Skip to main content

අපේ ලිඳ සහ ලෝක යුද්ධය .


මාසයක් හමාරක් වැස්ස  නොමැතිව සිටි අපට අද සවස  පැයකට අධික   කාලයක් ධාරානිපාත වැස්සක් වැස්ස බව මහත් ප්‍රීතියෙන් යුතුව මෙය කියවන්නට දැනුම් දී සිටීමට  කැමතියි. එත් ඔබේ  පළාතට අද වැස්සේ  නැත්තම් කරුණාකර අපට ඉර්ශ්‍යා  නොකරන්න. ඔබටත් හෙට අනිද්දා  වහින  බව අපේ කාලගුණ විදයා  දෙපර්තමෙන්තුවේ අනාවකිවලට වඩා ස්ථිරසාර ලෙස  මට කියන්නට පුළුවන්.

ඒත් කණගාටුදායක  කාරනාව    නම් මහා වැස්සක් කඩා වැටුනත් අපේ  ලිඳේ  වතුර මට්ටම අඟලකට වඩා  ඉහල ගොස්  නැති කමයි. මහා පෑවිල්ල නිසා  ලිඳෙන් 5/4ක්ම හිඳී ගොස් තිබුනේ. මන් පුංචි කාලේ නම් අපේ  ලිඳ මාස  තුන හතරක් පැව්වත් වතුර අඩු උනේ  නැහැ. ඒකට හේතුව ඔබ දන්නවා ඇති .එකල අපේ  ගමේ ඕනේ තරම් ගස් තිබුනා පමණක් නොවෙයි ගෙවල් තිබුනෙත් දුරා වාරේ දැන් අල්ලපු වත්තේම ගෙවල් පහක්.ඉස්සර තිබුනේ  එක ගෙයක් පමණයි.ගස් කැපිල්ල නිසා වැසි වතුර නවතින්නේ නැතිව ගලාගෙන යනවා මිසක් රැඳෙන්නේ  නැහැ. ගෙවල්  හැදෙන්න හැදෙන්න තියෙනවතුර ටිකට  අයිති  කාරයෝ වැඩියි.

තුන්වන ලෝක   යුද්ධය   ජලයටද?

"ජලය  යනු තෙල්ය "කියා අද කියමනක් ඇතිවී තිබෙන්නේ ජලය ඉතා වේගයෙන් හිඟ වෙමින් යන නිසායි.කිසිදු සැකයකින් තොරව අනාගතයේදී  කිසිවෙකුට  ජලය නොමිලයේ  ලැබෙන්නේ නැති බව  නම් ස්ථිරයි. තෙත් කලාපයේ ගම්වල සිටින අපට  නොමිලේ  අද  ජලය ලැබුනත් වැඩි කලක් යාමට පෙර මුදල් ගෙවා ජලය ලබා  ගැනීමට ගම්වල සිටින අයටත් සිදුවනු බව නම් ඒකාන්තයි. අද ජීවත්වන අයෙගෙන් බිලියන 1.2ක් ජල හිඟයෙන් පෙලෙන අතර එක්සත් ජාතීන්ගේ  ප්‍රකාශයකට අනුව 2025 දී ලෝකයේ ජීවත්වන අයගෙන් 3/2කට විශාල ජල අර්බුදයකට මුහුණ දීමට සිදුවෙනවා. මෙසේ සිදුවන්නේ  ජනගහනය වැඩි වීමත් , ජලය නාස්ති කිරීමත් , කර්මාන්ත ශාලා වැඩිවෙමින් තිබීම නිසා  ජලය දුෂණය වීමත් වනාන්තර කැපීම සහ ගිනි තැබීම නිසා  ජළ උල්පත් සිඳී යාමත් ගෝලීය උෂ්ණත්වය වැඩි වීම නිසා කාලගුණ වෙනස්වීම් නිසාත්ය.1900 සිට මේ වන විට  ලෝකයේ  තිබු තෙත් කලාපයන්ගෙන් 50ක් අභාවයට ගොස්  තිබීම සෙල්ලමක් නොවෙයි. මේ  උග්‍ර ජල හිඟය නිසා ලක්ෂ ගණනින් ළමුන් මහල්ලන් සහ අනෙකුත් අය  ඉදිරියේදී  මිය යනු ඇති . දැනටමත් ලෝකයේ  ළමුන් විශාල පිරිසක්  අපිරිසිඳු ජලය බීම නිසා ලෙඩ රෝග වලින් මිය යනවා. බිලියන් 2.4 ක් මිනිසුන් අපිරිසිඳු ජලය  පාවිච්චි කිරීමෙන් ඉදිරියේදී මිය යාමට නියමිතයි.මේ උග්‍ර ජල හිඟය අර්බුදයක් බවට පත්ව ඇති පසුබිමේ   ලෝකයේ බලවත් රටවල් දුබල රටවල  ජල සම්පත් අල්ලා ගැනීම සඳහා යුද්ධ කරන්නට තිබෙන ඉඩකඩ  සුළු නැහැ. ඇතැම් විටෙක තුන්වන ලෝක යුද්ධය ජලය අල්ලා ගැනීම සඳහා දියත් විය  හැකියි.

මිනිස් පරිභෝජනයට ගත හැක්කේ 1%ක් පමණයි.


Picture

ලෝකයේ  තිබෙන ජලයෙන් 97.5%ක් කරදියයි. බීමට ඉතිරිව ඇත්තේ 2.5ක් පමණයි. එයිනුත් වැඩි ප්‍රමාණයක් තිබෙන්නේ ධ්‍රැව ප්‍රදේශවලයි. අන්තිමට බීමට  නෑමට  ,සේදීමට , කෑම පිසීමට ,වගාවට  ඉතිරිවී තිබෙන්නේ 1.3%ක් විතරයි. එකත් අපි අපිරිසිඳු කරනවා  විතරක් නොවෙයි .නාස්ති කරනවා. ඉතින් එළඹෙමින් තියෙන තත්ත්වය අතිශයින්ම භයානකයි. කොටින්ම න්‍යෂ්ටික යුද්ධයකට වඩා භයානකයි.

ඒ නිසා ජාතිය,  ආගම වෙනුවෙන් සටන් කරන එක නවත්තල ඉතිරිවෙලා තියෙන වතුර  ටික ආරක්ෂා ගන්නට සටන් කරමු ද? ජාතිය  ආගම  රැකෙන්නේ  මිනිස්සු හිටියොත් විතරයි කියල මගේ නම් අදහස .























Comments

Popular posts from this blog

රණසිංහ ප්‍රේමදාස ට බියවී පැනගිය ප්‍රේමදාස උඩුගම්පොල

           The Indian Express පුවත් පතේ  ප්‍රධාන  කර්තෘවරයා වූ ෂෙකර් ගුප්ත ජවිපෙ  කැරැල්ල  උග්‍රව තිබු 1989  දිනක ප්‍රේමදාස උඩුගම්පොල  හමුවීමට මහනුවරට ගියේය. එකල ඔහු මධ්‍යම  පළාතේ නියෝජ්‍ය  පොලිස්පති වරයා විය . ඔහුගේ කාර්යාලය ෂෙකර් ගුප්තා   විස්තර  කළේ මෙසේය . ' ඔහුගේ මේසයේ  ලාච්චුවක් බාගෙට ඇර තිබිණ එහි විවිධ වර්ගයේ අත් බෝම්බ කීපයක්ද ,ජිනීවා සම්මුතියෙන් තහනම් කරන  ලද ඩම් ඩම් උණ්ඩ ද තිබිණ.(එම උණ්ඩ වැදුණු විට ශරීරයේ ඇතිවෙන තුවාලය විශාලය ) උඩුගම්පොලගේ ප්‍රියතම ආයුධයවූ බ්‍රවුනින් 38 පිස්තෝලයට එම උණ්ඩ  දැමීමට ඔහු වැඩි කැමැත්තක් දැක්වීය .ඔහුගේ දකුණු පසින් Uzi වර්ගයේ සබ්මැෂින් තුවක්කුවක් තිබිණ . ඒ අතර  ඔහුගේ පුටුව අසලින් සැහැල්ලු මැෂින් තුවක්කුවක් තිබෙනු මා දුටිමි  .එයට අමතරව ඔහුගේ  ලිපි ගොනුවකට  යටින්  කොමාන්ඩෝ පිහියක් ද විය  .'                     ( බ්‍රවුනින් 38 වර්ගයේ පිස්තෝලයක් )  "ඔබ  ඔපමණ කෘර ඇයි? " ෂෙකර් ගුප්ත උඩුගම්පොලගෙන් ඇසීය . " මම කොහොමද 1988 ජුලි 28 අමතක කරන්නේ? " උඩුගම්පොල  ඇසීය .   ෂෙකර් ට අනුව ,  එම දිනයේ   උඩුගම්පොලගේ අ

කොටි සොයා යාපනේ ගියෙමි

 "කොටි  නැගිටිනෝ ! "  "කොටි නැගිටිනෝ ! " කියමින් දකුණේ ඇතැමුන්  මොර  දීම නිසා  එය සත්‍යයක් දැයි සොයා  බැලීමටත් , ආණ්ඩුව  පිළිබඳව  යාපනේ  ජනයා දරන  මතය  කුමක්දැයි දැන  ගැනීමටත්  , යාපනයේ සිටින  මගේ  පැරණි මිතුරන්  හමුවී සතුටක්  ලැබීමටත්  යාපනය අර්ධද්වීපයේ  සහ නාගද්වීපයේ  සංචාරය  කිරීමටත් ඉකුත් අප්‍රියෙල්  14 වනදා  හැන්දෑවේ  යාපනය බලා  පිටත් වුයෙමි .  සංචාරයක් සඳහා  දකුණේ  සිට  යාපනය අර්ධද්වීපයට ගොඩබිමින්  යාමට ඔබ අපේක්ෂා  කරන්නේ  නම් ඒ සඳහා තෝරා  ගැනීමට  තිබෙන  හොඳම ප්‍රවාහන විධික්‍රමය වන්නේ දුම්රියයි . හන්දී අතපය රුදාවකින් තොරව ගමනාන්තය  තෙක්  යාමට  නම් දුම්රියේ පළමු  හෝ දෙවන  පන්තියේ  බලපත්‍රයක් ලබා  ගත  යුතුය කොළඹ  කොටුවෙ  සිට  දුම්රිය  4ක් දිනපතා  උතුර  බලා යයි. උදේ  5.45 ට අන්තර්  නගර ( intercity) දුම්රියක්ද , උදේ  6. 17 ට යාල් දෙවි දුම්රියද , පෙ.ව. 11.50 ට උත්තර දේවි අන්තර් නගර දුම්රියද රාත්‍රී 8.30 ට night mail නමින් ප්‍රසිද්ධ  රාත්‍රී තැපැල් දුම්රියද  එසේ  උතුර  බලා  යන දුම්රිය වේ . කල් ඇතිව  ආසන වෙන්කරවා  ගෙන  යන්නේ  නම් අඩ හෝරාවකට  

පිරිමි කවුරුද වරදෙ නොබැඳෙන

           සිරි ලංකාවේ  මිනිස්සු අනුන්  විවේචනය කරන්නට   ඉතා දක්ෂය.කැමතිය.  විශේෂයෙන්ම  ගැහැනුන්  විවේචනය  කිරීමට  පිරිමින්ද ,  තමන්ගේම  වර්ගයා විවේචනය  කරන්නට  ගැහැණුන්ද  ඉතා  කැමතිය. දඟකාර  කෙල්ලෙක්  හෝ  කාන්තාවක්  ගමක හෝ  නගරයක සිටී  නම් ගැහැනුන් ඇය  විවේචනය  කරන්නේ  " ඕකිට  මදන විසේ  ඔලුවට ගහල "   " ඕකිට  මිනිස්සු  ඉසේ  කෙස්  ගානට ." ආදී  ලෙස හෙලා  දකිමිනි.  පිරිමින්  එවැනි  තරුණියක් හෝ  කාන්තාවක් විවේචනය කරන්නේ " ඕකි සේල් බඩුවක් " යනාදී  ලෙස  පරිභව  කරමිනි.     විශේෂයෙන්ම  කාන්තාවන් හෙලා දැකීම  අනාදිමත්  කාලයක    සිට  පැවතෙන හෙල සිරිතක් බව තොටගමුවේ ශ්‍රී රාහුල ස්වාමින් වහන්සේ ලිව්  කාව්‍යසේකරයේ   "පිරිමිනිදු පතන  අවසර  කල රහස්  තැන  මිස  නොලැබෙන  බැවින  ගැහැණු  කවුරුද වරදේ නොබැඳෙන." යන පද  හතර  කියවූ විට සිතේ. උන්වහන්සේ    ගැහැනුන්ට එසේ    තඩි බෑවේ උන්වහන්සේ  පවුද්ගලිකව  ලැබූ අත් දැකීම්  නිසාද,   නැතහොත් එකල  සමාජයේ  ගැහැණු ඉඩක් , වෙලාවක් ,රහසිගත  තැනක් ලැබුණු සැනින් තවත්  පිරිමින් සමග රමණයේ යෙදීම  සුලබව  සිදු වී  නිසා