  සිටියේය. යුද්ධයට එරෙහිව   මතයක් සිංහල  ගුරුවරුන් අතර ගොඩ  නැගීමට  දිගින් දිගටම  ඔහු  කටයුතු  කළ  බැවින් ඔහු  අත්අඩංගුවට  ගැනීමට ජේ  ආර්.ආණ්ඩුව   සුදානම් වෙන  බවට පණිවිඩයක්   ගුරු  සංගමය වෙත ලැබිණ. ජේ ආර්ගේ දැලින් බේරී  යාපනයට  ගිය එච් එන්ට වසරකට අධික  කාලයක් රැකවරණය  සැලසුවේ එහි  ගුරුවරුය.ඔහු  ආපසු  පැමිණියේ තර්ජනය පහව  ගිය  පසුය.


88-89 සමයේ ජවිපෙ බොහෝ 'ද්‍රෝහීන් ' සොයාගෙන ගිය  මුත් එච්. එන්. සොයා ආවේ  නැත. එසේ  වී  නම්  ගෙදර කචල් ඇතිවී  තමන් සිටින  තැන  හෙළිවී තමන්ටද  ගස්  යන්නට වෙනු  ඇතැයි විජේවීර  අනුමාන  කරන්නට ඇත.


දැන්  HN ජීවතුන් අතර නැත .ඔහුගේ  බාල සහෝදරයා වූ සරත් ලන්ඩනයේ  සිට නිවාඩුවකට ලංකාවට  පැමිණි  විට විල්ලොරවත්තේ  නිවස  ආසන්නයේදී  හමුදාව විසින්  පැහැරගෙන  ගොස් අතුරුදහන් කරනු  ලැබිණ. එච්. එන්ගේ මරණයට  ප්‍රධාන හේතුව සිය  බාල සහෝදරයා පැහැරගෙන යාම  නිසා  ඇතිවූ කම්පනය බව  දිනක්  සුසිලා  මා  සමග කියා සිටියාය.පොත්  කීපයක්  ලියා  පලකළ ඇය   අසනීම  වීම  නිසා මෙයට වසර 5 ට පෙර  මියගියාය.  අනෙත් සහෝදරයා වූ චන්ද්‍ර ප්‍රනාන්දු  සිටින්නේ කොහේදැයි මා දන්නේ  නැත.ඇතැම් විටෙක  ලන්ඩනයේ ජීවත්වෙනවා  විය  හැක .  විජේවීරද හමුදාව  භාරයේ  සිටියදී අතුරුදහන් විය. විජේවීරගේ බිරිඳ , දරුවන් කීප දෙනෙකු  සමග වැලිසර නාවික හමුදා  කඳවුරේ ජීවත් වෙති.


 විජේවීර  හැදු ජනතා  විමුක්ති පෙරමුණද , HN තැනු ලංකා ගුරු සංගමයද ජීවමානව   පවතී. එහෙත් දෙමල  ජනයාගේ ප්‍රශ්නය සම්බන්ධයෙන් ජවිපෙ   සහ සංගමය  ඉදිරිපත් කරන විසඳුම අතර  පරතරය කිලෝමීටර් දාහකි.




 

Monday, December 5, 2016

මෛත්‍රී +රනිල්+ මහින්ද එකගෙයි කෑම




කලකට  පෙර  උඩරට  නිලමෙලා , මැණිකෙලා , බණ්ඩාරලා එක ගෙයි  කෑහ. අනාදිමත්  කාලයක  සිට  මෑතක් වන  තුරුම පැවති මේ සිරිතට අනුව පවුලක  සිටින සියලු සහෝදරයන්  වෙනුවෙන්  කැන්දාගෙන ආවේ  එකම අඹුවකි.  එක්  සහෝදරයෙකු ඇයගේ සයනය  කොතරම්  සුව  පහසුදැයි  පරීක්ෂා කර   බැලීමට යන්නේ  ඔහුගේ අමුඩ ලේන්සුව ඇගේ  කුටියේ දොරෙහි එල්ලා  බව  කියති . එම සංඥාව දකින අනිත් සහෝදරයෝ  තමන්ගේ වැඩක්  බලාගන්නවා  මිස ඒ අහලකටවත්  යන්නේ  නැත. ඔවුන් එහි  ඇතුළුවන්නේ අමුද  ලේන්සුවක්  නැති වෙලාවක්  බලාය. උඩරට  ඇත්තෝ එම  සිරිත   පවත්වාගෙන ආවේ පවුලේ දේපොළ බෙදී  යාම අඩුකරගන්නටය. මේ  සිරිත  තවමත් ඇතැම් උඩරට  නෝනා  මහත්වරු අනුගමනය  කරන්නේ  දැයි දැනගන්නට  නැත. එසේයැයි වාර්තා  තිබෙතොත්  දන්නා  පාඨකයෝ කොමෙන්ටු ලෙස  ලියත්වා .


මෙය සවුත්තු සිරිතක්  ලෙස  ඇතැමෙකුට  පෙනී  යා   හැක . එසේ  සිතෙන්නේ  අවුරුදු  500කටත් වැඩි  කාලයක සිට  පෘතුගීසින්, ලන්දේසින් සහ ඉංග්‍රීසි  ජාතිකයන්  යටතේ  ජීවත්වූ අපි , එක් මිනිහෙකු එක්  ගැහැනියක්  සමග  පමණක් පවුල් කැ  යුතුයයි  ඔවුහු අපට  දේශනා කොට නීති පොතේ ලිව්ව  නිසාය.


  එහෙත් එය සිංහල  සිරිත    කියා  එය අනුගමනය කිරීමට  ඉක්මන්  නොවිය  යුතුය .එසේ වුවහොත්  කැලෑ පත්තර වලටද  හොඳ  කාලයක් උදාවනු  නිසැකය.  හාමුදුරුවරුද  සිවුරු  කරට  ගැනීමට  ඉඩ  තිබේ. එය කාමයෙහි වරදවා  හැසිරීමක් ලෙස  දේශනා කරනු   නොඅනුමානය . එහෙත් පරදේශක්කාර  සිරිත් විරිත්  වලට විරුද්ධ   සිංහ ලේ  ඇත්තන් මේ  ගැන උනන්දු නොවීම තරමක  විමතියකි.


ඒ  පිළිබඳව  තව  දුරටත්  ලිවීම පසු දිනකට  දමා ආණ්ඩුවේ  එක  ගෙයි  කෑම ගැන පොඩ්ඩක්  ලියා දමන්නට  මා  කැමතිය. 2015  ජනවාරි  8 සිට මෛත්රීත් රනිලුත් එක ගෙයි  හවුලේ  කෑමට අපි  කැමැත්ත  දුන්නා පමණක් නොව මඟුල් ගෙදර ක්‍රේප් පටි සහ  බැලුම්බෝල එල්ලන්ටද  ගියෙමු. ඔවුන් එක ගෙයි කමින් කරන  ලද පුංචි  පුංචි  ආකර්ශනීය වැඩ  දැක අප්පුඩි  ගැසුවෙමු. විසිල්  ගැසුවෙමු. එහෙත්  මඟුල පටන්ගත්ත  තැන  සිට  ලෙඩ  දැම්මේ,  කුණු  කතා  කීවේ රාජපක්ෂ  මහතාත් ඔහුගේ වලව්වේ  කෑම  කෑ  කට්ටියත්ය. ඒකාබද්ධ රංචුවක්  හදාගෙන  රටේ  තැන්තැන්වල ඇවිදිමින්  නානාප්‍රකාර කයි  කතන්දර  කියන්නට  පටන්ගත්තේ මඟුල  කඩන්නටය. නැතහොත්  කඩන්නට  යැයි අපි සිතුවෙමු.


මඟුල  කඩන්නට වෙර දරන රාජපක්ෂලා පොළොවේ  ගසන්නට යැයි අපි  මෛත්රීටත්  රනිල්ටත් කීවෙමු.එහෙත් ඒ  වෙනුවට  එක  ගෙයි  කෑමට  රාජපක්ෂව රෑට රෑට ගෙන්න  ගන්නා    බව සමහරු කියන්නට  පටන්  ගත්   නමුත් එය  එක  හෙලාම  පිළිගැනීමට  අපේ  හිත්  ඉඩ  දුන්නේ  නැත. එහෙත්  අපිට  පොඩි සැකයක් ඇති වෙන්නට  පටන්  ගත්තේ  ගෝටා අත් අඩංගුවට  ගැනීම  ගැන මෛත්‍රීට  මල  පැන්න  විටය. වීරවංසගේ  පාස්පෝට් කේස් එක  ගැන  ආණ්ඩුවේ  ඇල්මැරුණු  උවමනාව , එක්නැලිගොඩ අතුරුදහන්  කළ අය  දිගින් දිගට අත් අඩංගුවේ තබා  ගැනීම  ගැන මෛත්‍රී  ගොරවන්නට  පටන් ගැනීම , මහින්දට චීනයේ  යාමට  රනිල් විසින්  පැනලා  පහසුකම් සැපයීම යනාදිය තුන්දෙනාම  රාත්‍රී  කාලයේ  එක  ගෙයි  කනබව ඇත්තක්  යැයි  සිතන්නට  අප  පොලඹවන කරුණු  විය.


රාජපක්ෂව රාත්‍රී කාලයේ දේශපාලන  එක ගෙයි කෑමට  මෛත්රීත් රනිලුත් ටෙලිෆොනේ කෝල් දී  ගෙන්නා  ගන්නා  බව තක්කෙටම  ඔප්පු  වුයේ පොලීසියේ  ලොකුම  මහත්තයා නිසාය. ඒ  නිසා  පුජිත  ජයසුන්දර  මහත්තයාට ' Thank You so much ' කියන්නට මගේ කිසිම දෙගිඩියාවක්  නැත. 


දෙවුන්දර දේවාලයේ  බස්නායක  නිලමේ තමන්  ලඟ  කලින් සිටි  බවත් පසුව රජ්ජුරුවන්  ගාවට  ගිය  බවත්  රනිල්  පාර්ලිමේන්තුවේදී කී බැවින්  ඔහු ගැන දැන් අපි දනිමු. රජ්ජුරුවන්ගේ  කාලයේදී ආණ්ඩුවේ  දේපොළ භාවිතා  කොට  රුපියල්  දස  ලක්ෂ  කීපයක් පිල්ලිගැසීම  නිසා  ඔහු අත් අඩංගුවට ගැනීමට  සුදානම් වෙද්දී එය  වැලක්වීමට හද්ද  යුඑන්පී කාරයෙකු  වන සාගල  රත්නායක ඇමතිවරයා  පොලිස්  ලොක්කාට   මාධ්‍යවේදීන්  ඉදිරියේ දුර කථන ඇමතුමක් දීම මගින්  මෛත්රීගේත්  රනිල්ගෙත් රාජපක්ෂගේත්  රෙදි ගැලවී  ගිය  අතර ඔවුන් තුන්දෙනාම එක  ගෙයි හවුලේ  කන  බව ස්ථිර  ලෙසම එයින්  ස්ථිර  විය.


කෝල් එක  ගැන වහාම පරීක්ෂණයක්  පවත්වන  බව  මෛත්‍රී  ප්‍රසිද්ධ  කලේ මොකුත්  නොදන්නා  තොත්ත  බබෙකු  සේය. මා සිතන  හැටියට මෛත්‍රී  වනාහී  රනිල්ටත් වඩා  දේශපාලන අන්ඩයෙකි. රාජපක්ෂලා  තොන්ඩුවෙන්  බේරා  ගැනීම සඳහා ලොකු  උවමනාවක් මෛත්රීටත් රනිල්ටත්  තිබෙන නමුත්  සිදුවූ  හානිය  අවම  කරගැනීම  සඳහා නිලමේ  ඉක්මනින් අත් අඩංගුවට  ගැනීමටද  ඉඩ  තිබේ.


රාජපක්ෂ  සමයේ චව්රයනට සහ  සුදු වෑන් ත්‍රස්තවාදීන්ට  මේ  ආණ්ඩුව  පැනලා දඬුවම්  කරතැයි බොරු  බලාපොරොත්තු  තබා  ගත යුතු නැත. ඒ වගකීම  පැටවෙන්නේ  ඔබටත්මේ  මටත්   සිවිල් සංවිධානවලටය. ජනතා විමුක්ති පෙරමුණ ඒ සම්බන්ධයෙන්  දිගින් දිගට දක්වන  උනන්දුව පැසසුම්  කටයුතු වන අතර  ඔවුන්ගේ අතීතයේ  කළු  පැල්ලම්  සෝදා  ගැනීමටද එය  ඉවහල් වනු ඇත  යන්න  මගේ  විශ්වාසයයි.


රාජපක්ෂ සමග එක ගෙයි  කෑම  නිසා  ඔවුන් තුන්දෙනාටම  දේශපාලන ඒඩ්ස් වැළඳෙන බව කල්තියාම මෙසේ  ලියා තබමු.








විජේදාස රාජපක්ෂ හෙවත් ඥානසාර බොඩිගාඩ්

මට විජේදාස  රාජපක්ෂ  මහතා  මුලින් හමුවුයේ  2001 වසරේ දීය . 2000 වසරේ  බලයට  පැමිණි රනිල් වික්‍රමසිංහ ආණ්ඩුව අධ්‍යාපන ශේෂ්ත්‍රයට අය...