Saturday, April 30, 2016

දේශපාලක තුමාගේ මැයි දින පණිවිඩය

 

විරුද්ධ පක්ෂයේ ගල්මුසල දේශපාලනඥයන්ට නම් මැයි දිනය තවත් දිනයක් පමණක් වුවාට  මට  නම් එසේ  නොවේ..  ඔබව ඔවුන්ට මතක් වන්නේ අද දිනයේ  පමණි. මා  නම් එවැනි දේශපාලකයෙකු නොවේ .මන්ද  වැඩ  කරන  ජනතාවගේ වටිනාකම   අඩුවශයෙන් අවුරුද්දකට දෙවරක් වත් මට  මතක් වෙන  නිසාය. මේ  රටේ වැඩ  කරන ජනතාවට   නම්  කිසි දිනක මා   අමතක  නොවන  බව  හොදින්ම  දනිමි. එයට  හේතුව  නම්  මමද කළකට පෙර මාසික වැටුප් ලබන සේවකයෙක්ව  සිටිමින් ඔබ සමග  අයිතිවාසිකම් දිනා   ගැනීම  සඳහා උරින් උර  ගැටෙමින් සටන් කළ  නිසාය.  මා  ඔබ සමග එඩිතරව  සටන් කිරීම  නිසා  මා   ඔබගේ   වෘත්තීය  සමිතියේ  නායකයා බවට  අවුරුදු 20 ට  පෙර පත්  කර  ගනු  ලැබීය. සමහර වෘත්තීය සමිති  නායකයන් මෙන් මා සටන් පාවා  නොදුන් බැවින් අපේ  පක්ෂයේ  සියලුම  වෘත්තීය  සමිති සහ සම්මේලනවල  නායකයා බවට  මා  තෝරා ගැනීමට අපගේ  පක්ෂයේ  නායකයා  නිර්දේශ  කළ බවත්   .  ඒ  අනුව   සියලු සාමාජිකයෝම එක  හඩින් එය  අනුමත   කර මා  තෝරා  පත්  කර ගත්  බවත් කෘතඥතා  පුර්වකව අද වැනි ශ්‍රේෂ්ට දිනයක  සිහිපත්  කිරීමට  කැමැත්තෙමි.

  රට  පාලනය  කළේ  අපේ  විරුද්ධ වාදීන්  බැවින් කම්කරු  පන්තියේ  අයිතිවාසිකම් වෙනුවෙන් මහා වැඩ වර්ජනයක් දියත්  කිරීම සඳහා කම්කරුවන් සුදානම්  කරන ලෙස අපේ  නායක  තුමා  මට උපදෙස්  දුන්නේය.  ඉල්ලීම් 21 ක් මුල්  කරගනිමින්  දැවැන්ත වැඩ වර්ජනයකට  සියල්ල  ලක ලෑස්ති  කරමින්  සිටින  අතර  එවක  බලයේ  සිටි  ජනාධිපති  තුමා මා වෙත චරපුරුශයෙකු අතේ  පණිවිඩයක් එවමින් තරු පහේ  හෝටලයකදී ඔහු  හමුවෙන  ලෙස ඉල්ලා  සිටියේය. ජනාධිපති වරයෙකුගේ   ඉල්ලීමක්   ප්‍රතික්ෂේප  නොකළ  හැකි  බව  ඔබ පිලිගන්නවා ඇත. එබැවින්  මා එතුමා   රහසිගතව හමු වූ  අතර  වැඩ වර්ජනය අත් හැර දමන  ලෙසත්  එයට  කෘත  ගුණ සැලකීමක්  ලෙස ජාතික  ලැයිස්තුවෙන්  පාර්ලිමේන්තු මන්ත්‍රී ධුරයක් මා  හට ලබා  දිය  හැකි  බවත් එතුමා මගේ  කරට  අත  දමාගෙන කියා සිටියේය.

මන්ත්‍රී  තනතුරකට කම්කරු  පන්තියේ  සටනක්  පවා දිය  නොහැකි  බව එතුමාට සැල  කළ  මා වහාම ආපසු  ආවෙමි. ඒ  මා   කෙලින් මිනිසෙකු  නිසාය. හිටපු  ජනාධිපති  තුමාත්  ලේසියෙන් අරින  මිනිහෙකු  නොවේ . ඔහු  යලිත්  පණිවිඩයක් එවමින් ඇමති  තනතුරක් උවමනා දැයි විමසීමක්  කළේය.  ....ඇමති  තනතුරක්...? ඇමති  තනතුරක්... ? මා සීරියස් ලෙස  ඒ  ගැන  කල්පනා  කළේ  මා ගැන  සිතා  නොව  කම්කරු  පන්තියේ යහපත   ගැන සිතාය. ඇමති   තනතුරක් ලැබුනොත්  වුර්තීය සමිති  නායකයෙකුට වඩා සේවයක් කළ හැකි  බව  මගේ භාර්යාව හෙවත්  ආර්යාව  කියා සිටින්නට වූ අතර  ඇගේ  බල කිරීම  නිසාම  අන්තිමේදී ජනාධිපති  තුමා  හමුවීම සඳහා ජනධිපති  මන්දිරයට  ගියෙමි.

  ජනාධිපති  මන්දිරයේ  රහසිගත  කාමරයකට මා   කැඳවූ  ජනධිපති තුමා  සාකච්චාවට  පෙර     "දෙකක් දාගම්මු "  යයි    යෝජනා  කළ  අතර මා ද එයට කැමැත්ත  ප්‍රකාශ  කළෙමි      ෂොට්  දෙක තුනක්   දාගත්  පසු   ජනාධිපති තුමා කෙලින්ම සාකච්චාට  බැස්සේය.  " මචං ජෙනරල් ස්ට්‍රයික් එක  නවත්තපන් . මන් ඇමති  කමක් දෙන්නම් "  ජනාධිපති තුමා  කීය. අපේ  පක්ෂයේ  ලොක්කා  නම් කිසි දිනක මට "මචං" යැයි අමතා  නැති  අතර ඔහු මා   ඇමතුවේ " තමුසේ" කියාය.  එබැවින්  ජනධිපති  තුමා  කෙරෙහි මා  තුළ  ඇති වුයේ  බලවත් පැහැදීමකි. මේ වන විට  බ්‍රැන්ඩි ෂොට් කීපයක්  මා ද දාගෙන  තිබුණු බැවින් මා  සිත  තුළද  වෙනදාට වඩා  එඩිතර  කමක් ඇතිවී තිබුණු  අතර " කම්කරු  ඇමති  කම දෙනව නම් වර්ජනය  නවත්තන්නම් " යැයි කීමි."Ok I'll give the job to you "යැයි අන්තිමේදී එතුමා මට කීය.

කම්කරු ඇමති  කම  ලැබීමෙන් පසු මෙයට පෙර  සිටි කිසිම  කම්කරු ඇමති වරයෙක් නොකළ  තරම් සේවයක් මා  වැඩ  කරන  ජනතාව  වෙනුවෙන් ඉටු  කළ  බව මේ  ලෝක  කම්කරු දිනයේ  ඔබ වෙත  සිහිපත් කරනු  කැමැත්තෙමි. මා කළ එක  සේවයක්  පමණක්  මේ  මොහොතේ  මතක්  කිරීමට  කැමතිය. එය  නම්  කම්කරු  ප්‍රඥප්තියක් පාර්ලිමේන්තුවට  ඉදිරිපත්  කර  සම්මත  කරවා   ගැනීමයි. එයින්   ඔබට සිදුවූ  යහපත මා විස්තර  නොකළාට ඔබ  හොදින්ම දනී.

ඉකුත්  ජනාධිපති වරණය  ආසන්නයේ  මා එම  ආණ්ඩුවෙන් අස්වී මේ  පැත්තට පැමිණ ජනාධිපති අපේක්ෂකයාට  පන දාගෙන  වැඩ  කළේ   කලින් ආණ්ඩුවේ ඇමති ධුරයෙන්   මා අපේක්ෂා කළ පරිදි කම්කරු  පන්තියට   යහපතක් කිරීමට  මට අවස්ථාවක්   නොදීමත් අලුත්  ආණ්ඩුවේ ඇමති ධුරයක් ලබා  දෙන  බවත්  කම්කරු පන්තියට අමතක නොවන සේවයක් කිරීමට ඉඩ සලසන  බවට  පොරොන්දුවක්  ලැබීම  නිසාය. මේ  ආණ්ඩුව පොරොන්දු ඉටු  කරන ආණ්ඩුවකි. බලවත් ඇමති ධුරයක් මට ප්‍රදානය  කළ අතර  මේ    රුපියල්  දස  දහසක වැටුප් වැඩිවීමක් රජයේ සේවකයනට  දීමට  මේ  ආණ්ඩුව  තීරණය  කළේ  කැබිනට් මණ්ඩලය තුලදී මා  ගෙන  ගිය බලවත්  සටන  නිසා බව  මෙම   මැයි දින  පණිවිඩයේ සඳහන්  කරන්නේ ආඩම්බරයෙනි. ඉදිරියටත් වැඩ  කරන  ජනතවගේ  යහපත් වෙනුවෙන්  දැවැන්ත වැඩ  කොටසක්  ඉටු  කිරීමට සුදානම් කර  ඇති බව අවසාන වශයෙන් සඳහන්  කරමි.

ඔබ සැමට ප්‍රීතිමත් මැයි දිනයක් වේවා .


මෙයට 

කම්කරු පන්තියට  කවදත් හිතැති 

දේශපාලක තුමා 

























Friday, April 29, 2016

වරෙව්! වරෙව්! මෙහෙට වරෙව් ! කිරුලපනේ යන්න වරෙව් !

  කිරුලපනේ  මැයි රැළියට  යාමට දැන් සිටම  අමුඩේ  ගසා ගෙන සිටින අපේ  ගමේ පොරක් මා  හමුවීමට ඊයේ  ( අප්‍රේල් 29 ) පැමිණ පෙළපාලියේදී කීම සඳහා  සුපිරි සටන් පාඨ ටිකක් හදා දෙන ලෙස  මගෙන් ඉල්ලීමක් කළේය. සන්තෝසමක් ලෙස ගමේ නිෂ්පාදිත අරක්කු බෝතලයක්ද ඔහු මට ප්‍රදානය  කළේය. පැය ගානක් තටමා  අගනා සටන් පාඨ ටිකක් හදා දුන් අතර එය  කියවා බලා මුව  නොසෑහෙන සේ   ස්තුති කළ ඔහු  ආපසු  ගියේ මහත් සන්තෝෂයෙනි.. ඔබත් කිරුලපන මැයි පෙළපාලියට  යාමට බලාපොරොත්තුවන්නේ  නම් පහත දැක්වෙන සටන් පාඨ දැන් සිටීම පාඩම්  කර ගන්නා ලෙස  රෙකමදාරු  කරමි.

අපි යන්නේ  කොයි පාරේ 

මුකලානේ  මැද      පාරේ

අප්පච්චි  යන          පාරේ 

අපි යන්නේ  කොයි පාරේ

 ඌරු වංස       යන පාරේ

අපි යන්නේ  කොයි පාරේ 

ගෙම්බන්පිල     යන පාරේ

අපි යන්නේ   කොයි පාරේ  

දිනෙස් මුත්ත    යන පාරේ

අපි යන්නේ කොයි  පාරේ  

පඛා  දේව        යන පාරේ 

අපි යන්නේ  කොයි පාරේ 

KPය්යා යන           පාරේ 


දියව්! දියව් ! අපිට  දියව්!
දාහතරේ කෙල්ලෝ දියව්!


දියව් !දියව්! අපිට දියව්!
කොන්ත්‍රාත්තු අපිට  දියව්!


දියව් !දියව් ! අපිට  දියව්!
ගසා  කන්න අපිට  දියව්!


දියව් !දියව්! අපිට දියව්!
ඩාලි රෝඩ් අපිට  දියව්!


දියව් !දියව් !අපිට දියව්!
අගමැති කම   අපිට දියව්!


දියව්  !දියව් !අපිට දියව්!
රජ ගෙදරත් අපිට දියව්!


අපි ආවොත් වැඩ දෙනවා

තම්බින්ටත් වැඩ දෙනවා

දෙමලුන්ටත් වැඩ දෙනවා

මෛත්‍රීටත් වැඩ දෙනවා

රනිලයටත් වැඩ දෙනවා

කොල්ලන්ටත් වැඩ දෙනවා

කෙල්ලන්ටත් වැඩ දෙනවා


වරෙව් !වරෙව්! මෙහෙට වරෙව්!  

කිරුලපනේ         යන්න වරෙව් !

වරෙව්! වරෙව් !මෙහෙට වරෙව්!

 ඕන තරම්       බොන්න වරෙව් !


කුඩු කාරයෝ    අපි ගාවයි 

බඩු කාරයෝ     අපි ගාවයි 

ඥානසාර          අපි  ගාවයි.

සුමනදාස           අපි ගාවයි 

මාල හොරුත්   අපි  ගාවයි 

ලෝක හොරුත්  අපි ගාවයි.


මහින්ද  අප්පොච්චාට                                                 ජයවේවා!                         

ඌරු වරිගේ  වීරවංසට                                               ජයවේවා!

ගෙබ්බන්පිල    බස්සාට                                              ජයවේවා.!

දිනේෂ් හම්පඩයාට                                                      ජයවේවා!

පඛා දේව  රැවුලාට                                                      ජයවේවා!

KPය්යාට                                                                   ජයවේවා!

මල බද්ධ විපක්ෂ කණ්ඩායමට                                    ජයවේවා!


( ජනමාධ්‍ය අමාත්‍යංශයේ ලේකම් තුමාගේ  ඉල්ලීම පරිදි ඒකාබද්ධ යන වචනය ඉවත් කොට මළබද්ධ යන වචනය යෙදු බව  පාඨකයෝ අවබෝධ  කර  ගනිත්වා )

*********************************************************************************

අනෙකුත් දේශපාලන පක්ෂවල පෙළපාලි  යන අයටද සටන් පාඨ උවමනා   කරන්නේ  නම් දැන්ම මා  අමතන්න. *****කඩිනම් සේවය***** අය කිරීම අරක්කු බෝතයක් පමණි. බාර් වසා ඇත්තේ  නම් ලෝකල් බඩු වුවද භාර  ගනු ලැබේ.

*********************************************************************************





























Thursday, April 28, 2016

කොටි නැගිටියිද?


                   චාවකච්චේරියේදී මරාගෙන මැරෙන  ඇඳුම්  කට්ටලය සහ වෙනත් පුපුරන ද්‍රව්‍ය  අසුවීමෙන්  අලුත් වූ ඉව පාර දිගේ  ගොස්  ගිය පොලීසිය    කොටි සංවිධානයේ හිටපු ජෙෂ්ටයන් තිදෙනෙකු වූ රාම් (හිටපු අම්පාර  නායක ), නගුලන් ( චාල්ස් ඇන්තනි බලකායේ අණදෙන  නිලධාරී), තලේරාසන් ( ත්‍රීකුණාමලයේ  බුද්ධි තොරතුරු අංශයේ  නායකයා )  අත්අඩංගුවට  ගෙන තිබේ.. 

එයට අමතරව සිවකාරන් නමැත්තෙක්  අත්අඩංගුවට  ගෙන ඇත.. ඔහු වර්තමානයේ ඉලන්ගෙය් තමිල් අරසු  පක්ෂයේ (ITKA)  තරුණ  අංශයේ නායකයාය . ITKA යනු TNA සංවිධානයේ  හවුල්කාර  පක්ෂයකි.

එඩ්වඩ් ජුලියන් නමැති හිටපු LTTE සාමාජිකයෙකු මෙයට පෙර  අත්අඩංගුවට  ගැනු ලැබු අතර ඒ චාවකච්චේරි බෝම්බ පාර්සලයට  කිසියම් සම්බන්ධකමක් තිබීම නිසාය.

LTTE සංවිධානය යළි ගොඩ ගැනීමට මොවුන් උත්සාහ කරමින් සිටින්නේ  යැයි ඇතැමුන් විස්වාස  කරන  අතර එය ඇත්තක් හෝ  බොරුවක් හෝ  විය  හැකිය. 

 ඇතැම් විටෙක තවමත් හෙළි නොවූ සමහරෙකු  යළි LTTE සංවිධානය  කිරීමට උත්සාහ  කරමින් සිටිය  හැක. එසේත් නැත්තම් වෙනත් නමකින්  සංවිධානය වෙමින් සිටිය හැක. 

එයට හේතුව යුද්ධයෙන් ආණ්ඩුව දිනුවද දෙමල මිනිසුන්ට සුවිශේෂවූ  ප්‍රශ්න ඉතිරිවී තිබීම නිසාය. ඒ ප්‍රශ්නවලට සාර්ථක විසඳුම් ලැබෙන තුරු දෙමල මිනිසුන් අතර සිටින ඇතැමෙකු අවි ආයුධ අතට  ගෙන සටන් කිරීම  හැර වෙනත් මගක් නැතැයි සිතීමට  ඉඩ තිබේ. ඉගනීමට  මුල් තැන දුන් දෙමල තරුණ  තරුණියන් ආයුධ අතට ගත්තේ  ඊට බලපෑ  බරපතල  හේතු  තිබු  නිසා යැයි අපි  පිළිගත  යුතුය. පිලි නොගන්නේ  අමුම අමු මැට්ටන් පමණි 

1971 තරුණ ජීවිත දස දහස්  ගණනක් විනාශ  කොට  ජවිපෙ යටපත්  කළද රහසිගතව  ඔවුන් යලි සංවිධානය වූ අතර 1977  දී විජේවීර නිදහස ලැබූ පසු   රටපුරා රැස්වීම් පැවැත්වුයේ  රහසින් වැඩ කොට කිසියම් පදනමක් ගොඩ  නගා  ගෙන සිටි නිසාය.1983 දී  ජවිපෙ  යලි  තහනම් කළත් රහසිගතව  වැඩ  කොට 1988 යලි  කැරැල්ලක් ගැසුහ. එම කැරැල්ලෙන් දහස් දහස්  ගණනක් මරා  දැමුවද ජවිපෙ  මරා  දැමීමට  හැකි වුයේ  නැත. එයින් කියවෙන්නේ    කිසියම් පිරිසකට  අසාධාරණයක්  දිගින් දිගට  පවතින විට තුවක්කුවෙන්  යටපත්  කළ නොහැකි බව  මිසක් වෙන  කුමක්ද?

බුදු බණෙන්  කීවොත් හේතුව   නැති  නොකොට ඵලය නැති  කළ නොහැක. නැවත  නැවත මිනිසුන් උපදින්නේ මිනිසුන් තුළ තිබෙන කෙලෙස්  නිසාය. ඉපදීම  නැවැත්විය හැක්කේ කෙලෙස්  නැති කිරීමෙනි . හේතුව කෙලෙස්ය. ඉපදීම  ඵලයය. බුදුහාමුදුරුවෝ කීවේ  එසේය. 

එහෙත් කණගාටුවට  කරුණ  නම් බුදුන්ගේ  ශ්‍රාවකයෝ  යැයි හන ගසා  ගෙන සිටින අය හේතුව නැති කිරීම වෙනුවට  ඵලය නැති  කරන්නට  කියා කෑමොරසන් දීමය. 

විග්නේශ්වරන් ෆෙඩරල් ඉල්ලන්නේ නිකම් නොවේ. දෙමල ප්‍රශ්නයට හරි  විසඳුමක් නොලැබුනොත් දෙමල කොල්ලන් කෙල්ලන් යම් දිනක  යළි අවි අතට  ගැනීමට  ඉඩ  තිබෙන බවට ඔහු විස්වාස  කරන  නිසාය.. එසේ  වුවහොත්  උතුර  නැගෙනහිර  යළි ලේ විලක් වීමට ඉඩ තිබෙන බව විග්නේශ්වරන්ලා සම්බන්ධන්ලා දනීති.

එය විනාශ  කිරීමට සිංහල හමුදාවනට හැකි විය  හැකිය. නොහැකි විය  හැකිය.  27 අවුරුද්දක් යුද්ධ කොට අන්තිමට සිදුවූ පරාජයෙන්   දෙමල  තරුණයන්ද  පාඩම් ඉගෙන ගෙන  ආයිත් නොපරදින්නට කළ යුත්තේ  කුමක්දැයි සියවරක් නොව දහස් වරක්    කල්පනා  කරනු ඇත.

අද ලෝකය 2009  තිබු ලෝකය නොවේ. එදා ISIS තිබුනේ  නැත.   ඇමරිකාව , බ්‍රිතාන්‍යය, ප්‍රංසය, රුසියාව ආදී  බලගතු  රටවල් එක්ව  සහ වෙන්ව  පහර  දුන්නද තවමත් ISIS  අවසන්  කරන්නට හැකිවී නැත.  යුරෝපය, අරාබිය  සහ  ආසියාව එක් කොට  ඉස්ලාම්  රාජ්‍යයක් ගොඩ නැගීමේ ISIS ඉලක්කය, ලොව පුරා  මුස්ලිම් මිනිසුන්  ISIS වටා එකතු  කළහැකි  ආකර්ශනීය සටන් පාඨයකි.  අනාගතයේ දවසක ISIS අපේ  රටට ඒමට  ඉඩ  නැත්තේ  නොවේ. උතුරේ අනාගත  සටන් කරුවන් සහ නැගෙනහිර ISIS සටන් කරුවන් අතර  ගිවිසුම් ඇති විය  නොහැකි  යැයි කිව  හැකිද? එවැනි    එසේ  වුවහොත්  තත්ත්වය  වඩාත්  භයානක නොවේද?. දකුණේ  යළි පෙරට වඩා බෝම්බ පිපිරවීමට ඉඩ  නැද්ද?

එබැවින් ,   සිංහලයන් කල යුත්තේ   සම්බන්දන්ලාට  විග්නේශ්වරන්ලාට  හකීමලට විරුද්ධව යුධ  ප්‍රකාශ කිරීමද ? නැතහොත් ඔවුන් සමග එකතුව අලුත්  පාරක්  කපා ගැනීමද? 



















































Wednesday, April 27, 2016

රුපියලකින් කැරැල්ලක් ගැසුවෙමි.

ඉස්සර  මැයි දිනයේ  මම ගෙදර  හිටියොත් ගමේ  අයට ප්‍රශ්නයකි. කොතැනට  ගියත් අසන්නේ "පෙළපාලි ගියේ  නැද්ද ?" කියාය. 

මම පළමු වරට  මැයි දින  පෙළපාලියක් බලන්නට  ගියේ 1970 ය. පුංචි බොරැල්ලට  ගොස් සමගි පෙරමුණේ  පෙළපාලිය එන තුරු බලා  සිටියෙමි. සමගි පෙරමුණ සැදී තිබුනේ ශ්‍රී.ලනිපය සමසමාජ සහ කොමියුනිස්ට් යන පක්ෂ තුනෙනි. පෙළපාලිය එන්නට තිබුනේ බොරැල්ලේ සිටය. යන්නේ  මරදාන  පැත්තටය. හිටිහැටියේම  ඇස් වාට්ටුව පැත්තේ සිට    පුංචි බොරැල්ලට වැටී තිබෙන  පාර දිගේ කාර්පෙළක් ඇවිත් පුංචි බොරැල්ලෙන් මරදාන  පැත්තට හැරෙව්වේය. සමගි පෙරමුණේ  පෙළපාලිය  එන තුරු බලා  සිටි මහා සෙනග මහා හය්යෙන් හු  කියන්නට පටන් ගත්හ. හු කියන්නේ  ඇයිදැයි  විමසු විට ළඟ  සිටි කෙනෙකුගෙන් විමසු විට  ඔහු කීවේ ඒ   ගිය  කාර් පෙලේ හිටියේ  JR ජයවර්දන කියාය. ඔහු ගියේ  UNP පෙළපාලිය අරඹන සුගතදාස ස්ටේඩියම් දෙසටය.

ටික වෙලාවකින්  පෙළපාලිය පුංචි බොරැල්ලට  ආවේය. ඉදිරියෙන් ගමන් කලේ  අනුර බන්ඩාරනායකය. එකල ඔහු ඉතා කඩවසම්  තරුණයෙකි.  අත් ඔසොවා සටන් පාට කියමින්  යන  අනුර දෙස  කවුරුත් බලා සිටියේ  ලංකාවේ අනගත අගමැති වෙන්නේ මේ  තරුණය  නොවේද  කියාය.  එහෙත් අනුරට මැරෙන්නේට  උනේ අගමැති  කම තියා ගැනියෙක්වත්  නැතිවය. අවසාන  කාළයේ කලිසම අන්දන්නට, කමිසය  අඳින්නට  සපත්තු  දාගන්නට  තරමටවත්  ශරීරය  නවන්නට  බැරි වූ බැවින්  ඒවා  කරගන්නට සිදුවුයේ අන් අය  ලවාය.

මැයි පෙළපාලි බැලිල්ල වෙනුවට ඒවාට  සහභාගී වන්නට මා  පටන් ගත්තේ  1974 දීය. ඒ  වන විට  මම ගමේ  කොමියුනිස්ට් පක්ෂයේ  තරුණ සමිතියේ ලේකම් වී සිටියෙමි.  ගමේ  සමිතියේ නම සහිත  ලොකු බැනරයක් මා  විසින් පිළියෙළ  කරගෙන එය රඳවා  ඔසොවා  ගෙන  යාමට දිග  පොලු දෙකකුත් කපා  ගෙන එකල බුලත්සිංහල ආසනයේ  මන්ත්‍රී වූ මංගල මුණසිංහ  මහතා එවන  ලද  ලංගම බස් රථයකට  නැගී   පක්ෂයේ කොල්ලන් කෙල්ලන්  සමග කොළඹට  යනතුරුම  සටන් පාඨ   කියමින් ගියෙමු.කොළඹ  යාම සඳහා  අය කල බස් ගාස්තුව එක් අයෙකුගෙන්   රුපියලකි. ඇත්ත වශයෙන්ම ආණ්ඩුව  තමන්ගේ  පෙළපාලියට එන මිනිස්සුන්ට බස්  දුන්නේ නොමිලයේය. එක් එක් අයෙකුගෙන් එකතු  කළ රුපියල වැය  කලේ  සහභාගී වන්නන්ට තේ අරන් දීමටය.

ඒ  කාලයේ  පෙළපාලි  යන්නේ  ගහගන්නටද  ගුටි කන්නටද  බලාගෙනය.පෙළපාලි ගොස් රැ වී  ආපසු එනවිට යුඑන්පී  කාරයෝ අතරමගදී  ගල් මුල්වලින් ගසති. දවල්  කාලයේ  අතර මගදී මුණ  ගැසුනත්  එසේමය.

පෙළපාලිය පටන් ගත් පසු අපි කිව්වේ  අපිට  ඕන සටන් පාඨ   මිසක්  සමගි පෙරමුණේ  පෙළපාලියේ  ශ්‍රී ලංකා  කාරයන් කියන ඒවා නොවේ.

"අපි යන්නේ  කොයි පාරේ ?

මාර්ක්ස් ලෙනින් ගිය  පාරේ 

පිදෙල් කැස්ත්‍රෝ ගිය පාරේ 

චේ ගුවේර  ගිය පාරේ

මාවෝ ලා ගිය  පාරේ 

හෝ චීමින් ගිය  පාරේ 

ගසව් ගසව් කැරලි ගසව් 

කම්හල්වල  කැරලි ගසව් 

පාසල්වල කැරලි ගසව් 

සරසවියේ කැරලි ගසව්

ගසව් ගසව් කැරලි ගසව්

ශ්‍රී ලංකාවේ කොමියුනිස්ට්  පක්ෂයට  ජයවේවා ! 111 

සමගි පෙරමුණට ජයවේවා.! 111 

එක්සත්  ජාතික  පක්ෂය  භංග  වේවා !

ධනපති පන්තිය භංගවේවා !

ගසව් ගසව් කැරලි  ගසව්!

මහපාරේ  කැරලි  ගසව් !

රාළහාමි මේ  අහන්න !

බැටන් පොල්ල අපිට දෙන්න.

නිර්ධන  පන්ති විප්ලවයට  ජයවේවා !

කම්කරු පන්තියට  ජයවේවා!


1977 දක්වා කොමියුනිස්ට් පක්ෂයේ පෙළපාලියේ  ගිය මා  1978 සිට ගියේ ජනතා විමුක්ති පෙරමුණේ පෙලපාලියේය. කිරුලපනෙන් පටන් ගෙන හැව්ලොක් පිටිය දක්වා ඇතැම් අවුරුදු වල පැය  ගානක් අව්වේ  කරවෙමින්ද  ඇතැම් අවුරුදු වල  වැස්සේ  හොඳටම තෙමෙමින්ද  එහෙත් මහත් ආසාවෙන් ජවිපෙ  පෙළපාලිවල අවුරුදු 3 ක්ම ගියෙමි. 1980 ජුලි වැඩ වර්ජනය කඩා කප්පල්  කිරීමට ජවිපෙ  කටයුතු  කිරීම  නිසා ජවිපෙන් අයින් වූ මා 1981  ලංකා  ගුරු සංගමය , රජයේ  ලිපිකරු සංගමය ඇතුළු වුර්තීය සමිති  සංවිධානය  කළ පුංචි මැයි පෙළපාලියක  ගියෙමි. ඉන්පසු 1985 දක්වා  කිසිදු පෙළපාලියට යන්නට  මට කිසිදු ආසාවක් ඇති වුනේ  නැත.

දේශපාලනය  නොකර ගෙදර සිටීමට ගමේ  සිටි කොමියුනිස්ට්  කාරයෙක් මට ඉඩ දුන්නේ  නැත.ඔහුගේ බලවත් පෙරැත්ත  නිසා   මා  1986  දී  නැවතත් කොමියුනිස්ට් පක්ෂයට එකතු වුයෙමි.පටන් ගත්ත  දෙයක් කැපවී කිරීමේ රුදාවක් මට  කවදත් තිබිණ.කොමියුනිස්ට් පක්ෂය විප්ලවකාරී පක්ෂයක් කර ගැනීමට මට  උවමනාවක් තිබිණ. ඒ සඳහා  කැපවීමෙන් වැඩ  කිරීම  නිසා  පක්ෂයේ  ඉහලට  නැගීමට මට  හැකි විය.පක්ෂයේ සම්මේලනයට මා ඉදිරිපත් කළ යෝජනා  පක්ෂ  නායකත්වය සම්මේලනයට ඉදිරිපත්  කර  තිබුනේ දියාරු  කරය. සම්මේලනයේ වේදිකාවට  නැග  නායකයන්ට  මා  ඒ  ගැන  දොස්  කීම නිසා පැමිණ සිටි සම්මේලන නියෝජිතන්ගේ  අවධානයට  මා  ලක්වුණ  අතර එහි අවසාන  ප්‍රතිපලය වුයේ පක්ෂයේ  මධ්‍යම  කාරක සභාවට  බහුතර චන්දයෙන්  මා තේරී පත්වීමය.

ජවිපෙ භීෂණ සමයේ  හැර අන් බොහෝ වසරවල  මා  කොමියුනිස්ට් පක්ෂයේ  පෙළපාලි  ගිය  අතර  අන්තිමට ගියේ 2006  ය. ඒ  කාලය වන විට  මා පක්ෂයේ  නායකයෙක් වී සිටි බැවින් මා යන්නේද  පක්ෂයේ  අනෙකුත්  නායකයන් සමග  ඉදිරියෙන්ය. පෙළපාලිය  පටන් ගත්ත  තැන සිට අවසන් වන තරුම උගුර  බැරැන්ඩි වන තුරම විවිධ ආකාරයේ සටන් පාඨ  කීම මහත් තෘප්තියක් ගෙන දෙන්නක් විය.

2007 සිට මැයි දින  පෙළපාලි   යාම අත් හැරියේ  කොමියුනිස්ට් පක්ෂයෙන් මා ඉවත් වීම නිසාය. විප්ලවකාරී  පක්ෂයක් බවට  එය  පත්  කර ගැනීම සඳහා  අවුරුදු  3  ක් මධ්‍යම  කාරක සභාවේ සිට  වෙහෙසත්  දැරුවත් එය  නිෂ්පලවී ඇති බව  මට වැටහුනේ පක්ෂයේ  ඊ ළඟ සමුළුවට  පක්ෂය විසින් ඉදිරිපත් කිරීමට ඉදිරිපත්  කර තිබු  දියාරු වැඩ පිළිවෙල දුටු විටය.

යලිත් මැයි පෙලපාලි  යාමට  දැන් නම් හිත  දෙන්නේ  නැත.  දැන් මා   ළඟ රතු  කමිසයක් ඇත්තේද  නැත. තිබුණු රතු කමිසය  මීයන් සහ  කාවන් විසින්  කා  දමලාය.  යන්නට පෙළපාලියක්ද  නැත. රතු පාට  කැප් එකක්ද  නැත   කෙසේ වෙතත්  රතු  කමිස ඇඳගෙන රතු කොඩි ඔසොවා  ගෙන මෙවරත් මැයි පෙළපාලි  යන අවංක මිනිස්සුන්ට  ජයවේවා  කියා සුබ පතමි.































Monday, April 25, 2016

මෛත්‍රීගේ කරුණාව සහ රජතුමාගේ වෛරය. .

ශ්‍රී ලංකා නිදහස් පක්ෂය දෙකට කැඩී හමාරය. මේ සම්බන්ධයෙන්  යු. එන්. පී. කාරයන් නම් සිටින්නේ අමානන්දයෙන්ය. එහෙත් එය පෙන්නන්නේ  නැත්තේ මෛත්‍රීගේ  හිත  නරක් කරන්නට  බැරි  නිසාය. 



ශ්‍රී ලංකා නිදහස් පක්ෂය  කැඩීමට ඒ  කාලයේ උවමනාව තිබුනේ  එක්සත්  ජාතික  පක්ෂයටය. බණ්ඩාරනායක මැතිනියගේ  ප්‍රජා අයිතීන් අහෝසි  කිරීමට  JR පියවර  ගත්තේද ඒ නිසාය. . රෝහණ විජේවීර  මහතාටද ඒ  උවමනාවම     තිබුණි. 'ගමනක අවසානය ' නමින් දේශනා  මාලාවක් 1977 හිරෙන් එලියට  පැමිණි  විජේවීර  මහතා රට පුරා තබාගෙන  ගියේද  ඒ  නිසාය. අනිත්  කාරණාව  නම් බණ්ඩාරනායක මහත්මියගේ  ආණ්ඩුව 71  කැරැල්ල  සමතලා  කිරීම  නිසා  ශ්‍රීලනිපය කෙරෙහි විජේවීර  තුළ තිබු දැඩි  කෝපයයි.  එමෙන්ම  ශ්‍රීලනිපය  කැඩුනොත් තමන්ට ලොකු පක්ෂයක් බවට  පත්වීම  පහසු වනු ඇතැයි ඔහු  සිතීමයි.

කෙසේ වෙතත්  ශ්‍රී ලංකා  නිදහස් පක්ෂයට  77 සිට 94 දක්වාම සිටින්නට වුයේ විපක්ෂයේය. ඒ  කාලය තුල පක්ෂය කලි කීපයකට කැඩී ගියත්  ජවිපෙට ලොකු  පක්ෂයක් බවට  පත්වන්නට  නොහැකි විය.චන්ද්‍රිකා බණ්ඩාරනායක  මහත්මිය  රාජපක්ෂගේ  බලාපොරොත්තු  කඩමින් පක්ෂය ගොඩ  ගන්නට වැඩ  කිරීම  මහින්දට ඇහේ  කටු ඇනෙන්නක් මෙන් විය  . තරුණ වයසේ  සිටි චන්ද්‍රිකා පස්ස  නොබලා  වැඩ  කිරීම  නිසා පළමුව  බස්නාහිර  මහා ඇමති වූ  අතර  දෙවනුව අගමැති  කම  ලබා  1994   ජනාධිපති වුවාය.


 සිංහල බවුද්ධ  මතවාදී පක්ෂයක් වූ  ශ්‍රී ලංකා නිදහස්  පක්ෂය එයින් ගලවා ගැනීමට චන්ද්‍රිකා  ජනාධිපති  සමයේ විවිධ  උත්සාහයන්  ගත්තද ඒවා  සාර්ථක වුයේ  මතුපිටින් පමණි. 2005 සිට මහින්ද  බලයට ආවිට චන්ද්‍රිකා   කළ  සියල්ල අනිත් පැත්තට  හරවන්නට  හැකි වුයේ  ඒ නිසාය.

මහින්ද ශ්‍රීලනිපය  ,සිංහල බවුද්ධයන්ගේ   පක්ෂයක් බවට පත් කළා  පමණක් නොව  ඔහුගේ  මිනිස්සුන්ට  සීමාවකින් තොරව , හොඳින් සහ  නරකින් මහජන මුදල් සහ දේපොළ ගසා කෑමට  ඉඩ දුන්නේය .  ඒකාබද්ධ විපක්ෂය යන  නාම  පුවරුව වැටේ  සිටින  පාර්ලිමේන්තු  මන්ත්‍රීවරු පමණක් නොව  නගර සභා ,ප්‍රාදේශීය සභා  සභාපතිවරුන් , මන්ත්‍රී වරුන්    මහින්ද පස්සේ වැටී සිටින්නේ  ඒ  නිසාය.

ජනවාරි 8 වනදා මෛත්‍රී  දිනු  විට හොල්මන්වී ගිය  මහින්දත්, පවුලේ  අයත් , ඔහුගේ  හෙන්චයි මන්ත්‍රීවරුත් හිර ගෙවල්වල තපින්නට වෙතැයි බියෙන් සලිත  වී සිටියත්  පුංචි පුංචි කෙනිත්තීම් හැර වෙනත් කිසිවක් නොවූ බැවින්  ඔවුන් යලිත් මහින්ද වටේ  ගාල්වූ  අතර දැන් මෛත්‍රීට  සරම උස්සා  පස්ස පෙන්වීමට තරම් එඩිතර වී සිටිති.

පක්ෂය දෙකට  කැඩෙනු ඇතැයි බයවී මෛත්‍රී ඔවුන්ට එරෙහිව  කිසිවක් නොකිරීමේ ප්‍රතිපලය දැන් විඳින්නට වී ඇත්තේ  මෛත්රීටමය. හයිඩ්  පාක් රැලියට ගියොත් විනය පියවර  ගන්නේ  යැයි  කිව්වත් ගත්ත  විනය  පියවරක් නොමැති වූ බැවින් මෛත්‍රීට  එරෙහිව     වහසි බස් දොඩමින්  මැයි දින රැස්වීමක්  කිරුලපන පැවැත්වීමට එඩිතර වී සිටිති. . මෙය  මෛත්‍රීට  එරෙහිව  ප්‍රසිද්ධියේ  දියත්  කර  ඇති කැරැල්ලක් මිස යුඑන්පියට එරෙහිව අතපය  ඉස්සීමක් නොවේ.

පල්හොරුන්ව මෛත්‍රී කිරීමෙන් දමනය  කළ නොහැකි බව ජනධිපතිවරයා  ඉක්මනින් වටහා   නොගත්තොත් ශ්‍රී ලංකා  නිදහස්  පක්ෂයේ  සම්පුර්න  පාලනය තවත් අවුරුද්දක්  හමාරක් යනවිට  මෛත්‍රී  අතින් ගිලිහී මහින්ද රාජපක්ෂ  අතට  යාමට  ඉඩ නොමැත්තේද  නොවේ.

 එසේ  වුවහොත් මෛත්‍රීට  සිදුවන්නේ  යුඑන්පියට  යන්නටය. චන්දය දුන්  පක්ෂයක් නැති අපි වගේ අයට සිදුවන්නේ වහ  කන්නටය. 





















 







Sunday, April 24, 2016

විග්නේශ්වරන්ගේ බෝම්බය


කොරියන් කෙල්ලෝ දෙන්නා සහ ලාංකික  තරුණයා

 ඊය්යේ  පෙරේද  මට ලස්සන කොරියන් කෙල්ලන් දෙන්නෙක්ද  ඔවුන් දෙදෙනා සමග ගමන් බිමන් යන   හැඩ වැඩ   ලාංකික  තරුණයෙක්ද මට හමු විය. ලාංකිකයා දකුණු කොරියාවේ අවුරුදු  ගණනක් රැකියාවක්  කොට  ආපසු  පැමිණි අයෙකි. 'කොහොමද එහෙ තත්ත්වය? උතුර කොරියාවයි දකුණු කොරියාවයි ගහගනිවිද?"  තේ  කෝප්පයක් බොන  ගමන්   තරුණයාගේ  ඇසීමි. " මොන පිස්සුද සර්!  කිම් ජොන් උන් දකුණු කොරියාවට  යුධ  තර්ජන කරන හැම විටෙකම දකුණු  කොරියාවේ  මිනිස්සු බය වෙනවා වෙනුවට  හිනාවෙනව.  ඔය මිනිහට  සල්ලි ටිකක් ඕන වෙලා" කියල තමයි දකුණු  කොරියාවේ මිනිස්සු  කියන්නේ "


. . එහි  ඇත්තක්ද  තිබිය  හැකය. දකුණු කොරියාවේ  මිනිස්සුන්ට  හොරෙන්  එහි ආණ්ඩුව  උතුරු කොරියාවට   සල්ලි ගෝනි  තුන  හතරක්  බය කරන  කරන  පාරට  දෙනවා විය  හැක. මන්ද   රටරටවල ආණ්ඩු  තමන්ගේ  පුරවැසියනට හොරෙන්  කරන දේවල් ඕනෑ තරම් තිබේ.  අපේ  රටෙන්ම උදා හරණයක් දෙකක් කීවොත්  ප්‍රේමදාස ආණ්ඩුව  LTTE ට  රහසිගතව  ආයුධ  දීම  සහ   කළ ගුණ සැලකීමක් ලෙස මහින්ද විසින්   RADA නම් ආයතනයක් අටවා   ඒ හරහා  LTTE ට   මුදල් දීම  දැක්විය හැක.



විග්නේශ්වරන්ගේ දුම් බෝම්බය


සතියකට පෙර විග්නේශ්ස්වරන්ගේ  උතුරු පළාත් සභාව , උතුර  නැගෙනහිර ඒකාබද්ධ කොට  ෆෙඩරල් පාලනයක්  ලබා  දෙන  ලෙස ඉල්ලා යෝජනාවක්  සම්මත  කිරීමත්  උතුරු කොරියාවේ  කිම් ජොන් උන්   මිසයිල  අත්හදා බලමින් දකුණු  කොරියාව බිය ගැන්වීමට  උත්සාහ  කිරීමත්  අතර  මහා වෙනසක්  නැත .

පළාත් සභා යනු මහා බලතල  තිබෙන  ආයතන නොවන  අතර  බස්නාහිර  හැර  අනිත් ඒවාට  ඇති සල්ලියක්ද  නැත. කම්කරු රැකියාවක්  හැර වෙනත් රැකියාවක්   දීමටවත් ඒවාට  බලයක් නැත. උතුරේ  ස්වෙච්චා ගුරුවරු තමන්ගේ සේවය ස්ථිර  කර  පත්වීම් දෙන ලෙස  උතුරු පළාත් සභාවෙන්  ඉල්ලා පසුගිය දිනවල උපවාස  කලත් විග්නේශ්වරනට  කළ හැකි ඉටි ගෙඩියක් තිබුනේ  නැත. පළාත් සභාවලට  සල්ලි දෙන්නේ  කොළඹ තිබෙන  ආණ්ඩුවය. සල්ලි  නොදී ඒවායේ  බෙල්ල  මිරිකීමට ජනාධිපතිවරයා ට  පුළුවන.  සල්ලි  නැති  කම නිසාත් බලතල  නැති නිසාත්  උතුරේ ජනයා වෙනුවෙන් ඇඟට දැනෙන යමක් කිරීමටද  එයට පුළුවන් වී නොමැත. මේ  නිසා උතුරේ  මිනිස්සු කලකිරීමෙන් සිටින  අතර   මන්ත්‍රී වරු සිටින්නේ තරමක්  කේන්තියකිනි. මේ  විදිහට යන්නට  ඇරියොත් ඊ ළඟ  චන්දයේදී  තමන්ට ගෙදර  යන්නට වෙනු ඇතැයි බියක්ද ඔවුන් තුළ තිබෙන්නට  පුළුවන. ඒ  නිසා මෙවැනි  යෝජනා  සම්මත  කිරීම  තුලින් ආණ්ඩුව  කොනිත්තා උතුරට සල්ලි  ටිකක් ලබා  ගැනීමද ඔවුන්ගේ එක  අරමුණක් විය  හැක. අනිත්  අරමුණ   වන්නේ පළාත් සභාවෙන්  කළ  හැකි මගුලක් නොමැති බව අත් දැකීමෙන් දන්නා උතුරේ  මන්ත්‍රීවරු උතුරේ මිනිස්සුන්ට  වැඩක්  කළ  හැකි වන ලෙස  බලතල  සහ මුදල් තිබෙන ව්යුහයක් නව  ආණ්ඩුක්‍රම ව්‍යවස්ථාව  හරහා  අවශ්‍යය  යන්න කොළඹ  ආණ්ඩුවට  මතක්  කර දීමය.

හැබැයි උතුරු පළාත් සභාවේ මේ  යෝජනාව ,  විමල් වීරවංස-මහින්ද   කොම්පැනියට  නම්  අවුරුද්ද්දක්  හමාරක්  යන තුරු  හප හපා සිටිය  හැකි චුයින්ගම් එකකි.. ලබන  මහා මැතිවරණයේදී මන්ත්‍රී කම රැක  ගැනීමට  නම් මෙවැනි  යෝජනා  විමල්ලාට   අවශ්‍යය.  වීරවංස වහාම මාධ්‍ය  සාකච්චාවක්  කැඳවා බෙරිහන් දුන්නේ ඒ නිසාය.

දෙමලු රැවටීම 

 බණ්ඩාරනායක  මහතාගේ  කාලයේ  සිටම  දෙමලුන්ව සිංහල  ආණ්ඩු  විසින් රවට්ටනු  ලැබීමේ ප්‍රතිපලය වුයේ 27 වසරක යුද්ධයය. යුද්ධය  ජය  ගැනීමට  ආණ්ඩුවට  හැකි වීම  නිසා දෙමළුන්ට  කිසිවක් නොදිය  යුතුයැයි  වීරවංස-මහින්ද   කොම්පැනියේ  අය සිතති. වීරවංස   පමණක් නොව   පමණක් නොව උගේ   අම්මා ගේ  කොම්පැනියත් අම්මාගේ අනෙකුත්   දු දරුවන් වන    හෙල උරුමයත් ,  පෙරටුගාමියාත් සිතන්නේ  එසේය.

 යලි යුද්ධයක් බොහෝ  කලකට  නොඑන්නට  පුළුවන . යලිත් යුද්ධයක් ආවොත්  උතුරේ වත්මන් පරපුරටත් මරණය හැර වෙන  දෙයක් උරුම  නොවන බව උතරේ මිනිස්සු සහ ගැහැණු දන්නා නිසාය.  එහෙත්  එහෙටත් මෙහෙටත් සාමයක් නම්  ලැබෙන්නේ  නැත.  සාමය  යනු යුද්ධයක් නැති වීම  පමණක් නොවේ. රටක මිනිස්සු ආගම් ජාති භේද  වලින් තොරව සහෝදරත්වයෙන්  සිටීමය.

සාමයක් නැති  රටක ඇති  කළ හැකි සංවර්ධනයක් නැත. එන  ආයෝජනයක් නැත  විසඳුමක් හදා නොගෙන .අපි  ගහගන්නට  ගියොත්  අපේ  ගාර්මන්ට් ටිකත් යුරෝපය සහ ඇමරිකාව නොගන්නට ඉඩ  තිබේ. එසේ  වුවහොත් විමල් වීරවංසගේ  නෝනාගේ  ගාර්මන්ට් එකත් වැසෙනු  ඇත.



අරාබින්ගේ අමාරුකම් පිරිමැහීමට  ගෑනු අපනයනය කිරීම 

දෙමළ මිනිසුන් සහ  සහ  මුස්ලිම් මිනිස්සුන් සමග බලය බෙදා හදාගෙන   සාමයෙන්  සාමාදානයෙන්  ඉන්නට අපි ඉක්මනින් පොටක් පාදා  ගත්තේ  නැත්තම් තවත් අවුරුදු  50ක් 60   යන තුරු අපේ  ගැනුන්ව අරාබියට  යවා  අරාබි කක්කුස්සි හොදන්නටත් ,  අරාබි හාම්පුතාලගේ  අමාරුකම්  පිරිමහන්නටත් සිදුවනු ඇත. අපේ  කොල්ලන්ට සිදුවන්නේ දකුණු  කොරියාවට  ගොස් කොරියන්  කාරයන් නොකරන අනතුරු දායක ජොබ් දැන් කරන්නා සේම ඉදිරියටද  කරන්නටය. 

 ඒ ඔවුන් අපිට රැකියා  දුන්නොත්ය. දැන් පෙනෙන  හැටියට  නම් අරාබි  රටවලටත් කෙලවෙන්නට  යන හැඩය.  ඒ තෙල් මිල අඩු වීම  නිසාය . තවත් සැහෙන  කලක් යනතුරු තෙල් මිල  ඉහල  නොයන බව විශේෂඥ මතයයි. 

ලෝක  ආර්ථික  අර්බුදයක් පැතිරෙමින් තිබෙන මේ  මොහොතේ කොරියන් ජොබ් තව  කී දවසක් තිබේද යන්නද කල්පනා  කළ  යුතුය. සති දෙකකට පෙර  පැවති දකුණු කොරියානු මහමැතිවරණයෙන්  එහි ආණ්ඩුව  පැරදුනේද නිකන් නොවේ.

එබැවින් මේ  එළඹ  තිබෙන්නේ මොලේ  තියෙන  අයට  කල්පනා කරන්නට  කාලයයි.

  











































Saturday, April 23, 2016

ටයි කෝට් වෘත්තීය සමිති ලොක්කා

 

කිරුළපනට ලක්ෂ දෙකක් කම්කරුවන් ගෙනෙන බව පියදාස ඊයේ  කිව්වේය.පියදාසලා වැහි වැහැලා ඉන්න  ලංකාවේ ලක්ෂ දෙකක් අරන් එන  පියදාස කවුදැයි ඔබ  හතර අතේ  කල්පනා කරනවා  නිසැකය. මා  මේ  කියන්නේ අද  පත්තරේක  පළවූ පියදාස කෙනෙක් ගැනය. ඔබට  තාමත්  නිච්චි නැතිව ඇති. මේ  කියන පියදාස  ඊයේ  පුවත්පත් සාකච්චාවක් පවත්වමින්  කිරුලපොන මැයි රැලියට  ලක්ෂ දෙකක් කම්කරුවන් ඒමට නියමිත   බවත් එයින් ලක්ෂයක් ගෙනෙන්නේ තමන් නායකත්වය  දරන රාජ්‍ය සේවා වුර්තීය සමිති සම්මේලනයෙන් බවත් කියා තිබුණි.

එහෙත් මු   මොකාදැයි ඔබ නොදැනීම  පුදුමයක් නොවේ. මන්ද මොහුගේ  නම හෝ ඔහුගේ වුර්තීය සමිතිය  හෝ ඔහු මෙහෙයවූ    සටනක් ගැන ගතවූ අවුරුදු දුසිම තුලදී  ලංකාවේ  මිනිස්සුන්ට  නම්  අසන්නට  නොලැබුණු නිසාය. අඩු වශයෙන් පත්තරෙක  ඇතුළු  පිටුවක මුල්ලකවත් කරපු සටනක් ගැන නොව  කරන්නට  යෝජනා  කළ සටනක වාර්තාවක්  වත්  2005 න් පසු දක්නට  ලැබුනේ  නැත.

රාජපක්ෂ හමුවීමට පාර්ලිමේන්තුවට 

මේ  පුද්ගලයා ඉස්සර    ශ්‍රී ලංකාවේ  කොමියුනිස්ට් පක්ෂයේ ටොප් පොරකි.එම පක්ෂයේ  මධ්‍යම  කාරක සභාවේද  එමෙන්ම  පක්ෂයේ  ලේකම් මණ්ඩලයේද   සාමාජිකයෙක් ලෙස සැලකිය යුතු කාලයක් සිටියේය. 2005  ට පෙර එක් දවසක ඔහු මාවත්      ඇදගෙන පාර්ලිමෙන්තුවට  ගියේ  මහින්ද  හමුවී කිසියම් ප්‍රසන වගයක් කතා  කිරීමටය. පැය දෙක තුනක් පාර්ලිමේන්තුවෙ  කාලය  නාස්ති කිරීමෙන්  පසු  මහින්ද රාජපක්ෂගේ ආරාධනයෙන්   පාර්ලිමේන්තු කැන්ටිමෙන් බඩ කට  පුරා කා පියදාසත් මමත් ආපසු ආවෙමු.

මහින්ද  රාජපක්ෂ ජනාධිපතිවූ පසු  පියදාස  මහතා සිය වුර්තීය සමිතිය ඉබි යතුරු දමා වසා දැමු අතර ඊට හිලව්වන්නට   ජාතික  රක්ෂණ භාරකාර  අරමුදලේ   ක්‍රියාකාරී අධ්‍යක්ෂ තනතුරක්  මහින්දගෙන් ඉල්ලා ගත්  අතර ඉන්පසු ඔහු කට ඇරියේ   කෑමට  සහ මහින්ද රාජපක්ෂ වෙනුවෙන් කඩේ  යාමටය.

ටයි කෝට් වෘත්තීය  සමිති නායකයා.

ක්‍රියාකාරී අධ්‍යක්ෂ ධුරයක් ලැබූ විට  ඔහුටද අමුතු රාජ ඌෂ්නයක් බෝවිය. බස් රථයක නැගී වුර්තීය සමිති කාර්යාලයට හෝ කොමියුනිස්ට් පක්ෂ  කාර්යාලයට  ආ ගිය පියදාස සහෝදරයා බස් රථවලට  ටටා , බායි කිව්  අතර ඉන්පසු  ගමන් බිමන් ගියේ සැප පහසු  නිල රතයේය.  අසුන් ගත්තේ  වාහනයේ  ඉස්සරහ නොව පස්ස අසුනේය.  එයට හේතුව  නම් අතපය හොඳහැටි පළල් කර  සුව පහසුව වාඩිවී කම්කරු පන්තියේ  විමුක්තිය ගැන හොඳ ප්ලෑන් ගැසීමට එය  කදිම  ස්ථානයක් වීම  නිසාද විය   හැක.    සාමාන්‍ය   කලිසම් කමිස  ඇන්ද  ඔහු ඒවාට  ආයුබෝවන් කියා  ටයි කෝට් අඳින්නට  පටන් ගත්තේ ඔහුගේ  කාර්යාලයේත් නිල රථයේ තිබු අධික සීතල ,වයසක ඔහුට ඔරොත්තු නොදෙණු ඇතැයි  සිතු නිසා විය  හැක.

පක්ෂ තනතුරුවලින්  දොට්ට

කොමියුනිස්ට් පක්ෂය මහින්දට  කඩේ  යාම එහි සාමාජිකයන් ඉවසා සිටියත්  මහින්දගේ හැලි  වලන් හේදීම සාමාජිකයන් වැඩි දෙනා  අනුමත  නොකළ  නිසාදෝ  වසර  තුනකට පෙර පැවති කොමියුනිස්ට් පක්ෂයේ සම්මේලනයේදී   පක්ෂය තුළ පියදාස දරු   තනතුරුවලින්ඔහු  එලවා දමනු  ලැබිණ. එහෙත් වුර්තීය සමිතියේ  නායකත්වයෙන් ඔහුව එලවා දැමීමට  නොහැකි උනේ එය සීමා සහිත සමාගමක් වීමත්   මැරෙන තුරු නායකයා  වී සිටි හැකි පරිදි එහි ව්‍යවස්ථාව   හදාගෙන  තිබීම නිසාත්ය. 

මහින්ද ගෙදර  යාමෙන් පසු තනතුරත් ,නිල රථයත් අහිමිවූ පියදාස ටයි  කෝට්  ගලවා දමා සිය වුර්තීය සමිතියේ  දොරවල ඇර  මකුණු දැල්  කාරිය  කඩා , නාම පුවරුවේද තීන්ත  ටිකක් අතුල්ලා  මාධ්‍ය  සාකච්චාවක් කාරිය පවත්වා ජාත්‍යන්තර කම්කරු දිනය සැමරීමට දැන්  තමන් සුදානම් බව ප්‍රකාශයට  පත් කර සිටී.

කාල් මාර්ක්ස් වෙනුවට මහින්ද 

කාල් මාර්ක්ස් සහ ලෙනින් දැන් ඔහුට වැඩක් නැත.ලංකාවේ සමාජවාදී විප්ලවය  කරන්නට  යන්නේ  මහින්ද රාජපක්ෂ බව ඔහු දැන් තීරණය  කර  හමාරය. එබැවින් මෙවර ඔහු පෙළපාලි යන්නේ මහින්දගේ පින්තුරයකුත් උස්සගෙන   කිරුලපනටය. ඒ මැයි පෙළපාලියට ලක්ෂ දෙකක් කම්කරුවන් එන බව  කියන ඔහු එයින් ලක්ෂයක් ගෙනෙන්නේ තමන් බව  ඔහු මහත් උජාරුවෙන්   කියයි.

ඔහු සමග  මමත් කොමියුනිස්ට් පක්ෂයේ  පෙළපාලියේ අන්තිමට  ගියේ 2006 ය. එදා නම් ඔහුගේ  සමිතියේ බැනරය යටතේ ගමන් කළේ 100 කටත් අඩු සංඛ්‍යාවකි .මන් මේ  කල්පනා කරන්නේ මේ  පාර කිරුළපනට  ගේන  බව  කියන  කම්කරුවන් ලක්ෂය එදා ගෙන ආවේ  නැත්තේ  මන්ද  කියාය.  ටයි කෝට් ඇඳ  සුඛෝපභෝගී වාහනයක අවුරුදු දහයක් තිස්සේ කම්කරු නායක පියදාස යනු එනු දුටු අපේ  රටේ  වැඩකරන  ජනතාව  ලක්ෂ  ගණනින්  ඔහු ගැන මහත් සේ පැහැදී  සිටීම නිසා විය හැකි  යැයි නිකමට මට සිතේ.

 



































Friday, April 22, 2016

හිතට වැදුණු චිත්තර පටියක්

මට පුතුන් දෙදෙනෙකු සිටින  අතර ඔවුන් දෙදෙනාටම මා ආසා  කරන   එක් විෂයක් තදින්ම  පිහිටා  තිබේ. එය  නම් දෙවන  ලෝක  යුද්ධය ගැන ගැන ඉගනීමට ඔවුන්ට  තිබෙන  දැඩි රුචියයි. එක් දිනක් ලොකු පුතා ගෙදරට ආවේ හිට්ලර්ගේ  අවසාන  දින 12 ගැන අකුරටම පෙන්නන  චිත්‍රපටයක් රැගෙනය.  පුළුල්   පර්යේෂණයකින් පසු ජර්මනියේ නිපදවන ලද මෙය චිත්‍රපටය , Downfall නමින්  ඉංග්‍රීසි  බසට  හරවා තිබේ. හිට්ලර්ගේ  අවසන් දවස්  පිළිබඳව ලොව   නිෂ්පාදනය  කරන   ලද හොඳම   චිත්‍රපටය මෙය  බව ලොව පුරා  ච්ත්‍රපට විචාරකයන් පිළිගෙන  තිබේ. හිට්ලර්ගේ  ජීවිතයේ අවසන් දින 12 සෑම අවස්ථාවකම ඉතා නිවැරදි ලෙස දැක්වෙන  පරිදි මෙය  නිපදවා තිබේ.


චිත්‍රපටය ඇරඹෙන්නේ  හිට්ලර්ගේ  උච්චතම සමය වූ 1943 අවුරුද්දේ  එක්තරා  දිනක  හිට්ලර් විසින්  ලේකම් වරියක් තොර ගැනීම සඳහා  පවත්වෙන සම්මුඛ පරීක්ෂයකින්ය. ට්‍රෝඩ්ල් ජන්ග් ( Traudl Junge ) නමැති රූමත් තරුණිය ඒ සඳහා තෝරා ගන්නා  ලබනු අතර  ඇය හිට්ලර් දිවි නසා ගන්නා   තෙක්ම ඔහුට සේවය  කරන්නීය. ඉන්පසු  චිත්‍රපටියේ දැක්වෙන්නේ  1945 වසරේ  හිට්ලර්ගේ  අවසාන  දින 12 තුලදී ඔහු  බර්ලිනයේ බංකරයක් තුළ සිට කරන කියන දේවල්ය .මේ වන විට   රුසියානු හමුදා සහ හිට්ලර් ගේ  බන්කරය අතර පරතරය   සැතපුම් 12 ක් පමණි.  ඔහුගේ  බංකරය  ආසන්නයටම   රුසියානු කාල  තුවක්කු ප්‍රහාර එල්ල වූ  විට හිට්ලර්ට  යකා  නගී. 

ඉතිරිවී සිටින සේනාධිපතියන් සමග ප්‍රතිප්‍රහාර එල්ල  කිරීමට හිට්ලර් සැලසුම් සකස්  කරමින්  යම් යම් හමුදා බල  ඇණි තැන්  තැන්  වලට  යවන ලෙස  නියෝග  කරන  නමුත් එවැනි බල ඇණි තව දුරටත් පන පිටින් නැති බව හමුදා නායකයන්  හිට්ලර්ට දැනුම් දෙති. තමන් පරාජය  වී ඇති බව  හිට්ලර්ට වැටහෙන්නේ  එවිටය. 


 අවසන් දින 12 තුලදී හිට්ලර් එක අවස්ථාවක පමණක් බංකරයෙන් පිටතට පැමිණේ.  මේ වන විට ජර්මන් හමුදාව නැත්තට  නැතිවී යමින් තිබුණු බැවින් බර්ලිනය ආරක්ෂා කිරීමට  ළමුන් ද  හමුදාවට  බදවා ගෙන තිබිණ. හිට්ලර් බංකරයෙන් එලියට එන්නේ ඒ  ළමා සොල්දාදුවන් විසින් කරන ලද වීරකම් අගය කිරීම  සඳහාය.




හිට්ලර්ට  පැනයන ලෙස බංකරයේ  සිටින හිට්ලර්ගේ හමුදා ලොක්කන් යෝජනා  කරන  නමුත් ඔහු එයට එකඟ  නොවේ.  තමන් දිවි නසා ගැනීමට තීරණය කර  ඇති බව  දැනුම් දෙන  ඔහු  , ඔහුගේ අවසන් කැමති පත්‍රය ලියාගන්නා   ලෙස හිට්ලර්  සිය ලේකම් වරිය වන ට්‍රොඩ්ල් ජන්ග් ට  කියයි. ඇය  හිට්ලර් සමග  මිය  යාමට සුදානම් බව කියන අතර  ඒ සඳහා සයිනයිඩ් කුප්පියක් ඇයට දෙන හිට්ලර් එය නොවරදින බෙහෙතක් බවත් මේ මොහොතේ තෑග්ගක් ලෙස එය දීමට සිදුවීම  ගැන  කනගාටුවන බවත්   කියයි. 

මේ  අතර ගොබෙල්ස්ගේ බිරිඳ වන මැග්ඩා සහ ඇගේ දරුවන් 6 දෙනා සිටින්නේද  බංකරය තුලය. හිට්ලර් නොමැතිව ජර්මනියේ තම දරුවන් නොසිටිය යුතුයැයි තීරණය  කරණ  ගොබල්ස් සහ බිරිඳ සිය   අහිංසක  දරුවන් 6 දෙනාට නින්ද  යන්නට බෙහෙත් දී ඔවුන්ගේ  මුව තුලට සයිනයිඩ්  දමා මරා  දමති.




 තමන් සමග බොහෝ කලක් දිවි ගෙව්  තම පෙම්වතියට, ඉතිහාස  කරුවන් විසින්  අගව්රව  කිරීම වැලැක්වීම  සඳහා   දිවිනසා ගැනීමට  පෙර  ඇය   විවාහ කර ගැනීමට  තීරණය  කරන අතර හිට්ලර්  මහා රාත්‍රියේ   බංකරය  තුලදී  ඉවා බ්‍රව්න් විවාහ  කර ගනී.




තමාගේ  මල සිරුර රුසියානු හමුදාවට අසු වීමට  ඉඩ නොතබන ලෙසත් එය  පුළුස්සා දමන ලෙසත් ඔහුගේ අතවැසි හමුදා නිලධාරියට උපදෙස් දෙන  හිට්ලර්  සිය බිරිඳ සමග බංකරයේ  ඇතුළු කාමරයට  ගොස්  දිවිනසා ගනී. ඔවුන් දෙදෙනාගේ  මල සිරුරු  හමුදා නිලධාරීන් විසින් බංකරයෙන් පිටතට ගෙන ගොස් පුළුස්සා දමන දර්ශනය පවා බියකරුය. ගිනි තබන අතර තුර පවා කාලතුවක්කු ප්‍රහාර එම ස්ථානයට එල්ලවේ. ඉන්පසු  හිට්ලර් ගෙන් පසු  නායකයා බවට පත්වූ ගොබෙල්ස් සිය බිරිඳට වෙඩි තබා තමන්ටද  වෙඩි තබා ගනී. 


බංකරයේ සිටි ඇතැම් හමුදා නිලධාරින්ද හිට්ලර් අනුගමනය  කරන අතර සමහරෙකු පැන යති. හිට්ලර් සමග මැරෙන බව කී ට්‍රොඩ්ල් ජන්ග්ද පන බේරා ගැනීමට  පැනයයි. චිත්රපටය අවසන් වන්නේ  ඇය කුඩා  ළමයෙකු සමග බයිසිකලයක නැගී  ගම්බද ප්‍රදේශයට පැන යන අයුරු දක්වමිනි.




ඇගේ  ඉරණම.

ඇය පැනගියද පසුව ඇය  අත්අඩංගුවට  ගැනීමට මිත්‍ර හමුදා සමත්වන  අතර ප්‍රශ්නකොට  සිරගත  කිරීමෙන් පසු නිදහස  ලබන ඇය  බටහිර ජර්මනියේ අප්‍රසිද්ධියේ  ජීවත්ව  මියයන්නේ 2002 වසරේය. මියයන විට  ඇගේ  වයස අවුරුදු  81 කි. මියයාමට පෙර හිට්ලර් පිලිබඳ තොරතුරු ප්‍රසිද්ධ  කිරීමට තීරණය  කරන ඇය සිය  මතක සටහන් ප්‍රසිද්ධියට පත් කරනු ලැබුවාය. ඇයගේ මතක සටහන් මෙන්ම ඇය සමග  මාධ්‍යවේදීන්  පවත්වනු ලැබූ සාකච්චාද Downfall   චිත්‍ර පටය නිපදවීමේදී උපයෝගී  කරගෙන තිබේ.


                            ඉහත  දැක්වෙන්නේ 1945 දී ගනු ලැබූ  සැබෑ ට්‍රෝඩ්ල් ජන්ග් ගේ  චායරුපයකි

 මෙම චිත්රපටියේ  හිටලර් අමු යකෙකු ලෙසම දක්වා  නැත. ඔහු තුළද යහපත් ගති ගුණ  තිබුණු බව දැක්වෙන  පරිදි එය නිපදවා  තිබුනද ඔහු කෙරෙහි මහජන අනුකම්පාවක් ඇති නොවන්නට ද වග  බලාගෙන තිබේ.  මිත්‍ර  හමුදා බෝම්බ වලින් ජර්මන් ජනයා මියයමින් සිටින බැවින් මිත්‍ර  හමුදා සමග සටන් විරාමයකට යා යුතු බව හමුදා ප්‍රධානින් කියන විට  හිට්ලර් කියන්නේ  පරාජයට වග  කිව යුත්තේ  ජර්මන් ජනතාව  බැවින් ඔවුනට වන විනාශය නොසලකා හැරිය  යුතු බවයි.

 චිත්‍රපටයේ  පළමු රුප රාමුවේ සිට අවසාන  රුප  රාමුව දක්වාම ප්‍රේක්ෂකයාගේ සිත් තදින් බැඳගන්නා මෙම  සිත්තම ඔබට  අන්තර්ජාලයෙන්  බාගෙන  නැරඹිය  හැකිය.

 

Thursday, April 21, 2016

මා ආදරය කළ නිළිය



එකල චිත්‍රපටියක් බලන්නට සිනමා  ශාලාවකටම  යා  යුතුය. රුපවානිනිය පැමිණ තිබුනේද  නැත. සිනමා ශාලාවකට ගොස් චිත්‍රපටි නැරඹීම තරුණයන්ගේ  ප්‍රධාන  විනෝදාංශයක් විය. ගැලරි ටිකට්ටුවක් ශත 55ක් වූ අතර දෙවන පන්තියේ  ප්‍රවේශ පත්‍රයක් රුපියලකුත් ශත  දහයක් විය. බොහෝ විට ශත  55 ක් ගෙවා  දෙවන  පන්තියේ  භාග ටිකට්ටුවක් මිලදී ගෙන චිත්‍රපටි නැරඹීම මගේ  සිරිත විය.

' හන්තානේ  කතාව ' මා නැරඹුවේ නොමිලේය. පේරාදෙණිය සරසවියට  ගිය විටෙක මගේ  මිත්‍රයෙකු   නුවර  සිනමා  හලකට  මා   හැන්දෑවේ එක්කරගෙන ගොස් 'හන්තානේ  කතාව ' මට පෙන්නුවේය. 'හන්තානේ  කතාව ' සරසවි ජීවිතය පාදක  කරගෙන  ගෙතු අගනා  චිත්‍රපටයකි. එම චිත්‍රපටිය නැරඹීමෙන් ලද  ආශ්වාදය අදත් මගේ  සිතෙන් ගිලිහී නැත. එහි රඟ පැ ස්වර්ණා මල්ලවාරච්චි , විමල් කුමාර් කොස්තා ,සහ  අමරසිරි කළන්සුරිය කෙරෙහි මා   සිත  තුළ  ඇති වුයේ  දැඩි ඇල්මකි. විජය  කුමාරතුංග සහ  ටෝනි රණසිංහ එහි රඟ පෑ නමුත් ඔවුන් දෙදෙනා ගැන ඒ  අවස්ථාවේදී මගේ  සිත  ගියේ  නැත. එම  චිත්‍රපටය  මා  නැරඹුවේ  එක  වතාවක් වුවත් එහි ඇතැම් දර්ශන තවත් මා සිත  තුළ තැන්පත්ව  පවතී.


 ප්‍රතිවිරුද්ධ  සරසවි සිසුන් කණ්ඩායම් දෙකක්  රාත්‍රී  කාලයේ  එකිනෙකාට ගල් ප්‍රහාරයක් එල්ල  කර ගැනීම  එසේ  මතකයේ  තිබෙන  තිබෙන  එක් දසුනක් වන අතර  මතකයේ  තිබෙන  අනිකුත් දසුන් වන්නේ සරසවි සිසුන් පිරිසක් හන්තානේ  කන්ද  නගින  අතර සිදුවන සිද්ධින්ය.  ( චිත්‍රපටියේ දී මේ  අයගේ  චරිතවලට දී තිබු  නම් මට දැන් මතක නැත.)  අනිකුත් අය සමග ස්වර්ණාද  , ටෝනිද  සහ විජයද  හන්තානේ  කන්ද  නගින  අතර ඔවුන් දෙදෙනාම ඇයට ප්‍රේම  කරති. එක් අවස්ථාවකදී ස්වර්ණා  සිප  ගැනීමට විජය මුහුණ  ලංකරන  අතර ඊ ළඟ මොහොතේ කැමරාව  පෙන්නන්නේ  ගම් වැසියෙකු ඔවුන්ට  හු කියන අයුරුය. කලබල වූ මේ දෙදෙනා විග විගහට කන්ද  නගින දර්ශනයක් ඊ  ලඟට පෙන්වයි.

ස්වර්ණා  මල්ලවාරච්චි කෙරෙහි මගේ  සිත  බැඳුනේ ඇගේ  අගනා  රඟපෑම් නිසාය. ඇය රඟපෑ චිත්රපටි සියල්ල  නැරඹීමට මට අවස්ථාවක් නොලැබුනත් ඇතැම් ඒවා නැරඹීමට  හැකිවිය.. සත් සමුදුර  චිත්රපටය ඇය  රඟ පැ තවත් විශිෂ්ට  චිත්‍රපටයකි. සත් සමුදුරේ විශිෂ්ටත්වය  ඇගේ  රඟපෑම් මගින් තව දුරටත් ඉහලට  නැංවුණු බවට කිසිදු   සැකයක් නැත.

Click to enlarge image 12072766_10206375986456475_1611706676994580623_n.jpg


 ස්වර්ණාගේ  සැබෑ රූපකාය  පළමුවරට  මට දකින්නට ලැබුනේ ' කැළණි පාලම ' නාට්‍යයේය. කැළණි පාලම යට  ජීවත් වන මිනිසුන්ගේ ජීවිතය පාදක  කර  ගනිමින් එය නිර්මාණය  කර තිබිණ. එකළ කෙසඟ  ගැහැනියක් වූ ඇය එම  නාට්‍යයේ විශිෂ්ට රංගනයක් ඉදිරිපත් කළ බව   මතකය.

ඇගේ  රඟපෑමේ  විශිෂ්ටත්වය  ගැන මා   අමුතුවෙන් කිව  යුතු නැත. හොඳම  නිළිය  ලෙස  36 වතාවක් ඇය  සම්මාන ලැබූ බව  කීම  පමණක් සෑහේ. ඇගේ එම වාර්තාව  අහලකටවත් ඒමට කිසිවෙකු මේ වන තුරු සමත් වී නැත.අනාගතයේදී එවැන්නෙක් බිහිවෙතැයි සිතීමද දුෂ්කරය.

ස්වර්ණා හමුවීම 

ඉතින් මගේ  ප්‍රියතම නිළිය වූ  ස්වර්ණා හමුවීමට මා කිසිසේත් වෙහෙසක් දැරුවේ  නැත .එහෙත් අනපේක්ෂිත  පරිදි 2003 වසරේදී මට ඇය  හමුවූවාය. ඒ කුමාර් රූපසිංහ  මහතා  හමුවීමට ඔහුගේ  කාර්යාලයට ගිය අවස්ථාවකය. වමේ ව්‍යාපාරය වෙනුවෙන් ජීවිතයේ  වැඩි  කාලයක් කැප කළ සහ තවමත් එසේ  කැප වී සිටින S.R එඩ්වර්ඩ්  සහෝදරයා එහි සිටි කාන්තාවක් දෙසට අත දිගු කරමින්  මේ ස්වර්ණා මල්ලවාරච්චි කියමින් ඇයව  මටත් මා  ඇයටත් හඳුන්වා දුන්නේය. මට එය පිළිගැනීමට අපහසු තරම් විය. මා   දැන සිටි ස්වර්ණාට දිගු කොණ්ඩයක් තිබු  නමුත් මේ  කාන්තාව  සිටියේ කොණ්ඩය  කොටට  කපාය.





විශ්මයට  පත් මා ගත්  කටටම ඇසුවේ 'කෝ ඔයාගේ කොන්ඩේ ?" කියාය. එයට  පිළිතුර ලෙස  ඇය කීවේ ශල්‍ය  ක්‍රමයක් කිරීමට සිදුවූ බැවින් කොණ්ඩය කපන්නට  සිදුවූ බවය. "  ඒ  කාලේ ඔයා තමයි මගේ  ජනප්‍රියම  නිළිය  " කියා මා ඇයට කීමි. ඒ අවස්ථාවේ තව දුරටත් කතා  කිරීමට  තරම් විවේකයක් නොතිබූ බැවින් ඇගෙන් වෙන් වුන  නමුත් එතැන් සිට  ඇය සමග  වරින් වර  ඇසුරු කිරීමට මට අවස්ථාව  ලැබුනේ ඇයත් මමත් 'ජාතික  යුධ විරෝධී පෙරමුණ ' ක්‍රියා  කාරී වීම  නිසාය.

කිලිනොච්චියට  ගොස්  කොටි  නායකයන් හමුවීමට මා   ගිය  ගමනට ඇයද  එකතුව  සිටියාය. ආපසු එන  ගමනේදී ඇයත් මාත් භික්ෂුන් වහන්සේලා දෙනමකුත් පැමිණියේ  එක වැන් රථයකය. ඇගේ  ජීවිතයේ පරාජිත  අවස්ථා කෙන්දරයේත් අතේත් ලියවී තිබෙන  බව ඇය අල්ල පෙන්නමින් භික්ෂුන් සමග  කියා සිටියාය. 'කෝ බලන්න ඔයාගේ  අත?" කියමින් මම ඇගේ  ඇඟිලි අල්ලා   ගත් නමුත් ඇය ඉක්මනින් අත ආපසු ඇද ගත්තේ  ලජ්ජවෙනි.

යුධ විරෝධී පෙරමුණ අහෝසි වී යාමෙන් පසු ඇය  මට යලිත් මුණගැසුනේ  නැත. එහෙත් ඒ පෙරමුණ සමග එක්ව  කටයුතු කිරීමේදී අගනා   මිනිසුන් රැසක් මට හමුවිය. ධර්මසිරි බණ්ඩාරනායක, රවී කුමුදේශ්  සහ සමන් රත්නප්රිය  ඒ  අතර වේ. ස්වර්ණා සමග සම්බන්ධකම් දිගටම තබා ගැනීමට  නොහැකි වුවත් ධර්මසිරි, සමන්,, සහ රවී වැන්නන් සමග අදත් හැකි පමණින් සම්බන්ධකම් පවත්වා ගෙන  යමි.

ස්වර්ණාගේ ජීවිතයේ  වැදගත් අවස්ථාවල චායාරුප රැසක් ඔබට මේ පුරුක් වලින් බලාගත  හැක.

http://www.sarasaviya.lk/2009/08/27/_art.asp?fn=sa0908274&pn=05

http://www.mirrorarts.lk/featured/item/1700-the-legend













Tuesday, April 19, 2016

නැන්දම්මා

දඬුවම...








දවසක් දා එක මිනිහෙක් - සිය බිරිඳයි නැන්දම්මයි
සමග ට්‍රිප් එකක් යන්නට - එළියට බැස්සා

ඒ ට්‍රිප් එක හරි අමුතුයි - බෝට්ටුවෙන් යා යුතු වෙයි
නවමු අත්දැකීමකි ඒ - හැමටම ලැබෙනා

ඒත් කරුමයක් පළදී - කවුරුවත්ම නැති තැනකදි
බෝට්ටුවේ ඇන්ජිම - නැවතී ලෙඩ දුන්නා

අමාරුවෙන් හබල් ගසා - එහා ඉවුරෙ ගොඩ බැහැලා
රට ඇතුළට කැලේ මැදින් - තිදෙනා යන්නා

අහෝ දෛවයේ සරදම - මේ තිදෙනා වට කොරාන
ගෝත්‍රිකයො රැළක්  - සැනින් කඩාන පැන්නා

තොපි මොකදැයි මෙහෙ කොරන්නෙ - අපෙ නිජබිම හරහ යන්නෙ
ගෝත්‍රයේ නායක තැන - දැන් විමසන්නා

අනේ අපිට සමාවෙන්නෙ - අතරමංව මෙහෙට වැටුණෙ
අපෙ මිනිහා හැකි තරමට - තේරුම් කෙරුවා

උඹල අතරමං වුණු බව - ඇත්තක් බව පෙනී යන්නෙ
ඒත් දඬුවමක් නොමැතිව - අපි යවන්නෙ නෑ

එක එකාට කසෙන් පහර - සීය බැගින් දැන් දෙනවා
ඇත්ත කිව්ව හින්දම එය  - ලිහිල් කොරඤ්ඤං

උඹල කැමති දෙයක් පිටේ - බැඳගන්නට අවසර ඇත
එනව හොඳයි පළමු එකා - මෙතනට විගසින්

කොට්ටයකුත් ඉල්ලාගෙන - ඒක පිටේ බැඳලාගෙන
බිරිඳ මුලින් කස පහරට - පිට දික් කෙරුවේ

අන්තිම හරියේ දඬුවම - කොට්ටෙ පැළී කස පහරට
ටිකක් වැදී ලේ පෙරාන - බිරිඳ පැමිණුනා

ඒක දැකපු නැන්දම්මා - කොට්ට තුනක් ඉල්ලාගෙන
ඒව හොඳින් ගැට ගහගෙන - පිටියට බැස්සා

නැන්දම්මා බොහොම හොඳින් - ගොඩදාගෙන ඒ දඬුවම
අපෙ මිනිහගෙ වාරය දැන් - මතුකර දුන්නා

උඹෙ පිටටත් ගැට ගහන්න - කොට්ට ගේන්නද විමසා
ගොත්‍රයේ නායක තැන - විමසා හිටියා

අපේ මිනිහා දොහොත් මුදුන් - දී වැඳලා නායක වෙත
මෙන්න මෙහෙම කියපි ඉතින් - දඬුවම ඉල්ලා

අනෙ පිංවත් උත්තමයිණි - කොට්ට එපාමයි මා හට
නැන්දම්මව පිටට තියා - ගැටගහන්නකෝ...!!!


( කුරුටු ගැ ගී පවුර බ්ලොග් අඩවියෙන් උපුටා ගන්නා ලදී.)
                                                                -අසංක ගයාන් අබේසිංහ-

බෙන්ගමුවේ ආලවක! එන්න සැතපෙන්න. (හෙඩිම මාතලන්ගෙන් ණයට ගන්න ලදී.)

සියළු සත්වයෝ නිවන් දකිත්වා....



නාලක....එන්න සැතපෙන්න
සාටකේ පොරවගන
කොච්චරනම් සනීපද....සිවුරට වඩා
සාටකේ.....
තුරුල්වෙන්න තව ඩිංගක් කියන්න පොඩි රහසක්....
සෝහිත, ශානි, ෆොන්සෙකා, රණවිරුවෝ.....
ඔවු....ඔවු....ඒක තමයි
ප්‍රෙස් කොන්ෆරන්ස්....හෙට උදේ 11ට
නොවැරදීම ඇවිත් ඉන්න....මතකයිනේ ඔක්කොම ටික
ලියල එවන්නද පන්සලටම....
ඔවු....ඔවු....එපා නාලක සැක හිතන්න
කෙලෙහිගුණ....
මම තරම් දන්නවද මේ රටේ කවුරුවත්....

ධම්මේ....
නෑ....නෑ....මේ මම....පැටියගේ අම්මා නෙමෙයි
ඒකි මරලා කොයි කාලෙද.....
අතේ තවම ලේ නේද....
එන්න පිහදාන්න සාටකෙන්....නොපෙනෙන්න
බලන්න කොච්චර සනීපද සාටකේ....ගෑවෙනකොටත්
පැච්වර්ක් සිවුරටත් වඩා
කීයක් එකතුවුනාද මචෝ....දහයේ කාසි
එකක්වත් නෑ....!!!!
ඒ කියන්නේ උඹත් අනාතද....මම වගේම
හරියන්නෑ ඔහොම ඉඳලා....ප්ලෑනක්නම් තියනවා
ඕකනේ කියන්නේ....බබා වෙන්න හදනවනේ....
මල්වත්තටත් බෝම්බ ගහන්න හැදුවට
ඔයා තාම ලාමකයිනේ....
ඔවු....ඔවු....සෝභිත තමයි
අර අපි හප්පලා මරන්න හැදුවේ....
හරිනේ එහෙනම්....හෙට උදේ 11ට
වැඩ්ඩොතින් වැඩිල්ලක්
එක අලියට අලි දහයක්
දාලායනවා අසපුවේ
අම්මපා....

ඇල්ලේ....මම....මම....
මොකෝ මේ සද්ද නැත්තේ....
ප්‍රේමේ....ගාමිණී වගේ නෙමෙයි උන්ගේ පුත්තු මචං
බලන්නවත් ආවද ඔහේව....
පත්තරේකවත් දැක්කේ නෑ මූණ
හරියනවද ඔහොම ඉඳලා....
අමතක නෑ කරපු උදවු....එන්න....සාටකේ යටට
විඳගන්න....කුරහන් සුවඳ
මූන දාගන්න T.V. එකට
ඔවු....ඔවු....සෝභිත තමයි
ස්ක්‍රිප්ට් එක සීයේ හිඟන්නගේ....
ඇතුලේ මුකුත් තිබුනේ නෑළු....බොඩියේ
ඔවු....ඔවු....එහෙම තමයි මිනී එවන්නේ
රටකින් තවත් රටකට....
ඕවා දන්නවද මිනිස්සු....
යමු....යමු....හෙට 11ට 
ප්‍රෙස් කොන්ෆරන්ස්....
10 වෙනකොට වාහනේ එයි....පන්සලට


අපිට වැරදුනා බුදුහාමුදුරුවනේ...

 ( කටුසු හදවත  බ්ලොග් අඩවියෙන් අනවසරයෙන්  උපුටා ගතිමි.)




මහින්ද සමග අරලියගහ මන්දිරයේදී




කාල වකවානුව  2005 මුල් සමයයි.. මහින්ද  කල්තියාම  ජනාධිපතිවරණයට  සුදානම් වෙමින් සිටියේය. සති අන්තවලදී දේශපාලන  පක්ෂවල මධ්‍යම  කාරක සභිකයන්  අරලිය  ගහ මන්දිරයට  කැඳවා සාකච්චා  කිරීම ආරම්භ  කර තිබිණ. මා   එකල ශ්‍රී ලංකාවේ කොමියුනිස්ට් පක්ෂයේ මධ්‍යම  කාරක සභිකයෙකු වීමි. මහින්ද  හමුවීමට  එන  ලෙස පක්ෂයටද  ආරාධනාවක් ලැබිණ. ඒ අනුව නියමිත  දිනයේ සවස  5 ට පමණ ඩිව් ගුණසේකර ඇතුළු අපි 50 කට ආසන්න පිරිසක්  අරලිය  ගහ මන්දිරයට  ගියෙමු. ඒ වන විට  අරලියගහ මන්දිරය සුන්දර  ස්ථානයකි. පැරණි ගොඩනැගිලි සිත් කලුය. ( මහින්ද  ජනාධිපති වූ පසු අලුතින් විවිධ ගොඩනැගිලි තැනීමෙන් එය අසුන්දර  ස්ථානයක් කලේ  යැයි මම සිතමි.)

1977 දක්වා කැබිනට් රැස්වීම් පැවැත්වූ  ශාලාවේ  දිගු මේසයක් වටා අපි අසුන් ගත්තෙමු. ශාලාවේ කෙළවරක තිබු  නෙස්කැෆේ යන්ත්‍රයෙන් අවශ්‍ය  අයට නෙස් කැෆේ බීමට  පහසුකම් සපයා  තිබිණ.

අපි එහි ගොස්  විනාඩි 15ක් ගතවන විට මහින්ද රාජපක්ෂ  මහතා  පැමිණ  අප පිළිගෙන  සාකච්චාව  ඇරඹීය. අප සමග සිටි  අයට  මහින්දගෙන් ඇසීමට   බොහෝ ප්‍රසන  තිබිණ.  'ඔහු  ජනාධිපති වුව හොත් ජාතික  ප්‍රශ්නයට ඔහු දෙන  විසඳුම කුමක්දැ' යි  අපේ  කණ්ඩායමේ  කිසිවෙකු ඇසීය. "මම  ජනධිපති වූ පසු LTTE සමග සාකච්චා කිරීමට එරික් සෝල්හයිම් අවශ්‍ය  නැහැ. ප්‍රභාකරන් ලංකාවේ  මිනිහෙක්නේ . මන් එයත් එක්ක  කෙලින්ම කතා  කරනවා " . මහින්ද පිළිතුරු දෙමින්  කීය.

ඩිව් විසින්  මා අගමැතිට  හඳුන්වා දීමෙන් පසු මගේ  අදහස්   දැක්වීම කලෙමි..  ළමුන් බඩගින්නේ  පාසලට  පැමිණෙන බවත්  උදැසන රැස්වීමේදී  ඇතැම් ළමුන් බිම ඇද වැටෙන  බවත් එයට හේතුව  ඔවුන් ආහාර  නොගෙන  පාසලට  පැමිණීම  බවත්   ළමුන්ට  දිවා ආහාරයක් දීමට  ආණ්ඩුව  කටයුතු  කළ  යුතු බවත් අගමැතිට  කීමි. එයට  ප්‍රතිචාර දැක්වූ  මහින්ද " ඔයා   දන්නවනේ  ඩිව් . මන් අධ්‍යාපනයට  ඇඟිලි  ගහන්න  කැමති  නැති බව. (අධ්‍යාපනය  භාරව  සිටියේ  චන්ද්‍රිකාය.)  ඒ උනත් මේ  සන්බන්ධයෙන් යෝජනවක් හදල මට එවන්න. අපි ඒක කැබිනට් එකට  ඉදිරිපත් කරමු නේද ඩිව් ! " යැයි මහින්ද  කීය.

මෙම සාකච්චාව පැය දෙකක් පමණ පැවති අතර ඉන්පසු ඇරඹුණේ   සාදයයි. එය  පැවතුනේ  අරලියගහ මන්දිරයේ ප්‍රධාන ගොඩනැගිල්ලේ පිටුපස කොටසේය. මා නොදන්නා   අරක්කු වර්ගයක්  මේස  උඩ  තබා  තිබුණු අතර කෝකියන් පැමිණ ආප්ප  සහ  කොත්තු සකස්  කර  අපට දුන්හ. මේ  සාදයට මහින්ද  ආවේ  නැත. ඩිව් සහෝදරයා ටිකක් වැඩියෙන් බොනු දුටු අපේ  සහෝදරයෙක් " සහෝදරයා!  ඔච්චර  බොන්න  හොඳ නැහැ නේද? යැයි ඇසීය. එයට පිළිතුරු දුන් ඩිව් " මන් දැන් වයසයි. ඔන්න  ඔහේ  මැරිලා  ගියත් කමක් නැහැ." කීය.

ටික වෙලාවකට  පසු අරලියගහ මන්දිරය  තුලදී යලිත් මහින්ද හමුවිය. ඔහු කලු  පාට ඇඳුමකින් සැරසී සිටි අතර " යමුද ලඟ  පාත  මගුල් ගෙයක් තියෙනවා ? යැයි චන්දසිරි ගජධීර ( එවක චන්ද්‍රිකා ආණ්ඩුවේ  උප  ඇමතිවරයෙකි.) ගෙන් ඇසීය. මේ ඇඳුම  ඇඳගෙන  යන්නේ  කොහොමද? ගජධීර සහෝදරයා ඇසීය.. " ඔන්න ඔහේ  යන්. මටත් තියෙන්නේ මේ  ඇඳුම තමා " යි කී මහින්ද ඔහුවත් ඇදගෙන මගුල් ගෙදර  ගියේය. පැයකින් ආපසු ඔවුන් පැමිණි අතර  මහින්ද  තරමක මත් ගතියකින්  සිටින  බව පෙනින. 

රාත්‍රී 11 ට  පමණ  අපි අරලිය ගහ මන්දිරයෙන් පිටවී ආවෙමු.

එකල  මහින්ද  කෙරේ ඇල්මක් මා  සිත  තුළ   විය . එයට හේතුව  වුයේ  ඔහු වුර්තීය සමිති සමග මිත්‍රත්වයෙන් කටයුතු කිරීම නිසාය.කලකට  පෙර කම්කරු ප්‍රඥප්තියක් ගෙන  ඒමට  කටයුතු  කර  තිබුණු හෙයින්ද  කම්කරුවන්ගේ  උද්ඝෝෂණ වලට  ඔහු නොවරදවා  සහභාගී වූ හෙයින්ද  වුර්තීය  සමිති ක්‍රියා  කාරීන් ඔහුට  කැමැත්තක් දැක්වුහ.

LTTE සංවිධානය සිය  පාලන  ප්‍රදේශවල වැසියනට 2005 ජනාධිපතිවරනයේදී   චන්ද  පොලට  යාම තහනම් නොකළේ  නම්  ජනාධිපති වන්නේ මහින්ද  නොව  රනිල්ය.  සාමය  නොව  යුද්ධය ඉල්ලා සිටි LTTE  සංවිධානය  දිගින් දිගටම සටන් විරාමය  කඩ  කිරීම  නිසා මහින්දට යුද්ධය  නොකර  සිටීමට  නොහැකි විය.

මහින්ද මිනිසුන් දිනා ගත හැටි

මහින්ද මිනිසුන්ගේ  හිත  දිනා   ගැනීමට දක්ෂයෙකි.  ඔහු මන්ත්‍රී වරයෙකු වී සිටි සමයේදී පවා  ඔහුගේ  නිවසට  පැමිණෙන සියලු දෙනාටම ආහාර  පිරිනමන  බව  ඔහුගේ  සමීපතමයෙක් වරක් මට  කීය. ජනාධිපති වූ පසු රටේ  හතර දිග්භාගයෙන්ම මිනිසුන්  අරලියගහ  මන්දිරයට කැඳවා  ආණ්ඩුවේ  වියදමින් දන්සල් දී සිය දහස්  ගණනින් මිනිසුන් වශී කර  ගත්තේය. පක්ෂයේ  ලොකු පොඩි  කාටත්  ආණ්ඩුවේ  ව්‍යාපෘති  මගින් හරි හම්බ   කර ගැනීමට ඉඩ දුන්නේය. මහින්ද  පැරදුනු විට මහින්දට වඩා දුක් වුයේ  මේ මිනිස්සුය.

 දෙවන වර  බලයට  පැමිණීමෙන් පසු  උතුරේ ප්‍රශ්නයට වඩාත් සාර්ථක   විසඳුමක් දීමට  මහින්දට  දේශපාලන  හය්ය සහ අවස්ථාව  තිබු   අතර  එය  ඔහු එය   කළේ  නම්  දුරදර්ශී   නායකයෙකු ලෙස  ඔහුගේ  නම ලංකා  ඉතිහාසයේ ලියවෙනු  නොඅනුමානය..














Monday, April 18, 2016

එදා පෙම් කළ හැටි.







































































 අනුන්ගේ  ප්‍රේමයකට  මා   දුන් අමුතුම  ජාතියේ උදව්වක් ගැන  හාස්‍ය  ජනක සිද්ධියක් මෙහි ලිවීමට  පෙර  එදා පෙම් කළහැටි   සහ අද  කාලයේ ආදරය   ගැන  පුංචි විස්තරයක්  ලිවීමට  මට ඉඩ දෙන්න.  1960 ගණන්වල සහ එයට පෙර, අද තරුණ  තරුණියන්ට මෙන් පෙම් කිරීමේ පහසුකම් තිබුනේ  නැත . පාසැල, පෙම් කරන්නන්ට  පහසුවක් සැලසුවද එය  හෙලිවුවහොත්  ඇතිවෙන ගැටළු නිමක් නැත. ඇතැම් විටෙක  පාසල් ගමන එතැනින්ම  අවසන් වීමටද  ඉඩ තිබිණ. පාසලේ  ගුරුවරකුයෙකුට/ගුරුවරියකට  සිසුවෙකුගේ සෙනෙහෙ කොලයක් අසු වුවහොත්   විදුහල්පති විසින් අදාළ අය  කැඳවා  නඩුව  විභාග කරන තරමට එය බරපතල වැරද්දක් විය..පන්සලේ  පින්කම් දිනද  පෙම් සම්බන්දකම් ඇරඹීමට  මෙන්ම  පෙම්වතුන්ට   හමුවී වචන දෙක  තුනක් කතා  බහ  කිරීමට  යොදා ගත හැකි කදිම  අවස්ථාවක් විය.. එහෙත් එයද  මහත් දුෂ්කරතා  මධ්‍යයේය. එකල පෙම් සබඳකම් ,අවිවාහක  ලිංගික සම්බන්ධකම් දක්වා දිවෙතොත් ඉතා  කලාතුරකිනි. තරුණියකගේ  අතින් ඇල්ලීම  වුවද  කරන  ලද්දේ හොඳ හැටි පෙරුම් පිරීමෙන් පසුවය.එයද  ඉතා රහසිගතවය. තම පෙම්වතිය  හමුවීම  තරුණයෙකුට  ඉතා දුෂ්කර විය  එයට හේතුව නම් තරුණියන්ට තනියම නිවසින් බැහැරට  යාමට දෙමාපියන් කිසිසේත් ඉඩ  නොදුන් නිසාය. කිසියම් තරුණයෙකු හා තරුණියක අතර  පෙම් පලහිලව්වක් ඇති වුවහොත් එය  ලැව්  ගින්නක් සේ ගම පුරා ආරංචි වේ. එය එම තරුණියගේ  චරිතයට  කැළලක් සේ  සැලකුණු හෙයින් එවැනි සබඳතා  හැකි තරම් දුරට රහසක් ලෙස  තබා ගැනීමට උපරිම  උත්සාහය  දරනු ලැබිණ. 

අද පෙම් කිරීම කජු කන්නා  සේ පහසුය. ජංගම දුර  කථනය ඒ සඳහා හොඳම  පහසු කාරකයා වී තිබෙන නිසාය. එදා  හැංගි හැංගී කල පෙම් ජවනිකා  අද එලිපිටම කරන අතර එය සාමාන්‍ය දෙයක් බවට  පත්වී තිබේ.බොහෝ පෙම් සබන්ධතා  දැන් කුලියට ගත කාමර  තුලදී උච්චස්ථානයට  පත්වේ.

මා   6 ශ්‍රේණියේ  ඉගන  ගන්නා  කාලයේ එක්තරා  තරුණයෙකුට පෙම් කිරීම සඳහා අමුතුම  ආකාරයේ  උදව් දීම සම්බන්ධයෙන්  රසවත්  කතාවක් තිබේ. මා  මේ  ලියන්නට  යන්නේ  එයයි.

තරුණයා   ජීවත්වුයේ පාසැල අසලය. තරුණිය ගේ  නිවස  තිබුනේ මගේ  නිවසට  තරමක් කිට්ටුවය. තරුණිය  පාසල්  යන අතර  ඇය යාලු  කර ගැනීමට  තරුණයට  උවමනාවක් තිබුනත් එයට  මගක් තිබුනේ  නැත. අතරමගදී  හමුවී ඇය සමග  කතා  කළ නොහැක්කේ  එය ගම පුරා ඉතා වේගයෙන් පැතිරී ගොස්  බරපතල ප්‍රශ්න ඇති වීමට  ඉඩ  තිබෙන  නිසාය. මේ  සඳහා ඔහු උදව්  පැතුවේ මගේ  මිත්රයෙකුගෙනි.  මගේ  මිතුරා මට  ඉහල පන්තියක ඉගන ගත්  අතර  තරුණිය  ඔහුගේ  ඥාති  සහෝදරියකි.  මෙසේ  ඔහුට  උදව්  කිරීමට  ඉදිරිපත්වූ මිතුරා  වෙන  කෙනෙකු නොව මෙයට පෙර මා  ලිවූ  "රුපියල් දෙකෙන් පොළොන්නරු ගිය හැටි ." යන ලිපියේ  සඳහන්  මගේ  ම්තුරාමය.

තරුණයා ලියන  ලිපි තරුණියට  ගෙන ගොස්  දීමත් ඇය  ලියන ලිපි  ඔහු අතට පත් කිරීමත් ඔහුට  පැවරුණු  රාජකාරිය  විය. මේ  'පියුන් ජොබ් ' වෙනුවෙන් ගෙවීමක්ද  සිදු  කරනු ලැබිණ. එම  ගෙවීම මුදලින් නොව පාසලේ  සිට  නිවසටත් නිවසේ  සිට  පාසලටත් මගේ  මිත්‍රයා   ප්‍රවාහනය කිරීමය.. ප්‍රවාහනය  කරන්නේ  පාගන  බයිසිකලයෙනි.

තරුණියත් තරුණයා ත් අතර ලිපි හුවමාරුව  කලක් සාර්ථක ලෙස  කෙරීගෙන  ගිය නමුත් එය  හිටිහැටියේම  නැවතින. එයට හේතුව  වුයේ  තරුණිය  ලෙස පිළිතුරු  ලිපි ලියා  තිබුනේ  මගේ මිත්‍රයා විසින්ම  බව හෙළිදරව්  වීම  නිසාය.මහත් ශෝකයට   පත් තරුණයා ප්‍රේම සම්බන්දය  දිගටම  පවත්වා ගෙන  යාම සඳහා ඊ ලඟට උදව්  ඉල්ලුවේ මගෙන්ය.

එයට  මා කැමැත්ත  ප්‍රකාශ  කළේ  වෙන  කිසි හේතුවක් නිසා නොව  දිනපතා  පාසලටත්  පාසලේ  සිට  නිවසටත් ඔහුගේ  බයිසිකලෙයේ ආ ගිය  හැකි නිසාය. පාසලේ  සිට  ආපසු  ඔහුගේ  බයිසිකලයේ  එන  මට  ඔහු විසින් අර  තරුණියට  ලියන ලද  ලිපියක්  දෙන  අතර එය ඇය  අතට දී ඉක්මනින් පිළිතුරක් ඇගෙන්  ලබා ගෙන  ඔහු අතට  දෙන  ලෙස  මට  කියයි.

ඒ  කාලයේ  තරුණියකට අනුන්ගේ  'හොර  ලියුම් ' දෙනවා තබා  නාඳුනන තරුණියකගේ  මුහුණ  බැලීම  පවා මට ලජ්ජා උපදවන්නක් විය. එබැවින් මා  කලේද  මගේ  මිත්‍රයා කළ දෙයමය. ඒ වන විට  මා පෙම් නවකතා 20 ක් 30ක් කියවා තිබු  අතර  ඒවායේ  තිබු   ප්‍රේම  පාඨ  මතක තිබිණ. ඒ   ඇසුරෙන් තරුණිය  ලියන ලද ලිපි සේ  ඇඟවෙන ලිපි ලිවීම  මට   දුෂ්කර දෙයක් නොවීය. ඇත්ත වශයෙන්ම  අපගේ  ප්‍රේමවන්තයා තමන්ට    ආදරය  කරන බවට   ඇය  හන්කාවිසියක්වත් දැන සිටියේද  නැත. 

සතියකට  ලිපි දෙක  තුනක් ලියා තරුණයා   අතට පත් කිරීම  මා   ජයටම  කරගෙන  ගිය  අතර  ඒ ලිපි ලියන ලද්දේ  මා   විසින් බවට  ඔහු අබමල් රේණුවක  තරම්වත් සැක  කළේ  නැත. ලිපි කියවා ඔහු සතුටට පත්වන  අතර  බයිසිකල්  ප්‍රවාහන සේවයෙන් මා ද සතුටට  පත්ව  සිටියෙමි.දිනක් මා ඔහුගේ  බයිසිකලයේ  එක්කරගෙන එන  විට පරණ පියුන් හෙවත් මගේ  මිත්ර්යාද හමුවිය . " ආ දැන් අපිට  සලකන්නේ  නැ නේද? " යැයි ඇසු මුත් එයට  පිළිතුරු ලෙස ප්‍රේමවන්තයා වචනයක්වත්  කිව්වේ  නැත.

හෙනහුරා පාත් වුයේ හිටි හැටියේමය. තරුණිය  ලියන ලද   පිළිතුරු ලිපියක් ලෙස  මා   ලියන  ලද  ලිපියක් මගේ  මවට අසුවීම එයට හේතුවය. ඇය  මගෙන් මේ  පිළිබඳව  ප්‍රශ්න කල විට  සත්‍ය  කතාන්දරය  ඇයට කීවෙමි. මෙයින් මහත් හාස්‍ය  රසයක් විඳි ඇය සියලු විස්තර  තරුණියගේ  නිවසේ  අයටද  දැනුම් දුන්නාය. මගේ  මිත්රයාටද  එය ආරංචි වූ අතර ඔහු මට  කීවේ " ආ එහෙනම් මන් කරපු දේමයි එහෙනම් කළේ " කියාය.

සිද්ධිය ප්රෙමවන්තයාටද  ආරංචි විමට වැඩි දවසක්  ගත වුයේ  නැත . මගේ  පියුන් ජොබ් එක එතනින් අවසන් වූ අතර මා  මහත් ආශා කල බයිසිකල්  ප්‍රවාහන සේවයද ඒ  සමගම අවසන් විය. ජංගම දුර  කතන නොතිබුනේ  නම් මෙවැනි පියුන් ජොබ් අද  සිටින  අයටද  ලැබෙනවා සිකුරුය.














































Sunday, April 17, 2016

තරුණියන් තුනකට පෙම් කළ කපු මහත්තයා.

 

මේ කියන්නට  යන්නේ  මගුල්  කපුවෙක් ගැන නොව  අපේ ගමේ  දේවාලය අරක් ගෙන  සාස්තර  කිවූ කපුවෙකු ගැනය.එකල මගේ වයස අවුරුදු 10ක්  හෝ 11 ක් පමණ වන්නට ඇත. පන්සල තිබෙන්නේ අපේ ගෙදර සිට මීටර් 100ක් පමණ දුරිනි.විශාල පන්සලක් වූ මෙහි දෙවාල  දෙකක් තිබේ.එක දේවාලයක විෂ්ණු දෙවියන්ගේ විශාල ප්‍රතිමාවක් තිබෙන අතර අනිත් දේවාලයේ  කතරගම දෙවියන්ගේ  සහ සමන් දෙවියන්ගේ ප්‍රතිමා දෙකක් තිබේ.පන්සලේ දේවාල දෙකක් තිබුනද  වැදගත්  ස්ථානයක්  එයට  කවදත්  ලැබුනේ  නැත.  එහි  කටයුතු  කිරීම  සඳහා   කපුවෙකු  සිටියේද  නැත. එබැවින් එය  බොහෝ විට  පාලු ස්වභාවයකට  පත්ව  තිබිණ.

කපුවාගේ පැමිණීම 

පන්සලේ  දේවාලය සඳහා   කපුවෙක් පැමිණ ඇති  බවත්  ඔහු  ආරුඪ වී  සාස්තර කියන බවටත්  ආරංචියක් හිටිහැටියේ ගම පුරාම පැතිර ගිය බැවින් පාසල් ගොස්  පැමිණි විගසම  මා පන්සලට  දුව  ගියෙමි. සාමාන්‍ය  උසකින් යුතු, තරමක් තරබාරු , පැහැපත් සමක් සහිත ,  වයස අවුරුදු 40 -45 අතර   පෙනුමකින් යුක්ත වූ ඔහු හිස පිටු පසින් කොණ්ඩය  බැඳ සිටියේය.

ඔහු සාස්තර  කීවේ උදේ  9 සිට  පස්වරු 1 වන තුරු පමණි. සෙනසුරාද  සහ   ඉරිදා  දිනවල මා දේවාලයට  නොවරදවාම යන්නේ  ඔහුගේ  සාස්තර  කීම්, සම්බන්ධයෙන් ම  දැඩි ඇල්මක් දැක්වූ  නිසාය. දෙවාරුඪයක් ලබාගැනීම  මගේ  එකම අපේක්ෂාව  විය.

පැයෙන් පැයට දෙවියන් මාරු වීම

ඔහු සාස්තර කිවේ එකම දෙවියෙකු ආරුඪ වී නොවේ. ඔහුට  වැහෙන  දෙවියා පැයෙන් පැයට වෙනස් වේ. විෂ්ණු දෙවියන් ආරුඪ වී පැයක් සාස්තර  කියන ඔහු  ඊ ළඟ පැයේදී   ආරුඪ වන්නේ දැඩිමුන්ඩ  දෙවියන්ය. ඊ  ලඟ   පැයේදී  කතරගම දෙවියන්ය. දවල් දොළහට  ඔහුට ආරුඪ  වන්නේ  ශිව දෙවියන්ය. අනිකුත් දෙවියන් ආරුඪ වූ විට දේවාලය   තුල  සිටගෙන  හිස දෙපැත්තට  වනමින් ශාස්තර  කියතත්   ශිව දෙවියන් ආරුඪ  වූ විට  ඔහු  හිස  කර කවන්නේ  නැත. දේවාලයෙන් පිටතට පැමිණ බිම වාඩිවෙන  ඔහු ඉන්පසු කිසියම් ස්ලෝක  කීපයක් කියා අවසන් වන විටම ශිව දෙවියන් ආරුඪ වේ. ඉන්පසු  ඔහු  කරන්නේ  ලෙඩ්ඩුන්ට  බෙහෙත් කීමය. ඔහු බෙහෙත් වට්ටෝරුව  කියන විට  එය  ලියා ගැනීමට තරුණියක් සුදානම් කරගෙන  සිටියේය. පැයක් තුලදී පැමිණ සිටින  අයට  බෙහෙත් කියන අතර  ඉන්පසු ශිව දෙවියන් ඔහුගේ  සමු  ගනී.

බෙහෙත් කීමට මෙන්ම  සාස්තර  කීමටද ඔහු මුදලක් අය  කළේය. මට මතක  හැටියට එක් අයෙකුගේ  ඔහු අය  කල මුදල රුපියලකුත් සහ දහයකි. දිනපතාම වාගේ සාස්තර ඇසීමට බොහෝ අය  පැමිණි නිසා එය ඔහුට  ලොකු ආදායමක්  ගෙන දුන් රැකියාවක් වී තිබිණ.

තරුණියන් ලං කර ගැනීම

සාස්තර  කරු නැවතී සිටියේ පන්සලේ තිබු වෙනම තැනු කාමරයකය. ඔහු පන්සලෙන් ආහාර  නොගත්තේ උම්මල  කඩවත්  කන්නේ  නැති නිසාය. ඔහුට ආහාර  පිස  දුන්නේ පන්සල අසලම තිබු  නිවසක  පදිංචි  කරුවන් විසිනි. එම නිවසේ  තරුණියක් සිටි අතර ඇයට දෙවතාරුඪයක් ලබා දීමට  කටයුතු  කරන  බව  කපු  මහතා කියා  තිබුණි.

එම  තරුණියට  අමතරව තවත් තරුණියන් දෙදෙනෙකුටද දෙවාරුඪ ලබා  දීම  සඳහා ඔහු ඔවුන්  පුහුණු  කරමින් සිටියේය. දෙවාරුඪයක් ලබා ගැනීමට මමද  කැමති  බව කපු  මහතා ට  මා කිප  වතාවක් කිව්  නමුත් ඔහු  ඒ සම්බන්ධයෙන් කිසිදු උනන්දුවක් දැක්වුයේ  නැත.

පොහොය දිනවලට ඔහු  සාස්තර කියන්නේ  නැත. ඒ  දිනවලට  ඔහු සැතපුම්  කීපයක්  ඈතින් තිබෙන නගරයට  ගොස් ආපසු එන්නේ පස් වරුවේය. 

 නගරයට ගොස්  ආපසු එන අතර තුර  ඇතැම් දිනවල  අපේ  නිවසට ගොඩවී   ටික වෙලාවක් සතුටු සාමිචීයේ  යෙදේ. මස්  මාළු අහලකටවත්   නොගන්නා , උම්මලකඩවත් මුහු  නොකොට කැම  පිසින තෝසේ  කඩයකින් දිවා ආහාරය  ගන්න  බවත් රාත්‍රියට  කෑමටද  ආහාර  පාර්සලයක්  රැගෙන එන  බවත් ඔහු කී  බව  මට  මතකය.

 එක් පොහොය දිනක නගරයට  ගොස්  ආපසු එන අතර තුර  කපු  මහතා අපේ  නිවසට  ගොඩ  වුයේ  ඔහුට අධික ජල පිපාසයක් ඇතිවීම නිසාය. ඔහු නගරයෙන් ගෙන ආ  කෑම  පාර්සලය ඉස්තෝප්පුවේ තිබු  පුටුවක් මත  තබා නිවස  තුලට විත් වතුර වීදුරු දෙකක්ම බී නිවසේ  අය සමග ටික වෙලාවක් කතා  බහක නිරත විය. ආපසු යාමට සුදානම් වී   ඔහු ගෙන ආ කෑම පාර්සලය සෙව්  නමුත් එය  අතරු දහන් වී තිබිණ. එය හදිසි යේ  අන්තර්ස්ධාන  වීම අප සැමට  මහත් විමතියක් ඇති  කරන්නක් විය. අපි කවුරුත් එකතුව නිවස අවට ඇවිද බලන විට අප නිවසේ සිටින බල්ලා  බත් පාර්සලය ඉරා ගෙන එති තිබු මාළු  කටු චර  බර  ගමින් විකමින් සිටිනු දක්නට  ලැබිණ.

කපු මහතා  අතුරු දහන් වීම

ඉන් මාස කීපයකට  පසු කපු මහතා  හිටිහැටියේ අතුරු දහන්  විය  එයට හේතු වුයේ ඔහු විසින් දෙවතාරුඪ දීම  සඳහා පුහුණු  කරමින් සිටි තරුණියන් තිදෙනා  සමග එකිනෙකට හොරෙන්  පෙම් කරන්නට   ගොස්  එය දුර දිග  ගිය  වලියක් බවට පත්වීම  නිසාය.

දෙවතාරුඪ ලැබෙන්නේ  ගැහැණු ඇසුරෙන් සහ  මස් මාළු කෑමෙන් මුළුමනින්ම වැළකී සිටින  අයට  පමණක් බව ඔහු දේවාලයේ  කටයතු  කරන  අතර තුර නිතර  නිතර කී කතාවකි.

 

 

 

 

මා දුටු 87-89 භීෂණය -4 කොටස - හමුදාව මහා රෑ නිවසට කඩා වදී

        මෙයට පෙර   ලිව තුන් වන  කොටසේ  මා විස්තර  කළේ දිනක් පාන්දර  නාවුක  හමුදා  භටයන් මගේ  නිවසට  පැමිණ  නිවස   සෝදිසි කොට  නැවතත්  මා...