Friday, August 5, 2016

පාද යාත්‍රාවෙන් පසු මහින්දගේ සහ රනිල්ගේ පස්ස

 

 

පාද  යාත්‍රාව අවසන්ය.  සංවිධායකයනට අනුව එය අති සාර්ථකය.  පාද  යාත්‍රාවේ  ප්‍රධාන සංවිධායක  මහින්දානන්ද අලුත්ගමගෙට  අනුව  සහභාගී වූ සංඛ්‍යාව ලක්ෂ  විස්සකි. ගීතා කුමාරසිංහට අනුව කෝටි දෙකකි. එහෙත් ඩිලාන්  පෙරේරාට සහ මහින්ද අමරවීරට   අනුව  50 දහසකට අඩුය.

පාද  යාත්‍රා  සංවිධායකයන්  මුලින්  කියා  සිටියේ  ලක්ෂ  දහයක් සමග  කොළඹට  පැමිණ ආණ්ඩුව  පෙරලන  බවය.  නායකත්වය  ගත්තේ බැසිල්  රාජපක්ෂය. එය සාර්ථක  කර  ගැනීම  සඳහා ඉහල මට්ටමේ  සාකච්චා දුසිම්  ගණනක්ද ප්‍රාදේශීය  මටටමේ  පාක්ෂික සාකච්චා සිය  ගණනක්ද  පවත්වනු ලැබිණ.. එහෙත් බැසිල්ට පළමුවෙන් රිමාන්ඩ් හිර  ගෙදරටත් දොස්තර  මහත්තුරුන්ගේ  උදව්වෙන්  දෙවනුව මහා රෝහලේ  ගෙවන වාට්ටුවටත්  යාමට සිදුවීම  නිසා එය සංවිධානය කිරීමේ වගකීම අන් අයට  පැවරිණ.

 

එකාබද්ධ විපක්ෂයේ  මුළු  බර  යොදා පා ගමන සංවිධානය  කළද පළමු දිනයේ  එයට සහභාගී වුයේ දස  දහසක් වැනි  පිරිසක්  පමණි .අවසන් දිනයේ  සහභාගිත්වය  15  දහස  ඉක්මවුයේ  නැත.

මෙසේ  වුයේ  ඇයි?

මහින්දට වර්ග දෙකක   මිනිස්සු සිටිති. එක් වර්ගයක් වන්නේ සිංහල  බවුද්ධයන්ට  පමණක් මේ රට  අයිතිය  යන මතය දරන්නන්ය . අනිත්  කණ්ඩායම වන්නේ  ඔහුගේ  පාලන සමයේ ඔහුගේ අනුග්‍රහයෙන් හරි  හම්බු  කර  ගත්   පිරිසය. මහින්ද වනාහී තමන්ගේ  අයට ඕනෑම අයුරකින් හරි හම්බු  කර  ගැනීමට අනුග්‍රහය දුන් අයෙකි. තමන්ගේ  10% තියා  ගැනීමට  අමතක  නොකර  කොන්ත්‍රාත් කරන  ලෙස ඔහු වරක් සමුර්ධි නියාමකයනට  උපදෙස්  දුන්නේය. ඒ  මහින්ද  උදව්  කළ  පුංචි එවුන්ය. ඔහු නිසා  කප්පරක්  ගොඩ  ගසා  මහා  අය මේ දිනවල  රහස්  පොලීසියටද උසාවි වලටද  ගොස්  උත්තර  බඳිමින් සිටිති.

පසු  ගිය  මාස  කීපයේම  මහා ගැම්මකින් සිටි මහින්ද  කණ්ඩායමට  පාද  යාත්‍රාවට ලොකු  පිරිසක් ගෙන්නා  ගැනීමට  නොහැකි වුයේ  අන්   කිසිවක් නිසා  නොව  මෛත්‍රී කළ ප්‍රකාශයක් නිසාය.අවුරුදු  5 ක්  යන තුරු එක්සත්  ජාතික  පක්ෂය සමග  හවුලේ  රට  පාලනය  කරන  බව  කීම  එම  ප්‍රකාශයයි. මෙම  ප්‍රකාශයත් සමග ඒකාබද්ධ විපක්ෂය සමග  සිටි  බහුතරයක්  මිනිස්සු සහ  ගැහැණු බරපතල  මානසික  කඩාවැටීමකට  ලක්වුවාට කිසිදු සැකයක්  නැත.  ඔවුන්  බලාපොරොත්තුව සිටියේ  අවුරුදු දෙකකින් පසු   ශ්‍රී ලංකා + යුඑන්පී හවුල අවසන් වනු  ඇත  කියාය. ඉන්පසු මෛත්‍රී+මහින්ද ආණ්ඩුවක් ඇතිවනු ඇත  යන්න  ඔවුන්ගේ  විශ්වාසය  විය.

 

ස්වභාවයෙන්ම විපක්ෂයේ  සිටින විට ප්‍රධාන  පක්ෂ දෙකේම සාමාජිකයෝ සිටින්නේ වලිග  අකුලාගෙනය.  පාරට  බැස අඬු බඩු කඩා  ගැනීමට  ඔවුන් සුදානම්  නැත. ඔවුන්ගේ  එකම අපේක්ෂාව තමන්ගේ  පක්ෂයේ ආණ්ඩුවක්  පිහිටුවා ගෙන කටු සුප්පු  කිරීමය. 1977  සිට මෙතෙක් ඉතිහාසය හැදෑරීමෙන්  එය  පසක්  කර  ගත  හැකිය.

 

ශ්‍රීලනිපය එක්සත්  කරන්නට මෛත්‍රී දිගින් දිගටම වෑයමක් දරමින් සිටියත් එය  සාර්ථක වන  බවක් පේන්නේ  නැත. එයට  හේතු සෙවීමට වැඩි දුර  යා යුතු  නැත.   ජනවර්ග අතර සමගියක් ඇති  කිරීමට මෛත්‍රී   දරන වැයමට ඔවුන්  කිසිසේත් එකඟ  නැති අතර මෛත්‍රී  යටතේ ඇති  පදම් ගසා  කන්නට ඔවුන්ට  ඉඩක් නොමැති  වීම  අනෙක් හේතුවයි. දැන් කොන්ත්‍රාත්  කරන්නේ  යුඑන්පී  කාරයන්‍ විසිනි. උන් පන්නා  දමා  තමන්ගේ  අතට  කොන්තරාත්තු  ලබා   ගන්න  තුරු   මහින්දගේ කොන්ත්‍රාත් පාක්ෂිකයනට ඉවසීමක්  නැත.

මේ  දිනවල මහින්ද  හවුලේ  කණ්ඩායමේ එකම යෝධ ව්‍යාපෘතිය වී  තිබෙන්නේ  පාද  යාත්‍රාවෙන්  කඩා  වැටුණු  තමන්ගේ පාක්ෂිකයන්ගේ මොරාල් එක  ගොඩ  ගැනීමය. මිලියන් ගණනින් පාද  යාත්‍රාවට   සහභාගී වූ  බවට කෙප්ප දෙසා  බාන්නේ  ඒ  නිසාය.  ඒ සඳහා දිනපතාම වාගේ ප්‍රවුර්ති සාකච්චා  තබන්නේ  ඒ  නිසාය. ගීතා   කුමාරසිංහගේ කෝටි දෙකේ කතාන්දරය ආවේ  ඒ  නිසාය. 


මහින්ද  හිතවාදියෙකු වන ,ලක්ෂ දහයේ අල්ලස්  චෝදනාවකට අසුවූ වලල්ලාවිට  හිටපු ප්‍රාදේශීය සභාපති උදේනි අතුකෝරල ඊයේ  ප්‍රවුර්ත්ගි සාකච්චාවක්  තබා  කියා  සිටියේ පළාත් පාලන චන්දයට වෙනම  පෙරමුණක් ස්ථිර ලෙසම  හදන බවය. එයින් ගම්‍ය වන්නේ  ශ්‍රී ලංකා  නිදහස් පක්ෂය කඩා වෙනම පක්ෂයක්  හදන  බව  මිසක් වෙන  යමක් නොවේ. ඉදිරි කාලයේදී විමල් , ගම්මන්පිල , වාසු ,.සමසමාජ පක්ෂයේ මහින්ද  පිළ, කොමියුනිස්ට් පක්ෂයේ මහින්ද  පිළ , ආදීන් එකතුව  ශ්‍රීලනිපයේ  සැලකිය  යුතු  කණ්ඩායමක්ද  කඩ ගෙන මහින්දගේ නායකත්වයෙන් නව පෙරමුණක්  ගොඩ  නැගෙන බව පැහැදිලිය.

 

එවැනි පසුබිමක් තුල  ඉදිරි පළාත් පාලන  මැතිවරණයේදී  වැඩි වාසියක් අත්  කර  ගැනු ඇත්තේ එක්සත්  ජාතික  පක්ෂය බව අටුවා  ටීකා නැතිවම  කිව  හැක. 

 

 


 

විජේදාස රාජපක්ෂ හෙවත් ඥානසාර බොඩිගාඩ්

මට විජේදාස  රාජපක්ෂ  මහතා  මුලින් හමුවුයේ  2001 වසරේ දීය . 2000 වසරේ  බලයට  පැමිණි රනිල් වික්‍රමසිංහ ආණ්ඩුව අධ්‍යාපන ශේෂ්ත්‍රයට අය...